Xaçmaz Rayon Məhkəməsi Qərardad — İş №2(067)-1768/2021

Azərbaycan Respublikası adından QƏRARDAD Xaçmaz şəhəri İş № 2(067)-1768/2021 08.06.2021 XAÇMAZ RAYON MƏHKƏMƏSİ Hakim Xəlilov İlkin Ələkbər oğlu, Kreditor MMC-nin Borclu qarşı borcun tutulması barədə məhkəmə əmrinin çıxarılmasına dair ərizəsinə baxaraq, M Ü Ə Y Y Ə N E T D İ M : Kreditor MMC Borclu 1400 manat məbləğində əsas borcun və 20 manat dövlət rüsumunun tutulması barədə məhkəmə əmri çıxarılmasını xahiş etmişdir. Aşağıdakılara əsasən hesab edirəm ki, ərizənin qəbul edilməsindən imtina edilməlidir. Azərbaycan Respublikasının Mülki Prosessual Məcəlləsinin 276.2.2-ci maddəsinə əsasən tələb sadə yazılı formada bağlanmış əqdə (lisenziyalaşdırılan telekommunikasiya xidmətlərinin göstərilməsi ilə bağlı müqavilələr, kredit təşkilatları ilə bağlanmış kredit müqavilələri və məişətdə istehlak edilmiş təbii qaz, su, elektrik və ya istilik enerjisinin haqqının ödənilməsi barədə tələblər istisna olmaqla) əsaslandığı halda məhkəmə əmri verilə bilər. Ərizəni araşdıraraq müəyyən etdim ki, ərizə tərəflər arasında bağlanmış 27 noyabr 2019-cu il tarixli borc müqaviləsinə əsaslanır və kredit borcunun tutulması barədə verilmişdir. Kredit təşkilatları ilə bağlanmış kredit müqavilələrinə dair məhkəmə əmrinin çıxarılması Azərbaycan Respublikasının Mülki Prosessual Məcəlləsinin 276-cı maddəsində nəzərdə tutulmamışdır. Qeyd edilənlərlə yanaşı Azərbaycan Respublikasının Mülki Prosessual Məcəlləsinin 276.1-ci maddəsinə əsasən kreditorun tələbi aşkardırsa və ya həmin tələb borclunun barəsində mübahisə edilməyən vəzifəsinə əsaslanırsa, bu hallarda məhkəmə əmri verilə bilər. Lakin, ərizəyə əlavə edilmiş sənədlərdən borclu tərəfindən hansı məbləğdə ödənişlər edildiyini (həmin ödənişləri təsdiq edən sənədlər) və onun kreditora hansı məbləğdə borcunun qaldığını müəyyən etmək mümkün deyil. Başqa sözlə, tələb borclunun barəsində mübahisə edilməyən vəzifəsinə əsaslanmır. Azərbaycan Respublikasının Mülki Prosessual Məcəlləsinin 279.2.1-ci maddəsinə əsasən verilmiş tələb bu Məcəllənin 276-cı maddəsi ilə nəzərdə tutulmamışdırsa, məhkəmə ərizənin qəbul edilməsindən imtina edir. Həmin Məcəllənin 279.3-cü maddəsinə əsasən ərizə məhkəməyə daxil olduğu gündən 3 gün müddətində məhkəmə ərizənin qəbul edilməsindən imtina haqqında qərardad çıxarır. Bu qərardaddan şikayət verilə bilməz. Həmin Məcəllənin 279.4-cü maddəsinə əsasən məhkəmə əmrinin verilməsi haqqında ərizənin qəbul edilməsindən imtina olunması kreditorun həmin tələb üzrə iddia icraatı qaydasında iddia verməsinə mane olmur. Bu halda kreditor tərəfindən ödənilmiş dövlət rüsumu ödənilməli olan dövlət rüsumuna hesablanır. Qeyd olunanlara əsasən və Azərbaycan Respublikasının Mülki Prosessual Məcəlləsinin 276-279-cu maddələrini rəhbər tutaraq, Q Ə R A R A A L D İ M : Kreditor MMC-nin Borclu qarşı borcun tutulması barədə məhkəmə əmrinin çıxarılmasına dair ərizəsinin icraata qəbul edilməsindən imtina olunsun. Ərizəçiyə ümumi qaydada iddia ərizəsi ilə məhkəməyə müraciət etmək hüququ izah edilsin. Qərardaddan şikayət verilə bilməz. Sədrlik edən : İlkin Xəlilov.