Xaçmaz Rayon Məhkəməsi Qərardad — İş №2(067)-2030/2021

Azərbaycan Respublikası adından QƏRARDAD Xaçmaz şəhəri İş № 2(067)-2030/2021 16.07.2021 XAÇMAZ RAYON MƏHKƏMƏSİ Hakim Xəlilov İlkin Ələkbər oğlu, İddiaçı Cavabdeh oğluna qarşı sabit pul məbləğində alimentin tutulması tələbinə dair iddia ərizələrinin mümkünlüyünə baxaraq, M Ü Ə Y Y Ə N E T D İ M : İddiaçı Cavabdeh oğluna qarşı sabit pul məbləğində alimentin tutulması tələbinə dair iddia ərizəsi ilə məhkəməyə müraciət etmişlər. Məhkəmə iş materiallarını araşdırıb, hesab edir ki, ərizə məhkəmə qaydasında baxılmalı olmadığındandan, iddianın yolverilməzliyinə görə iddia ərizəsinin icraata qəbul edilməsindən imtina edilməlidir. Belə ki, iş materiallarından müəyyən olunur ki, iddiaçının cavabdehə qarşı eyni tələbi üzrə Xaçmaz Rayon Məhkəməsinin 12 may 2016-cı il tarixli, 2(067)-2839/2016 saylı qətnaməsi vardır. Azərbaycan Respublikası MPM-in 153.2.2-ci maddəsinə əsasən eyni tərəflər arasında, eyni predmet barəsində və eyni əsaslar üzrə mübahisəyə dair məhkəmənin qanuni qüvvəyə minmiş qətnaməsi və ya iddiaçının iddiadan imtina etməsi ilə əlaqədar iş üzrə icraata xitam edilməsi və ya tərəflərin barışıq sazişinin təsdiq edilməsi haqqında məhkəmənin qərardadı olarsa hakim iddianın yolverilməzliyinə görə iddia ərizəsini icraata qəbul etməkdən imtina edir. Yuxarıda göstərilənlərə əsasən hesab edirəm ki, iddia ərizəsinin icraata qəbul edilməsindən imtina edilməlidir. Bununla yanaşı iddiaçıya Xaçmaz Rayon Məhkəməsinin 12 may 2016-cı il tarixli, 2(067)-2839/2016 saylı qətnaməsi ilə müəyyən olunmuş alimentin miqdarının artırılmasına dair iddia ərizəsi ilə məhkəməyə müraciət etmək hüququnun olması izah edilməlidir. Qeyd olunanlara əsasən və Azərbaycan Respublikasının Mülki Prosessual Məcəlləsinin 153, 267-268-ci maddələrini rəhbər tutaraq, Q Ə R A R A A L D İ M : İddiaçı Cavabdeh oğluna qarşı sabit pul məbləğində alimentin tutulması tələbinə dair iddia ərizəsinin icraata qəbul edilməsindən imtina edilsin. İddiaçıya Xaçmaz Rayon Məhkəməsinin 12 may 2016-cı il tarixli, 2(067)-2839/2016 saylı qətnaməsi ilə müəyyən olunmuş alimentin miqdarının artırılmasına dair iddia ərizəsi ilə məhkəməyə müraciət etmək hüququnun olması izah edilsin. Qərardaddan 10 gün müddətində Xaçmaz Rayon Məhkəməsinə şikayət verilə bilər. Sədrlik edən : İlkin Xəlilov.