Xaçmaz Rayon Məhkəməsi Qətnamə — İş №2(067)-68/2021

Azərbaycan Respublikası adından QƏTNAMƏ Xaçmaz şəhəri İş № 2(067)-68/2021 11.02.2021 XAÇMAZ RAYON MƏHKƏMƏSİ Hakim Sadıqov Anar Böyükkişi oğlunun sədrliyi Məhkəmə iclas katibi Həsənli Rövşən Xudat oğlunun katibliyi, İddiaçı, Cavabdeh iştirakı ilə İddiaçı Cavabdeh qarşı atalığın mübahisələndirilməsi tələbinə dair iddia ərizəsi üzrə mülki işə xx xxxxxx 2021-ci il tarixdə Xaçmaz şəhərində açıq məhkəmə iclasında baxaraq müəyyən etdi İddiaçı məhkəmədə iddia qaldıraraq xx.xx.2019-cu il təvəllüdlü Muradın mənşəyinin müəyyən edilməsi barəsində qətnamə çıxarılmasını xahiş etmişdir. İddianı onunla əsaslandırmışdır ki, cavabdehlə bir müddət qeyri rəsmi ər-arvad kimi yaşamışlar və sonradan ayrılmılşlar. Ondan ayrıldıqdan sonra Aytacın kiminlə münasibətinin olması ona məlum deyildir. xx.xx.2019-cu il tarixdə Aytacın Murad adlı oğlu olmuş və ona bildirmişdir ki, uşağın atası odur. O da heç nə demədən və şübhələnmədən uşağa atalıq vermiş və uşağın doğum haqqında şəhadətnaməsində uşağın soyadı onun soyadına uyğun olaraq göstərilmiş və atası kimi o yazılmışdır. Hazırda bilmişdir ki, uşağın atası o deyildir. Cavabdeh özü ona etiraf etmişdir ki, münasibətləri kəsildikdən sonra başqası ilə yaşamış və uşağın ona heç bir aidiyyəti yoxdur. Məhkəmə iclasında iddiaçı iddianı müdafiə edərək iddianın təmin edilməsini xahiş etmişdir. Məhkəmə iclasında cavabdeh iddianı qəbul edərək göstərmişdir ki, uşağın atası Xaqani deyildir, ona görə də iddianın təmin olunmasına etiraz etmir. Əlavə olaraq bildirmişdir ki, hazırki iddia üzrə ekspertizaya getməyəcək. Atası onun ekespertizaya getməsinə qəti razı deyil və biyabır olmaq istəmir. Məhkəmə tərəflərin izahatlarını dinləyib iş materiallarını araşdıraraq hesab edir ki, ərizə təmin olunmamalıdır. Belə ki, iş materiallarından olan doğum haqqında şəhadətnamənin surətindən müəyyən olunur ki, X2 xx.xx.2019-cu ildə doğulmuşdur və atası qrafasında İddiaçı, anası qrafasında Cavabdeh qeyd edilmişdir. İş materiallarında olan Azərbaycan Respublikası Səhiyyə Nazirliyi «Məhkəmə-Tibbi ekspertiza və X1” X4 xx.xx.2020-ci il tarixli 9/1269 nömrəli məktubundan müəyyən olunur ki, ekspertizanın keçirilməsi üçün təyin olunmuş gün tərəflər şöbəyə gəlməmiş və bu səbəbdən ekspertizanın keçirilməsi mümkün olmamışdır. Azərbaycan Respublikası Mülki Prosessual Məcəlləsinin 14.3-cü maddəsinə əsasən məhkəmə yalnız tərəflərin təqdim etdikləri subutları araşdırmalı və istifadə etməlidir. Azərbaycan Respublikası Mülki Prosessual Məcəlləsinin 217.4-cü maddəsinə əsasən məhkəmə (hakim) öz qətnaməsini yalnız məhkəmə iclasında tədqiq olunmuş subutlarla əsaslandırır. Azərbaycan Respublikasının Ailə Məcəlləsinin 47.1-ci maddəsinə əsasən bu Məcəllənin 46.1-ci və 46.2-ci maddələrinə uyğun olaraq doğum haqqında şəhadətnamədə valideynlər barədə qeyd haqqında mübahisə yalnız məhkəmə yolu ilə, uşağın valideyni qismində yazılmış şəxsin və ya onun həqiqi valideyninin, habelə uşaq yetkinlik yaşına çatandan sonra onun özünün və ya uşağın qəyyumunun, eləcə də məhkəmə tərəfindən fəaliyyət qabiliyyəti olmayan hesab edilən valideynin qəyyumunun tələbi ilə açıla bilər. Azərbaycan Respublikasının Ailə Məcəlləsinin 47.2-ci maddəsinə əsasən bu Məcəllənin 46.2-ci maddəsinə əsasən uşağın atası kimi yazılmış şəxs qeydlər zamanı özünün uşağın həqiqi valideyni olmadığını bilirdisə, onun atalığa dair mübahisə açma haqqında tələbi təmin oluna bilməz. Beləliklə, işin yuxarıda sadalanan faktiki hallarından görünür ki, iddia tələbi əsassızdır. Yuxarıda göstərilənlərə əsasən məhkəmə hesab edir ki, iddia təmin edilməməlidir. Qeyd olunanlara əsasən və Azərbaycan Respublikasının Mülki Prosessual Məcəlləsinin 216-220 və 360-cı maddələrini rəhbər tutaraq məhkəmə qət etdi İddiaçı Cavabdeh qarşı atalığın mübahisələndirilməsi tələbinə dair iddia ərizəsi təmin edilməsin. İş üzrə ödənilmiş dövlət rüsumu iddiaçıya aid edilsin. Qətnamədən rəsmi qaydada verildiyi gündən 1 ay müddətində Xaçmaz rayon məhkəməsi vasitəsi ilə Sumqayıt Apellyasiya Məhkəməsinin Mülki İşlər üzrə Kollegiyasına apellyasiya şikayəti verilə bilər. Hakim Anar Sadıqov