Şəmkir Rayon Məhkəməsi Qərardad — İş №2(076)-2231/2023

Azərbaycan Respublikası adından QƏRARDAD Şəmkir rayon İş № 2(076)-2231/2023 16.06.2023 ŞƏMKİR RAYON MƏHKƏMƏSİ Hakim Məhəmmədi Həvayət Kəmaləddin qızı, İddiaçı Cavabdeh Hüseyin oğluna qarşı «alimentin sabit pul məbləğində tutulması» tələbinə dair iddia ərizəsinin məhkəmənin icraatına qəbul edilməsinin mümkünlüyünə baxaraq, müəyyənetdi: İddiaçı Cavabdeh Hüseyin oğluna qarşı «alimentin sabit pul məbləğində tutulması» tələbinə dair iddia ərizəsi ilə məhkəməyə müraciət etmişdir. Məhkəmə hesab edir ki, iddia ərizəsinin qanunla müəyyən olunmuş məzmununa riayət edilmədiyindən, iddia ərizəsi və ona əlavə edilmiş sənədlər geri qaytarılmalıdır. İddia ərizəsinin məzmunundan görünür ki, iddiaçı Yaman X1 Respublikasının vətəndaşıdır və onun Azərbaycan Respublikasında yaşayış yeri, olduğu yer və ya adətən gəldiyi yerin olubolmamasını iş materiallarına əlavə edilmiş sənədlərdən müəyyən etmək mümkün deyil. Belə ki, Azərbaycan Respublikası Mülki Prosessual Məcəlləsinin 440.1-ci maddəsinə əsasən Azərbaycan Respublikasının məhkəmələri mülki və kommersiya mübahisələri üzrə beynəlxalq səlahiyyətə bu şərtlə malikdirlər ki, işdə iştirak edən şəxslərdən hər hansı biri xarici şəxs olsun, onun Azərbaycan Respublikasında yaşayış yeri, olduğu yer və adətən gəldiyi yer olsun. Həmin Məcəllənin 36.1-ci maddəsinə əsasən Yaşayış yeri məlum olmayan, yaxud Azərbaycan Respublikasında yaşayış yeri olmayan cavabdehə iddia onun əmlakının olduğu yerə görə və ya məlum olan axırıncı yaşayış yerinə görə verilə bilər. Qeyd edilən prosessual qanunvericilik normalarına əsaslanaraq məhkəmə hesab edir ki, iddiaçı xarici şəxs hesab edildiyindən, onun hazırki iddia ərizəsinə Azərbaycan Respublikasının məhkəmələri tərəfindən baxıla bilməsi üçün o, Azərbaycan Respublikası ərazisində yaşayış yerinə malik olmalı və bu barədə sənəd iddia ərizəsinə əlavə edilməlidir. İddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur (MPM 152.4-cü maddə). Göstərilənlərə əsaslanaraq və Mülki-Prosessual Məcəllənin 152, 263 və 264-cü maddələrini rəhbər tutaraq, məhkəmə q ə r a r a a l d ı: İddiaçı Cavabdeh Hüseyin oğluna qarşı «alimentin sabit pul məbləğində tutulması» tələbinə dair iddia ərizəsi ona əlavə edilmiş sənədlərlə birlikdə geri qaytarılsın. Qərardaddan rəsmi qaydada verildikdən sonra 10 (on) gün müddətində Şəmkir Rayon Məhkəməsinə şikayət verilə bilər. Hakim: Həvayət Məhəmmədi