Naxçıvan MR Naxçıvan Şəhər Məhkəməsi Qərardad — İş №2(078)-274/2023

Azərbaycan Respublikası adından QƏRARDAD Naxçıvan şəhəri İş № 2(078)-274/2023 30.01.2023 NAXÇIVAN MR NAXÇIVAN ŞƏHƏR MƏHKƏMƏSİ Mən, Naxçıvan Şəhər Məhkəməsinin hakimi Məmmədov Qabil Neymət oğlu, İddiaçı Naxçıvan MR Dövlət Sığorta Xidməti publik hüquqi şəxsinə qarşı təbii fəlakət nəticəsində dəymiş ziyana görə sığorta ödənilməsi tələbi barədə ərizəsini və ona əlavə edilmiş sənədləri nəzərdən keçirərək m ü ə y y ə n e t d i m: Seyidov X1 Qoşqar Arzu oğluna qarşı ərizə ilə məhkəməyə müraciət edərək, 2022ci ilin aprel ayında göycə ağaclarına şaxta vurma hadisəsi nəticəsində dəymiş zərərin əvəzinin Şərur rayon Sığorta idarəsi ilə aralarındakı kənd təsərrüfatı məhsullarının sığortalanması barədə sığorta şəhadətnaməsinə əsasən 2100 (iki min yüz) manat məbləğində pulun Naxçıvan MR Dövlət Sığorta Xidməti publik hüquqi şəxsi tərəfindən ona ödənilməsi barədə qətnamə çıxarılmasını xahiş etmişdir. Ərizəni və ona əlavə olunmuş sənədləri nəzərdən keçirib müəyyən etdim ki, ərizə Azərbaycan Respublikası Mülki-Prosessual Məcəlləsinin 149-cu maddəsinin tələblərinə riayət edilmədən verilmişdir. Belə ki, Seyidov X1 Qoşqar Arzu oğluna qarşı iddia qaldırmaq üçün iddia ərizəsi ilə məhkəməyə müraciət etməli olduğu halda, ərizə ilə müraciət etmişdir. Ona görə də, ərizə və ona əlavə edilmiş sənədlər geri qaytarılmalıdır. Azərbaycan Respublikası Mülki-Prosessual Məcəlləsinin: 3.1-ci maddəsinə əsasən, məhkəmə icraatı işə baxılan, ayrı-ayrı prosessual hərəkətlər həyata keçirilən və yaxud məhkəmə aktı icra edilən zaman qüvvədə olan mülki prosessual qanuna əsasən aparılır. 151.1-ci maddəsinə görə, iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. 152.1 və 152.1.1-ci maddələrinə müvafiq olaraq, iddia ərizəsinin bu Məcəllənin 149cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə, hakim iddia ərizəsini və ona əlavə edilmiş sənədləri geri qaytarır. Ərizə qaytarıldığına görə, İddiaçı tərəfindən "xxxx" ASC-nin Şərur filialı vasitəsilə 01 oktyabr 2022-ci il tarixli, 22750 nömrəli qəbzlə ödənilmiş 41 (qırx bir) manat məbləğində dövlət rüsumu qaytarılmalıdır. Çünki Azərbaycan Respublikası Mülki-Prosessual Məcəlləsinin 114.1 və 114.1.3-cü maddələrinə əsasən, bu Məcəllə ilə nəzərdə tutulmuş əsaslarla ərizə geri qaytarılarsa, ödənilmiş dövlət rüsumu qaytarılır. İddiaçı izah olunmalıdır ki, Azərbaycan Respublikası Mülki-Prosessual Məcəlləsinin 152.4-cü maddəsinin tələbinə əsasən ərizənin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qeyd olunanlara əsasən və Azərbaycan Respublikası Mülki-Prosessual Məcəlləsinin 152.2,152.3, 263, 264, 267 və 268-ci maddələrini rəhbər tutaraq qəraraaldım: İddiaçı Naxçıvan MR Dövlət Sığorta Xidməti publik hüquqi şəxsinə qarşı təbii fəlakət nəticəsində dəymiş ziyana görə sığorta ödənilməsi tələbinə dair ərizəsi və ona əlavə edilmiş sənədlər geri qaytarılsın. İddiaçı tərəfindən "xxxx" ASC-nin Şərur filialı vasitəsilə 01 oktyabr 2022-ci il tarixli, 22750 nömrəli qəbzlə ödənilmiş 41 (qırx bir) manat məbləğində dövlət rüsumu qaytarılsın. İddiaçı izah olunsun ki, ərizənin qaytarılmasına səbəb olmuş nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət edə bilər. Qərardaddan, o tərəfə rəsmi qaydada verildikdən sonra 10 gün müddətində Naxçıvan Şəhər Məhkəməsinə şikayət verilə bilər. Hakim Qabil Məmmədov.