Naxçıvan MR Ordubad Rayon Məhkəməsi Məhkəmə əmri — İş №2(080)-155/2021

Azərbaycan Respublikası adından MƏHKƏMƏ ƏMRİ Ordubad şəhəri İş № 2(080)-155/2021 18.08.2021 NAXÇIVAN MR ORDUBAD RAYON MƏHKƏMƏSİ Mən, Ordubad Rayon Məhkəməsinin hakimi Haqverdiyev Tural Ziyat oğlu ünvan 1 ünvanında yerləşən Kreditor MMC-nin borclu Ordubad Rayon Xanağa kəndində qeydiyyatda olan Borclu qarşı əsas borcun və ödənilmiş dövlət rüsumunun tutulması haqqında məhkəmə əmrinin verilməsinə dair ərizəni və ərizəyə əlavə olunmuş sənədləri nəzərdən keçirərək, müəyyən etdim : Kreditor MMC məhkəməyə ərizə ilə müraciət etmiş, Borclu 130 manat əsas və 20 manat ödənilmiş dövlət rusumu, cəmi 150 manat pulun alınaraq "xxxx" MMC-nin hesabına ödənilməsi barədə məhkəmə əmri çıxarılmasını xahiş etmişdir. Kreditor ərizəsini onunla əsaslandırmışdır ki, borclu Borclu ilə Kreditor MMC-nin arasında 25 mart 2019-cu il tarixli, HAK473492 saylı müqavilə üzrə 444 manat dəyərində məişət avadanlığı almış, borclu ödənişlər etdikdən sonra borclunun müqavilə üzrə ödənişlər etdikdən 130 manat borcu qalmışdır.Odur ki, borcludan 130 manat əsas borcun və 20 manat məbləğində ödənilmiş dövlət rüsumunun cəmi 150 manat məbləğində pul vəsaitinin alınaraq Kreditor MMC-yə ödənilməsi barədə məhkəmə əmrinin çıxarılmasını xahiş etmişdir. Lakin Borclu üzərinə götürdüyü öhdəliyi yerinə yetirməmiş, nəticədə kreditora 25 mart 2019-cu il tarixli, HAK473492 saylı müqavilə üzrə 130 manat əsas və 20 manat ödənilmiş dövlət rusumu üzrə, cəmi 150 manat borcu yaranmışdır. İş materiallarında olan 25 mart 2019-cu il tarixli, HAK473492 saylı müqavilədən görünür ki, Kreditor MMC-i ilə Borclu arasında müqavilə bağlanmış, A. Cəfərova kreditordan müqaviləyə uyğun olaraq məişət avadanlığı almış, ilkin ödəniş etdikdən sonra qalan məbləği müqavilələr üzrə ödəməyi öhdəsinə götürmüşdür. İş materiallarında olan 15 aprel 2021-ci il tarixli, 1797 nömrəli maliyyə arayışından görünür ki, Borclu Kreditor MMC-nə 25.03.2019-cu il tarixli, HAK473492 saylı müqavilə üzrə 130 AZN əsas borcu vardır. Azərbaycan Respublikası Mülki Məcəlləsinin 385.1-ci maddəsinə əsasən borclu kreditorun xeyrinə müəyyən hərəkəti etməlidir, məsələn pul ödəməli, əmlak verməli, iş görməli, digər xidmətlər göstərməli və ya müəyyən hərəkətdən çəkinməlidir, kreditor isə borcludan vəzifəsini icrasını tələb etmək hüququ vardır. Azərbaycan Respublikasının Mülki Məcəlləsinin 443.1-ci maddəsinə əsasən öhdəliyi icra etməyən borclu kreditora dəymiş zərərin əvəzini ödəməyə borcludur. Azərbaycan Respublikasının Mülki Məcəllənin 445.2.1-ci maddəsinə əsasən öhdəliyin onun icrası üçün müəyyənləşdirmiş müddətdə icra edilməsi borclunun icranı gecikdirməsi sayılır. Azərbaycan Respublikası Mülki Məcəlləsinin 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir Azərbaycan Respublikasının Mülki Prosessual Məcəlləsinin 276.1-ci maddəsinə əsasən kreditorun tələbi aşkardırsa və ya həmin tələb borclunun mübahisə edilməyən vəzifəsinə əsaslanırsa bu hallarda məhkəmə əmri verilə bilər. Azərbaycan Respublikasının Mülki Prosessual Məcəlləsinin 276.2.2-ci maddəsinə əsasən tələb sadə yazılı formada bağlanmış əqdə əsaslanırsa məhkəmə əmri verilə bilər. Azərbaycan Respublikasının Mülki Prosessual Məcəlləsinin 280-cı maddəsinə əsasən məhkəmə əmri irəli sürülmüş tələb məhkəməyə daxil olan gündən 3 gün ərzində, məhkəmə baxışı keçirilmədən və izahatları dinləmək üçün tərəflər çağırılmadan çıxarılır. Ərizəyə əlavə olunmuş sənədlərlə Kreditor MMC-in tələbinin aşkar olduğu, tələbin sadə yazılı formada bağlanmış əqdə və borclunun mübahisə edilməyən vəzifəsinə əsaslandığı təsdiq olunur. Buna görə də həmin tələb üzrə məhkəmə əmri verilməsini mümkün hesab edirəm. Kreditorun ərizəsi təmin olunduğu üçün Azərbaycan Respublikasının Mülki Prosessual Məcəlləsinin 119.1-ci maddəsinə əsasən ərizə üzrə ödənilmiş 20 manat dövlət rüsumu borcludan tələbkarın xeyrinə tutulmalıdır. Yuxarıda göstərilənləri nəzərə alaraq və Azərbaycan Respublikası MPM-in 275, 276, 280-281-ci maddələrini rəhbər tutaraq , əmr etdim : 12 avqust 1975-ci ildə Ordubad rayonunda doğulmuş və Naxçıvan MR Ordubad rayonu, Xanağa kəndində qeydiyyatda olan Borclu 130 manat əsas borcun və 20 manat məbləğində ödənilmiş dövlət rüsumunun, cəmi 150 manat məbləğində pul vəsaiti alınaraq Kreditor MMC-nin hesabına (Azərbaycan Beynəlxalq Bankı Nəsimi filialı, m/h: AZ03NABZ********************, H/h: AZ53İBAZ**********97********) ödənilsin. Borclu məhkəmə əmrini aldığı gündən 10 gün ərzində verilmiş tələbə və ya onun hissəsinə qarşı əmri vermiş məhkəməni yazılı xəbərdar etməklə etiraz edə bilər. Məhkəmə əmri qətnamə qüvvəsinə malikdir. Məhkəmə əmrindən şikayət verilə bilməz. Sədr: Tural Haqverdiyev