Ali Məhkəmə Qərar — İş №2(102)-896/2022

Azərbaycan Respublikası adından QƏRAR Bakı şəhəri İş № 2(102)-896/2022 08.02.2022 ALİ MƏHKƏMƏ Azərbaycan Respublikası adından Azərbaycan Respublikası Ali Məhkəməsi Mülki kollegiyasının İddiaçı cavabdeh "xxxx" ASC-yə qarşı iş üzrə QƏRARİ (Açar sözlər: kasasiya baxışından çıxarma) Azərbaycan Respublikası Ali Məhkəməsinin Mülki kollegiyasının hakimləri Əhmədova Mehparə Tofiq qızı (sədrlik edən və məruzəçi), Əliyev Ələsgər Əliabbas oğlu və Xəlilov İsmayıl Kamil oğlundan ibarət tərkibdə, Bakı Apellyasiya Məhkəməsi Mülki Kollegiyasının 2(103)-8845/2021 nömrəli iş üzrə 05 oktyabr 2021-ci il tarixli qətnaməsindən İddiaçı tərəfindən verilmiş kasasiya şikayəti üzrə işə 07 fevral 2022-ci il tarixdə Ali Məhkəmənin binasında yazılı icraat qaydasında baxaraq, aşağıdakıları müəyyən etdi: MÜƏYYƏN E TDİ: İddiaçı cavabdeh "xxxx" ASC-yə qarşı “sığorta ödənişinin verilməsi” tələbinə dair iddia ərizəsi ilə məhkəməyə müraciət edərək, 20.12.2018-ci il tarixli, 419-LD/18 saylı lizinq müqaviləsinə əsasən ona lizinqə verilmiş damazlıq heyvanlardan tələf olmuş 1 başı üçün cəmi 2400 manat sığorta ödənişinin və ödənilmiş 30 manat dövlət rüsumunun cavabdeh "xxxx" ASC-dən tutularaq ona ödənilməsi barədə qətnamə qəbul edilməsini xahiş etmişdir. Bakı şəhəri Nəsimi Rayon Məhkəməsinin (bundan sonra – birinci instansiya məhkəməsi) 21 iyun 2021-ci il tarixli 2(006)-2645/2021 nömrəli qətnaməsi ilə (hakim Rəşid Səmədov) iddia təmin edilməmişdir. Qətnamədən narazı qalan iddiaçı apelyasiya şikayəti vermiş, Bakı Apelyasiya Məhkəməsi Mülki kollegiyasının (hakimlər – Qürbət Əsgərov - sədrlik edən və məruzəçi, A zad İmanov, Vahid Sadıqov) 05.10.2021-ci il tarixli, 2(103)-8845/2021 saylı qətnaməsi ilə apelyasiya şikayəti təmin edilməyərək, Bakı şəhəri Nəsimi Rayon Məhkəməsinin 21 iyun 2021-ci il tarixli 2(006)-2645/2021 nömrəli qətnaməsinin dəyişdirilmədən saxlanması qət edilmişdir. İddiaçı Bakı Apellyasiya Məhkəməsi Mülki Kollegiyasının 05.10.2021-ci il tarixli, 2(103)-8845/2021 nömrəli qətnaməsindən kasasiya şikayəti vermişdir. Azərbaycan Respublikası Ali Məhkəməsinin (hakim M.Əhmədova) 10.01.2022-ci il tarixli, 2(102)-896/2022 saylı qərardadı ilə kasasiya şikayəti icraata qəbul edilərək, işə yazılı icraat qaydasında baxılması qərara alınmışdır. Məhkəmə kollegiyası hesab edir ki, aşağıda göstərilənlərə əsasən, İddiaçı tərəfindən verilmiş kasasiya şikayəti kasasiya baxışından çıxarılmaqla apelyasi ya məhkəməsinə göndərilməlidir. Belə ki, Azərbaycan Respublikası Mülki Prosessual Məcəlləsinə 09 iyul 2021-ci il tarixli Qanunla dəyişiklik edilmiş, həmin dəyişikliyə uyğun olaraq Mülki Prosessual Məcəlləsinin 402.1-ci maddəsinə əsasən, mülki işlər üzrə qəbul edilmiş qətnamənin mübahisələndirilən hissəsində iddianın qiyməti beş min manatdan, kommersiya mübahisələrinə dair işlər üzrə isə müvafiq olaraq on min manatdan az olan əmlak xarakterli iddialar üzrə qətnamələr istisna olmaqla, apelyasiya məhkəmələrinin mülki və kommersiya kollegiyalarının və Naxçıvan Muxtar Respublikası Ali Məhkəməsinin mülki və kommersiya kollegiyalarının qətnamələrindən kasasiya şikayəti verilə bilər. İddiaçı tərəfindən verilmiş kasasiya şikayəti 2021-ci ilin noyabr ayında tərtib edilmiş və apelyasiya məhkəməsinə ü nvanlanmışdır. İşə baxmış apelyasiya kollegiyası isə MPMnin 402-ci maddəsinin tələblərini nəzərə almadan (qətnamənin mübahisələndirilən hissəsində iddianın qiyməti beş min manatdan azdır) kasasiya şikayətini baxılması üçün Ali Məhkəməyə göndərmişdir. Azərbaycan Respublikası Mülki Prosessual Məcəlləsinin 408.1.1. kasasiya şikayəti bu Məcəllənin 402-ci və 407.1-ci maddələrinin tələblərinə cavab vermirsə, imzalanmamışsa, yaxud onu imzalamağa hüququ olmayan və ya vəzifəsi göstərilməyən şəxs tərəfindən imzalanmışsa, habelə kasasiya şikayəti vermək hüququ olmayan şəxs tərəfindən verilmişdirsə kasasiya şikayəti apelyasiya instansiyası məhkəməsi tərəfindən qaytarılır. Hazırda iddiaçıların kasasiya şikayəti Mülki Prosessual Məcəlləyə zidd olaraq icraata qəbul edilmiş hesab edilməli, Azərbaycan Resp ublikası Ali Məhkəməsinin 28.12.2021-ci il tarixli “işin icraata qəbul edilməsi” barədə qərardadı ləğv edilməli və iddiaçılar tərəfindən birgə verilmiş kasasiya şikayəti kasasiya baxışından çıxarılaraq Bakı Apellyasiya Məhkəməsinə qaytarılmalıdır. Azərbaycan Respublikası MPM-nin 417.1.7-ci maddəsinə əsasən, kasasiya şikayətinin bu Məcəllənin tələblərinə zidd olaraq icraata qəbul olunması müəyyən edilərsə, icraata qəbul qərardadını ləğv edərək işi kasasiya baxışından çıxarmaqla apelyasiya instansiyası məhkəməsinə qaytara bilər. Odur ki, məhkəmə kollegiyası hesab edir ki, Azərbaycan Respublikası Ali Məhkəməsinin 10.01.2022-ci il tarixli “işin icraata qəbul edilməsi” barədə qərardadı ləğv edilməli və iddiaçının vermiş olduğu kasasiya şikayəti kasasiya baxışından çıxarılaraq Bakı Apellyasiya Məhkəməsinə qaytarılmalıdır. Göstərilənlərə əsasən və Azərbaycan Respublikası MPM-in 263-264, 404-409, 417ci maddələrini rəhbər tutaraq, məhkəmə kollegiyası QƏRARA ALDİ: Azərbaycan Respublikası Ali Məhkəməsinin 10.01.2022-ci il tarixli “işin icraata qəbul edilməsi” barədə qərardadı ləğv edilsin və iddiaçı tərəfindən verilmiş kasasiya şikayəti kasasiya baxışından çıxarılaraq Bakı Apellyasiya Məhkəməsinə qaytarılsın. Qərar qəbul edildiyi andan qanuni qüvvəyə minir.