Naxçıvan MR Şərur Rayon Məhkəməsi Qərardad — İş №2(110)-432/2021

Azərbaycan Respublikası adından QƏRARDAD Şərur şəhəri İş № 2(110)-432/2021 27.05.2021 NAXÇIVAN MR ŞƏRUR RAYON MƏHKƏMƏSİ Mən, Şərur Rayon Məhkəməsinin hakimi Əliyev Mehdi Ədalət oğlu Kreditor Borclu qarşı borc tutulması barədə məhkəmə əmrinin verilməsinə dair ərizəsinə və ərizəyə əlavə edilmiş sənədlərə baxaraq, müəyyən etdim : Kreditor nümayəndəsi ərizə ilə Şərur Rayon Məhkəməsinə müraciət edərək xx.xx.1994-cü ildə Şərur Rayon Çərçiboğan kəndində anadan olmuş və Şərur Rayon Çərçiboğan kəndində yaşayan Borclu 16.04.2018-ci il tarixli müqavilə üzrə 996 manat borcun və 20 manat dövlət rüsumu olmaqla 1016 manat məbləğində pulun tutularaq tələbkara ödənilməsi barədə məhkəmə əmri çıxarılmasını xahiş etmişdir. İş üzrə sənədləri nəzərdən keçirib müəyyən etdim ki, ərizə Azərbaycan Respublikasının Mülki-Prosessual Məcəlləsinin tələblərinə əməl olunmadan verilmişdir. Belə ki, Azərbaycan Respublikası Mülki Prosessual Məcəlləsinin (bundan sonra MPM) 279.2.2-ci maddəsində qeyd edilmişdir ki, verilmiş tələbi təsdiq edən sənədlər təqdim olunmamışdırsa, bu məhkəmə əmrinin verilməsi haqqında ərizənin qəbulundan imtina üçün əsasdır. İş materiallarında olan, tərəflər arasında bağlanmış müqavilənin 2.1-ci maddəsində göstərilən əşyanın təhvil verilməsinə dair sənədlər iş materillarına əlavə edilməmişdir. Məhkəmə onu da qeyd etməyi zəruri hesab edir ki, MPM-in 279.4-cü maddəsinə müvafiq olaraq, məhkəmə əmrinin verilməsi haqqında ərizənin qəbul edilməsindən imtina olunması kreditorun həmin tələb üzrə iddia icraatı qaydasında iddia verməsinə mane olmur. Bu halda kreditor tərəfindən ödənilmiş dövlət rüsumu ödənilməli olan dövlət rüsumuna hesablanır. Yuxarıda göstərilənləri və Azərbaycan Respublikası Mülki Prosessual Məcəlləsinin 263-264, 276.2.2, 279.2.2 və 279.3-cü maddələrini rəhbər turaraq qərara aldım: Kreditor nümayəndəsi tərəfindən Şərur Rayon Məhkəməsinə verilmiş məhkəmə əmrinin verilməsinə dair ərizənin qəbul olunmasından imtina edilsin. Məhkəmə əmrinin verilməsi haqqında ərizənin qəbul edilməsindən imtina olunması kreditorun həmin tələb üzrə iddia icraatı qaydasında iddia verməsinə mane olmur. İddia verilərsə kreditor tərəfindən ödənilmiş dövlət rüsumu ödənilməli olan dövlət rüsumuna hesablanır. Bu qərardaddan şikayət verilə bilməz. Hakim: Mehdi Əliyev