Naxçıvan MR Şərur Rayon Məhkəməsi Qərardad — İş №2(110)-728/2021

Azərbaycan Respublikası adından QƏRARDAD Şərur şəhəri İş № 2(110)-728/2021 17.09.2021 NAXÇIVAN MR ŞƏRUR RAYON MƏHKƏMƏSİ Mən, Şərur Rayon Məhkəməsinin hakimi Qarayev Seymur Əlfəddin oğlu, İddiaçı "xxxx" ASC-nİn Cavabdeh qarşı “borc tələbi” barədə mülki iş üzrə iddia ərizəsinə və ona əlavə edilmiş sənədlərə baxaraq müəyyən etdi: İddiaçı "xxxx" ASC iddia ərizəsi ilə məhkəməyə müraciət edərək, Cavabdeh 385,00 (üç yüz səksən beş) manat sığorta ödənişi məbləğinin, 600 (altı yüz) manat işlərin görülməsi xərcinin və 30 (otuz) manat dövlət rüsumunun, cəmi 1 015,00 (bir min on beş) manat məbləğində pul vəsaitinin cavabdehdən tutulub iddiaçı "xxxx" ASC-nin xeyrinə ödənilməsinə dair qətnamə çıxarılmasını xahiş etmişdir. Azərbaycan Respublikasının Mülki Prosessual Məcəlləsinin 151-ci maddəsinin tələbinə görə, iddia ərizəsinin mümkünlüyü yoxlanılmalıdır. İş üzrə təqdim edilmiş sənədləri nəzərdən keçirib müəyyən etdim ki, iddia ərizəsi Azərbaycan Respublikası Mülki-Prosessual Məcəlləsinin 152-ci maddəsinin tələblərinə uyğun olaraq ona əlavə edilmiş sənədlərlə birlikdə geri qaytarilmalıdır. Belə ki, Azərbaycan Respublikası Mülki-Prosessual Məcəlləsinin 152.1.2-ci maddəsinə əsasən iddia iddia ərizəsi imzalanmadıqda və ya onu imzalamağa hüququ olmayan şəxs tərəfindən, yaxud xidməti vəziyyəti göstərilməyən şəxs tərəfindən imzalandıqda hakim iddia ərizəsini və ona əlavə edilmiş sənədləri geri qaytarır. Belə ki, iddia ərizəsini iddiaçı təşkilatın nümayəndəsi Toğrul Fərzullayev imzalasa da, iddia ərizəsinə əlavə olunmuş onun səlahiyyətlərini təsdiq edən etbarnamənin müddəti 04 sentyabr 2021-cil tarixdə bitmişdir. İş materiallarında olan poçt göndərişlərinin göndərilməsinə dair zərfdən görünür ki, iddia ərizəsi və ona əlavə olunmuş sənədlər 10 senyabr 2021-ci il tarixdə poçta təqdim edilmişdir. Bu da onu deməyə əsas verir ki, etbarnamənin müddəti bitdiyindən iddia ərizəsi onu imzalamağa hüququ olmayan şəxs tərəfindən imzalanmışdır. Azərbaycan Respublikası Mülki Prosessual Məcəlləsinin; 152.2-ci maddəsində göstərilir ki, iddia ərizəsinin qaytarılması haqqında hakim qərardad çıxarır; 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə maneə olmur. Buna görə də göstərilən səbəbdən bu nəticəyə gəlirəm ki, iddia ərizəsi və ona əlavə edilmiş sənədlər geri qaytarılmalı və iddiaçı təşkilata qərardadda qeyd edilən nöqsanlar aradan qaldırıldıqdan sonra ümumi qaydada yenidən məhkəməyə müraciət etmək hüququ izah edilməlidir. Azərbaycan Respublikasının MPM-in 114.1.3-cü maddəsinə uyğun olaraq iddia ərizəsi geri qaytarıldığından iddiaçi "xxxx" ASC tərəfindən məhkəmədə iddia qaldırması ilə əlaqədar Hökumət ödəniş portalı vasitəsilə 02.09.2021-ci il tarixli, ********* nömrəli Mədaxil qəbzi ilə dövlət büdcəsinin AZ37NABZ**********0000001944 saylı Müxbir hesabına ödənilmiş 30 (otuz) manat məbləğində dövlət rüsumu da iddiaçı "xxxx" ASC-nə geri qaytarılmalıdır. Yuxarıda qeyd olunanları və Azərbaycan Respublikasının Mülki Prosessual Məcəlləsinin 152, 263-264, 267-268-ci maddələrini rəhbər tutaraq, məhkəmə qərara aldı: İddiaçı "xxxx" ASC-nin Cavabdeh qarşı “borc tələbi” barədə iddia ərizəsi və ona əlavə olunmuş sənədlər geri qaytarılsın. İddiaçı "xxxx" ASC-nə izah olunsun ki, ərizənin qaytarılması üçün əsas olmuş nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət edə bilər. İddiaçi "xxxx" ASC tərfindən məhkəmədə iddia qaldırması ilə əlaqədar Hökumət ödəniş portalı vasitəsilə 02.09.2021-ci il tarixli, ********* nömrəli Mədaxil qəbzi ilə dövlət büdcəsinin AZ37NABZ**********0000001944 saylı Müxbir hesabına ödənilmiş 30 (otuz) manat məbləğində dövlət rüsumu geri qaytarılsın. Qərardaddan, o tərəfə rəsmi qaydada verildikdən sonra 10 gün müddətində Şərur Rayon Məhkəməsinə şikayət verilə bilər. Sədrlik edən: Seymur Qarayev