Naxçıvan MR Şərur Rayon Məhkəməsi Qətnamə — İş №2(110)-919/2025

Azərbaycan Respublikası adından QƏTNAMƏ Şərur şəhəri İş № 2(110)-919/2025 02.10.2025 NAXÇIVAN MR ŞƏRUR RAYON MƏHKƏMƏSİ X8 Elmar oğlunun sədrliyi, X2 məhkəmə iclas katibliyi, İddiaçı iştirakı ilə İddiaçı Cavabdeh qarşı “aliment” tələbinə dair mülki işə məhkəmənin inzibati binasında, açıq məhkəmə iclasında baxaraq, müəyyən etdi: İddiaçı iddia ərizəsi ilə məhkəməyə müraciət edərək cavabdehlə birgə nikahlarından doğulmuş azyaşlı uşaqları – xx.xx.2009-cu il təvəllüdlü X3, xx.xx.2011-ci il təvəllüdlü X5 və xx.xx.2012-ci il təvəllüldü X4 yetkinlik yaşlarına çatanadək saxlanılmaları üçün bir uşağa görə 200 (iki yüz) manat olmaqla, üç uşağa görə hər ay 600 (altı yüz) manat miqdarında sabit pul məbləğində alimentin Cavabdeh tutularaq onun xeyrinə ödənilməsi barədə qətnamə çıxarılmasını məhkəmədən xahiş etmişdir. İddiaçı tələbini onunla əsaslandırmışdır ki, o, Cavabdeh ilə xx.xx.2008-ci il tarixdə el adət-ənənələrinə uyğun olaraq ailə qurmuş, nikahları xx.xx.2009-cu il tarixdə Şərur rayon Aşağı Yaycı kənd İƏD-də nikah haqqında akt qeydləri kitabında 5 № ilə rəsmi nikah qeydiyyatına alınmışdır. Bu nikahdan üç övladları -xx.xx.2009-cu il təvəllüdlü X6, xx.xx.2011ci il təvəllüdlü X10 və xx.xx.2012-ci il təvəllüldü X7 doğulmuşdur. Birgə yaşadıqları müddətdə ilk vaxtlar ailə münasibətləri yaxşı olsa da bir müddət sonra Cavabdeh spirtli içkilərə meyilli olması, ailəyə maddi dəstəkdə olmaması və xasiyyətlərinin uyğun gəlməməsi səbəbindən tez-tez cavabdehlə ailə-məişət zəminində mübahisələr etməyə başlamışlar. Bu da ailə münasibətlərində soyuqluğun yaranmasına səbəb olmuşdur. Axırıncı dəfə aralarında olan mübahisədən sonra cavabdehin hərəkətlərinə artıq dözə bilməyib xx.xx.2025-ci tarixdə üç azyaşlı övladı ilə birlikdə evdən ayrılıb, Şərur rayon Aşağı Yaycı kəndində kirayədə yaşamağa başlamışdır. Ayrı yaşadıqları müddətdə Cavabdeh nə onunla, nə də uşaqlarla maraqlanmayıb, gündəlik zəruri tələbalarının qarşılanmasında maddi cəhətdən köməklik göstərməyib. Birgə nikahdan doğulmuş uşaqları artıq böyüyüb, Nihatın 16, Aminin 14, Ramilin isə 13 yaşı var və onların gündəlik zəruri tələbatları da yetərincə artıb. Uşaqların bütün qayğılarını o çəkir, uşaqların qayğısına qalmaqla onların gündəlik zəruri tələbatlarını qarşılamaq tək qadın olaraq onun üçün çox çətindir. Ona görə də Cavabdeh birgə nikahdan doğulmuş azyaşlı uşaqlarının saxlanılması üçün bir uşağa görə 200 manat olmaqla, üç uşağa görə hər ay 600 (altı yüz) manat miqdarında sabit pul məbləğində aliment ödəməsini istəyir. İddiaçı xx.xx.2025-ci il tarixdə məhkəməyə əlavə ərizə təqdim edərək bildirmişdir ki, cavabdehin səhhətində yaranmış problemləri nəzərə alaraq, iddia tələbinin müəyyən hissəsinin azaldılması zərurəti meydana çıxmışdır. Bu səbəbdən o, əvvəlki iddia tələbində dəyişiklik edərək, bir uşağa görə 100 (bir yüz) manat olmaqla, ümumilikdə üç uşağa görə hər ay 300 (üç yüz) manat məbləğində sabit pul şəklində alimentin Cavabdeh tutulub onun xeyrinə ödənilməsi barədə qətnamə qəbul edilməsini xahiş etmişdir. Şərur Rayon Məhkəməsinin müvafiq qərardadı ilə iddiaçı tərəfindən məhkəməyə təqdim edilmiş iddia tələbinin azaldılmasına dair ərizəsi təmin edilmiş, işə azaldılmış iddia tələbləri hüdudunda baxılması qərara alınmışdır. İşdə iştirak edən şəxsin izahatı: Məhkəmə iclaslarında iştirak edən İddiaçı izahatında və ona verilmiş sualları cavablandırarkən iddia ərizəsində qeyd olunan halları təsdiq etdiyini, birgə nikahdan 3 uşaqlarının doğulduğunu, uşaqların məktəbdə oxuduğunu, hazırlığa qoymadığını, cavabdehlə 2025-ci ilin may ayından ayrıldıqlarını, may ayından cavabdehin ona heç bir maddi köməklik etmədiyini, qohumuna məxsus evdə kirayədə yaşadıqlarını, lakin kirayə ödəmədiyini, cavabdehin sağlamlıq vəziyyəti ilə bağlı təyin ediləcək 300 manat alimentin ona bəs edəcəyini, aralarında barışığın olmadığını bildirərək iddianın təmin olunmasını məhkəmədən xahiş etmişdir. Məhkəmə hazırlıq iclasında iştirak edən Cavabdeh verdiyi izahatında iddia tələbini qəbul etmədiyini, özünün birinci qrup əlil olduğunu və 470 manat əlilliyə görə pensiya aldığını, özünün cavabdehdən boşanmaq istəmədiyini, ona dövlət tərəfindən müəyyən olunmuş 120 manat məbləğində baxım pulunun da iddiaçı tərəfindən alındığını bildirərək, iddiaçı ilə barışmaq istədiyini, aliment ödəməyəcəyini bildirmişdir. Məhkəmə baxışı iclasının vaxtı və yeri barədə cavabdehə mülki prosessual qanunvericilikdə nəzərdə tutulmuş qaydada rəsmi məlumat verilməsinə baxmayaraq o, məhkəmə iclasına gəlməmiş və gəlməməsinin səbəbi barədə məhkəməyə hər hansı bir məlumat verməmişdir. Məhkəmə Azərbaycan Respublikası Mülki-Prosessual Məcəlləsinin 185-ci maddəsinin tələblərinə əsasən işə Cavabdeh iştirаkı оlmаdаn baxılmasını mümkün hesab etmişdir. Yazılı sübutlar: İş materiallarında olan Şərur Rayon Qeydiyyat Şöbəsi tərəfindən verilmiş xx.xx.2025-ci il tarixli AZ İ seriyalı, 417294 nömrəli nikah akt qeydi üzrə çıxarışdan görünür ki, İddiaçı ilə Cavabdeh xx.xx.2009-cu il tarixdə rəsmi nikaha daxil olmuş, onların bu nikahı nikahın bağlanması haqqında akt qeydləri kitabında 05 nömrə ilə qeydə alınmış, nikah bağlandıqdan sonra ərə “Səfərov”, arvada “Səfərova” soyadı verilmişdir. İş materiallarında olan Şərur Rayon Qeydiyyat Şöbəsi tərəfindən verilmiş xx.xx.2025-ci il tarixli doğum haqqında akt qeydi üzrə çıxarışlardan görünür ki, xx.xx.2009-cu il təvəllüdlü X3, xx.xx.2011-ci il təvəllüdlü X5 və xx.xx.2012-ci il təvəllüldü X4 “ata” məlumat qrafasında Cavabdeh, “ana” məlumat qrafasında isə İddiaçı qeyd edilmişdir. İş materiallarında olan X1 xx.xx.2025-ci il tarixli MŞN/25-S-01125 nömrəli arayışından görünür ki, iddiaçı alimentin təyin olunması barədə X1 müraciət etmiş, lakin cavabdeh mediasiya sessiyasında iştirak etmədiyindən iddiaçıya mediasiya sessiyasında iştirak edilməməsi barədə arayış verilmişdir. Elektron Məhkəmə İnformasiya Sistemindən cavabdehin gəlir məlumatları üzrə çıxarışdan görünür ki, Cavabdeh 300 manat və 250 manat olmaqla, 550 manat pensiya alır. Elektron Məhkəmə İnformasiya Sistemindən iddiaçının gəlir məlumatları üzrə çıxarışdan görünür ki, İddiaçı 120 manat pensiya, Şərur Rayon Təhsil Şöbəsində bağban olaraq 433 manat əməkhaqqı alır. Elektron Məhkəmə İnformasiya Sistemindən cavabdehin qohumluq münasibətləri üzrə çıxarışdan hazırda aliment tələb olunan uşaqdan başqa yetkinlik yaşına çatmayan uşağının olmadığı müəyyən olunur. Elektron Məhkəmə İnformasiya Sistemindən cavabdehin əmlak məlumatları üzrə çıxarışdan mülkiyyətində daşınmaz əmlak və yol-nəqliyyat vasitəsinin olmadığı müəyyən olunur. Elektron Məhkəmə İnformasiya Sistemindən iddiaçının əmlak məlumatları üzrə çıxarışdan mülkiyyətində daşınmaz əmlak və yol-nəqliyyat vasitəsinin olmadığı müəyyən olunur. Məhkəmə iş materiallarını iddiaçının izahatı ilə əlaqəli şəkildə tədqiq edərək hesab edir ki, tərəflərin xx.xx.2009-cu ildə rəsmi nikaha daxil olması, onların bu birgəliyindən xx.xx.2009-cu il təvəllüdlü X3, xx.xx.2011-ci il təvəllüdlü X5 və xx.xx.2012-ci il təvəllüldü X7 adlı övladlarının doğulması, tərəflərin hal-hazırda ayrı yaşaması və yaetkinlik yaşına çatmayan uşaqların analarının himayəsində olması işin mübahisəsiz hallarıdır. Məhkəmənin əsaslandırması: Beləliklə də, məhkəmə işin faktiki və hüquqi hallarını mülki işin materialları ilə qarşılıqlı və əlaqəli şəkildə araşdırıb, işin hallarına dair tərəflərin izahatlarını dinləyib hesab edir ki, iddiaçının tələbi əsaslıdır. Çünki Azərbaycan Respublikası Ailə Məcəlləsinin 75.4-ci maddəsinə əsasən iddiaçının cavabdehə qarşı yetkinlik yaşına çatmayan uşaqlarının saxlanması üçün alimentin tutulması ilə bağlı tələb hüququ vardır. Azərbaycan Respublikası Ailə Məcəlləsinin 75.1-ci maddəsinə əsasən, valideynlər uşaqlarını saxlamağa borcludurlar. Ailə Məcəlləsinin 75.4-cü maddəsinə görə valideynlər uşaqlarını saxlamadıqda uşaqların saxlanması üçün vəsait (aliment) valideynlərdən məhkəmə qaydasında tutulur. Aliment öhdəliyi dedikdə, ailə münasibətlərinin iştirakçısı olan şəxslər arasında yaranan elə hüquq münasibətləri başa düşülür ki, burada bir tərəf digər tərəfin saxlanılması üçün onlar arasında olan razılıq əsasında və ya qanunvericiliyə uyğun olaraq məcburi qaydada müəyyən edilən vəsaiti, yəni alimenti ödəməyə borclu olur. Ailə Məcəlləsinin 78.1-ci maddəsinə görə valideynlər arasında yetkinlik yaşına çatmayan uşaqlara aliment ödənilməsi barədə saziş yoxdursa, eləcə də aliment verməyə borclu olan valideynin qazancı (gəliri) qeyri-müntəzəm, dəyişən olarsa, ya qazancın (gəlirin) hamısını və ya bir hissəsini həmin valideyn natura və ya xarici valyuta ilə alırsa, yaxud onun qazancı və ya sair gəliri yoxdursa, habelə alimentin valideynin qazancından (gəlirindən) müəyyən hissə kimi tutulması mümkün olmadığı, çətinlik törətdiyi və tərəflərdən birinin və ya marağının əhəmiyyətli dərəcədə pozulduğu başqa hallarda, uşaqların saxlanması üçün vəsait tutulmasını tələb edən şəxsin xahişi ilə alimentin miqdarı məhkəmə tərəfindən hər ay ödənilməli olan sabit pul məbləğində və ya eyni zamanda həm sabit pul məbləğində, həm də bu Məcəllənin 76-cı maddəsinə uyğun olaraq qazancın (gəlirin) müəyyən hissəsi kimi müəyyən edilə bilər. Qeyd edilən Məcəllənin 78.2-ci maddəsinə əsasən, sabit pul məbləğinin miqdarı məhkəmə tərəfindən tərəflərin maddi və ailə vəziyyəti, diqqətəlayiq olan digər hallar nəzərə alınmaqla uşağın əvvəlki təminatının səviyyəsinin mümkün qədər maksimal saxlanması əsas tutularaq müəyyən edilir. Azərbaycan Respublikası Konstitusiya Məhkəməsi Plenumunun “Azərbaycan Respublikası Ailə Məcəlləsinin 76, 78 və 112-ci maddəsinin şərh edilməsinə dair” 27 iyul 2016cı il tarixli Qərarında qeyd olunmuşdur ki, nikahın pozulması ilə əlaqədar uşağın valideynlərdən birinin himayəsinə verilməsi, uşağa qulluq, onun sağlamlıq, təhsil, inkişaf, məişət qayğılarının çəkilməsinin uşağın himayəsində olduğu valideynin üzərinə düşməsi, yaşayış minimumunu müəyyən edən qanunvericilik aktlarında göstərilən minimum dolanacaq xərclərinə yaxın məbləğin aliment kimi digər valideyndən tutulmasına əsas ola bilər. Belə ki, aliment ödəyən valideynin rəsmi olaraq heç bir yerdə işləməməsi və ya qazanca malik olmaması onu uşağı saxlamaq və maddi təminatı ödəmək vəzifəsindən azad etmir. Azərbaycan Respublikası Ali Məhkəməsi Plenumunun “Nikahın pozulması, boşanmadan sonra yetkinlik yaşına çatmayan uşaqların valideynlərdən hansının yanında qalması və uşaqlar üçün valideynlərdən aliment tutulması tələbinə dair işlərə baxılarkən qanunvericiliyin məhkəmələr tərəfindən tətbiqi təcrübəsi haqqında” 28 mart 2016-cı il tarixli Qərarında məhkəmələrə izah edilmişdir ki, uşağın Azərbaycan Respublikasının qanunvericiliyi ilə müəyyən edilmiş minimum dolanacaq xərclərindən az olmayan maddi təminat almaq hüququ vardır (“Uşaq hüquqları haqqında” Qanunun 13-cü maddəsi). Məhkəmə tərəfindən alimentin miqdarı müəyyən edilərkən uşağın əvvəlki təminatının səviyyəsinin mümkün qədər maksimal saxlanması əsas meyar olmalı və yalnız bir tərəfin deyil, hər iki tərəfin ailə və maddi vəziyyəti öyrənilməlidir. Qeyd etmək zəruridir ki, “Azərbaycan Respublikasında 2025-ci il üçün yaşayış minimumu haqqında” Azərbaycan Respublikası Qanununa əsasən 2025-ci ildə ölkədə uşaqlar üçün yaşayış minimumu 246 manat məbləğində müəyyən edilmişdir. Həmçinin məhkəmə qeyd etməyi zəruri hesab edir ki, Azərbaycan Respublikası Ailə Məcəlləsinin 56.1-ci maddəsinə əsasən, valideynlər öz uşaqları barəsində bərabər hüquq və vəzifələrə malikdirlər. “Uşaq hüquqları haqqında” Azərbaycan Respublikasının 19 may 1998-ci il tarixli Qanununun 19-cu maddəsində qeyd olunur ki, valideynlərin uşağın tərbiyəsində bərabər hüquq və vəzifələri vardır. Onlar uşağı sağlam böyütməli, ümumbəşəri və milli dəyərlər əsasında tərbiyə etməli, müstəqil həyata hazırlamalıdırlar. Uşağın qabiliyyətinin inkişaf etdirilməsi, onun maddi və mənəvi tələbatlarının təmin edilməsi, hüquq və mənafelərinin mühafizəsi valideynlərin əsas vəzifələridir. “İnsan hüquqlarının və əsas azadlıqların müdafiəsi haqqında” Konvensiyanın 7 saylı Protokolunun 5-ci maddəsinə görə, ərlə arvad bərabər hüquqlara malikdirlər və uşaqları ilə münasibətlərdə, habelə nikaha daxil olmaq, nikahda olmaq və boşanma ilə bağlı bərabər mülki-hüquqi cavabdehlik daşıyırlar. Yuxarıda qeyd edilən maddi hüquq normaları, həmçinin Azərbaycan Respublikası Konstitusiyasının 25-ci maddəsində əks olunmuş bərabərlik hüququnun mahiyyətindən belə məlum olur ki, uşaqlara münasibətdə valideynlər bərabər hüquq və vəzifələrə malikdir. Bu isə onu deməyə əsas verir ki, hər bir uşağın Azərbaycan Respublikasının qanunvericiliyi ilə müəyyən edilmiş minimum dolanacaq xərcləri ilə təmin edilməsində hər iki valideyn bərabər və eyni öhdəliyə sahibdir. Beləliklə də, məhkəmə işin faktiki və hüquqi hallarını mülki işin materialları ilə qarşılıqlı və əlaqəli şəkildə araşdırıb, həmçinin toplanmış sübutları tədqiq edib onları qiymətləndirərək 2025-ci ildə bir uşaq üçün yaşayış minimumunun ölkə üzrə 246 manat məbləğində müəyyən olunmasını, xx.xx.2009-cu il təvəllüdlü X3, xx.xx.2011-ci il təvəllüdlü X5 və xx.xx.2012-ci il təvəllüldü X4 hal-hazırda anaları İddiaçı himayəsində olmasını, uşaqların xüsusi qulluq və qidalanmaya ehtiyacını və həyat şərtlərinə uyğun gündəlik tələbatlarını, o cümlədən uşaqlara münasibətdə valideynlərin bərabər hüquq və vəzifələrə malik olmalarını nəzərə alaraq cavabdehdən hər ay sabit məbləğdə hər uşağa görə 100 (bir yüz) manat miqdarında alimentin tutularaq iddiaçıya ödənilməsini ağlabatan hesab edir. Bu səbəbədən də məhkəmə belə hesab edir ki, iddia təmin edilməli, cavabdehdən hər ay hər uşağa görə sabit məbləğdə 100 (bir yüz) manat miqdarında aliment tutularaq xx.xx.2009-cu il təvəllüdlü X3, xx.xx.2011-ci il təvəllüdlü X5 və xx.xx.2012-ci il təvəllüldü X4 yetkinlik yaşına çatanadək saxlanılması üçün İddiaçı xeyrinə ödənilməlidir. Məhkəmə hesab edir ki, bu qətnamə ilə təyin ediləcək alimentin miqdarı “Nikahın pozulması, boşanmadan sonra yetkinlik yaşına çatmayan uşaqların valideynlərdən hansının yanında qalması və uşaqlar üçün valideynlərdən aliment tutulması tələbinə dair işlərə baxılarkən qanunvericiliyin məhkəmələr tərəfindən tətbiqi təcrübəsi haqqında” 28 mart 2016-cı il tarixli Qərarının 8.4-1-ci bəndinin tələblərinə uyğun olaraq ölkə üzrə müəyyən olunmuş minimum əmək haqqı məbləğinin müvafiq misli həddində müəyyən edilməlidir. Qeyd etmək zəruridir ki, Azərbaycan Respublikası Prezidentinin 23 dekabr 2024-cü il tarixli Sərəncamına əsasən minimum aylıq əməkhaqqının məbləği 2025-ci il yanvarın 1-dən 400 manat müəyyən edilmişdir. Beləliklə də, məhkəmə hesab edir ki, minimum əmək haqqı 2025-ci ildə ölkə üzrə 400 manat təşkil etdiyindən hazırki qətnamə üzrə cavabdehdən tutulacaq alimentin miqdarı minimum əmək haqqının 0.25 misli həddində (100 manat:400 manat = 0.25) müəyyən edilməli və sonrakı illərdə ölkə üzrə minimum əmək haqqı həmin mislə vurulmaqla sabit aliment məbləğləri müəyyən olunmalıdır. Məhkəmə hesab edir ki, hazırki qətnamə ilə müəyyən edilən aliment məbləği iddiaçının məhkəməyə müraciət etdiyi vaxtdan, yəni xx.xx.2025-ci il tarixdən tutulmalı və qətnamə alimentin tutulmasına aid hissədə dərhal icra edilməlidir. Belə ki, Azərbaycan Respublikasının Ailə Məcəlləsinin 100.2-ci maddəsinə əsasən aliment məhkəməyə müraciət edildiyi vaxtdan tutulur. Həmçinin Azərbaycan Respublikası MPM-in 234.2.1-ci maddəsinə əsasən, şəxsin saxlanması üçün vəsaitlərin, o cümlədən, alimentlərin alınması haqqında qətnamələr dərhal icra olunur. Məhkəmə xərcləri ilə bağlı məsələni müzakirə edərək məhkəmə belə nəticəyə gəlir ki, Azərbaycan Respublikası Mülki-Prosessual Məcəlləsinin 119.2-ci maddəsinə əsasən dövlət rüsumu iddianın təmin edilmiş hissəsinə münasib olaraq cavabdehdən tutularaq dövlət nəfinə ödənilməlidir. “Dövlət rüsumu haqqında” Azərbaycan Respublikası Qanununun 9.1.2-ci maddəsinə müvafiq olaraq aliment alınması barədə iddialar üzrə iddiaçılar dövlət rüsumu ödəməkdən azad olduqlarına və Azərbaycan Respublikasının Mülki-Prosessual Məcəlləsinin 112.1.6-cı maddəsinə müvafiq olaraq iddianın qiyməti aliment alınması haqqındakı iddialarda bir il ərzində ödəmələrin məcmusu ilə müəyyən edildiyinə görə iddianın təmin olunmuş hissəsinə münasib olaraq 42 manat (300 manat x12 ay=1200 manat, qiymətləndirilən iddia üzrə iddianın qiyməti 1000 manatdan çox olduqda 30+qalan məbləğin 1%, yəni 26 manat= 56 manat) məbləğində dövlət rüsumu cavabdehdən tutularaq dövlət büdcəsinə keçirilməlidir. Azərbaycan Respublikası Mülki Prosessual Məcəlləsinin: -77.1-ci maddəsinə müvafiq olaraq hər bir tərəf öz tələblərinin və etirazlarının əsası kimi istinad etdiyi halları sübut etməlidir. -88-ci maddəsinə əsasən məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. Heç bir sübutun məhkəmə üçün qabaqcadan müəyyən edilmiş qüvvəsi yoxdur. -217.4-cü maddəsinə görə hakim öz qərarını yanız məhkəmə iclasında tədqiq olunmuş sübutlarla əsaslandırır. -112.1.3-cü maddəsinə əsasən iddianın qiyməti aliment alınması haqqındakı iddialarda bir il ərzində ödəmənin məcmusu ilə müəyyən edilir. -234.2.1-ci maddəsinə əsasən şəxsin saxlanılması üçün vəsaitlərin, o cümlədən alimentlərin alınması haqqında qətnamələr dərhal icra olunur. -119.1-ci maddəsinə əsasən məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. -119.2-ci maddəsinə əsasən iddiaçı müəyyən olunmuş qaydada dövlət rüsumunu ödəməkdən azad edilmişsə, dövlət rüsumu iddianın təmin edilmiş hissəsinə mütənasib olaraq, cavabdehdən tutularaq dövlət gəlirinə alınır. Göstərilənləri nəzərə alaraq məhkəmə yekunda belə nəticəyə gəlir ki, -İddia təmin olunmalı; -xx.xx.2025-ci il tarixdən hesablanmaqla xx.xx.2009-cu il təvəllüdlü X3, xx.xx.2011-ci il təvəllüdlü X5 və xx.xx.2012-ci il təvəllüldü X4 yetkinlik yaşına çatanadək saxlanılması üçün cavabdeh-Şərur rayonunun Aşağı Yaycı kəndində yaşayış yeri üzrə qeydiyyatda olan Cavabdeh sonrakı artımlar nəzərə alınmaqla, hər ay bir uşaq üçün ölkə üzrə müəyyən olunmuş minimum əmək haqqının 0,25 misli həddində sabit pul məbləğində aliment tutularaq iddiaçı-Şərur rayonunun Aşağı Yaycı kəndində yaşayış yeri üzrə qeydiyyatda olan İddiaçı ödənilməli; -Qətnamə alimentin tutulmasına dair hissədə dərhal icra olunmalı; -Məhkəmə xərci olaraq Cavabdeh 56 (əlli altı) manat məbləğində dövlət rüsumu tutulub dövlət nəfinə ödənilməlidir. Göstərilənlərə əsasən və Azərbaycan Respublikasının Mülki-Prosessual Məcəlləsinin 119, 216-220, 227, 358.0.3, 360 və 362-ci maddələrini rəhbər tutaraq, qət etdi: İddia təmin edilsin. xx.xx.2025-ci il tarixdən hesablanmaqla xx.xx.2009-cu il təvəllüdlü X6, xx.xx.2011-ci il təvəllüdlü X10 və xx.xx.2012-ci il təvəllüdlü X4 yetkinlik yaşına çatanadək saxlanılmaları üçün cavabdeh-Şərur rayonunun Aşağı Yaycı kəndində yaşayış yeri üzrə qeydiyyatda olan Cavabdeh iddiaçı- Şərur rayonunun Aşağı Yaycı kəndində yaşayış yeri üzrə qeydiyyatda olan İddiaçı xeyrinə sonrakı artımlar nəzərə alınmaqla, hər ay hər uşaq üçün ölkə üzrə müəyyən olunmuş minimum əmək haqqının 0,25 misli həddində sabit pul məbləğində aliment tutulsun. Qətnamə dərhal icra olunsun. Cavabdeh 56 (əlli altı) manat məbləğində dövlət rüsumu tutulub dövlət nəfinə ödənilsin. Qətnamədən, o, rəsmi qaydada verildiyi gündən 1 ay müddətində Şərur Rayon Məhkəməsi vasitəsilə Naxçıvan Muxtar Respublikası Ali Məhkəməsinin mülki kollegiyasına apelyasiya şikayəti verilə bilər. Hakim: Abil Orucəliyev