Ağdam Rayon Məhkəməsi Qətnamə — İş №2(5-107)-81/2026

Azərbaycan Respublikası adından QƏTNAMƏ Ağdam rayonu İş № 2(5-107)-81/2026 06.03.2026 AĞDAM RAYON MƏHKƏMƏSİ Ağdam Rayon Məhkəməsinin hakimi Məmmədov Rafiq Rəşid oğlunun sədrliyi, məhkəmə iclasının katibi X9 oğlunun katibliyi, İddiaçı və Cavabdeh Şiraslan oğlunun iştirakı ilə, İddiaçı Cavabdeh Şiraslan oğluna qarşı aliment tələbinə dair iddia ərizəsi üzrə mülki işə məhkəmənin binasında açıq məhkəmə iclasında baxaraq, məhkəmə m ü ə y y ə n e t d i: İddiaçı Cavabdeh Şiraslan oğluna qarşı iddia ərizəsi ilə məhkəməyə müraciət edərək, cavabdehlə birgə nikahlarından doğulmuş xx.xx.2009-cu il təvəllüdlü Kərimova Əntiqə (Əniqə) Rəhbər qızı, xx.xx.2010-cu il təvəllüdlü X7 və xx.xx.2017ci il təvəllüdlü X8 adlı övladının yetkinlik yaşına çatanadək saxlanması üçün, ərizə verdiyi tarixdən başlayaraq, hər ay 40 manat olmaqla, cəmi 120 manat sabit pul məbləğində alimentin cavabdehdən onun xeyrinə tutulması barədə qətnamə çıxarılmasını xahiş etmişdir. İddia ərizəsi icraata qəbul edilərək, qanuna müvafiq prosessual hərəkətlər edilmiş, məhkəmə iclasının vaxtı və yeri müəyyən edilmişdir. Məhkəmə iclasında iştirak edən İddiaçı izahatında iddia ərizəsini müdafiə etdiyini, Cavabdeh Şiraslan oğlu ilə qeydiyyat orqanlarında nikahlarını qeyd etdirməklə ailə həyatı qurduqlarını, birgə nikahlarından xx.xx.2009-cu il təvəllüdlü Kərimova Əntiqə (Əniqə) Rəhbər qızı, xx.xx.2010-cu il təvəllüdlü X7 və xx.xx.2017ci il təvəllüdlü X8 adlı övladlarının olduğunu, daha sonra xx.xx.2023-cü il tarixdə Mingəçüvir Şəhər Məhkəməsinin qərarına əsasən nikahlarının pozulduğunu və övladının onun himayəsində olmaqla, onunla yaşadığını, lakin cavabdehin könüllü olaraq uşaqlarının saxlanması üçün köməklik göstərmədiyini, odur ki, məhkəməyə müraciət etmək məcburiyyətində qaldığını bildirdi və iddianın təmin edilməsini məhkəmədən xahiş etdi. Məhkəmə iclasında iştirak edən Cavabdeh Şiraslan oğlu izahatında İddiaçı ilə rəsmi nikaha daxil olmaqla ailə həyatı qurduqlarını, birgə nikahlarından 3 övladlarının olduğunu, daha sonra nikahlarının pozulduğunu, xx.xx.2009-cu il təvəllüdlü X6, xx.xx.2010-cu il təvəllüdlü X7 və xx.xx.2017-ci il təvəllüdlü X2 hazırda İddiaçı himayəsində yaşadıqlarını, iddiaçının aliment tələbinə etirazının olmadığını bildirdi və iddianın təmin edilməsini məhkəmədən xahiş etdi. Məhkəmə tərəflərin izahatını və çıxışını dinləyib, iş materiallarını araşdıraraq hesab edir ki, iddia təmin olunmalıdır. Belə ki, iş materiallarında olan Mingəçevir regional “Asan xidmət” mərkəzində Qeydiyyat Şöbəsi tərəfindən verilmiş AZ-İ № 439339 “X4 Şəhadətnamə”nin notarial qaydada təsdiq edilmiş surətindən görünür ki, Cavabdeh Şiraslan oğlu ilə, X3 arasında olan nikaha Mingəçevir Şəhər Məhkəməsinin xx.xx.2023-cü il tarixli qətnaməsinə əsasən xitam verilmişdir. Bu barədə X4 akt qeydləri kitabında xx.xx.2023-cü il tarixdə № 25 ilə qeyd edilmişdir. Nikah pozulduqdan sonra qadına “Yusifova” soyadı verilmişdir. İş materiallarında olan Mingəçevir şəhər Qeydiyyat Şöbəsi tərəfindən verilmiş AZ-İİ № 408222 “X5”nin notarial qaydada təsdiq edilmiş surətindən görünür ki, X6 xx.xx.2009-cu il tarixdə doğulmuşdur, onun atası Cavabdeh Şiraslan oğlu, anası isə, X1r. İş materiallarında olan Mingəçevir şəhər Qeydiyyat Şöbəsi tərəfindən verilmiş AZ-İİ № 606684 “X5”nin notarial qaydada təsdiq edilmiş surətindən görünür ki, X7 xx.xx.2010-cu il tarixdə doğulmuşdur, onun atası Cavabdeh Şiraslan oğlu, anası isə, X1r. İş materiallarında olan Ağdam Rayon Qeydiyyat Şöbəsi tərəfindən verilmiş AZ- İİİ № 969756 “X5”nin notarial qaydada təsdiq edilmiş surətindən görünür ki, X8 xx.xx.2017-ci il tarixdə doğulmuşdur, onun atası Cavabdeh Şiraslan oğlu, anası isə, X1r. Azərbaycan Respublikasının Konstitusiyasının 17-ci maddəsinin 2-ci bəndinə görə uşaqların qayğısına qalmaq və onları tərbiyyə etmək valideynlərin borcudur. Azərbaycan Respublikasının Ailə Məcəlləsinin (bundan sonra- Ailə Məcəlləsi) 75-ci maddəsinə əsasən, valideynlər uşaqlarını saxlamağa borcludurlar. Valideynlər uşaqlarını saxlamadıqda uşaqların saxlanılması üçün vəsait (aliment) valideynlərdən məhkəmə qaydasında tutulur. Valideyinlər uşaqlarını saxlamadıqda uşaqların saxlanması üçün vəsait (aliment) valideyinlərdən məhkəmə qaydasında tutulur. Ailə Məcəlləsinin 78.1-ci maddəsinə əsasən, valideynlər arasında yetkinlik yaşına çatmayan uşaqlara aliment ödənilməsi barədə saziş yoxdursa, eləcə də aliment verməyə borclu olan valideynin qazancı (gəliri) qeyri-müntəzəm, dəyişən olarsa, ya qazancın (gəlirin) hamısını və ya bir hissəsini həmin valideyn natura və ya xarici valyuta ilə alırsa, yaxud onun qazancı və ya sair gəliri yoxdursa, habelə alimentin valideynin qazancından (gəlirindən) müəyyən hissə kimi tutulması mümkün olmadığı, çətinlik törətdiyi və tərəflərdən birinin və ya marağının əhəmiyyətli dərəcədə pozulduğu başqa hallarda, uşaqların saxlanması üçün vəsait tutulmasını tələb edən şəxsin xahişi ilə alimentin miqdarı məhkəmə tərəfindən hər ay ödənilməli olan sabit pul məbləğində və ya eyni zamanda həm sabit pul məbləğində, həm də bu Məcəllənin 76-cı maddəsinə uyğun olaraq qazancın (gəlirin) müəyyən hissəsi kimi müəyyən edilə bilər. Ailə Məcəlləsinin 78.2-ci maddəsinə əsasən, sabit pul məbləğinin miqdarı məhkəmə tərəfindən tərəflərin maddi və ailə vəziyyəti, diqqətəlayiq olan digər hallar nəzərə alınmaqla uşağın əvvəlki təminatının səviyyəsinin mümkün qədər maksimal saxlanması əsas tutularaq müəyyən edilir. “Uşaq Hüquqları Haqqında” Azərbaycan Respublikasının Qanunun 8-ci maddəsinə əsasən hər uşağın yaşamaq, normal şəraitdə fiziki, əqli və mənəvi cəhətdən inkişaf etmək hüququ vardır. Dövlət bu şəraiti təmin edən iqtisadi, sosial hüquq və digər tədbirlər görməyi, sağlam və təhlükəsiz mühit yaratmağı öz öhdəsinə götürür. Həmin Qanunun 13-cü maddəsinə əsasən uşağın Azərbaycan Respublikasının qanunvericiliyi ilə müəyyən edilmiş minimum dolanacaq xərclərindən az olmayan maddi təminat almaq hüququ vardır. 12 noyabr 1989-cu il tarixdə qəbul olunmuş “Uşaq Hüquqları Haqqında” BMT Konvensiyasının 3-cü maddəsinə əsasən, uşağın maraqlarının daha yaxşı təmin edilməsinə ilk növbədə diqqət yetirilməsi vurğulanmışdır. Ailə Məcəlləsinin 100.2-ci maddəsinə əsasən aliment məhkəməyə müraciət edildiyi vaxtdan tutulur. İş materiallarından müəyyən olunur ki, İddiaçı məhkəməyə 09 yanvar 2026-cı il tarixdə müraciət etmişdir. Bu səbəbdən məhkəmə hesab edir ki, aliment qeyd edilən vaxtdan tutulmalıdır. Azərbaycan Respublikası MPM-nin 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Azərbaycan Respublikası MPM-nin 77.1-ci maddəsində göstərilir ki, hər bir tərəf öz tələblərinin və etirazlarının əsası kimi istinad etdiyi halları sübut etməlidir. Azərbaycan Respublikası MPM-nin 217.3-cü maddəsinə əsasən, qətnamə iş üzrə müəyyən edilmiş həqiqi hallara və tərəflərin qarşılıqlı münasibətlərinə uyğun əsaslandırılmalıdır. Qanunvericiliyin yuxarıda göstərilən tələblərinə əsasən məhkəmə iş üzrə toplanmış sübutlara hüquqi qiymət verərək belə nəticəyə gəlir ki, iddia təmin edilməli, Cavabdeh Şiraslan oğlundan xx.xx.2009-cu il təvəllüdlü Kərimova Əntiqə (Əniqə) Rəhbər qızı, xx.xx.2010-cu il təvəllüdlü X7 və xx.xx.2017-ci il təvəllüdlü X2 yetkinlik yaşına çatanadək saxlanmsı üçün, sonrakı artımlar nəzərə alınmaqla hər ay, ölkə üzrə müəyyən olunmuş minimum əmək haqqının 0,1 misli, üç uşağa cəmi 0,3 misli həddində sabit pul məbləğində aliment 09 yanvar 2026-cı il tarixdən hesablanılmaqla tutularaq İddiaçı xeyrinə ödənilməlidır. Azərbaycan Respublikasının MPM-nin 112.1.3-cü maddəsinə əsasən aliment alınması haqqındakı iddialarda iddianın qiyməti bir il ərzində ödəmənin məcmusu ilə müəyyən edilir. Azərbaycan Respublikası MPM-nin 119.1-ci maddəsinin tələblərinə görə məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Belə olan halda cavabdehdən 34.40 manat məbləğində dövlət rüsumu tutularaq Dövlət gəlirlərinə alınmalıdır. Göstərilənlərə əsasən və Azərbaycan Respublikasının MPM-nin 216-220, 227, 233 və 360-cı maddələrini rəhbər tutaraq, məhkəmə qət etdi: İddia təmin edilsin. xx.xx.2009-cu il təvəllüdlü Kərimova Əntiqə (Əniqə) Rəhbər qızı, xx.xx.2010cu il təvəllüdlü X7 və xx.xx.2017-ci il təvəllüdlü X2 yetkinlik yaşına çatanadək saxlanmsı üçün, sonrakı artımlar nəzərə alınmaqla hər ay, ölkə üzrə müəyyən olunmuş minimum əmək haqqının 0,1 misli, üç uşağa cəmi 0,3 misli həddində sabit pul məbləğində aliment 09 yanvar 2026-cı il tarixdən hesablanılmaqla, Cavabdeh Şiraslan oğlundan tutularaq İddiaçı xeyrinə ödənilsin. Cavabdeh Şiraslan oğlundan 34.40 (otuz dörd manat qırx qəpik) manat məbləğində dövlət rüsumu tutularaq Dövlət gəlirlərinə alınsın. Qətnamə dərhal icraya yönəldilsin. Qətnamədən rəsmi qaydada verildiyi gündən 01 (bir) ay müddətində Ağdam Rayon Məhkəməsi vasitəsi ilə Gəncə Apelyasiya Məhkəməsinə apelyasiya şikayəti verilə bilər. Sədrlik edən: Rafiq Məmmədov