Biləsuvar Rayon Məhkəməsi Məhkəmə əmri — İş №2(5-115)-248/2026

Azərbaycan Respublikası adından MƏHKƏMƏ ƏMRİ Biləsuvar rayonu İş № 2(5-115)-248/2026 19.02.2026 BİLƏSUVAR RAYON MƏHKƏMƏSİ Mən, Biləsuvar Rayon Məhkəməsinin hakimi X1, Kreditor Biləsuvar rayonu Nəsimi kəndində yaşayan, xx.xx.1986-ci il tarixdə Biləsuvar rayonu Nəsimi kəndində anadan olmuş Borclu qarşı pul tələbi barədə məhkəmə əmrinin verilməsinə dair ərizəsinə və ona əlavə olunmuş sənədlərə baxaraq MÜƏYYƏN ETDİM: Kreditorun məhkəməyə təqdim etdiyi məhkəmə əmrinin verilməsinə dair ərizəsindən və ona əlavə edilmiş sənədlərdən görünür ki, o, Biləsuvar şəhərində yaşayır. Azərbaycan Respublikası Vergilər Nazirliyində qeydiyyatdan keçməklə sahibkarlıq fəaliyyəti ilə məşğul olur və buna dair VOEN-ni də vardır. Əsasən o, məişət əşyalarının satışı ilə məşğul olur. 2025-ci ilin may ayının 1-də cavabdeh onunla malın nisyə alqı-satqısına dair müqavilə bağlamaqla ondan 2000 manat dəyərində Samsunq markalı paltaryuyanı nisyə almışdır. Aralarında tərtib edilmiş ödəmə cədvəlinə əsasən cavabdeh hər ay, yəni 12 ay müddətinə 159 manat pulu ödəməyi öhdəsinə götürmüşdür. O, ilkin ödəniş olaraq 100 manat ödəmişdir. Lakin cavabdeh malı nisyə aldıqdan sonra ümumiyyətlə götürdüyü malın pulunu ödəməmişdir. Dəfələrlə cavabdehdən ödənişləri tələb etsə də, borclu olduğu 1900 manat pulu ödəməmişdir.Aralarında olan müqaviləyə görə cavabdeh hər gecikdirilən günə görə ona ödənilməyən məbləğin 0,1 faizi pul ödəməli idi. Hazırda cavabdeh müqavilə üzrə 8 aydır ki, yəni 240 gün borcuun ödənilməsini gecikdirir və borcunu ödəmir. Ödənilməyən məbləğ 1800 manat, 0,1 faizi 1 manat 90 qəpik edir. Hazırda onun müqavilə üzrə gecikdərməyə görə 456 manat ödəməlidir. Ərizəyə əlavə olunmuş sənədlərdən görünür ki, Kreditor borcun tutulması tələbi aşkardır. Həmin tələb borclunun mübahisə edilməyən vəzifəsinə və sadə yazılı formada bağlanmış əqdə əsaslanır. Məhkəmə hesab edir ki, Azərbaycan Respublikası Mülki Prosessual Məcəlləsinin (MPM) 276-cı maddəsinə əsasən məhkəmə əmri verilə bilər. İş materiallarında olan 01 may 2025-ci il tarixli alqı-satqı müqaviləsindən görünür ki, kreditor borcluya Samsung markalı paltaryuyanı 2000 manata 12 ay müddətinə hər ay 159 manat ödəmək şərtilə satmış, borclu isə həmin Samsung markalı paltaryuyan üçün 12 ay müddətinə hər ay 159 manat ödəməklə borcunu hissə-hissə qaytarmağı öhdəsinə götürmüşdür. Azərbaycan Respublikası Mülki Məcəlləsinin (MM) 385.1-ci maddəsinə görə kreditorun borcludan vəzifəsinin icrasını tələb etmək hüququ vardır və həmin Məcəllənin 448.2-ci maddəsinə əsasən borclu öz öhdəliklərinin hər bir təqsirli pozuntusu üçün məsuliyyət daşıyır. Həmin Məcəllənin 567-ci maddəsinə görə alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. Həmin Məcəllənin 600.1-ci maddsinə əsasən alğı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Həmin Məcəllənin 600.4-cü maddəsinə əsasən əşyanı təhvil almış alıcı onu alğısatqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Yuxarıda göstərilənlərə əsasən və MPM-in 275, 276, 280-282 və 284-cü maddələrini rəhbər tutaraq Ə M R E T D İ M: Biləsuvar rayonu Nəsimi kəndində yaşayan, 25xx.xx.1986-ci il tarixdə Biləsuvar rayonu Nəsimi kəndində anadan olmuş Borclu Kreditor xeyrinə nisyə aldığı mala görə 1900 (min doqquz yüz) manat, gecikdirilmiş müddət üzrə dəbbə borcuna görə 100 (yüz) manat, ödənilmiş dövlət rüsumuna görə 100 (yüz) manat, cəmi 2100 (iki min yüz) manat pul vəsaiti tutulsun. Borclu məhkəmə əmrinin aldığı gündən 10 gün müddətində verilmiş tələbə və ya onun hissəsinə qarşı Biləsuvar Rayon Məhkəməsini yazılı xəbərdar etməklə etiraz edə bilər. Məhkəmə əmri qətnamə qüvvəsinə malikdir. Məhkəmə əmrindən şikayət verilə bilməz. Məhkəmə əmri icra sənədi hesab edilir. X3