Kürdəmir Rayon Məhkəməsi Qərardad — İş №2(5-134)-187/2026

Azərbaycan Respublikası adından QƏRARDAD Kürdəmir rayon İş № 2(5-134)-187/2026 05.02.2026 KÜRDƏMİR RAYON MƏHKƏMƏSİ Kürdəmir Rayon Məhkəməsinin hakimi Mehdiyev Rahid Baxşəli oğlu, İddiaçı müstəqil tələb irəli sürməyən üçüncü şəxs X2 cəlb olunmaqla Cavabdehnə qarşı “alimentin dayandırılması və Kürdəmir rayon İcra və probasiya icra məmuru X1 hərəkətlərinin qanunsuz hesab edilməsi” tələbinə dair iddia ərizəsinə baxaraq, MÜƏYYƏN ETDİM: İddiaçı müstəqil tələb irəli sürməyən üçüncü şəxs X2 cəlb olunmaqla Cavabdehnə qarşı “alimentin dayandırılması və Kürdəmir rayon İcra və probasiya icra məmuru X1 hərəkətlərinin qanunsuz hesab edilməsi” tələbinə dair iddia ərizəsi ilə xx.xx.2026-cı il tarixdə məhkəməyə müraciət etmişdir. İddia ərizəsi və ona əlavə olunmuş sənədləri nəzərdən keçirərək hesab edirəm ki, iddia ərizəsi geri qaytarılmalıdır. Belə ki, iddia ərizəsi Azərbaycan Respublikası MPM-in 149-cu maddəsi ilə müəyyən olunmuş forma və məzmuna uyğun deyil. İddiaçı məhkəməyə “Kürdəmir rayon İcra və probasiya icra məmuru X1 hərəkətlərinin qanunsuz hesab edilməsi” barədə iddia ərizəsi vermiş, məhkəmədən cavabdeh Kürdəmir rayon İcra və probasiya icra məmuru X1 hərəkətlərinin qanunsuz hesab edilməsi xahiş etmiş, tələblərinin əsası kimi istinad etdiyi fakt və hallar, onları təsdiq edən sübutların siyahısı təqdim edilməmişdir. Azərbaycan Respublikası MPM-in 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə, hakim iddia ərizəsini və ona əlavə edilmiş sənədləri geri qaytarır. İddiaçıya izah edilməlidir ki, iddia ərizəsinin geri qaytarılmasına əsas olan nöqsanlar aradan qaldırıldıqdan sonra yenidən məhkəməyə müraciət etmək hüququna malikdir. Azərbaycan Respublikası Mülki Prosessual Məcəlləsinin 152.2.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıdakılara əsasən və Azərbaycan Respublikası Mülki Prosessual Məcəlləsinin 152, 263, 264, 267 və 268-ci maddələrini rəhbər tutaraq QƏRARA ALDİM: İddiaçı müstəqil tələb irəli sürməyən üçüncü şəxs X2 cəlb olunmaqla Cavabdehnə qarşı “alimentin dayandırılması və Kürdəmir rayon İcra və probasiya icra məmuru X1 hərəkətlərinin qanunsuz hesab edilməsi” tələbinə dair iddia ərizəsi və ona əlavə edilmiş sənədlər icraata qəbul edilmədən geri qaytarılsın. Ərizənin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan 10 gün müddətində Kürdəmir Rayon Məhkəməsinə (“Elektron məhkəmə” informasiya sistemində yaradılmış elektron kabinet vasitəsilə) şikayət verilə bilər. Hakim: Rahid Mehdiyev