Bakı Apellyasiya Məhkəməsi Qərardad — İş №e-16(3-6)-665/2026

Azərbaycan Respublikası adından Qərardad Bakı şəhəri İş № e-16(3-6)-665/2026 27.08.2026 BAKI APELLYASIYA MƏHKƏMƏSI Hakimlər X1 məruzəsi ilə, X3 və X2 ibarət tərkibdə, Ərizəçi Ərizəçi müvəqqəti təminat tədbiri barədə ərizəyə dair iş üzrə Bakı Kommersiya Məhkəməsinin ##.##.2026-cı il tarixli, e-**(*-**)-***/**** nömrəli qərardadından Ərizəçi tərəfindən verilmiş şikayətə Bakı Apellyasiya Məhkəməsinin binasında, yazılı icraat qaydasında baxaraq, müəyyən e t d i: İddiaçı Ərizəçi iddia ərizəsi ilə məhkəməyə müraciət edərək, cavabdeh cavabdeh1 Ərizəçi xeyrinə biznes fəaliyyətinə yatırılmış şəxsi vəsaitlər, onun xxxx rəsmiləşdirilmiş kredit və digər maliyyə öhdəlikləri nəticəsində vurulmuş maddi zərərin, habelə cavabdehin qanunsuz hərəkətləri nəticəsində dəymiş mənəvi zərərin, cavabdeh tərəfindən qanunsuz yolla əldə edilmiş və istifadə edilən avadanlıqların dəyərinin, eləcə də ödənilmiş dövlət rüsumunun və iş üzrə çəkilmiş digər məhkəmə xərclərinin cavabdehdən tutularaq iddiaçıya ödənilməsi barədə qətnamə qəbul edilməsini xahiş etmişdir. Bakı Kommersiya Məhkəməsinin e-*-*(*-**)-****/**** saylı, ##.##.2026-cı il tarixli qərardadı ilə iddia ərizəsi və ona əlavə edilmiş sənədlər geri qaytarılmışdır. Eyni zamanda ərizəçi Ərizəçi müvəqqəti təminat tədbiri barədə ərizə ilə məhkəməyə müraciət edərək, ərizəçi Ərizəçi tərəfindən cavabdehlər – cavabdeh1, cavabdeh2 MMC-yə və cavabdeh3 MMC-yə qarşı iddiaçının aldadılması yolu ilə ələ keçirilmiş əmlakların dəyərinin ödənilməsi, habelə vurulmuş maddi və mənəvi ziyanın ödənilməsi tələbinə dair təqdim edilən iddia üzrə yekun məhkəmə qətnaməsi çıxarılanadək, mübahisə predmeti olan və “ADİNA” MMC-nin fəaliyyəti çərçivəsində şəxsən ərizəçi tərəfindən əldə edilmiş onun mülkiyyətində olan, hazırda cavabdehlərin faktiki istifadəsində olan tikiş avadanlıqları və digər istehsal vasitələri üzərinə həbs qoyulması, həmin avadanlıqların satılmasının, bağışlanmasının, başqa şəxslərə verilməsinin, başqa ünvana daşınmasının və hər hansısa digər formada özgəninkiləşdirilməsinin, istifadə edilməsinin qadağan edilməsi barədə müvəqqəti təminat tədbirinin tətbiq edilməsinə dair qərar qəbul edilməsini xahiş etmişdir. Bakı Kommersiya Məhkəməsinin ##.##.2026-cı il tarixli, e-16(4-11)-904/2026-saylı qərardxxxx əsasən ərizəçi Ərizəçi müvəqqəti təminat tədbirinin tətbiq edilməsi barədə ərizəsi geri qaytarılmışdır. ##.##.2026-cı il tarixində ərizəçi Ərizəçi şikayət verərək, Bakı Kommersiya Məhkəməsinin e-**(*-**)-***/**** nömrəli, ##.##.2026-cı il tarixli qərardadı ləğv edilməsi, müvəqqəti təminat tədbirinin tətbiqi barədə ərizənin mahiyyəti üzrə baxılması üçün işin Bakı Kommersiya Məhkəməsində icraata götürülməsi barədə qərar qəbul edilməsini xahiş etmişdir. Bakı Kommersiya Məhkəməsinin ##.##.2026-cı il tarixli, e-**(*-**)-***/**** saylı qərardadı ilə şikayət təmin edilməmiş, baxılması üçün işlə birlikdə Bakı Apellyasiya Məhkəməsinə göndərilmişdir. Bakı Apellyasiya Məhkəməsinin ##.##.2026-cı il tarixli e-**(*-*)-***/**** nömrəli qərardadı ilə iddiaçı tərəfindən verilmiş şikayət mümkün hesab edilmiş, qərardaddan verilən şikayətə yazılı icraat qaydasında ## ######## 2026-cı il tarixində baxılması qərara alınmışdır. Kollegiya hesab edir ki, şikayətin mümkünlüyü barədə qərardad ləğv edilməli və iş apellyasiya baxışından çıxarılaraq Bakı Kommersiya Məhkəməsinə göndərilməlidir. Belə ki, iş materillarından görünür ki, müvəqqəti təminat tədbirinin tətbiqi barədə ərizə iddiaçının işə məhkəmə aidiyyəti üzrə Bakı Kommersiya Məhkəməsində baxılmalı olmaması əsası ilə geri qaytarılmışdır. Mülki Prosessual Məcəllənin: 32.5-ci maddəsinə əsasən aidiyyət haqqında qərardaddan işdə iştirak edən şəxslər, qərardad onlara təqdim olunduğu (onlar tərəfindən alındığı) gündən 10 gün müddətində bu Məcəllənin 21-ci fəsli ilə müəyyən edilmiş qaydada şikayət verə bilərlər. 269.2-269.3-cü maddələrinə əsasən şikayət əsaslıdırsa, hakim qərardadı dəyişdirir və ya ləğv edir və mübahisəyə baxılması üçün tərəflərlə birlikdə sonrakı prosessual hərəkətləri yerinə yetirir. Əks təqdirdə bu şikayət baxıldıqdan sonra 7 gün müddətində işlə birlikdə apellyasiya instansiyası məhkəməsinə, bu Məcəllənin 32.5-ci maddəsində nəzərdə tutulmuş qaydada aidiyyət haqqında qərardaddan şikayət verildikdə isə həmin şikayət bu Məcəllənin 403-1.5-ci maddəsinin tələbləri izah edilməklə işdə iştirak edən şəxslərə rəsmi qaydada verilir və iş kasasiya instansiyası məhkəməsinə göndərilir. 402.3-cü maddəsinə əsasən birinci instansiya məhkəmələrinin məhkəmə aidiyyəti haqqında qərardadlarından və həmin qərardadlardan verilən şikayətin qaytarılması haqqında qərardaddan kassasiya şikayəti verilə bilər. Azərbaycan Respublikası Ali Məhkəməsi Plenumunun “İşlərin ümumi və yaxud kommersiya məhkəmələrinə aidiyyətinin müəyyən edilməsi, məhkəmə aidiyyəti ilə bağlı mübahisələrə və məhkəmələr arasında yaranan fikir ayrılıqlarına baxılmasının xüsusiyyətlərinə dair” ## ######## 2020-ci il tarixli qərarının dördüncü bəndinə görə iddia ərizəsinin Azərbaycan Respublikası MPM-in 152.1.3-cü maddəsində nəzərdə tutulmuş məhkəmə aidiyyəti üzrə həmin məhkəmədə baxılmalı olmaması səbəbindən geri qaytarılması əsası işin inzibati deyil, yalnız mülki və kommersiya aidiyyətini ehtiva edir. Bu əsasla iddia ərizəsinin geri qaytarılmasına dair birinci instansiya məhkəməsinin qərardadından verilmiş şikayətə apellyasiya instansiyası məhkəməsində baxılması məhkəmə aidiyyəti ilə bağlı məsələlər üzrə yekun qərarın faktiki olaraq apellyasiya instansiyası məhkəməsi tərəfindən verilməsi ilə nəticələnəcəyindən bu şikayətlər baxılması üçün kassasiya instansiya məhkəməsinə göndərilməlidir. Yuxarıda göstərilən normaların məzmunundan da göründüyü kimi birinci instansiya məhkəmələrinin məhkəmə aidiyyəti ilə bağlı qəbul etdiklləri qərardadlardan verilmiş şikayətlərə baxılması kassasiya instansiya məhkəməsinin səlahiyyətinə aid edildiyindən Bakı Kommersiya Məhkəməsinin ##.##.2026-cı il tarixli, e-**(*-**)-***/**** nömrəli qərardadından Ərizəçi tərəfindən verilmiş şikayət üzrə apellyasiyanın mümkünlüyü üçün əsaslar mövcud deyildir. Mülki Prosessual Məcəllənin: 366.1-ci maddəsinə əsasən apellyasiya instansiyası məhkəməsi iş məhkəməyə daxil olduqdan sonra 15 gün müddətində apellyasiyanın mümkünlüyünü yoxlayır. Buraya işə apellyasiya qaydasında baxılmaq üçün prosessual əsasların olması daxildir. 366.2-ci maddəsinə əsasən əgər apellyasiyanın mümkünlüyü üçün əsaslar yoxdursa, o, qəbul olunmamış hesab edilə bilər. 384.0 və 384.0.6-cı maddələrinə görə apellyasiya instansiyası məhkəməsi apellyasiya şikayətinin bu Məcəllənin tələblərinə zidd olaraq icraata qəbul olunması, yaxud da icraata qəbul olunduqdan sonra digər şəxslərin apellyasiya şikayəti ilə birinci instansiya məhkəməsinə müraciət etməsi müəyyən edilərsə, icraata qəbul qərardadını ləğv edərək işi apellyasiya baxışından çıxarmaqla birinci instansiyası məhkəməsinə qaytara bilər. Beləliklə, kollegiya hesab edir ki, Bakı Kommersiya Məhkəməsinin ##.##.2026-cı il tarixli, e-**(*-**)-***/**** nömrəli qərardadından Ərizəçi tərəfindən verilmiş şikayətin mümkün hesab edilməsi barədə Bakı Apellyasiya Məhkəməsinin Kommersiya Kollegiyasının ##.##.2026-cı il tarixli qərardadı ləğv edilməli və iş apellyasiya baxışından çıxarılmaqla birinci instansiyası məhkəməsinə qaytarılmalıdır. Göstərilənlərə əsasən və Mülki Prosessual Məcəllənin 384.0.6, 402.2-ci maddələrini rəhbər tutaraq, məhkəmə kollegiyası q ə r a r a a l d ı: Bakı Apellyasiya Məhkəməsinin Kommersiya Kollegiyasının ##.##.2026-cı il tarixli qərardadı ləğv edilsin. Bakı Kommersiya Məhkəməsinin ##.##.2026-cı il tarixli, e-**(*-**)-***/**** nömrəli qərardadından Ərizəçi tərəfindən verilmiş şikayətə dair iş apellyasiya baxışından çıxarılsın. İş materialları Bakı Kommersiya Məhkəməsinə göndərilsin. Qərardaddan kassasiya şikayəti verilə bilməz. Sədrlik edən: Leyla Əliyeva Hakimlər: Təranə Mahmudova Ziya Şirinov