Bakı Şəhəri Binəqədi Rayon Məhkəməsi Qərardad — İş №e-2(001)-1853/2021

Azərbaycan Respublikası adından QƏRARDAD Bakı şəhəri İş № e-2(001)-1853/2021 12.01.2021 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Səlimova Səadət Rəşid qızı kreditor Tələbkar MMC-nin Borclu qarşı pul tələbinə dair məhkəmə əmrinin verilməsi barədə ərizəsini və ərizəyə əlavə olunmuş sənədləri nəzərdən keçirərək MÜƏYYƏN ETDİM Kreditor Tələbkar MMC Borclu qarşı pul tələbinə dair məhkəmə əmrinin verilməsi barədə ərizə ilə məhkəməyə müraciət etmişdir. Kreditorun məhkəməyə təqdim etdiyi məhkəmə əmrinin verilməsinə dair ərizəsini və ərizəyə əlavə edilən sənədləri nəzərdən keçirib hesab edirəm ki, ərizənin qəbul olunmasından imtina edilməklə ərizə və ona əlavə olunmuş sənədlər geri qaytarılmalıdır. Azərbaycan Respublikası MPM-nin 276.1.-ci maddəsinə əsasən kreditorun tələbi aşkardırsa və ya həmin tələb borclunun barəsində mübahisə edilməyən vəzifəsinə əsaslanırsa, bu hallarda məhkəmə əmri verilə bilər. Həmin Məcəllənin 279.2.-ci maddəsinə əsasən bundan başqa, aşağıdakı hallar da imtina üçün əsasdır: 279.2.3. ərizənin əsaslandığı tələb etmə hüququ barədə mübahisə vardırsa. Həmin Məcəllənin 279.3-cü maddəsinə əsasən ərizə məhkəməyə daxil olduğu gündən 3 gün müddətində məhkəmə ərizənin qəbul edilməsindən imtina haqqında qərardad çıxarır. Bu qərardaddan şikayət verilə bilməz. Həmin Məcəllənin 279.4.-cü maddəsinə əsasən məhkəmə əmrinin verilməsi haqqında ərizənin qəbul edilməsindən imtina olunması kreditorun həmin tələb üzrə iddia icraatı qaydasında iddia verməsinə mane olmur. Bu halda kreditor tərəfindən ödənilmiş dövlət rüsumu ödənilməli olan dövlət rüsumuna hesablanır. İstinad olunan normalardan müəyyən olunur ki, ərizənin əsaslandığı tələb etmə hüququ barədə mübahisə olduğu halda məhkəmə əmrinin verilməsi yolverilməzdir. Hesab edirəm ki, kreditor Tələbkar MMC-nin Borclu tələb etdiyi cərimənin məbləğində tərəflər arasında mübahisə ola biləcəyindən, cərimə tələbi borclunun mübahisə edilməyən vəzifəsinə aid edilmədiyindən kreditorun məhkəmə əmrinin verilməsi barədə ərizəsinin qəbul edilməsindən imtina olunmalıdır. Kreditora hazırkı tələblə iddia icraatı qaydasında məhkəməyə müraciət etmək hüququ izah olunur. Şərh olunanlara əsasən və Azərbaycan Respublikası MPM-nin 276, 279-cu maddələrini rəhbər tutaraq QƏRARA ALDİM Kreditor Tələbkar MMC-nin Borclu qarşı pul tələbinə dair məhkəmə əmrinin verilməsi barədə ərizənin qəbul edilməsindən imtina olunsun. Ərizə və ona əlavə edilmiş sənədlər Tələbkar MMC-yə geri qaytarılsın. Qərardaddan şikayət verilə bilməz. Hakim Səadət Səlimova