Bakı Şəhəri Yasamal Rayon Məhkəməsi Məhkəmə əmri — İş №e-2(004)-1452/2021

Azərbaycan Respublikası adından MƏHKƏMƏ ƏMRİ Bakı şəhəri İş № e-2(004)-1452/2021 08.01.2021 BAKI ŞƏHƏRİ YASAMAL RAYON MƏHKƏMƏSİ Mən, Bakı şəhəri Yasamal Rayon Məhkəməsinin hakimi Məmmədov Ayaz Süleyman oğlu, Bakı şəhəri, Dilarə Əliyeva küçəsi, 194 ünvanında yerləşən kreditor "Tələbkar" MMC-nin, Bakı şəhəri, Yasamal rayonu, Şərifzadə küçəsi, ev 174, mənzil 1 ünvanında qeydiyyatda olan Borclu qarşı “məhkəmə əmrinin verilməsi”nə dair əmr icraatı qaydasındakı ərizəsinə və ona əlavə olunmuş sənədlərə baxaraq, M Ü Ə Y Y Ə N E T D İ M: Kreditor "Tələbkar" MMC ərizə ilə Yasamal Rayon Məhkəməsinə müraciət edərək Borclu 292 manat məbləğində əsas borc, 110 manat cərimə borcu və 20 manat məbləğində ödənilmiş dövlət rüsumunun, cəmi 422 (dörd yüz iyirmi iki) manat tutulması barədə məhkəmə əmrinin çıxarılmasını xahiş etmişdir. Ərizə onunla əsaslandırılmışdır ki, “Tələbkar" MMC-nin direktoru X1 ilə Borclu cğlu arasında xx xxxx 2017-ci il tarixdə hissə-hissə şərti ilə 01-AGT000014298 nömrəli alqı-satqı müqaviləsi bağlanmışdır. Müqaviləyə əsasən alıcı olan Borclu 'Tələbkar" mağazasından ümumi nisyə dəyəri 429 (dörd yüz iyirmi doqquz) manat olan Philips X586 Black (İMEİ **********20566) markalı mobil telefon almışdır. Müqavilənin 4-cü bəndinə uyğun olaraq alıcı Borclu xx.xx.2017-ci il tarixdən başlayaraq hər ayın 05-dən gec olmayaraq ödəniş cədvəlinə uyğun olaraq aylıq 36 (otuz altı) manat ödəniş etməli olduğu halda aylıq ödənişlər etməmiş, aldığı malın qalıq pulunu ümumi dəyəri 292 (iki yüz doxsan iki) manatı mağazaya ödəməmişdir. Odur ki, Borclu 292 manat məbləğində əsas borc, 110 manat cərimə borcu olmaqla, cəmi 402 (dörd yüz iki) manat məbləğində borcu qalıb. Ərizəyə əlavə olunmuş sənədlərdən görünür ki, "Tələbkar" MMC-nin tələbi aşkardır. Həmin tələb borclunun mübahisə edilməyən vəzifəsinə və sadə yazılı formada bağlanmış əqdə əsaslanır. Bu halda Azərbaycan Respublikası MPM-nin 276-cı maddəsinə əsasən məhkəmə əmri verilə bilər. Azərbaycan Respublikası Mülki Məcəlləsinin 385.1-ci maddəsinə görə kreditorun borcludan vəzifəsinin icrasını tələb etmək hüququ vardır və həmin Məcəllənin 448.2-ci maddəsinə əsasən borclu öz öhdəliklərinin hər bir təqsirli pozuntusu üçün məsuliyyət daşıyır. Həmin Məcəllənin 443.1-ci maddəsinə görə öhdəliyini icra etməyən borclu kreditora dəymiş zərərin əvəzini ödəməyə borcludur. Azərbaycan Respublikası Prosesual Mülki Məcəlləsinin 280-ci maddəsinə görə məhkəmə əmri, irəli sürülmüş tələb məhkəməyə daxil olan gündən 3 gün ərzində, məhkəmə baxışı keçirilmədən və izahatları dinlənilmək üçün tərəflər çağırılmadan çıxarılır. Həmin Məcəllənin 119.1-ci maddəsinə əsasən hesab edirəm ki, "Tələbkar" MMCnin məhkəməyə ərizə verərkən dövlət rüsumu kimi ödədiyi 20 (iyirmi) manat məbləğində pul vəsaiti də borcludan kreditorun xeyrinə tutulmalıdır. Göstərilənlərə əsasən və Azərbaycan Respublikası MPM-nin 275, 276, 280-282 və 284-cü maddələrini rəhbər tutaraq, Ə M R E T D İ M: xx.xx.1984-cü il tarixdə Bakı şəhərində anadan olmuş, Bakı şəhəri, Yasamal rayonu, Şərifzadə küçəsi, ev 174, mənzil 1 ünvanında qeydiyyatda olan Borclu kreditor "Tələbkar" MMC-nin xeyrinə, 292 manat məbləğində əsas borc, 110 manat cərimə borcu və 20 manat məbləğində ödənilmiş dövlət rüsumunun, cəmi 422 (dörd yüz iyirmi iki) manat pul tutulsun. Borclu məhkəmə əmrini aldığı gündən 10 (on) gün müddətində verilmiş tələbə və ya onun hissəsinə qarşı Yasamal Rayon Məhkəməsini yazılı xəbərdar etməklə etiraz edə bilər. Məhkəmə əmri qətnamə qüvvəsinə malikdir. Məhkəmə əmrindən şikayət verilə bilməz. Sədrlik edən: Ayaz Məmmədov