Bakı Şəhəri Yasamal Rayon Məhkəməsi Qərardad — İş №e-2(004)-2240/2021

Azərbaycan Respublikası adından QƏRARDAD Bakı şəhəri İş № e-2(004)-2240/2021 26.02.2021 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Axundova Günay Təyar qızı, kreditor “xxxx” MMC-nin Borclu qarşı «borcun tutulması» barədə məhkəmə əmrinin çıxarılmasına dair ərizəsinə və ona əlavə olunmuş sənədlərə baxaraq, MÜƏYYƏN ETDİM: Kreditor “xxxx” MMC Borclu qarşı «borcun məcburi qaydada tutulması barədə» ərizə ilə xx.xx.2021-ci il tarixdə məhkəməyə təkrar müraciət edərək, Borclu onun xeyrinə 700 manat borc, 200 manat cərimə və 20 manat dövlət rüsumunun, cəmi 920 manat məbləğində pulun məcburi qaydada tutulmasına dair məhkəmə əmrinin çıxarılmasını xahiş etmişdir. Ərizəni və ona əlavə edilmiş sənədləri tədqiq edərək hesab edirəm ki, ərizənin qəbul edilməsindən imtina edilməlidir. Belə ki, iş materiallarına əlavə edilmiş sözügedən xx.xx.2019-cu il tarixli, 01- AGT000034006 saylı alğı-satqı müqaviləsi Borclu ilə kreditor “xxxx” MMC arasında deyil, “xxxx” MMC-nin müdiri Elçin Məmmədov arasında bağlanmış və ərizəyə tələb hüququnun güzəşt edilməsi barədə sənəd əlavə edilməmişdir. Azərbaycan Respublikası Mülki Prosessual Məcəlləsinin 279.2.3-cü maddəsinin tələblərinə uyğun olaraq ərizənin əsaslandığı tələb etmə hüququ barədə mübahisə vardırsa, bu məhkəmə əmrindən imtina üçün əsasdır. Həmin Məcəllənin 279.3-cü maddəsinə əsasən, ərizə məhkəməyə daxil olduğu gündən 3 gün müddətində məhkəmə ərizənin qəbul edilməsindən imtina haqqında qərardad çıxarır. Bu qərardaddan şikayət verilə bilməz. Həmin Məcəllənin 279.4-cü maddəsinə əsasən, məhkəmə əmrinin verilməsi haqqında ərizənin qəbul edilməsindən imtina olunması kreditorun həmin tələb üzrə iddia icraatı qaydasında iddia verməsinə mane olmur. Bu halda kreditor tərəfindən ödənilmiş dövlət rüsumu ödənilməli olan dövlət rüsumuna hesablanır. Yuxarıda göstərilənləri nəzərə alaraq və Azərbaycan Respublikası MPM-in 263, 264, 275-279-cu maddələrini rəhbər tutaraq, QƏRARA ALDİM : Kreditor “xxxx” MMC-nin Borclu qarşı «borcun tutulması barədə» məhkəmə əmrinin çıxarılmasına dair ərizəsinin qəbulundan imtina edilsin. Qərardaddan şikayət verilə bilməz. Hakim: Günay Axundova