Azərbaycan Respublikası adından QƏRARDAD Bakı şəhəri İş № e-2(004)-2355/2025 07.03.2025 BAKI ŞƏHƏRİ YASAMAL RAYON MƏHKƏMƏSİ İddiaçı Cavabdeh qarşı alimentin azaldılması tələbinə dair iş üzrə (açar sözlər: geri qaytarma) Hakim Əsədzadə Aytəkin Aqil oğlunun sədrliyi ilə, İddiaçı Cavabdeh qarşı alimentin azaldılması tələbi barədə iddia ərizəsinə və ona əlavə edilmiş sənədlərə baxaraq, aşağıdakı qərardadı qəbul etdi. İddia tələbi
1. İddiaçı cavabdehə qarşı iddia ərizəsi ilə məhkəməyə müraciət edərək, Bakı şəhəri Yasamal Rayon Məhkəməsi 8(004)-100/2025 nömrəli, 18 fevral 2025-ci il tarixli qətnaməsinin ləğv edilməsi və Cavabdeh yetkinlik yaşına çatmayan xx.xx.2010-cu il təvəllüdlü X3 və xx.xx.2012-ci il təvəllüdlü X1 üçün tutulmuş alimentin indeksiya edilməsi barədə ərizəsinə cavabdeh tərəfin iştirakı və uşaqlarla ünsiyyətin də araşdırılması daxil olmaqla məsələyə yenidən baxılaraq mövcud qanunların tələbinə uyğun yeni qərar qəbul edilməsini xahiş etmişdir.
Tətbiq edilən hüquq
2. Azərbaycan Respublikası Mülki Prosessual Məcəlləsi (MPM): Maddə 149.1. İddia ərizəsi məhkəməyə yazılı şəkildə verilir. O, iddiaçı və ya onun bunu imza etməyə səlahiyyəti olan nümayəndəsi tərəfindən imzalanır; Maddə 149.2. Ərizədə aşağıdakılar göstərilməlidir: 149.2.3. iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb; Maddə 151.1. İddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür; Maddə 152.1. Hakim iddia ərizəsini və ona əlavə edilmiş sənədləri geri qaytarır: 152.1.1. iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə.
Məhkəmənin mövqeyi
3. Məhkəmə iddia ərizəsi və ona əlavə olunmuş sənədləri nəzərdən keçirərək hesab edir ki, iddia ərizəsi geri qaytarılmalıdır.
4. Belə ki, işdən görünür ki, iddiaçı iddia ərizəsi ilə məhkəməyə müraciət etsə də, faktiki olaraq Bakı şəhəri Yasamal Rayon Məhkəməsinin xx.xx.2025-ci il tarixli, 8(004)- 100/2025 nömrəli qərardadını mübahisələndirir. Bu niyyətdən irəli gələrək iddiaçının tələbi “Bakı şəhəri Yasamal Rayon Məhkəməsinin 8(004)-100/2025 nömrəli, 18 fevral 2025-ci il tarixli qətnaməsi ləğv edilsin” formada ifadə edilmişdir.
5. Göründüyü kimi, iddiaçının tələbi yeni mülki mübahisə açılmasına yox, Bakı şəhəri Yasamal Rayon Məhkəməsinin qərardadının ləğvinə yönəlmişdir.
6. Qərardadın ləğv olunması üçün isə iddiaçı MPM-in 269-cu maddəsinin tələblərinə uyğun formada şikayətlə müraciət etməli idi.
7. Odur ki, hazırkı iş üzrə iddia ərizəsi MPM-in göstərilən tələblərinə uyğun verilmədiyindən iddia ərizə və əlavə olunmuş sənədlər geri qaytarılmalıdır.
8. Göstərilənləri və MPM-nin 152, 263, 264, 268-ci maddələrini rəhbər tutaraq, məhkəmə
qərara aldı:
İddiaçı Cavabdeh qarşı alimentin azaldılması tələbinə dair iddia ərizəsi və ona əlavə edilmiş sənədlər geri qaytarılsın. İddiaçı izah edilsin ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə aidiyyəti məhkəməyə müraciət etməyə mane olmur. Qərardaddan rəsmi qaydada verildiyi gündən 10 (on) gün müddətində “Elektron məhkəmə” informasiya sistemində yaradılan elektron kabinet vasitəsilə Bakı şəhəri Yasamal Rayon Məhkəməsinə şikayət verilə bilər.
HAKİM Aytəkin Əsədzadə