Bakı Şəhəri Nizami Rayon Məhkəməsi Qərardad — İş №e-2(007)-3151/2025

Azərbaycan Respublikası adından QƏRARDAD Bakı şəhəri İş № e-2(007)-3151/2025 22.08.2025 BAKI ŞƏHƏRİ NİZAMİ RAYON MƏHKƏMƏSİ Mən, Bakı şəhəri Nizami Rayon Məhkəməsinin hakimi X1, Kreditor Tələbkar borclular Borclu1, Borclu2, Borclu3, Borclu4, Borclu5 qarşı ərizəsini və ona əlavə edilmiş sənədləri nəzərdən keçirərək, MÜƏYYƏN ETDİM : Tələbkar məhkəməyə ərizə ilə müraciət edərək onunla birinci tərəflər arasında bağlanmış barışıq sazişinin təsdiq edilməsini xahiş etmişdir. İddia ərizəsinin məhkəmə icraatının mümkünlüyü məsələsi yoxlanılarkən müəyyən edilmişdir ki, iddia ərizəsi verilərkən prosessual normanın tələbləri pozulmuşdur. Azərbaycan Respublikası Mülki Prosessual Məcəlləsi: 305.1. Məhkəmə xüsusi icraat qaydasında aşağıdakı işlərə baxır: 305.1.17. mediasiya prosesi nəticəsində bağlanılmış barışıq sazişinin təsdiq edilməsi haqqında. Göründüyü kimi, qanunverici barışıq sazişinin təsdiq edilməsi ilə baxılmasının qaydasını xüsusi icraat olaraq müəyyənləşdirmişdir. Lakin ərizəçi elektron məhkəmə informasiya sistemində ərizə verərkən icraatın növünü “əmr icraatı” kimi seçərək əlavə etmişdir. Belə olan halda, məhkəmə hesab edirki ki, ərizə və ona əlavə edilmiş sənədlər geri qaytarılmalı, ərizəçiyə, qeyd edilmiş nöqsan aradan qaldırıldıqdan sonra ümumi qaydada məhkəməyə müraciət etmək hüququ izah edilməlidir. Beləliklə, ərizəsi prosessual qanunvericiliyin tələblərinə əməl edilməməklə verildiyindən ona əlavə edilmiş sənədlərlə birlikdə geri qaytarılmalıdır. Azərbaycan Respublikasının Mülki Prosessual Məcəlləsinin: 152.2.-ci maddəsinə əsasən iddia ərizəsinin qaytarılması haqqında hakim qərardad çıxarır. 152.3-cü maddəsinə əsasən iddia ərizəsinin qaytarılması haqqında qərardaddan şikayət verilə bilər. Qərardad ləğv edildikdə, iddia ərizəsi məhkəməyə müraciət edildiyi gündən verilmiş hesab edilir. 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıda qeyd olunan nöqsana əsasən iddia ərizəsi ona əlavə edilmiş sənədlərlə geri qaytarılmalı, nöqsan aradan qaldırıldıqdan sonra ümumi qaydada məhkəməyə müraciət etmək hüququ iddiaçılara izah edilməlidir. Həmçinin məhkəmə qeyd edir ki, xüsusi icraat qaydasında baxılan barışıq sazişinin təsdiq edilməsi barədə işlər üzrə ərizəçi 100 manat məbləğində dövlət rüsumu ödəməlidir. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 263, 264, 267 və 268-ci maddələrini rəhbər tutaraq, QƏRARA ALDİM: Kreditor Tələbkar borclular Borclu1, Borclu2, Borclu3, Borclu4, Borclu5 qarşı ərizəsi və ona əlavə edilmiş sənədlər geri qaytarılsın. Qərardadda göstərilən nöqsan aradan qaldırıldıqdan sonra ümumi qaydada məhkəməyə müraciət etmək hüququ ərizəçiyə izah olunsun. Qərardad tərəfə rəsmi qaydada verildikdən sonra 10 (on) gün müddətində ondan Bakı Şəhəri Nizami Rayon Məhkəməsinə şikayət verilə bilər. Sədrlik edən: Rauf Əhmədov