Bakı Şəhəri Xətai Rayon Məhkəməsi Məhkəmə əmri — İş №e-2(011)-7525/2021

Azərbaycan Respublikası adından MƏHKƏMƏ ƏMRİ Bakı şəhəri İş № e-2(011)-7525/2021 24.09.2021 BAKI ŞƏHƏRİ XƏTAİ RAYON MƏHKƏMƏSİ Hakim Həsənova Aygün Namiq qızının sədrliyi ilə Bakı şəhəri, Dilarə Əliyeva küçəsi 188, “X1” 10-cu mərtəbə ünvanında yerləşən Kreditor MMC-nin Borclu qarşı borc tələbinə dair məhkəmə əmrinin verilməsinə dair ərizəsinə və ərizəyə əlavə olunmuş sənədlərə əmr icraatı qaydasında baxaraq müəyyən etdi: Kreditor MMC Borclu qarşı “borc tələbi”nə dair ərizə ilə məhkəməyə müraciət etmişdir. Kreditorun ərizəsindən və ərizəyə əlavə edilən sənədlərdən görünür ki, Borclu Kreditor MMC-dən 09 noyabr 2020-ci il tarixli R0006257 saylı alğı-satqı müqaviləsinə əsasən kredit yolu ilə dəyəri 2.242 manat olan İphone 11 128 markalı mobil telefon almışdır. Borclu aldığı əşyaya görə ilkin ödəniş etməmiş, borclu olduğu qalıq 2.242 manat məbləğində pulu müqaviləyə əlavə edilən ödəniş cədvəlinə əsasən kreditora hissə-hissə ödəməyi öhdəsinə götürsə də, müqavilədə nəzərdə tutulmuş öhdəlikləri yerinə yetirməmiş və heç bir ödəniş etməmişdir. Borcun ödənilməsi ilə əlaqədar olaraq borcluya dəfələrlə şifahi, 03 sentyabr 2021-ci il tarixdə isə yazılı xəbərdarlıq edilmişdir. Ona görə də borcludan 2.242 manat əsas, 225 manat cərimə və 20 manat dövlət rüsumunun, cəmi 2.487 manat pulun Kreditor MMC-yə ödənilməsi barədə məhkəmə əmrinin çıxarılması xahiş olunur. İş materiallarından görünür ki, Kreditor MMC ilə Borclu arasında bağlanmış 09 noyabr 2020-ci il tarixli R0006257 saylı alğı-satqı müqaviləsinə əsasən alıcı Kreditor MMC-dən 2.242 manat dəyərində mobil telefon almışdır. Borclunun hazırda 2.242 manat əsas borcu və 225 manat cərimə borcu vardır. Kreditor MMC tərəfindən məhkəmə əmrinin verilməsi üçün 20 manat dövlət rüsumu ödənilmişdir. Azərbaycan Respublikası MPM-nin 276.1-ci maddəsinə əsasən, kreditorun tələbi aşkardırsa və ya həmin tələb borclunun mübahisə edilməyən vəzifəsinə əsaslanırsa, bu halda məhkəmə əmri verilə bilər. Azərbaycan Respublikası MPM-nin 280-ci maddəsinə əsasən məhkəmə əmri irəli sürülmüş tələb məhkəməyə daxil olan gündən 3 gün ərzində, məhkəmə baxışı keçirilmədən və izahatları dinlənilmək üçün tərəflər çağırılmadan çıxarılır. Ərizəyə əlavə olunmuş sənədlərlə Kreditor MMC-nin tələbinin aşkar olduğu, tələbin sadə yazılı formada bağlanmış əqdə və borclunun mübahisə edilməyən vəzifəsinə əsaslandığının təsdiq olunduğu üçün məhkəmə həmin tələb üzrə məhkəmə əmri verilməsini mümkün hesab etmişdir. Şərh olunanlara əsasən və Azərbaycan Respublikası MPM-nin 275, 276, 280 və 281-ci maddələrini rəhbər tutaraq əmr etdi: 20 avqust 1983-cü ildə Masallı rayonunda anadan olmuş, Bakı şəhəri, Xətai rayonu, M.Rüstəmov küçəsi, ev 14, 15 saylı mənzildə qeydiyyatda olan Borclu 2.242 (iki min iki yüz qırx iki) manat əsas borc və 225 (iki yüz iyirmi beş) manat cərimə borcu olmaqla, cəmi 2.467 (iki min dörd yüz altmış yeddi) manat və 20 (iyirmi) manat dövlət rüsumu, cəmi 2.487 (iki min dörd yüz səksən yeddi) manat pul vəsaiti Kreditor MMC-nin xeyrinə tutulsun. Borclu məhkəmə əmrini aldığı gündən 10 (on) gün ərzində verilmiş tələbə və ya onun hissəsinə qarşı əmri vermiş məhkəməni yazılı xəbərdar etməklə etiraz edə bilər. Məhkəmə əmri qətnamə qüvvəsinə malikdir. Məhkəmə əmrindən şikayət verilə bilməz. Sədrlik edən: Aygün Həsənova