Ağdam Rayon Məhkəməsi Qətnamə — İş №e-2(013)-2153/2024

Azərbaycan Respublikası adından QƏTNAMƏ Ağdam rayonu İş № e-2(013)-2153/2024 15.08.2024 AĞDAM RAYON MƏHKƏMƏSİ Hakim Niftəliyev Mahir Şamil oğlu. İddiaçı ASC-nin Cavabdeh qarşı pul tələbi barədə iddia ərizəsinə dair işə 15 avqust 2024-cü ildə Ağdam rayonunun Quzanlı qəsəbəsində məhkəmənin binasında sadələşdirilmiş icraat qaydasında baxaraq, müəyyənetdi: İddiaçı ASC-nin nümayəndəsi Nümayəndə1 rayon məhkəməsinə ünvanladığı iddia ərizəsində, Cavabdeh 3900 manat pulun və ödənilmiş 59,40 manat dövlət rüsumunun tutularaq İddiaçı ASC-nin xeyrinə ödənilməsi barədə qətnamə çıxarılmasını xahiş etmişdir. İddia ərizəsi məhkəməyə daxil olduğu vaxtdan 5 (beş) iş günü ərzində cavabdehə rəsmi qaydada bildiriş göndərilərək iddiaçının tələbinə qarşı əsaslandırılmış etirazı olduğu halda təqdim etməli olduğu izah olunmuşdur. İşə baxılma müddəti ərzində məhkəməyə cavabdehin iddiaçının tələbinə dair əsaslandırılmış etirazı, dəlilləri və ya onları təsdiq edən sənədləri daxil olmamışdır. Məhkəmədə elan olunmuş KSM 231 saylı və 2188/FS/CML-1404/2015-2016 saylı sığorta aktlarının surətlərindən görünür ki, Cavabdeh tərəfindən idarə edilən «Renault» markalı **-GH-*** dövlət qeydiyyat nişanlı avtonəqliyyat vasitəsi xx.xx.2013-cü il tarixdən xx.xx.2014-cü il tarixədək sığortalı olmuşdur. Həmin avtomobil xx.xx.2014-cü il tarixdə Sumqayıt şəhəri, Nərimanov küçəsində «Nissan» markalı **-PV-*** dövlət qeydiyyat nişanlı avtonəqliyyat vasitəsi ilə toqquşmuş və dəymiş zərər 3900 manat məbləğində müəyyən edilmişdir. Sumqayıt Şəhər Məhkəməsinin xx.xx.2015-ci il tarixli 3-(060)-1254/2015 saylı qərarının surətindən surətindən görünür ki, Cavabdeh Azərbaycan Respublikası İXM-in 151.3 və 152.4-cü maddələri ilə təqsirli bilinib, AR İXM-nin 35.2-ci maddəsinə əsasən AR İXM-nin 152.4-cü maddəsi ilə 400 (dörd yüz) manat məbləğində inzibati cərimə olunmuşdur. xx.xx.2014-cü il tarixli ödəniş tapşırığının surətindən görünür ki, dəymiş zərərə görə "xxxx" ASC tərəfindən "xxxx" MMC-yə köçürmə yolu ilə 3900 manat məbləğində sığorta ödənişi ödənilmişdir. xx.xx.2016-cı il tarixli ödəniş tapşırığının surətindən görünür ki, dəymiş zərərə görə İddiaçı ASC tərəfindən "xxxx" ASC-yə köçürmə yolu ilə 3900 manat məbləğində sığorta ödənişi ödənilmişdir. Məhkəmə araşdırılmış sübutlara obyektiv qiymət verərək belə hesab edir ki, iddia əsaslı olduğundan təmin olunmalıdır. Belə ki, Cavabdeh tərəfindən idarə edilən «Renault» markalı **-GH-*** dövlət qeydiyyat nişanlı avtonəqliyyat vasitəsi xx.xx.2014-cü il tarixdə Sumqayıt şəhəri, Nərimanov küçəsində «Nissan» markalı **-PV-*** dövlət qeydiyyat nişanlı avtonəqliyyat vasitəsi ilə toqquşmuş və həmin avtomobilə 3900 manat zərər vurmuşdur. Dəymiş ziyana görə iddiaçı "xxxx" ASC-yə 3900 manat ödəniş etmişdir. Hadisə baş verən zaman Cavabdeh hadisə yerindən yayınmış və onun avtomobili idarə etmək hüququ olmamışdır. Belə olan halda İddiaçı ASC-nin ödədiyi məbləği zərəri vurmuş şəxsdən, yəni Cavabdeh tələb etmək hüququ vardır. Azərbaycan Respublikasının Mülki Prosessual Məcəlləsinin 284-1-ci maddəsində qeyd olunmuşdur ki, mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Həmin Məcəlləsinin 284-5.1-ci maddəsində qeyd olunmuşdur ki, ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməlidir. Həmin Məcəllənin 284-5.2-ci maddəsində qeyd olunmuşdur ki, cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Həmin Məcəllənin 284-5.3-cü maddəsində qeyd olunmuşdur ki, ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Azərbaycan Respublikasının Mülki Prosessual Məcəlləsinin 124-cü maddəsinə əsasən iddiaçı tərəfindən ödənilmiş dövlət rüsumu iddia tələblərinin təmin edilmiş hissəsinə mütənasib olaraq cavabdehdən alınaraq iddiaçıya verilməlidir. Yuxarıdakılara əsasən Azərbaycan Respublikasının Mülki Prosessual Məcəlləsinin 216-220, 227, 284-6 və 357-ci maddələrini rəhbər tutub, məhkəmə qətetdi: İddia əsaslı olduğundan təmin edilsin. Cavabdeh 3900 (üç min doqquz yüz) manat və ödənilmiş 59,40 manat dövlət rüsumu tutularaq İddiaçı ASC-nin xeyrinə ödənilsin. Qətnamədən onun rəsmi qaydada verildiyi gündən bir ay müddətində Ağdam Rayon Məhkəməsi vasitəsi ilə Gəncə Apelyasiya Məhkəməsinə apelyasiya şikayəti verilə bilər. Hakim Mahir Niftəliyev