Azərbaycan Respublikası adından QƏTNAMƏ Ağstafa rayonu İş № e-2(015)-1447/2025 30.09.2025 AĞSTAFA RAYON MƏHKƏMƏSİ Giriş hissə: Hakim Mürsəlova Heyran Mehman qızının sədrliyi, Əlizadə Ləman Üzeyir qızının katibliyi ilə, İddiaçı Sığorta Açıq Səhmdar Cəmiyyətinin Cavabdeh qarşı subroqasiya hüququ əsasında pul tələbinə dair iddiası üzrə mülki işə kiçik iddialara dair işlər üzrə sadələşdirilmiş icraat qaydasında baxaraq, MÜƏYYƏN ETDİ: Təsviri hissə:
1. İddiaçı Sığorta ASC iddia ərizəsi ilə məhkəməyə müraciət edərək, Cavabdeh “Subaru Forester” markalı, ** AL *** dövlət qeydiyyat nişanlı nəqliyyat vasitəsinə görə ödənilmiş 3790 manat (üç min yeddi yüz doxsan manat) pulun və bu iddianın verilməsi üçün ödənilmiş 57.90 manat (əlli yeddi manat doxsan qəpik) dövlət rüsumunun və 0.40 manat xidmət haqqı məbləğində pul vəsaitinin cavabdehdən tutulub İddiaçı Sığorta ASCnin xeyrinə ödənilməsinə dair qətnamə çıxarılmasını xahiş etmişdir.
2. İddia tələbi onunla əsaslandırılmışdır ki, “Avtonəqliyyat vasitəsi sahiblərinin mülki məsuliyyətinin icbari sığortası üzrə sığorta hadisəsi hesab edilə bilən halın təfərrüatları barədə” arayışa əsasən xx.xx.2024-cü il tarixdə Cavabdeh tərəfindən sürücülük hüququ olmadan idarə olunan “VAZ 21074” markalı, ** NK *** dövlət qeydiyyat nişanlı nəqliyyat vasitəsi, “Subaru Forester” markalı, ** AL *** dövlət qeydiyyat nişanlı nəqliyyat vasitəsi ilə toqquşaraq yol-nəqliyyat hadisəsi törədilmişdir. İş materiallarına əlavə edilmiş 135762 nömrəli sığorta aktından və icbari sığorta müqaviləsindən çıxarışdan görünür ki, hadisə zamanı zərərvuran “VAZ 21074” markalı, ** NK *** dövlət qeydiyyat nişanlı nəqliyyat vasitəsi İddiaçı Sığorta Şirkətində xx.xx.2024-cü ildən xx.xx.2025-ci ilə qədər müddətdə mülki məsuliyyətin icbari sığortası növü üzrə sığortalı olmuşdur. xx.xx.2024-cü il tarixli müstəqil ekspertin rəyindən görünür ki, hadisə nəticəsində “Subaru Forester” markalı, ** AL *** dövlət qeydiyyat nişanlı nəqliyyat vasitəsinə 3890 AZN zərər dəymişdir. 4. xx.xx.2024-cü il tarixli qəbzə əsasən, 100 manat azad olma məbləği çıxılmaqla qalan 3790 AZN sığorta ödənişi məbləğizərərçəkəni kasko sığortası üzrə sığortalamış "xxxx" ASC tərəfindən zərərçəkən şəxs “R.İ.S.K Elmi İstehsalat Şirkəti”-nin hesabına köçürülmüşdür. "xxxx" ASC iddiaçıya ünvanlandığı xx.xx.2024-cü il tarixli məktubu ilə zərərçəkənə ödədiyi sığorta ödənişinicavabdehin icbari sığortası olan iddiaçı sığorta şirkətindən tələb etmişdir. Beləliklə, xx.xx.2024-cü il tarixli, 16708 saylı ödəniş tapşırığından da göründüyü kimi 3790 manat sığorta ödənişi iddiaçı tərəfindən "xxxx" ASC-nin hesabına köçürülmüşdür. İş materiallarında olan Ağstafa Rayon Məhkəməsinin xx.xx.2024-cü il tarixli qərarına əsasən, Cavabdeh yol-nəqliyyat hadisəsi zamanı nəqliyyat vasitəsini sürücülük hüququ olmadan idarə etmişdir. Buna görə də İXM-nin 332.4-cü maddəsi ilə təqsirli bilinərək barəsində 500 manat məbləğində cərimə tənbeh tədbiri tətbiq edilmişdir. Həmçinin iş materiallarında olan ******* saylı İXP protokolundan aydın olur ki, həmçinin cavabdehin əməlində 332.1 və 327.2-ci maddələrin tələblərinin də pozuntusu olmuşdur. İş materiallarında olan polis izahatında zərərvuran nəqliyyat vasitəsinin sahibi bildirmişdir ki, nəqliyyat vasitəsinin oğlu tərəfindən sürücülük hüququ olmadan idarə edilməsinə görə dəymiş zərərin gələcəkdə sığorta şirkəti tərəfindən tələb olunacağı haqqında məlumatı vardır. Cavabdeh icbari qaydada sığortalanmış nəqliyyat vasitəsini sürücülük vəsiqəsi olmadan idarə etdiyinə görə ona qarşı subroqasiya hüququmuz yaranmışdır. Cavabdeh qeydiyyat ünvanına pretenziya məktubu göndərilmiş və əlaqə saxlanılmış, güzəşt tətbiq edilməklə müddət verilsə də, ödəniş edilməmiş, cavabdeh tərəfindən iddiaçının zəng və mesajlarına geri dönüş edilməmişdir. Ona görə də, iddiaçı təşkilat tərəfindən cavabdehə qarşı hazırki tələblə bağlı məhkəməyə müraciət edilmişdir
a) İşə sadələşdirilmiş icraat qaydasında baxılması ilə əlaqədar məhkəmənin mövqeyi:
3. Ağstafa Rayon Məhkəməsində İddiaçı Sığorta ASC-nin Cavabdeh qarşı borcun tutulması tələbinə dair iddiası üzrə tələb edilən məbləğ 5000 manatdan az olduğundan, mülki işə kiçik iddialara dair işlər üzrə sadələşdirilmiş icraat qaydasında baxılması mümkün hesab edilmiş, cavabdehə iddiaçının tələbinə dair əsaslandırılmış etirazının olduğu halda öz dəlilləri və onları təsdiq edən sənədləri 10 (on) iş günü müddətində Ağstafa Rayon Məhkəməsinə təqdim edilməsi barədə bildiriş göndərilmiş, lakin onun iddiaçının tələbinə dair əsaslandırılmış etirazı və onları təsdiq edən sənədlər məhkəməyə təqdim olunmamışdır.
4. Belə ki, Azərbaycan Respublikası Mülki Prosessual Məcəlləsinin 284-1-ci maddəsinə əsasən mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir.
5. Həmin Məcəllənin 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır.
6. Bu səbəbdən məhkəmə iş materiallarını araşdırıb hesab edir ki, işə iddiaçının təqdim etdiyi sənədlər əsasında baxılmalı və işin həllinə dair iddianın təmin olunması barədə qətnamə çıxarılmalıdır.
Əsaslandırıcı hissə a) Mülki işin materialları:
7. İş materiallarına əlavə edilmiş “Avtonəqliyyat vasitəsi sahiblərinin mülki məsuliyyətinin icbari sığortası üzrə sığorta hadisəsi hesab edilə bilən halın təfərrüatları barədə” arayışa (forma 4) əsasən xx.xx.2024-cü il tarixdə Cavabdeh tərəfindən sürücülük hüququ olmadan idarə olunan “VAZ 21074” markalı, ** NK *** dövlət qeydiyyat nişanlı nəqliyyat vasitəsi, “Subaru Forester” markalı, ** AL *** dövlət qeydiyyat nişanlı nəqliyyat vasitəsi ilə toqquşaraq yol-nəqliyyat hadisəsi törətmişdir.
8. İş materiallarına əlavə edilmiş 135762 nömrəli sığorta aktından və icbari sığorta müqaviləsindən çıxarışdan görünür ki, hadisə zamanı zərərvuran “VAZ 21074” markalı, ** NK *** dövlət qeydiyyat nişanlı nəqliyyat vasitəsi İddiaçı Sığorta Şirkətində xx.xx.2024-cü ildən xx.xx.2025-ci ilə qədər müddətdə mülki məsuliyyətin icbari sığortası növü üzrə sığortalı olmuşdur.
9. xx.xx.2024-cü il tarixli qəbzə əsasən, 100 manat azadolma məbləği (franşiza) çıxılmaqla qalan 3790 manat (üç min yeddi yüz doxsan manat) sığorta ödənişi məbləği zərərçəkəni kasko sığortası üzrə sığortalamış "xxxx" ASC tərəfindən zərərçəkən şəxs “R.İ.S.K Elmi İstehsalat Şirkəti”-nin hesabına köçürülmüşdür.
10. "xxxx" ASC iddiaçıya ünvanlandığı xx.xx.2024-cü il tarixli məktubu ilə zərərçəkənə ödədiyi sığorta ödənişini cavabdehin icbari sığortası olan iddiaçı sığorta şirkətindən tələb etmişdir. Beləliklə, xx.xx.2024-cü il tarixli, 16708 saylı ödəniş tapşırığından da göründüyü kimi 3790 manat (üç min yeddi yüz doxsan manat) sığorta ödənişi iddiaçı tərəfindən "xxxx" ASC-nin hesabına köçürülmüşdür.
11. İş materiallarında olan Ağstafa Rayon Məhkəməsinin xx.xx.2024-cü il tarixli qərarına əsasən, Cavabdeh yol-nəqliyyat hadisəsi zamanı nəqliyyat vasitəsini sürücülük hüququ olmadan idarə etmişdir. Buna görə də İXM-nin 332.4-cü maddəsi ilə təqsirli bilinərək barəsində 500 AZN məbləğində cərimə tənbeh tədbiri tətbiq edilmişdir. Həmçinin iş materiallarında olan ******* saylı İXP protokolundan aydın olur ki, həmçinin cavabdehin əməlində 332.1 və 327.2-ci maddələrin tələblərinin də pozuntusu olmuşdur. İş materiallarında olan polis izahatında zərərvuran nəqliyyat vasitəsinin sahibi bildirmişdir ki, nəqliyyat vasitəsinin oğlu tərəfindən sürücülük hüququ olmadan idarə edilməsinə görə dəymiş zərərin gələcəkdə sığorta şirkəti tərəfindən tələb olunacağı haqqında mlumatı vardır.
12. İş materiallarına əlavə olunmuş ödəniş qəbzindən görünür ki, iddiaçı tərəfindən məhkəməyə iddia verilməsi üçün 57,90 manat dövlət rüsumu ödənilmişdir.
b) Məhkəmə tərəfindən müəyyən edilən hallar:
13. İddiaçı Sığorta ASC ilə Cavabdeh arasında “Avtonəqliyyat vasitəsi sahiblərinin mülki məsuliyyətinin icbari sığortası üzrə sığorta hadisəsi hesab edilə bilən halın təfərrüatları barədə” arayışa əsasən xx.xx.2024-cü il tarixdə Cavabdeh tərəfindən sürücülük hüququ olmadan idarə olunan “VAZ 21074” markalı, ** NK *** dövlət qeydiyyat nişanlı nəqliyyat vasitəsi, “Subaru Forester” markalı, ** AL *** dövlət qeydiyyat nişanlı nəqliyyat vasitəsi ilə toqquşaraq yol-nəqliyyat hadisəsi törətmişdir. İş materiallarına əlavə edilmiş 135762 nömrəli sığorta aktından və icbari sığorta müqaviləsindən çıxarışdan görünür ki, hadisə zamanı zərərvuran “VAZ 21074” markalı, ** NK *** dövlət qeydiyyat nişanlı nəqliyyat vasitəsi İddiaçı Sığorta Şirkətində xx.xx.2024-cü ildən xx.xx.2025-ci ilə qədər müddətdə mülki məsuliyyətin icbari sığortası növü üzrə sığortalı olmuşdur. xx.xx.2024-cü il tarixli müstəqil ekspertin rəyindən görünür ki, hadisə nəticəsində “Subaru Forester” markalı, ** AL *** dövlət qeydiyyat nişanlı nəqliyyat vasitəsinə 3890 AZN zərər dəymişdir. 4. xx.xx.2024-cü il tarixli qəbzə əsasən, 100 manat azad olma məbləği çıxılmaqla qalan 3790 AZN sığorta ödənişi məbləği zərərçəkəni kasko sığortası üzrə sığortalamış "xxxx" ASC tərəfindən zərərçəkən şəxs “R.İ.S.K Elmi İstehsalat Şirkəti”-nin hesabına köçürülmüşdür. "xxxx" ASC iddiaçıya ünvanlandığı xx.xx.2024-cü il tarixli məktubu ilə zərərçəkənə ödədiyi sığorta ödənişini cavabdehin icbari sığortası olan iddiaçı sığorta şirkətindən tələb etmişdir. xx.xx.2024-cü il tarixli, 16708 saylı ödəniş tapşırığından da göründüyü kimi 3790 manat sığorta ödənişi iddiaçı tərəfindən "xxxx" ASC-nin hesabına köçürülmüşdür. İş materiallarında olan Ağstafa Rayon Məhkəməsinin xx.xx.2024-cü il tarixli qərarına əsasən, Cavabdeh yol-nəqliyyat hadisəsi zamanı nəqliyyat vasitəsini sürücülük hüququ olmadan idarə etmişdir. Buna görə də İXM-nin 332.4-cü maddəsi ilə təqsirli bilinərək barəsində 500 manat məbləğində cərimə tənbeh tədbiri tətbiq edilmişdir. Cavabdeh icbari qaydada sığortalanmış nəqliyyat vasitəsini sürücülük vəsiqəsi olmadan idarə etdiyinə görə iddiaçının ona qarşı subroqasiya hüququ yaranmışdır. Cavabdeh ünvanına geriyə tələb (subroqasiya) məktubu göndərilsə də, müvafiq sığorta ödənişi məbləği bu günədək ödənilməmişdir.
c) Mülki iş üzrə tətbiq edilən hüquq və məhkəmənin mövqeyi: Məhkəmə iddia tələbi ilə bağlı aşağıdakıları qeyd etməyi zəruri hesab edir.
14. Məhkəmə hesab edir ki, qanunvericiliyə əsasən avtonəqliyyat vasitələrinin sahiblərinin mülki məsuliyyətinin icbari sığortası üzrə baş vermiş sığorta hadisəsi zamanı sürücü hadisə yerindən yayınmış olduqda da sığorta ödənişi vermiş sığortaçının hadisəni törətmiş şəxsə qarşı verilmiş sığorta ödənişi məbləğində subroqasiya hüququ yaranır. Eyni zamanda yüksək təhlükə mənbəyinin sahibi digər şəxslərin hüquqa zidd hərəkətləri nəticəsində mənbənin onun sahibliyindən çıxdığını sübuta yetirərsə, həmin mənbənin vurduğu zərər üçün məsuliyyət daşımır. Belə hallarda yüksək təhlükə mənbəyinin vurduğu zərər üçün məsuliyyəti mənbəyə hüquqa zidd yiyələnmiş şəxslər daşıyırlar. Yüksək təhlükə mənbəyinin sahibi həmin mənbənin onun sahibliyindən hüquqa zidd götürülməsində təqsirli olduqda məsuliyyət həm mənbə sahibinin, həm də yüksək təhlükə mənbəyinə hüquqa zidd yiyələnmiş şəxsin üzərinə qoyula bilər.
15. “İcbari Sığortalar haqqında” Azərbaycan Respublikası Qanunun 63.1-ci maddəsində isə təsbit olunmuşdur ki, bu Qanunun 63.2-ci maddəsi nəzərə alınmaqla, avtonəqliyyat vasitələrinin sahiblərinin mülki məsuliyyətinin icbari sığortası üzrə baş vermiş sığorta hadisəsi zamanı sürücü hadisə yerindən yayınmış olduqda da sığorta ödənişi vermiş sığortaçının hadisəni törətmiş şəxsə qarşı verilmiş sığorta ödənişi məbləğində subroqasiya hüququ yaranır.
16. Həmin Qanunun 63.2-ci maddəsinə əsasən subroqasiya hüququnun bu Qanunun 25.1.5-ci, 25.1.6-cı və 25.1.7-ci maddələrində nəzərdə tutulmuş əsasları bu Fəslin məqsədləri üçün tətbiq edilmir.
17. Həmin Qanunun 25.1.5, 25.1.6 və 25.1.7-ci maddələrinə əsasən sığortalı (sığorta olunan) və ya onun nümayəndəsi sığorta hadisəsi zamanı əmlaka daha çox zərərin dəyməsinin qarşısının alınması və (və ya) onun azaldılması istiqamətində, həmçinin zərər çəkmiş və ya zərər çəkmə ehtimalı olan şəxslərin həyatını xilas etmək üçün mümkün olan tədbirləri qəsdən görmədikdə; bu zaman subroqasiya hüququ o həcmdə yaranır ki, qeyd olunan tədbirlər görülmüş olsaydı, zərərin miqdarı həmin həcmdə azalmış olardı; sığorta hadisəsi sığortalının və ya zərərçəkən olmayan sığorta olunanın bu və ya digər fəaliyyət növü ilə məşğul olarkən, belə fəaliyyət növünü tənzimləyən qanunun tələblərini pozmaqla qəsdən törədilən əməli ilə müşayiət olunduqda; sığortalı və ya sığorta olunan sığorta müqaviləsi bağlanarkən, sığorta müqaviləsinin məzmununa daxil edilməli olan, həmçinin özünə məlum olan, habelə sığortaçının yazılı surətdə tələb etdiyi və müqavilədən imtina etmək, yaxud onu məzmunu dəyişdirilmiş şəkildə bağlamaq qərarına təsir göstərə bilən, habelə müqavilə bağlandıqdan sonra sığorta riskinin dəyişməsi ilə bağlı bütün hallar barədə sığortaçıya qəsdən məlumat vermədikdə, yaxud qəsdən yanlış məlumat verdikdə sığortaçının mülki məsuliyyətin icbari sığortası üzrə verdiyi sığorta ödənişi məbləğində sığortalıya və (və ya) müvafiq hallarda sığorta olunana qarşı subroqasiya hüququ yaranır.
18. Azərbaycan Respublikası Mülki Məcəlləsinin 936.1-ci maddəsinə əsasən subroqasiya hüququ bu Məcəllənin 936.6-cı maddəsi nəzərə alınmaqla, sığorta ödənişi almış şəxsin ona dəymiş zərərə görə məsuliyyət daşıyan şəxsə qarşı malik olduğu hüquqlardan və vasitələrdən həmin ödənişi vermiş sığortaçının istifadə etmək hüququdur.
19. Həmin Məcəllənin 936.2-ci maddəsinə əsasən faydalanan şəxsin zərərvuran şəxsə qarşı zərərin əvəzini ödəmək tələbi (iddiası) ilə bağlı hüquq əmlak sığortası üzrə sığorta ödənişini vermiş sığortaçıya subroqasiya qaydasında onun verdiyi sığorta ödənişi məbləğində keçir.
20. Həmin Məcəllənin 1096.1-ci maddəsinə görə, mülki hüquq pozuntusu (delikt) hüquqla və ya qanunla müdafiə edilən başqa şəxsə (zərərçəkənə) birbaşa ziyan və ya zərər vurulmasına gətirib çıxaran təqsirli, hüquqa zidd (mülki qanunvericiliyin normalarını pozan) əməldir (hərəkət və ya hərəkətsizlikdir).
21. Həmin Məcəllənin 1097.1-ci maddəsinə əsasən, mülki hüquq pozuntusu (delikt) nəticəsində fiziki şəxsin şəxsiyyətinə və ya əmlakına vurulmuş zərərin, habelə hüquqi şəxsin əmlakına və işgüzar nüfuzuna vurulmuş zərərin əvəzi zərərvuran tərəfindən tam həcmdə ödənilməlidir. Qanunla zərərin əvəzini ödəmək vəzifəsi zərəri vurmayan şəxsin öhdəsinə qoyula bilər.
22. Həmin Məcəllənin 1108.1-ci maddəsinə əsasən, ətrafdakılar üçün yüksək təhlükə ilə bağlı fəaliyyəti (nəqliyyat vasitələrindən, mexanizmlərdən, yüksək gərginlikli elektrik enerjisindən, atom enerjisindən, partlayıcı maddələrdən, güclü təsir edən zəhərlərdən və i.a. istifadə edilməsi; tikinti fəaliyyətinin və onunla bağlı digər fəaliyyətin həyata keçirilməsi və s.) nəticəsində mülki hüquq pozuntusu törətmiş fiziki və hüquqi şəxslər yüksək təhlükə mənbəyinin vurduğu zərərin əvəzini ödəməyə borcludurlar, bu şərtlə ki, zərərin qarşısıalınmaz qüvvənin təsiri və ya zərərçəkənin qəsdi nəticəsində əmələ gəldiyini sübuta yetirməsinlər. Zərərin əvəzini ödəmək vəzifəsi yüksək təhlükə mənbəyinə mülkiyyət hüququ ilə və ya digər qanuni əsasla (icarə hüququ ilə, nəqliyyat vasitəsini idarə etmək hüququna dair etibarnamə üzrə və i.a.) sahiblik edən fiziki və ya hüquqi şəxsin öhdəsinə qoyulur.
23. Həmin Məcəllənin 1108.2-ci maddəsinə əsasən yüksək təhlükə mənbəyinin sahibi digər şəxslərin hüquqa zidd hərəkətləri nəticəsində mənbənin onun sahibliyindən çıxdığını sübuta yetirərsə, həmin mənbənin vurduğu zərər üçün məsuliyyət daşımır. Belə hallarda yüksək təhlükə mənbəyinin vurduğu zərər üçün məsuliyyəti mənbəyə hüquqa zidd yiyələnmiş şəxslər daşıyırlar. Yüksək təhlükə mənbəyinin sahibi həmin mənbənin onun sahibliyindən hüquqa zidd götürülməsində təqsirli olduqda məsuliyyət həm mənbə sahibinin, həm də yüksək təhlükə mənbəyinə hüquqa zidd yiyələnmiş şəxsin üzərinə qoyula bilər
24. Həmin Məcəllənin 1114.1-ci maddəsinə əsasən, başqa şəxsin (qulluq, mənsəb və ya əmək vəzifələrinin icrası zamanı işçinin, nəqliyyat vasitəsini idarə edən şəxsin və i.a.) vurduğu zərərin əvəzini ödəmiş şəxsin həmin şəxsə, əgər qanunla ayrı miqdar müəyyənləşdirilməyibsə, ödənilmiş əvəz miqdarında geriyə tələb (reqres) hüququ vardır.
25. Göründüyü kimi, “Avtonəqliyyat vasitəsi sahiblərinin mülki məsuliyyətinin icbari sığortası üzrə sığorta hadisəsi hesab edilə bilən halın təfərrüatları barədə” arayışa əsasən xx.xx.2024-cü il tarixdə Cavabdeh tərəfindən sürücülük hüququ olmadan idarə olunan “VAZ 21074” markalı, ** NK *** dövlət qeydiyyat nişanlı nəqliyyat vasitəsi, “Subaru Forester” markalı, ** AL *** dövlət qeydiyyat nişanlı nəqliyyat vasitəsi ilə toqquşaraq yol-nəqliyyat hadisəsi törətmişdir. İş materiallarına əlavə edilmiş 135762 nömrəli sığorta aktından və icbari sığorta müqaviləsindən çıxarışdan görünür ki, hadisə zamanı zərərvuran “VAZ 21074” markalı, ** NK *** dövlət qeydiyyat nişanlı nəqliyyat vasitəsi İddiaçı Sığorta Şirkətində xx.xx.2024-cü ildən xx.xx.2025-ci ilə qədər müddətdə mülki məsuliyyətin icbari sığortası növü üzrə sığortalı olmuşdur. xx.xx.2024-cü il tarixli müstəqil ekspertin rəyindən görünür ki, hadisə nəticəsində “Subaru Forester” markalı, ** AL *** dövlət qeydiyyat nişanlı nəqliyyat vasitəsinə 3890 AZN zərər dəymişdir. xx.xx.2024-cü il tarixli qəbzə əsasən, 100 manat azad olma məbləği çıxılmaqla qalan 3790 AZN sığorta ödənişi məbləği zərərçəkəni kasko sığortası üzrə sığortalamış "xxxx" ASC tərəfindən zərərçəkən şəxs “R.İ.S.K Elmi İstehsalat Şirkəti”-nin hesabına köçürülmüşdür. "xxxx" ASC iddiaçıya ünvanlandığı xx.xx.2024-cü il tarixli məktubu ilə zərərçəkənə ödədiyi sığorta ödənişini cavabdehin icbari sığortası olan iddiaçı sığorta şirkətindən tələb etmişdir. Beləliklə, xx.xx.2024-cü il tarixli, 16708 saylı ödəniş tapşırığından da göründüyü kimi 3790 manat sığorta ödənişi iddiaçı tərəfindən "xxxx" ASC-nin hesabına köçürülmüşdür.
26. Məhkəmə, MPM-nin 119.1-ci maddəsinin tələbinə əsaslanaraq hesab edir ki, iddiaçı təşkilatın çəkdiyi məhkəmə xərcinin əvəzi olan 57,90 manat dövlət rüsumu da cavabdehdən tutularaq İddiaçı Sığorta ASC-yə ödənilməlidir.
27. Azərbaycan Respublikası Mülki ProsessualMəcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir.
28. Həmin Məcəllənin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir.
29. Həmin Məcəllənin 88-ci maddəsinə əsasən məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. Heç bir sübutun məhkəmə üçün qabaqcadan müəyyən edilmiş qüvvəsi yoxdur.
30. Qeyd olunan Məcəllənin 217.4-cü maddəsinə əsasən məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır.
31. Beləliklə məhkəmə belə nəticəyə gəlir ki, iddia təmin olunmalı, cavabdehdən 3790 manat sığorta ödənişi məbləği, 57,90 manat dövlət rüsumu və 0.40 manat xidmət haqqı İddiaçı Sığorta ASC-nin xeyrinə tutulmalıdır.
Nəticə hissəsi: 29.Qeyd edilənlərə əsasən və Azərbaycan Respublikası MPM-nın 213-214, 216-220 və 360-cı maddələrini rəhbər tutaraq, məhkəmə
QƏT ETDİ: İddia təmin edilsin. Cavabdeh 3790 manat (üç min yeddi yüz doxsan manat) pulun və ödənilmiş 57.90 manat (əlli yeddi manat doxsan qəpik) dövlət rüsumu və 0.40 (qırx qəpik) manat xidmət haqqı İddiaçı Sığorta ASC-nin xeyrinə tutulsun. Qətnamədən rəsmi qaydada verildiyi gündən bir ay müddətində Ağstafa Rayon Məhkəməsi vasitəsi ilə Gəncə Apelyasiya Məhkəməsinə (“Elektron məhkəmə” informasiya sistemində yaradılan elektron kabinet vasitəsilə) apelyasiya şikayəti verilə bilər. Qətnamədən apelyasiya şikayəti verilmədiyi halda qətnamə qəbul edildiyi gündən 1 (bir) ay keçdikdən sonra qanuni qüvvəyə minir.
Sədrlik edən Heyran Mürsəlova