Balakən Rayon Məhkəməsi Qərardad — İş №e-2(019)-779/2022

Azərbaycan Respublikası adından QƏRARDAD Balakən Rayonu İş № e-2(019)-779/2022 04.10.2022 BALAKƏN RAYON MƏHKƏMƏSİ Hakim Tahirov Zamin Cəbrayıl oğlunun sədrliyi, Qədirov İbadullah Şamil oğlunun katibliyi, iddiaçı X3 və Cavabdeh iştirakı ilə İddiaçı X3 Cavabdeh qarşı sabit pul məbləğində aliment tələbinə dair iddiası üzrə mülki işə açıq məhkəmə iclasında baxaraq, m ü ə y y ə n e t d i: İddiaçı X5 Cavabdeh qarşı iddia ərizəsi ilə məhkəməyə müraciət edərək, Cavabdeh ilə birgə nikahlarından xx.xx.2011-ci ildə anadan olmuş X2 yetkinlik yaşına çatana qədər saxlanılması üçün hər ay 193 manat sabit pul məbləğində alimentin Cavabdeh alınaraq ona verilməsi barədə qətnamə çıxarılmasını xahiş etmişdir. Məhkəmə iclasında iddiaçı X5 məhkəməyə yazılı ərizə ilə müraciət edərək, ərizəsində Cavabdeh ilə aliment məsələsi ilə bağlı məhkəmədən kənar qaydada razılıq əldə etdiklərini, Cavabdeh qarşı X1 üçün hər ay 193 manat sabit pul məbləğində aliment tələbinə dair iddiasından imtina etdiyini göstərərək, hazrki iddiasından imtinanın qəbul edilməsini və həmin mülki işin icraatına xitam verilməsini xahiş etmişdir. Məhkəmə iclasında Cavabdeh da uşağın saxlanması üçün aliment məsələsi ilə bağlı iddiaçı X5 ilə məhkəmədən kənar qaydada razılıq əldə etdiklərini, X3 ona qarşı sabit pul məbləğində aliment tələbinə dair iddiasından imtinanın qəbul edilməsini və bu əsasla həmin mülki işin icraatına xitam verilməsini xahiş etmişdir. Azərbaycan Respublikası Mülki Prosessual Məcəlləsinin (bundan sonra Azərbaycan Respublikası MPM) 52.1-ci maddəsinə əsasən iddiaçı iddiadan imtina edə bilər. İddiadan imtina yazılı formada ifadə edilməlidir. Azərbaycan Respublikası MPM-nin 52.5-ci maddəsinə əsasən iddiaçının iddiadan imtina etməsi, iddianın cavabdeh tərəfindən etiraf edilməsi və tərəflərin barışıq sazişi qanuna zidd olarsa və ya hər hansı şəxsin hüquqlarını və qanunla qorunan mənafeyini pozarsa, məhkəmə belə hərəkətləri qəbul etmir. Belə hallarda məhkəmə mübahisəyə mahiyyəti üzrə baxır. Azərbaycan Respublikası MPM-nin 191.2-ci maddəsinə əsasən hakim iddiaçının iddiadan imtina etməsini, cavabdehin iddianı etiraf etməsini və tərəflərin barışıq sazişini təsdiq edənə qədər onlara müvafiq prosessual hərəkətlərin nəticələrini izah edir. İddiaçı iddiadan imtina etdikdə və bu, məhkəmə tərəfindən təsdiq edildikdə və ya tərəflərin barışıq sazişini təsdiq etdikdə məhkəmə bu barədə qərardad çıxararaq, bu qərardadla eyni zamanda iş üzrə icraata xitam verir. Tərəflərin məhkəmə tərəfindən təsdiq edilən barışıq sazişinin şərtləri qərardadda göstərilməlidir. Məhkəmə iclasında məhkəmə tərəfindən iddiaçı X4 və Cavabdeh iddiaçının iddiadan imtina etməsi ilə bağlı müvafiq prosessual hərəkətlərin nəticələri, o cümlədən bu imtinanın məhkəmə tərəfindən qəbul edildiyi təqdirdə işin icraatına xitam verilməsi üçün qanunda nəzərdə tutulmuş əsas olması və bu əsasla işin icraatına xitam verildikdə eyni tərəflər arasında, eyni predmet haqqında və eyni əsaslar üzrə mübahisə barəsində məhkəməyə təkrar müraciət edilməsinə yol verilməməsi izah olunmuşdur. İddiaçı X5 və Cavabdeh iddiaçının iddiadan imtina etməsi ilə bağlı müvafiq prosessual hərəkətlərin nəticələrinin onlara aydın olduğunu bildirmiş, X5 iddiaçı kimi hazırki iddiadan imtinasının onun iradə ifadəsinin nəticəsi olduğunu nəzərə çatdırmışdır. Həmçinin məhkəmə prosesində iddiaçının iddiadan imtinasının qanuna zidd olmadığı, hər hansı bir şəxsin hüquqlarını və qanunla qorunan mənafeyini pozmadığı müəyyən edilmişdir. Məhkəmə hesab edir ki, qanuna zidd olmadığına, hər hansı bir şəxsin hüquqlarını və qanunla qorunan mənafeyini pozmadığına görə, iddiaçı X3 Cavabdeh qarşı sabit pul məbləğində aliment tələbinə dair iddiadan imtinası qəbul olunmalı və bu əsasla hazırkı e- 2(019)-779/2022 saylı mülki işin icraatına xitam verilməlidir. Eyni zamanda tərəflərə işin icraatına xitam verildikdə, eyni tərəflər arasında, eyni predmet haqqında və eyni əsaslar üzrə mübahisə barəsində məhkəməyə təkrar müraciət edilməsinə yol verilməməsi izah olunmalıdır. Belə ki, Azərbaycan Respublikası MPM-nin 261.0.4-cü maddəsinə əsasən iddiaçı iddiadan imtina etmişsə və bu imtina məhkəmə tərəfindən qəbul olunmuşsa, hakim iş üzrə icraata xitam verir. Azərbaycan Respublikası MPM-nin 262.1-ci maddəsinə əsasən iş üzrə icraata xitam verilməsi barədə məhkəmə qərardad çıxarır. Azərbaycan Respublikası MPM-nin 262.4-cü maddəsinə əsasən işin icraatına xitam verildikdə, eyni tərəflər arasında, eyni predmet haqqında və eyni əsaslar üzrə mübahisə barəsində məhkəməyə təkrar müraciət edilməsinə yol verilmir. Qeyd olunanlara əsasən və Azərbaycan Respublikası Mülki Prosessual Məcəlləsinin 261.0.4, 262, 263-264 və 266-268-ci maddələrini rəhbər tutaraq, məhkəmə q ə r a r a a l d ı: İddiaçı X3 Cavabdeh qarşı sabit pul məbləğində aliment tələbinə dair iddiadan imtinası qəbul olunsun və həmin iddia üzrə e-2(019)-779/2022 saylı mülki işin icraatına xitam verilsin. Tərəflərə işin icraatına xitam verildikdə, eyni tərəflər arasında eyni predmet haqqında və eyni əsaslar üzrə mübahisə barəsində məhkəməyə təkrar müraciət edilməsinə yol verilməməsi izah olunsun. Qərardaddan qərardad tərəfə rəsmi qaydada verildikdən sonra 10 gün müddətində Balakən Rayon Məhkəməsinə şikayət verilə bilər. Sədrlik edən:Zamin Tahirov