Qobustan Rayon Məhkəməsi Məhkəmə əmri — İş №e-2(026)-358/2021

Azərbaycan Respublikası adından MƏHKƏMƏ ƏMRİ Qobustan rayonu İş № e-2(026)-358/2021 30.08.2021 QOBUSTAN RAYON MƏHKƏMƏSİ Mən, Qobustan Rayon Məhkəməsinin hakimi Quliyev Mirələm Qoçu oğlu, Qobustan Rayon Məhkəməsinin icraatında olan Kreditor Açıq Səhmdar Cəmiyyətinin Borclu oğluna qarşı pul məbləğinin tələbi barədə ərizəsinə və ona əlavə olunmuş sənədlərə baxaraq MÜƏYYƏN ETDİM: Kreditor ASC-nin məhkəməyə təqdim etdiyi məhkəmə əmrinin verilməsinə dair ərizəsindən və ona əlavə olunmuş sənədlərdən görünür ki, Kreditor ASC ilə Borclu arasında bağlanmış 09.09.2019-cu il tarixli 07/00025243 nömrəli operativ lizinq müqaviləsinə əsasən 1 ədəd Belarus-1221 markalı traktor ona istifadəyə verilmişdir. Kreditor Açıq Səhmdar Cəmiyyətlə borclu arasında bağlanmış 07/00025243 nömrəli müqaviləyə əsasən 1543 manat öhdəlikdən 515 manat ödəniş edərək 1028 manat borcu qalmışdır. Borclunun Cəmiyyətə hal-hazırda 1028 manat borcu vardır. Lakin borclu vaxtında iddiaçıya olan borcunu qaytarmadığından kreditor dəfələrlə ondan yaranmış borcun ödənilməsini tələb etsə də, borclu bu günə kimi müxtəlif bəhanələrlə kreditora olan borcunu ödəməkdən yayınmışdır. Buna görə də, kreditor məhkəməyə müraciət etmək məcburiyyətində qalmışdır. Nəticədə 09.09.2019-cu il tarixli 07/00025243 nömrəli operativ lizinq müqaviləsinə əsasən 1028 manat məbləğdə ödənilməmiş borcun və 20 manat dövlət rüsumunun, cəmi 1048 manat məbləğin Borclu alınıb Kreditor ASC-nin xeyrinə tutulması barədə məhkəmə əmri çıxarılması xahiş edilmişdir. Ərizəyə əlavə olunmuş sənədlərdən görünür ki, Kreditor ASC-nin tələbi aşkardır. Həmin tələb borclunun mübahisə edilməyən vəzifəsinə əsaslanır. Bu halda Azərbaycan Respublikası MPM-in 276-cı maddəsinə əsasən məhkəmə əmri verilə bilər. 09.09.2019-cu il tarixli 07/00025243 nömrəli operativ lizinq müqavilənin surətindən görünür ki, Borclu ilə Kreditor ASC arasında müqavilə bağlanmışdır. 26.08.2021-ci il tarixli maliyyə arayının surətindən görünür ki, Borclu Kreditor ASC-yə 1028 manat borcu vardır. Azərbaycan Respublikası Mülki Məcəlləsinin 442-ci maddəsindən görə, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Göstərilənlərə əsasən məhkəmə hesab edir ki, Borclu 09.09.2019-cu il tarixli 07/00025243 nömrəli operativ lizinq müqaviləsinə əsasən 1028 manat məbləğdə ödənilməmiş borc və 20 manat dövlət rüsumu, cəmi 1048 manat alınıb Kreditor ASC-nin xeyrinə ödənilməlidir. Yuxarıda göstərilənlərə əsasən və Azərbaycan Respublikası MPM-in 275, 276, 280, 281 və 284-cü maddələrini rəhbər tutub ƏMR EDİRƏM: xx.xx.1980-cı ildə Qobustan rayonunun Çalov kəndində anadan olmuş, Qobustan rayonunun Çalov kəndində qeydiyyatda olan Borclu oğlundan 09.09.2019-cu il tarixli 07/00025243 nömrəli operativ lizinq müqaviləsinə əsasən 1028 manat məbləğdə ödənilməmiş borc və 20 manat dövlət rüsumu, cəmi 1048 manat alınıb Bakı şəhəri, Z.Bünyadov prospekti 1965, “Çinar Park” Biznes Mərkəzi 1-ci bina, 4-cü mərtəbədə yerləşən Kreditor Açıq Səhmdar Cəmiyyətinə verilsin. Borclu məhkəmə əmrini aldığı gündən 10 (on) gün müddətində verilmiş tələbə və ya onun hissələrinə qarşı Qobustan Rayon Məhkəməsini yazılı xəbərdarlıq etməklə etiraz edə bilər. Məhkəmə əmri icra sənədi hesab olunur. Məhkəmə əmri qətnamə qüvvəsinə malikdir. Məhkəmə əmrindən şikayət verilə bilməz. Məhkəmənin hakimi: Mirələm Quliyev