Quba Rayon Məhkəməsi Məhkəmə əmri — İş №e-2(027)-1088/2021

Azərbaycan Respublikası adından MƏHKƏMƏ ƏMRİ Quba şəhəri İş № e-2(027)-1088/2021 26.04.2021 QUBA RAYON MƏHKƏMƏSİ Mən, Quba Rayon Məhkəməsinin hakimi Məmmədov İlqar Aslan oğlu, Kreditor MMC-nin Borclu qarşı borc tələbi barədə məhkəmə əmrinin çıxarılmasına dair ərizəsini və ərizəyə əlavə olunmuş sənədləri nəzərdən keçirib, Müəyyən etdim: Kreditor MMC ərizə ilə məhkəməyə müraciət edərək, Borclu ilə bağlanmış nisyə satış müqaviləsi üzrə 570 (beş yüz yetmiş) manat əsas borc və 50 (əlli) manat cərimə borcu olmaqla, 620 (altı yüz iyirmi) manat məbləğin habelə 20 (iyirmi manat) manat dövlət rüsumunun, Borclu məcburi surətdə tutularaq, Kreditor MMC-nin xeyrinə ödənilməsinə dair məhkəmə əmrinin verilməsini xahiş etmişdir. Kreditor MMC ərizəsini onunla əsaslandırmışdır ki, Kreditor MMC ilə Borclu arasında bağlanmış xx.xx.2020-ci il tarixli QBK04989 saylı Nisyə satış müqaviləsinə əsasən borcluya 570 manat məbləğinə məişət məhsulu kreditlə - nisyə satılmlşdır. Kredit müqaviləsinin və tərəflər arasında tərtib edilmiş “Ödəniş qrafiki” nin şərtlərinə borclu tərəfindən əməl edilməmiş, o, kreditin qaytarılmasına dair öhdəliyi vaxtında və lazımi qaydada, yəni avlıq 48 manat məbləğində icra etməmiş və nəticədə onun kreditor qarşısında öhdəliyi yaranmışdır. Borcluya dəfələrlə yazılı və şifahi qaydada xəbərdarlıq edilməsinə baxmayaraq, o öhdəliyini yerinə yetirməmişdir. Göstərilənləri nəzərə alaraq, Kreditor MMC-nin ərizəsinə əmr icraatı qaydasında baxıb, nisyə satış müqaviləsi üzrə 570 (beş yüz yetmiş) manat əsas borc və 50 (əlli) manat cərimə borcu olmaqla, 620 (altı yüz iyirmi) manat məbləğin, habelə 20 (iyirmi manat) manat dövlət rüsumunun, Borclu məcburi surətdə tutularaq, Kreditor MMC-nin xeyrinə ödənilməsinə dair məhkəmə əmrinin verilməsini xahiş etmişdir. Azərbaycan Respublikası Mülki Prosessual Məcəlləsinin 275.1-ci maddəsinə əsasən müəyyən pul məbləğinin ödənilməsi tələbləri və ya əmlakın tələb edilməsi üzrə işlərə baxılmasının bu fəslə uyğun olaraq sadələşdirilmiş qaydasına yol verilir. Həmin Məcəllənin 276.1-ci maddəsinə əsasən kreditorun tələbi aşkardırsa və ya həmin tələb borclunun mübahisə edilməyən vəzifəsinə əsaslanırsa, bu hallarda məhkəmə əmri verilə bilər. Həmin Məcəllənin 276.2.2-ci maddəsinə əsasən tələb sadə yazılı formada bağlanmış əqdə əsaslanırsa, məhkəmə əmri verilə bilər. Ərizəni və ərizəyə əlavə olunmuş sənədləri araşdıraraq hesab edirəm ki, Kreditor MMC-nin tələbinin aşkar olduğu, tələbin sadə yazılı formada bağlanmış əqdə və borclunun mübahisə edilməyən vəzifəsinə əsaslandığı təsdiq olunur. Buna görə də həmin tələb üzrə məhkəmə əmrinin verilməsi mümkündür. Belə ki, ərizəyə əlavə olunmuş xx.xx.2020-ci il tarixli QBK04989 saylı nisyə satış müqaviləsinə əsasən Borclu 570 manat məbləğində məişət məhsulu kreditlə - nisyə satılmlşdır. İş materiallarında olan xx.xx.2020-ci il tarixli QBK04989 nömrəli nisyə satış müqaviləsinə əlavə 1 ödəniş cədvəlinin surətindən görünürki, məişət məhsulu aylar üzrə 48 manat ödəməklə, sonuncu ay 42 manat olmaqla, Kreditor MMC tərəfindən borcluya 570 manat məbləğinə məişət məhsulu 12 ay müddətində kreditlə - nisyə satılmlşdır. İş materiallarında olan xx.xx.2020-ci il taıixli təhvil- təslim aktının surətindən görünür ki, Kreditor MMC tərəfindən Borclu 549 manat məbləğinə 1(bir) ədəd “VESTEL W 6104B” paltaryuyan, 21,0 manat məbləğinə 1(bir) ədəd BOSH MFQ3010 markalı mikser təhvil verilib. İş materiallarında olan maliyyə arayışının surətindən görünürki, xx.xx.2020-ci il tarixli QBK04989 nömrəli nisyə satış müqaviləsi üzrə Borclu Kreditor MMC-yə 570 manat məbləğdən ödənilməmiş 570 (beş yüz yetmiş) manat əsas borc və 50 (əlli) manat cərimə borcu olmaqla, cəmi 620 (altı yüz iyirmi) manat məbləğdə borcu yaranmışdır. Azərbaycan Respublikası Mülki Prosessual Məcəlləsinin 282-ci maddəsinə əsasən borclu məhkəmə əmrini aldığı gündən 10 gün müddətinə verilmiş tələb və ya onun hissəsinə qarşı əmri vermiş məhkəməni yazılı xəbərdar etməklə etiraz edə bilər. Həmin Məcəllənin 283-cü maddəsinə əsasən borclunun etirazı prossesual baxımdan iddia ərizəsinə bərabər tutulur. Əgər o, vaxtında verilmişdirsə, hakim əmri ləğv edir və materiallar bu Məcəllə ilə müəyyən edilmiş ümumi müddəalara uyğun olaraq iddia icraatına keçir. Qeyd olunanlara əsasən və Azərbaycan Respublikası MPM-nin 275-276, 280-282 və 284-cü maddələrini rəhbər tutaraq, əmr etdim: Ərizə təmin edilsin. Borclu 570 (beş yüz yetmiş) manat əsas borc və 50 (əlli) manat cərimə borcu, cəmi 620 (altı yüz iyirmi) manat və dövlət rüsumu üçün ödənilmiş 20 (iyirmi manat) manat məbləğdə pul vəsaiti tutulub Kreditor MMC-yə ödənilsin. Borclu məhkəmə əmrini aldığı gündən 10 (on) gün müddətində verilmiş tələbə və ya onun hissəsinə qarşı əmri vermiş məhkəməyə yazılı xəbərdar etməklə etiraz edə bilər. Məhkəmə əmri qətnamə qüvvəsinə malikdir. Məhkəmə əmrindən şikayət verilə bilməz. Hakim: İlqar Məmmədov