Quba Rayon Məhkəməsi Məhkəmə əmri — İş №e-2(027)-2138/2021

Azərbaycan Respublikası adından MƏHKƏMƏ ƏMRİ Quba şəhəri İş № e-2(027)-2138/2021 27.09.2021 QUBA RAYON MƏHKƏMƏSİ Mən, Quba Rayon Məhkəməsinin hakimi Məmmədov İlqar Aslan oğlu, KreditorMMC-nin borclu X6 qarşı borc tələbi barədə məhkəmə əmrinin çıxarılmasına dair ərizəsini və ərizəyə əlavə olunmuş sənədləri nəzərdən keçirib, Müəyyən etdim: KreditorMMC ərizə ilə məhkəməyə müraciət edərək, 10.01.2020-ci il tarixli ********* saylı Müddətli (nisyə) alqı-satqı müqaviləsi üzrə 17.09.2021-ci il tarixinə yaranmış 66 (altımış altı) manat əsas, 17 (on yeddi) manat 10 qəpik cərimə, cəmi 83 (səksən üç) manat 10 qəpik məbləğində borcun, 20 (iyirmi) manat dövlət rüsumunun X4 alınaraq KreditorMMC -nin xeyrinə ödənilməsi barədə məhkəmə əmrinin çıxarılmasını xahiş etmişdir. KreditorMMC ərizəsini onunla əsaslandırmışdır ki, Kreditor MMC ilə X7 arasında bağlanmış 10.01.2020-ci il tarixli ********* saylı müddətli (nisyə) alqı-satqı müqaviləsinə əsasən, sonuncu, aldığı “Samsung A 105” markalı mobil telefona görə 12 ay ərzində ödəniş cədvəli üzrə hər ay 25 manat olmaqla, cəmi 288.5 manat ödəməyi öhdəsinə götürmüşdür. X2 müqavilənin şərtlərini pozaraq, sonuncu dəfə 17.11.2020-ci il tarixində 26 manat ödəniş etmiş və qalıq qalmış 66.0 manat borcu qaytarmamışdır. Dəfələrlə xəbərdarlıq edilməsinə baxmayaraq, borclu borcu ödəməkdən boyun qaçırır, üərinə düşən öhdəliyi yerinə yetirmir. Göstərilənlərə əsasən 10.01.2020-ci il tarixli ********* saylı Müddətli (nisyə) alqı-satqı müqaviləsi üzrə 17.09.2021-ci il tarixinə yaranmış 66 (altımış altı) manat əsas, 17 (on yeddi) manat 10 qəpik cərimə, cəmi 83 (səksən üç) manat 10 qəpik məbləğində borcun, 20 (iyirmi) manat dövlət rüsumunun X4 alınaraq Kreditor MMC-nin xeyrinə ödənilməsi barədə məhkəmə əmrinin çıxarılmasını xahiş etmişdir. Azərbaycan Respublikası Mülki Prosessual Məcəlləsinin 275.1-ci maddəsinə əsasən müəyyən pul məbləğinin ödənilməsi tələbləri və ya əmlakın tələb edilməsi üzrə işlərə baxılmasının bu fəslə uyğun olaraq sadələşdirilmiş qaydasına yol verilir. Həmin Məcəllənin 276.1-ci maddəsinə əsasən kreditorun tələbi aşkardırsa və ya həmin tələb borclunun mübahisə edilməyən vəzifəsinə əsaslanırsa, bu hallarda məhkəmə əmri verilə bilər. Həmin Məcəllənin 276.2.2-ci maddəsinə əsasən tələb sadə yazılı formada bağlanmış əqdə əsaslanırsa, məhkəmə əmri verilə bilər. Ərizəni və ərizəyə əlavə olunmuş sənədləri araşdıraraq hesab edirəm ki, Kreditor MMC-nin tələbinin aşkar olduğu, tələbin sadə yazılı formada bağlanmış əqdə və borclunun mübahisə edilməyən vəzifəsinə əsaslandığı təsdiq olunur. Buna görə də həmin tələb üzrə məhkəmə əmrinin verilməsi mümkündür. Belə ki, ərizəyə əlavə olunmuş , 10.01.2020-ci il tarixli ********* saylı müddətli (nisyə) alqısatqı müqaviləsinə əsasən, X1, aldığı sonuncu, aldığı “Samsung A 105” markalı telefona görə 12 ay ərzində ödəniş cədvəli üzrə hər ay 25 manat olmaqla, cəmi 288.5 manat ödəməyi öhdəsinə götürmüşdür. Ərizəyə əlavə olunmuş 17.09.2021-ci il tarixli maliyyə arayışından görünür ki, 10.01.2020-ci il tarixli ********* saylı müddətli (nisyə) alqı-satqı müqaviləsi üzrə X5 KreditorMMC-yə 66 (altımış altı) manat əsas, 17 (on yeddi) manat 10 qəpik cərimə, cəmi 83 (səksən üç) manat 10 qəpik məbləğində ödənilməmiş borcu vardır. İş materiallarında olan ödəniş cədvəlindən görünür ki, Kreditor MMC“ ilə X7 arasında bağlanmış 10.01.2020-ci il tarixli ********* saylı müddətli (nisyə) alqı-satqı müqaviləsi üzrə “Samsung A 105” markalı telefona görə 12 ay ərzində ödəniş cədvəli üzrə hər ay 25 manat olmaqla, cəmi 288.5 manat ödəməklə, aylar üzrə ödəniş məbləği müəyyən edilib. İş materiallarında olan 22.09.2021-ci il tarixli ********* nömrəli mədaxil qəbzindən görünür ki, Kreditor MMC tərəfindən 20 (iyirmi) manat rüsum ödənilmişdir. İş materiallarında olan AZE ******** seriya və nömrəli şəxsiyyət vəsiqəsinin surətindən və MAPS arayışdan görünür ki,” X7 Quba şəhəri, 32-33-cü məhəllə ünvanında qeydiyyatdadır. Azərbaycan Respublikası Mülki Prosessual Məcəlləsinin 282-ci maddəsinə əsasən borclu məhkəmə əmrini aldığı gündən 10 gün müddətinə verilmiş tələb və ya onun hissəsinə qarşı əmri vermiş məhkəməni yazılı xəbərdar etməklə etiraz edə bilər. Həmin Məcəllənin 283-cü maddəsinə əsasən borclunun etirazı prossesual baxımdan iddia ərizəsinə bərabər tutulur. Əgər o, vaxtında verilmişdirsə, hakim əmri ləğv edir və materiallar bu Məcəllə ilə müəyyən edilmiş ümumi müddəalara uyğun olaraq iddia icraatına keçir. Qeyd olunanlara əsasən və Azərbaycan Respublikası MPM-nin 275-276, 280-282 və 284-cü maddələrini rəhbər tutaraq, əmr etdim: Ərizə təmin edilsin. Quba şəhəri, 32-33-cü məhəllə ünvanında qeydiyyatda olan xx.xx.1963-cü il təvəllüdlü X4 10.01.2020-ci il tarixli ********* saylı Müddətli (nisyə) alqı-satqı müqaviləsi üzrə 17.09.2021-ci il tarixinə yaranmış 66 (altımış altı) manat əsas borc, 17 (on yeddi) manat 10 qəpik cərimə borcu, cəmi 83 (səksən üç) manat 10 qəpik məbləğində borc və dövlət rüsumu üçün ödənilmiş 20 (iyirmi) manat məbləğdə pul vəsaiti alınıb KreditorMMC-nin xeyrinə ödənilsin. Borclu məhkəmə əmrini aldığı gündən 10 (on) gün müddətində verilmiş tələbə və ya onun hissəsinə qarşı əmri vermiş məhkəməyə yazılı xəbərdar etməklə etiraz edə bilər. Məhkəmə əmri qətnamə qüvvəsinə malikdir. Məhkəmə əmrindən şikayət verilə bilməz. Hakim: İlqar Məmmədov