Gəncə Şəhəri Kəpəz Rayon Məhkəməsi Məhkəmə əmri — İş №e-2(043)-3269/2021

Azərbaycan Respublikası adından MƏHKƏMƏ ƏMRİ Gəncə şəhəri İş № e-2(043)-3269/2021 01.09.2021 GƏNCƏ ŞƏHƏRİ KƏPƏZ RAYON MƏHKƏMƏSİ Hakim Mustafayev Rəşad Mustafa oğlu Kreditor (bundan sonra MMC) Borclu qarşı məhkəmə əmrinin çıxarılması barədə ərizəsinə və ərizəyə əlavə edilmiş sənədlərə baxaraq, m ü əy y ə n e t d i: Kreditor MMC-nin məhkəməyə təqdim etdiyi məhkəmə əmrinin verilməsinə dair ərizəsindən məlum olur ki, Kreditor MMC ilə Borclu arasında bağlanmış 09.08.2020-ci il tarixli ********* saylı müddətli (nisyə) alqı-satqı müqaviləsinə əsasən, sonuncu, aldığı “Samsung A105” markalı mobil telefona görə 12 ay ödəniş cədvəli üzrə 29 manat olmaqla cəmi 343 manat, 03.06.2020-ci il tarixli ********* saylı müddətli (nisyə) alqı-satqı müqaviləsinə əsasən, sonuncu, aldığı “X1 8” markalı mobil telefona görə 24 ay ödəniş cədvəli üzrə 24 manat olmaqla cəmi 576 manat, 18.02.2020-ci il tarixli ********* saylı müddətli (nisyə) alqı-satqı müqaviləsinə əsasən, sonuncu, aldığı “X1 8” markalı mobil telefona görə 12 ay ödəniş cədvəli üzrə 37 manat olmaqla cəmi 439 manat ümumilikdə hər üç müqavilə üzrə 1358 manat ödəməyi öhdəsinə götürmüşdür. Lakin, müqavilələrin şərtlərini pozaraq, borclu sonuncu dəfə 09.08.2020-ci il tarixli müqavilə üzrə 09.10.2020-ci il tarixində 17 manat, 03.06.2020-ci il tarixli müqavilə üzrə 02.08.2020-ci il tarixdə 72 manat və 18.02.2020-ci il tarixli müqavilə üzrə isə 02.08.2020-ci il tarixdə 74 manat ödəniş etmiş və hər üç müqavilə üzrə qalıq qalmış 1023 manat borcu qaytarmamışdır. Dəfələrlə xəbərdarlıq edilməsinə baxmayaraq, borclu borcu ödəməkdən boyun qaçırır. Nisyə alqısatqı müqaviləsinin №1 saylı əlavəsinin şərtlərinə uyğun olaraq, gecikdirilən aylıq borc məbləğinə cərimə kimi gündəlik 1 (bir) % dərəcəsi ilə (minimum 50 qəpik) dəbbə hesablanır və Alıcı tərəfindən Satıcıya ödənilir. Cərimə faizləri əşyanın dəyərini qaytarılmalı olduğu gündən onun faktiki qaytarıldığı günə qədər olan müddət üçün ödənilir. Bununla da 03.05.2021-ci il tarixdən 17.07.2021-ci il tarixədək 30 təqvim günü üçün qalıq qalmış borc məbləğinə gündəlik 1 (bir) faizlə hesablanmış cərimə məbləği 306 manat təşkil edir. Beləliklə, borclunun 17.07.2021-ci il tarixədək Kreditor MMC-nə olan borcu 09.08.2020-ci il tarixli ********* saylı müddətli (nisyə) alqı-satqı müqaviləsinə əsasən, 326 manat əsas, 97 manat cərimə, cəmi 423 manat, 03.06.2020-ci il tarixli ********* saylı müddətli (nisyə) alqı-satqı müqaviləsinə əsasən, 480 manat əsas, 144 manat cərimə, cəmi 624 manat, 18.02.2020-ci il tarixli ********* saylı müddətli (nisyə) alqı-satqı müqaviləsinə əsasən, 217 manat əsas, 65 manat cərimə, cəmi 282 manat təşkil etmişdir. Ona görə də 09.08.2020-ci il tarixli ********* saylı Müddətli (Nisyə) alqı-satqı müqaviləsi üzrə 17.07.2021-ci il tarixinə yaranmış, 326 manat əsas, 97 manat cərimə, cəmi 423 manat, 03.06.2020-ci il tarixli ********* saylı müddətli (nisyə) alqı-satqı müqaviləsinə əsasən, 480 manat əsas, 144 manat cərimə, cəmi 624 manat, 18.02.2020-ci il tarixli ********* saylı müddətli (nisyə) alqı-satqı müqaviləsinə əsasən, 217 manat əsas, 65 manat cərimə, cəmi 282 manat, ümumilikdə 1329 manat borcun və 20 manat ödənilmiş dövlət rüsumunun Borclu tutularaq "xxxx" MMC-yə ödənilməsi barədə əmr verilməsini xahiş etmişdir. Ərizəyə əlavə edilmiş Kreditor MMC ilə Borclu arasında bağlanmış 09.08.2020-ci il tarixli ********* saylı müddətli (nisyə) alqı-satqı müqaviləsinə əsasən, sonuncu aldığı “Samsung A105” markalı mobil telefona görə 12 ay ödəniş cədvəli üzrə 29 manat olmaqla cəmi 343 manat, 03.06.2020-ci il tarixli ********* saylı müddətli (nisyə) alqı-satqı müqaviləsinə əsasən, sonuncu, aldığı “X1 8” markalı mobil telefona görə 24 ay ödəniş cədvəli üzrə 24 manat olmaqla cəmi 576 manat, 18.02.2020-ci il tarixli ********* saylı müddətli (nisyə) alqı-satqı müqaviləsinə əsasən, sonuncu, aldığı “X1 8” markalı mobil telefona görə 12 ay ödəniş cədvəli üzrə 37 manat olmaqla cəmi 439 manat ümumilikdə hər üç müqavilə üzrə 1358 manat ödəməyi öhdəsinə götürmüşdür. Həmin müqavilələr sadə yazılı formada tərtib edilmiş və müqavilələr iştirakçıları tərəfindən imzalanmışdır. Tərəflər arasında tərtib olunmuş 18.02.2020-ci il, 03.06.2020-ci il və 09.08.2020-ci il tarixli müddətli (nisyə) alqı-satqı müqavilələrinə və onların əlavəsinə əsasən gecikdirilən aylıq borc məbləğinə cərimə kimi “Alıcı” tərəfindən “Satıcı” firmaya bütün xərclər eləcə də hər gün üçün 1 (bir) faiz cərimə ödənilməlidir. Cərimə faizləri əşyanın dəyərini qaytarılmalı olduğu gündən onun faktiki qaytarıldığı günə qədər olan müddət üçün ödənilir. İşin materiallarına əlavə olunmuş, 17.07.2021-ci il tarixli Kreditor MMC tərəfindən Kəpəz Rayon Məhkəməsinə təqdim olunmuş Borclu Maliyyə arayışından görünür ki, 09.08.2020-ci il tarixli ********* saylı müddətli (nisyə) alqı-satqı müqaviləsi üzrə Borclu 17.07.2021-ci il tarixə Kreditor MMC-nə olan borcu 326 manat əsas, 97 manat cərimə, cəmi 423 manat məbləğində Kreditor MMC-yə borcu vardır. Ərizəyə əlavə edilmiş, 17.07.2021-ci il tarixli Kreditor MMC tərəfindən Kəpəz Rayon Məhkəməsinə təqdim olunmuş Borclu Maliyyə arayışından görünür ki, 18.02.2020-ci il tarixli ********* saylı müddətli (nisyə) alqı-satqı müqaviləsi üzrə Borclu 17.07.2021-ci il tarixə Kreditor MMC-nə olan borcu 217 manat əsas, 65 manat cərimə, cəmi 282 manat məbləğində Kreditor MMC-yə borcu vardır. Ərizəyə əlavə edilmiş, 17.07.2021-ci il tarixli Kreditor MMC tərəfindən Kəpəz Rayon Məhkəməsinə təqdim olunmuş Borclu Maliyyə arayışından görünür ki, 03.06.2020-ci il tarixli ********* saylı müddətli (nisyə) alqı-satqı müqaviləsi üzrə Borclu 17.07.2021-ci il tarixə Kreditor MMC-nə olan borcu 480 manat əsas, 144 manat cərimə, cəmi 624 manat məbləğində Kreditor MMC-yə borcu vardır. Ərizəyə əlavə edilmiş, 03.06.2020-ci il tarixli ödəniş cədvəlindən görünür ki, cavabdeh “Xiaomi Redmi 8” markalı telefona görə 24 ay ödəniş cədvəli üzrə hər ay 24, manat olmaqla cəmi 576 manat pulu Kreditor MMC-yə ödəməyi öhdəsinə götürmüşdür. Ərizəyə əlavə edilmiş, 09.08.2020-ci il tarixli ödəniş cədvəlindən görünür ki, cavabdeh “Samsung A105 Black” markalı telefona görə 12 ay ödəniş cədvəli üzrə hər ay 29, sonuncu ay isə 24,9 manat olmaqla cəmi 343,9 manat pulu Kreditor MMC-yə ödəməyi öhdəsinə götürmüşdür. Ərizəyə əlavə edilmiş, 18.02.2020-ci il tarixli ödəniş cədvəlindən görünür ki, cavabdeh “X1 8 3GB/32GB Space Black” markalı telefona görə 12 ay ödəniş cədvəli üzrə hər ay 37, sonuncu ay isə 32 manat olmaqla cəmi 439 manat pulu Kreditor MMC-yə ödəməyi öhdəsinə götürmüşdür. Ərizəyə əlavə edilmiş bildirişdən görünür ki, Borclu borcun ödənilməsi barədə iddiaçı tərəfindən xəbərdarlıq edilmişdir. Azərbaycan Respublikası Mülki Məcəlləsinin 567-ci maddəsinə əsasən alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. Həmin Məcəllənin 600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Həmin Məcəllənin 600.4-cü maddəsinə əsasən əşyanı təhvil almış alıcı onu alqısatqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Həmin Məcəllənin 601.1-ci maddəsinə əsasən əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alqı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. Ərizəyə əlavə olunmuş sənədlərlə Kreditor MMC-nin tələbinin aşkar olduğu və həmin tələbin borclunun mübahisə edilməyən vəzifəsinə əsaslandığı təsdiq olunur. Tələb sadə yazılı formada bağlanmış əqdə əsaslandığından, həmin tələb üzrə məhkəmə əmri verilməsi mümkündür. Azərbaycan Respublikası Mülki Prosessual Məcəlləsinin 276.1 və 276.2.2-ci maddələrinə əsasən, kreditorun tələbi aşkardırsa və ya həmin tələb borclunun barəsində mübahisə edilməyən vəzifəsinə əsaslanırsa, həmçinin tələb sadə yazılı formada bağlanmış əqdə əsaslanırsa məhkəmə əmri verilə bilər. Azərbaycan Respublikası Mülki Prosessual Məcəlləsinin 280-ci maddəsinə əsasən məhkəmə əmri, irəli sürülmüş tələb məhkəməyə daxil olan gündən 3 gün ərzində, məhkəmə baxışı keçirilmədən və izahatları dinlənilmək üçün tərəflər çağırılmadan çıxarılır. Həmin Məcəllənin 282-ci maddəsinə əsasən borclu məhkəmə əmrini aldığı gündən 10 gün müddətində verilmiş tələbə və ya onun hissəsinə qarşı əmri vermiş məhkəməni yazılı xəbərdar etməklə etiraz edə bilər. Göstərilənləri nəzərə alaraq və Azərbaycan Respublikası Mülki Prosessual Məcəlləsinin 275, 276.1, 276.2.2, 280 və 281-ci maddələrinin tələblərini rəhbər tutaraq, məhkəmə ə m r e t d i: xx.xx.1992-ci ildə Daşkəsən rayonu, Mollahəsənli kəndində doğulmuş və ünvan 1 ünvanında qeydiyyatdan olan Borclu 09.08.2020-ci il tarixli, ********* saylı müqavilə üzrə 326 manat əsas borc, 97 manat cərimə, cəmi 423 manat; 03.06.2020-ci il tarixli, ********* saylı müqavilə üzrə 480 manat əsas borc, 144 manat cərimə, cəmi 624 manat; 18.02.2020-ci il tarixli, ********* saylı müqavilə üzrə 217 manat əsas borc, 65 manat cərimə, cəmi 282 manat olmaqla, ümumilikdə 1329 (bir min üç yüz iyirmi doqquz) manat borc və məhkəmə xərci qismində ödənilmiş 20 (iyirmi) manat dövlət rüsumu alınaraq Kreditornə ödənilsin. Borclu məhkəmə əmrini aldığı gündən 10 (on) gün müddətində məhkəmə əmrini vermiş Gəncə şəhəri Kəpəz Rayon Məhkəməsini yazılı xəbərdar etməklə verilmiş tələbə və ya onun hissəsinə qarşı etiraz edə bilər. Məhkəmə əmrindən şikayət verilə bilməz.