Gəncə Şəhəri Kəpəz Rayon Məhkəməsi Məhkəmə əmri — İş №e-2(043)-3367/2021

Azərbaycan Respublikası adından MƏHKƏMƏ ƏMRİ Gəncə şəhəri İş № e-2(043)-3367/2021 08.09.2021 GƏNCƏ ŞƏHƏRİ KƏPƏZ RAYON MƏHKƏMƏSİ Mən, Gəncə şəhəri Kəpəz Rayon Məhkəməsinin hakimi Tağıyev Cavid Tahir oğlu, Kreditor "xxxx" MMC-nin Borclu qarşı məhkəmə əmrinin verilməsinə dair ərizəsinə baxaraq, müəyyən etdim: Kreditor "xxxx" MMC məhkəməyə ərizə ilə müraciət edərək borclu xx.xx.1983-cü ildə ünvan 1 ünvanında qeydiyyatda olan Borclu 25.09.2020-ci il tarixli ********* saylı müddətli (nisyə) alqı-satqı müqaviləsi üzrə 17.07.2021-ci il tarixinə yaranmış, 45 manat əsas, 13 manat cərimə, 25.09.2020-ci il tarixli ********* saylı müddətli (nisyə) alqı-satqı müqaviləsinə əsasən, 393 manat əsas, 117 manat cərimə olmaqla, cəmi 568 manat borcun və 20 manat ödənilmiş dövlət rüsumunun Borclu tutularaq "xxxx" MMC-yə ödənilməsi barədə məhkəmə əmrinin çıxarılmasını xahiş etmişdir. Kreditor "xxxx" MMC-in məhkəməyə təqdim etdiyi ərizə və ona əlavə edilmiş sənədlərdən görünür ki, "xxxx" MMC ilə Borclu arasında bağlanmış 25.09.2020-ci il tarixli ********* saylı müddətli (nisyə) alqı-satqı müqaviləsinə əsasən, sonuncu, aldığı ‘‘Hi-Fi” markalı qulaqlığa və “Samsung Galaxy” markalı yaddaş kartına görə 12 ay ödəniş cədvəli üzrə 5 manat olmaqla cəmi 55 manat, 25.09.2020-ci il tarixli ********* saylı müddətli (nisyə) alqı-satqı müqaviləsinə əsasən, sonuncu, aldığı "Samsung A217” markalı mobil telefona görə 12 ay ödəniş cədvəli üzrə 43 manat olmaqla cəmi 516 manat, ümumilikdə hər iki müqavilə üzrə 571 manat ödəməyi öhdəsinə götürmüşdür. Lakin müqavilələrin şərtlərini pozaraq, borclu sonuncu dəfə 05.11.2020-ci il tarixində hər iki müqavilə üzrə ümumilikdə 10 manat, 30.06.2021-ci il tarixində isə 80 manat ödəniş etmiş və hər iki müqavilə üzrə qalıq qalmış 438 manat borcu qaytarmamışdır. Nisyə alqı satqı müqaviləsinin 1 nömrəli əlavəsinin şərtlərinə uğun olaraq, gecikdirilən aylıq borc məbləğinə cərimə kimi gündəlik 1% dərəcəsi ilə dəbbə hesablanır və alıcı tərəfindən satıcıya ödənilir. İş materiallarında olan 25.09.2020-ci il tarixli əşyanın nisyə alqı-satqı müqaviləsindən və ona əlavə olunmuş sənədlərdən görünür ki, Borclu "xxxx" MMC-dən hər ay hissə-hissə olmaqla ‘‘Hi-Fi” markalı qulaqcıq və “Samsung Galaxy” markalı yaddaş kartı almışdır. 25.09.2020-ci il tarixli əşyanın nisyə alqı-satqı müqaviləsinə əlavə edilən ödəniş cədvəlindən görünür ki, alıcı Borclu ödəniş cədvəlinə uyğun olaraq 12 ay ərzində aylıq 5 manat ödəniş etməyi öz öhdəsinə götürmüşdür. 25.09.2020-ci il tarixli əşyanın nisyə alqı-satqı müqaviləsindən və ona əlavə olunmuş sənədlərdən görünür ki, Borclu "xxxx" MMC-dən hər ay hissə-hissə olmaqla "Samsung A217” markalı mobil telefon almışdır. 25.09.2020-ci il tarixli əşyanın nisyə alqı-satqı müqaviləsinə əlavə edilən ödəniş cədvəlindən görünür ki, alıcı Borclu ödəniş cədvəlinə uyğun olaraq 12 ay ərzində aylıq 43 manat ödəniş etməyi öz öhdəsinə götürmüşdür. 17.07.2021-ci il tarixli maliyyə arayışlarından görünür ki, Borclu "xxxx" MMC-yə 25.09.2020-ci il tarixli ********* saylı müddətli (nisyə) alqı-satqı müqaviləsi üzrə 45 manat əsas, 13 manat cərimə, 25.09.2020-ci il tarixli ********* saylı müddətli (nisyə) alqı-satqı müqaviləsinə əsasən, 393 manat əsas, 117 manat cərimə olmaqla ümumilikdə 568 manat borcu vardır. Bildirişdən görünür ki, borcun könüllü ödənilməsi barədə borcluya xəbərdarlıq edilmişdir. Azərbaycan Respublikası Mülki Məcəlləsinin (bundan sonra-MM) 385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. MM-in 442-ci maddəsinə əsasən öhdəliyin icra edilməməsi dedikdə, onun pozulması və lazımınca icra edilməməsi başa düşülür. MM-in 448-ci maddəsinin tələblərinə görə, əgər bu Məcəllə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Borclu öz öhdəliklərinin hər bir təqsirli pozuntusu (hərəkət və hərəkətsizlik) üçün məsuliyyyət daşıyır. MM-in 465.2-ci maddəsinə əsasən əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödənilməsini və öhdəliyin icrasını tələb edə bilər. MM-in 600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Beləliklə, təqdim edilmiş sənədlərlə təsdiq olunur ki, tərəflər arasında qanunvericiliyə uyğun olaraq müqavilə bağlanmış, həmin müqavilə ilə ödənişin məbləği, son ödəmə tarixi, tərəflərin hüquq və vəzifələri müəyyənləşdirilmişdir. Kreditor üzərinə düşən öhdəlikləri yerinə yetirmişdir. Borclu isə müqavilə üzrə öhdəliyi icra etməmişdir MPM-nin 276.1-ci maddəsinə əsasən kreditorun tələbi aşkardırsa və ya həmin tələb borclunun mübahisə edilməyən vəzifəsinə əsaslanırsa bu hallarda məhkəmə əmri verilə bilər. MPM-in 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Göstərilənlərə əsasən və Azərbaycan Respublikası Mülki Prosessual Məcəlləsinin 275, 276, 280 və 281-ci maddələrini rəhbər tutaraq, əmr etdim: xx.xx.1983-cü ildə ünvan 2 ünvanında qeydiyyatda olan Borclu 25.09.2020-ci il tarixli ********* saylı müddətli (nisyə) alqı-satqı müqaviləsi üzrə 45 manat əsas, 13 manat cərimə, 25.09.2020-ci il tarixli ********* saylı müddətli (nisyə) alqı-satqı müqaviləsinə əsasən, 393 manat əsas, 117 manat cərimə olmaqla ümumilikdə, hər iki müqavilə üzrə 568 ( beş yüz altmış səkkiz ) manat borc və 20 ( iyirmi ) manat ödənilmiş dövlət rüsumu alınaraq "xxxx" MMC-in hesabına ödənilsin. Borclu məhkəmə əmrini aldığı gündən 10 gün ərzində verilmiş tələbə və ya onun hissəsinə qarşı əmri vermiş məhkəməni yazılı xəbərdar etməklə etiraz edə bilər. Məhkəmə əmri qətnamə qüvvəsinə malikdir. Məhkəmə əmrindən şikayət verilə bilməz. Hakim Cavid Tağıyev