Salyan Rayon Məhkəməsi Qətnamə — İş №e-2(057)-1702/2024

Azərbaycan Respublikası adından QƏTNAMƏ Salyan rayon İş № e-2(057)-1702/2024 26.09.2024 SALYAN RAYON MƏHKƏMƏSİ Hakim Əliyeva Vəsilə Əlövsət qızının sədrliyi, X16 oğlunun katibliyi, İddiaçı etibarnamə üzrə nümayəndəsi X5, Cavabdeh etibarnamə üzrə nümayəndəsi Nümayəndə2 iştirakı ilə, İddiaçı Cavabdeh qarşı “alimentin təyin edilməsi” tələbinə dair mülki işə Salyan Rayon Məhkəməsinin inzibati binasında, açıq məhkəmə iclasında baxaraq, məhkəmə M Ü Ə Y Y Ə N E T D İ: İddiaçı Cavabdeh qarşı “aliment” tələbinə dair iddia ərizəsi ilə məhkəməyə müraciət etmişdir. İddiaçı iddia tələbini onunla əsaslandırmışdır ki, Cavabdeh ilə mərhum X8 nikahlarını Salyan RİHB-nin Arbatan kənd İnzinbati Ərazi Nümayəndəliyində xx.xx.2016-cı il tarixdə 27 №li akt qeydi ib rəsmiləşdirmiş nikahlarına xx.xx.2023-cü il tarixdə X3 vəfat etməsi səbəbi ilə xitam verilmişdir. Həmin nikahdan xx.xx.2017-ci il təvəllüdlü X6 və xx.xx.2019-cü il təvəllüdlü X9 doğulmuşdur.X8 xx.xx.2023-cü il tarixində vəfat etmişdir. Lənkəran Ağır Cinayətlər Məhkəməsinin hökmü ilə Cavabdeh Azərbaycan Respublikası CM-nin 120.2.4 və 228.4-cü maddəsi ilə təqsirli bilinərək 16 il müddətə azadlıqdan məhrum etmə cəzasına məhkum edilmişdir, o cəzasını Bakı şəhəri Binəqədi rayonu 7-ci mikro rayon ünvanında yerləşən Azərbaycan Respublikası Ədliyyə Nazirliyi Pentensiar Xidmətinin 11 saylı Cəza çəkmə müəssisəsində çəkir. Salyan Rayon İcra Hakimiyyəti Başçısının xx.xx.2024-cü il tarixli 5-71/3-2- 44/2024 saylı Sərəncamına əsasən xx.xx.2017-ci ü təvəllüdlü X6 və xx.xx.2019-cü il təvəllüdlü X9 nənələri İddiaçı Nəzirməmmad qızının qəyyumuluğuna verilmişdir, X6 və X9 nənələri İddiaçı yanında yaşayırlar. Onların saxlanılması üçün Cavabdeh aylıq alimentin tutulub iddiaçıya ödənilməsi zəruridir. Ona görə də, xx.xx.2017-ci il təvəllüdlü X6 və xx.xx.2019-cü il təvəllüdlü X4 yetkinlik yaşına çatana qədər saxlanmaları üçün hər ay hər uşağa 235 manat olmaqla, cəmi 470 manat alimentin, 60 manat mediasiya xərci, 70 manat hüquqi xidmət xərci, cəmi 130 manat məhkəmə xərcinin Cavabdeh tutulması barədə qətnamə çıxarılmasını xahiş etmişdir. Məhkəmə iclasında iştirak edən İddiaçı etibarnamə üzrə nümayəndəsi X11 iddia ərizəsinin məzmununa uyğun izahat verərək, iddianın təmin olunması barədə qətnamə çıxarılmasını məhkəmədən xahiş etmişdir. Məhkəmə iclasında iştirak edən Cavabdeh etibarnamə üzrə nümayəndəsi Nümayəndə2 iddianı qəbul etməyərək, oğlu Cavabdeh hal-hazırda cəzaçəkmə müəssisəsində çəza çəkməsini bildirərək, aliment tələbinin rədd olunmasını məhkəmədən xahiş etmişdir. Məhkəmə iş materiallarını araşdıraraq hesab edir ki, iddia tələbi qismən təmin olunmalıdır. Belə ki, İş materiallarında olan və məhkəmə baxışında tədqiq edilmiş; Salyan regional “ASAN XİDMƏT” mərkəzi qeydiyyat şöbəsinin xx.xx.2024-cü il tarixli arayışından görünür ki, Cavabdeh və X7 nikahı haqqında xx.xx.2016-cı il tarixdə Salyan rayon Arbatan kənd inzibati ərazi nümayəndəliyində 27 №-li akt qeydi tərtib olunmuşdur. Nikah bağlandıqdan sonra arvada “İbrahimova” soyadı verilmişdir. Nikaha G.Quliyevanın xx.xx.2023cü ildə ölməsi faktı ilə bağlı xitam verilmiş və ölüm xx.xx.2023-cü ildə 533 №-li akt qeydi ilə Salyan rayon qeydiyyat şöbəsində dövlət qeydiyyatına alınmışdır. Doğum haqqında şəhadətnamələrin surətindən görünür ki, tərəflərin birgə nikahlarından atası Cavabdeh, anası X12 olan xx.xx.2017-ci il təvəllüdlü X6 və xx.xx.2019-cü il təvəllüdlü X9 doğulmuşdur. Ölüm haqqında şəhadətnamənin surətindən görünür ki, X12 xx.xx.2023-cü il tarixdə “Travmatik ikincili və ya residivləşən qanaxmadan vəfat etmişdir. xx.xx.2024-cü il tarixli “ilkin mediasiya sessiyasında iştirak edilməməsi barədə” Salyan 1 saylı Mediasiya Təşkilatının arayışından görünür ki, X1 və Cavabdeh İMS-də iştirak etməmişdirlər. Salyan Rayon İcra Hakimiyyəti Başçısının xx.xx.2024-cü il tarixli 5-71/3-2-44/2024 saylı Sərəncamından çıxarışdan görünür ki, xx.xx.2017-ci il təvəllüdlü X6 və xx.xx.2019-cü il təvəllüdlü X9 nənələri İddiaçı Nəzirməmmad qızının qəyyumuluğuna verilmişdir. Lənkəran Ağır Cinayətlər Məhkəməsinin 1(099)-248/2024 saylı xx.xx.2024-cü il tarixli hökmündən görünür ki, Cavabdeh Azərbaycan Respublikası CM-nin 120.2.4 və 228.4-cü maddəsi ilə təqsirli bilinərək 16 il müddətə azadlıqdan məhrum etmə cəzasına məhkum edilmişdir, o cəzasını ciddi rejimli cəzaçəkmə müəssisəsində çəkməsi qərara alınmışdır. Məhkəmə araşdırılması zamanı müəyyən edildi ki, Cavabdeh ilə mərhum X3 Salyan RİHB-nin Arbatan kənd inzinbati ərazi nümayəndəliyində xx.xx.2016-cı il tarixdə 27 №-li akt qeydi ilə rəsmiləşdirilmiş nikahlarına xx.xx.2023-cü il tarixdə X3 vəfat etməsi səbəbi ilə xitam verilmişdir. Həmin nikahdan xx.xx.2017-ci il təvəllüdlü X6 və xx.xx.2019-cü il təvəllüdlü X9 adlı övladları doğulmuşdur. Tərəflərin birgə nikahından anadan olmuş uşaqları hal-hazırda iddiaçının, yəni nənələri İddiaçı Nəzirməmmad qızının qəyyumuluğuna verilmişdir. Sadalanan xüsusatlara əsasən, məhkəmə hesab edir ki, uşaqların saxlanmaları üçün cavabdehdən aliment tutulmasına dair iddia tələbi əsaslıdır. Belə ki, Azərbaycan Respublikası AM-nin 75.4-cü maddəsinə əsasən, valideynlər uşaqlarını saxlamadıqda uşaqların saxlanması üçün vəsait (aliment) valideynlərdən məhkəmə qaydasında tutulur. Həmin Məcəllənin 78.1-ci maddəsinə əsasən, valideynlər arasında yetkinlik yaşına çatmayan uşaqlara aliment ödənilməsi barədə saziş yoxdursa, eləcə də aliment verməyə borclu olan valideynin qazancı (gəliri) qeyri-müntəzəm, dəyişən olarsa, ya da qazancın (gəlirin) hamısını və ya bir hissəsini həmin valideyn natura və ya xarici valyuta ilə alırsa, yaxud onun qazancı və ya sair gəliri yoxdursa, habelə alimentin valideynin qazancından (gəlirindən) müəyyən hissə kimi tutulması mümkün olmadığı, çətinlik törətdiyi və tərəflərdən birinin marağını əhəmiyyətli dərəcədə pozduğu başqa hallarda, uşaqların saxlanması üçün vəsait tutulmasını tələb edən şəxsin xahişi ilə alimentin miqdarı məhkəmə tərəfindən hər ay ödənilməli olan sabit pul məbləğində və ya eyni zamanda, həm sabit pul məbləğində, həm də bu Məcəllənin 76-cı maddəsinə uyğun olaraq qazancın (gəlirin) müəyyən hissəsi kimi müəyyən edilə bilər. Qeyd edilən Məcəllənin 78.2-ci maddəsinə əsasən, sabit pul məbləğinin miqdarı məhkəmə tərəfindən tərəflərin maddi və ailə vəziyyəti, diqqətəlayiq olan digər hallar nəzərə alınmaqla uşağın əvvəlki təminatının səviyyəsinin mümkün qədər maksimal saxlanması əsas tutularaq müəyyən edilir. Həmin Məcəllənin 100.2-ci maddəsinə əsasən, aliment məhkəməyə müraciət edildiyi vaxtdan tutulur. “Uşaq hüquqları haqqında” Azərbaycan Respublikasının Qanununun 5-ci maddəsinə əsasən dövlət orqanları, bütün fiziki və hüquqi şəxslər öz fəaliyyətində uşaqların mənafelərini üstün tutmalı, onların hüquqlarının təmin olunmasına şərait yaratmalıdırlar. Azərbaycan Respublikasının normativ hüquqi aktları və müvafiq orqanların qərarları uşaq mənafelərinə zidd olmamalı və onların icrası uşaqların həyatına, inkişafına və tərbiyəsinə zərər gətirməməlidir. Uşağın hüquq və mənafelərini məhdudlaşdıran hər hansı əqd etibarsızdır. “Azərbaycan Respublikasında 2023-cü il üçün yaşayış minimumu haqqında” Azərbaycan Respublikası Qanununun 1-ci maddəsinə əsasən 2023-cü il üçün yaşayış minimumu ölkə üzrə uşaqlar üçün 220,0 manat məbləğində müəyyən edilmişdir. “Azərbaycan Respublikası Ailə Məcəlləsinin 76, 78 və 112-ci maddələrinin şərh edilməsinə dair” Azərbaycan Respublikası Konstitusiya Məhkəməsi Plenumunun 27 iyul 2016-cı il tarixli Qərarında qeyd olunmuşdur ki, alimentin miqdarı müəyyən olunarkən məhkəmə, ilk növbədə, Ailə Məcəlləsinin 76.2 və 78.2-ci maddələrinə əsasən tərəflərin maddi və ailə vəziyyətini, diqqətəlayiq digər halları və uşağın əvvəlki təminatının səviyyəsini nəzərə almalıdır. Həmçinin, həmin qərarda qeyd olunmuşdur ki, ailə üzvləri arasında yaranan münasibətlər ailə qanunvericiliyi və ya tərəflər arasındakı sazişlə tənzimlənmədikdə və həmin münasibətləri bilavasitə tənzimləyən mülki hüquq normaları olmadıqda, ailə münasibətlərinin mahiyyətinə zidd olmayan və oxşar münasibətləri tənzimləyən ailə və (və ya) mülki hüquq normaları tətbiq olunur. Bu normalar olmadıqda isə ailə üzvlərinin hüquq və vəzifələri ailə qanunvericiliyinin və mülki qanunvericiliyin ümumi prinsiplərinə, eləcə də humanizm və ədalət prinsiplərinə uyğun olaraq müəyyən edilir (Ailə Məcəlləsinin 5-ci maddəsi). Bu baxımdan məhkəmə alimentin miqdarını, ilk növbədə, Ailə Məcəlləsinin qeyd edilən münasibətləri tənzimləyən normalarının tələbləri əsasında araşdıraraq müəyyən etməlidir. Məhkəmə uşaqların əvvəlki təminatının səviyyəsinin mümkün qədər maksimal saxlanmasını əsas tutaraq, cavabdehin uşaqlarını saxlamağa borclu olduğunu nəzərə alaraq hesab edir ki, iddia tələbi qismən təmin edilməli, cavabdehdən tutulmalı olan alimentin miqdarı hər ay hər uşağa görə 120 manat olmaqla, cəmi 240 manat sabit pul məbləğində müəyyən edilməlidir. Belə ki, iddiaçının bir uşağın saxlanılması üçün cavabdehdən tutulmasını tələb etdiyi məbləğ 2024-cü ildə bir uşağın yaşayış minimumu kimi müəyyən edilmiş məbləğə (235 manat) bərabər olsa da, iddiaçı tərəfindən cavabdehin kifayət qədər gəliri olması ilə bağlı hər hansı bir əsas gətirilmədiyindən və bu barədə sübut məhkəməyə təqdim olunmadığından, məhkəmə uşaqların maraqlarını üstün tutaraq hesab edir ki, cavabdehdən tutulan aliment hər ay hər uşağa 120 manat olmaqla, cəmi 240 manat sabit pul məbləğində müəyyən edilməlidir. Bundan başqa, məhkəmə qeyd edir ki, iddiaçı iddia ərizəsində 70 manat hüquqi xidmət xərcinin cavabdehdən tutulmasını tələb etsə də, o, bunu təsdiq edən hər hansı sənədi məhkəməyə təqdim etməmişdir. Bundan başqa, məhkəmə alimentin tutulma müddətini araşdıraraq, hesab edir ki, alimentin tutulma müddəti iddiaçının iddia ərizəsi ilə məhkəməyə müraciət etdiyi vaxtdan başlanmalıdır. Belə ki, Azərbaycan Respublikası AM-nin 100.2-ci maddəsinə əsasən, aliment məhkəməyə müraciət edildiyi vaxtdan tutulur. İşin materiallarından görünür ki, iddiaçı mövcud iddia tələbi ilə xx.xx.2024-cü il tarixdə məhkəməyə müraciət etmişdir. Buna görə də, alimentin tutulma müddəti Azərbaycan Respublikasının AM-nin 100.2-ci maddəsinə əsasən iddia ərizəsinin məhkəməyə verildiyi tarixdən başlanmalıdır. Məhkəmə eyni zamanda hesab edir ki, qətnamə dərhal icra edilməlidir. Belə ki, Azərbaycan Respublikası MPM-nin 234.2.1-ci maddəsinə əsasən, şəxsin saxlanması üçün vəsaitlərin, o cümlədən alimentlərin alınması haqqında qətnamələr dərhal icra olunur. Azərbaycan Respublikasının Mülki Prosessual Məcəlləsinin: 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. 77.1-ci maddəsinə əsasən, hər bir tərəf öz tələblərinin və etirazlarının əsası kimi istinad etdiyi halları sübut etməlidir. 218.3-cü maddəsinə əsasən, hakim işdə iştirak edən şəxslərin verdiyi tələblər üzrə qətnamə çıxarır. Beləliklə, məhkəmə qanunvericiliyin yuxarıda qeyd olunan müddəalarını və işin faktiki hallarını nəzərə alaraq hesab edir ki, iddia tələbi qismən təmin edilməli, xx.xx.2017-ci il təvəllüdlü X2 və xx.xx.2019-cu il təvəllüdlü X4 yetkinlik yaşına çatanadək saxlanılmaları üçün xx.xx.2024-cü il tarixdən başlayaraq hər ay hər uşağa 120 manat olmaqla, cəmi 240 manat aliment və 60 manat mediasiya xərci Cavabdeh tutularaq İddiaçı xeyrinə ödənilməlidir. Şərh olunanlara əsasən və Azərbaycan Respublikasının MPM-nin 216-220, 227, 360 və 362-ci maddələrini rəhbər tutaraq. məhkəmə Q Ə T E T D İ: İddia qismən təmin edilsin. xx.xx.2017-ci il təvəllüdlü X2 və xx.xx.2019-cu il təvəllüdlü X4 yetkinlik yaşına yaşına çatana qədər saxlanılmaları üçün xx.xx.2024-cü il tarixdən etibarən hər ay hər uşağa 120 manat olmaqla, cəmi 240 manat aliment və 60 manat mediasiya xərci Cavabdeh tutularaq İddiaçı ödənilsin. Qətnamə aliment hissəsində dərhal icra edilsin. Qətnamədən rəsmi qaydada verildiyi gündən 1 (bir) ay müddətində (“Elektron məhkəmə” informasiya sistemində yaradılan elektron kabinetdən istifadə edilməklə) Salyan Rayon Məhkəməsi vasitəsilə Şirvan Apellyasiya Məhkəməsinə apellyasiya şikayəti verilə bilər. Sədrlik edən: Vəsilə Əliyeva