Sumqayıt Şəhər Məhkəməsi Məhkəmə əmri — İş №e-2(060)-3571/2021

Azərbaycan Respublikası adından MƏHKƏMƏ ƏMRİ Sumqayıt şəhəri İş № e-2(060)-3571/2021 01.04.2021 SUMQAYIT ŞƏHƏR MƏHKƏMƏSİ Hakim Ələkbərov Əfqan Qəzənfər oğlu, Bakı şəhəri, Dilarə Əliyeva küçəsi 194 ünvanında yerləşən kreditor “Vorld Telekom” MMC-nin Borclu qarşı əmr icraatı qaydasında pul tələbi barədə ərizəsini və ərizəyə əlavə olunmuş sənədləri məhkəmə binasında nəzərdən keçirərək, müəyyən etdi: Kreditor “Vorld Telekom” MMC Borclu oğluna qarşı məhkəmə əmrinin verilməsinə dair ərizə ilə məhkəməyə müraciət edərək, xx.xx.1988-ci ildə Sumqayıt şəhərində doğulmuş və Sumqayıt şəhəri, Nizami küçəsi,19 C 6-cı məhəllədə qeydiyyatda olan Borclu oğlundan 808 manat əsas borc ,80 manat cərimə və 20 manat ödənilmiş dövlət rüsumu olmaqla, cəmi 908 manat tutularaq kreditor “Vorld Telekom” MMC-yə ödənilməsi barədə məhkəmə əmrinin çıxarılmasını xahiş etmişdir. Kreditorun məhkəməyə təqdim etdiyi məhkəmə əmrinin verilməsinə dair ərizəsindən və ərizəyə əlavə edilmiş sənədlərdən görünür ki, Borclu xx.xx.2020-ci il tarixli kredit müqaviləsinə əsasən “Vorld Telekom” MMC -dən dəyəri 858 manat olan telefon əldə etmişdir. Borclunun müqavilə üzrə ödənişlər etdikdən sonra kreditora 808 manat borcu qalmışdır. Odur ki, borcludan 808 manat əsas borc ,80 manat cərimə və 20 manat ödənilmiş dövlət rüsumu olmaqla, cəmi 908 manat tutularaq kreditor “Vorld Telekom”MMC-yə ödənilməsi barədə məhkəmə əmri çıxarılması zəruridir. İş materiallarını nəzərdən keçirib məhkəmə hesab edir ki, ərizə əsaslıdır və təmin edilməlidir. Azərbaycan Respublikası Mülki Məcəlləsinin 445.2.1-ci maddəsinə əsasən öhdəliyin onun icrası üçün müəyyənləşdirilmiş müddətdə icra edilməməsi borclunun icranı gecikdirməsi sayılır. Həmin Məcəllənin 442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi başa düşülür. Həmin Məcəllənin 448-ci maddəsinə əsasən borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Həmin Məcəllənin 428.4-cü maddəsinə əsasən, öhdəliyin icrası üçün borclunun xeyrinə hər hansı müddət təyin edildikdə, əgər borclu ödəniş qabiliyyətini itirərsə və ya şərtləşdirilmiş təminatı azaldarsa, yaxud ümumiyyətlə, belə təminat verə bilməzsə, kreditor dərhal icrasını tələb edə bilər. Azərbaycan Respublikası Mülki Prosessual Məcəlləsinin 275.1-ci maddəsinə əsasən, müəyyən pul məbləğinin ödənilməsi tələbləri və ya əmlakın tələb edilməsi üzrə işlərə sadələşdirilmiş qaydasında yol verilir. Həmin Məcəllənin 276.1-ci maddəsinə görə, kreditorun tələbi aşkardırsa və ya həmin tələb borclunun mübahisə edilməyən vəzifəsinə əsaslanırsa bu hallarda məhkəmə əmri verilə bilər. Məhkəmə MPM-nın 276.2.2-ci maddəsinə əsasən tələb sadə yazılı formada bağlanmış əqdə əsaslandığından(lisenziyalaşdırılan telekommunikasiya xidmətlərinin göstərilməsi ilə bağlı müqavilələr, kredit təşkilatları ilə bağlanmış kredit müqavilələri və məişətdə istehlak edilmiş təbii qaz, su, elektrik və ya istilik enerjisinin haqqının ödənilməsi barədə tələblər istisna olmaqla) həmin tələb üzrə məhkəmə əmri verilməsini mümkün hesab edir. Həmin Məcəllənin 119.1-ci maddəsinin tələbinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Yuxarıda göstərilənləri nəzərə alaraq və Azərbaycan Respublikası Mülki Prosessual Məcəlləsinin 275, 276, 280-284-cü maddələrini rəhbər tutaraq, əmr etdi: xx.xx.1988-ci ildə Sumqayıt şəhərində doğulmuş və Sumqayıt şəhəri, Nizami küçəsi,19 C 6-cı məhəllədə qeydiyyatda olan Borclu oğlundan “Vorld Telekom” MMC-nin xeyrinə 808 manat əsas borc ,80 manat cərimə və 20 manat ödənilmiş dövlət rüsumu olmaqla, cəmi 908 manat tutulsun. Borclu məhkəmə əmrini aldığı gündən 10 gün müddətinə verilmiş tələbə və ya onun hissəsinə qarşı əmri vermiş məhkəməni yazılı xəbərdar etməklə etiraz edə bilər. Məhkəmə əmri qətnamə qüvvəsinə malikdir. Məhkəmə əmrindən şikayət verilə bilməz. Hakim Əfqan Ələkbərov