Sumqayıt Şəhər Məhkəməsi Qərardad — İş №e-2(060)-7591/2021

Azərbaycan Respublikası adından QƏRARDAD Sumqayıt şəhəri İş № e-2(060)-7591/2021 27.08.2021 SUMQAYIT ŞƏHƏR MƏHKƏMƏSİ Hakim Süleymanova Almaz Məhərrəm qızı, Kreditor MMC-nin borclular Borclu1 və Borclu2 qarşı “borcun tutulması” barədə məhkəmə əmrinin verilməsinə dair ərizəsini məhkəmənin inzibati binasında nəzərdən keçirərək, m ü ə y y ə n e t d i m: Kreditor MMC borclular Borclu1 və Borclu2 qarşı “borcun tutulması” tələbinə dair ərizə ilə məhkəməyə müraciət edərək borclulardan 2200 manat əsas borcun, 314,82 manat cərimə borcunun və 20 manat dövlət rüsumunun tutulması barədə məhkəmə əmrinin qəbul edilməsini xahiş etmişdir. Ərizəni və ona əlavə olunmuş sənədləri nəzərdən keçirərək hesab edirəm ki, məhkəmə əmrinin verilməsi barədə ərizənin qəbul olunmasından imtina edilməlidir. Azərbaycan Respublikası Mülki Prosessual Məcəlləsinin 276.1-ci maddəsinə əsasən kreditorun tələbi aşkardırsa və ya həmin tələb borclunun mübahisə edilməyən vəzifəsinə əsaslanırsa, bu halda məhkəmə əmri verilə bilər. 279.2.3-cü maddəyə əsasən ərizənin əsaslandığı tələb etmə hüququ barədə mübahisə vardırsa məhkəmə əmrinin verilməsi haqqında ərizənin qəbul olunmasından məhkəmə imtina edir. Hesab edirəm ki, cərimə borcu hisssədə tələb etmə hüququ barədə mübahisə vardır, bu səbəbdən ərizəyə baxılmasının sadələşdirilmiş qaydasını yolverilməz hesab edirəm. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 263-264, 275- 279-cu maddələrini rəhbər tutaraq, q ə r a r a a l d ı m: Kreditor MMC-nin borclular Borclu1 və Borclu2 qarşı “borcun tutulması” tələbi barədə məhkəmə əmrinin verilməsinə dair ərizəsinin qəbul olunmasından imtina edilsin. Qərardaddan şikayət verilə bilməz. Hakim Almaz Süleymanova