Şamaxı Rayon Məhkəməsi Məhkəmə əmri — İş №e-2(074)-1231/2021

Azərbaycan Respublikası adından MƏHKƏMƏ ƏMRİ Şamaxı rayonu İş № e-2(074)-1231/2021 05.10.2021 ŞAMAXI RAYON MƏHKƏMƏSİ İ Şamaxı rayon məhkəməsinin hakimi Hümbətov Etibar Zülfüqar oğlu, kreditor Vorld Telekom MMC- ünvan 1 ünvanda fəaliyyət göstərən borclu xx.xx.1989-ci ildə Sabirabad rayonu Aleksandrovka kəndində anadan olmuş, Şamaxı rayonu Kərkənc kəndində yaşayan Borclu qarşı məhkəmə əmri haqqında ərizəsini və ərizəyə əlavə olunmuş sənədləri nəzərdən keçirərək, MÜƏYYƏN ETDİM: Təqdim edilmiş sənədlərdən görünür ki, iş üzrə Borclu 30 aprel 2018-ci il tarixli 01- AGT000024152 saylı alqı-satqı müqaviləsinə əsasən Vorld Telekom MMC-dən dəyəri 1297 manat olan İpone 7 32 Black (MİE**********45791) marklı mobil telefon əldə etmişdir. Borclu müqavilə üzrə ödənişlər etdikdən sonra, onun kreditora 590 manat borcu qalmışdır. Kreditor Borld Telekom MMC məhkəməyə müraciət edərək Borclu kreditorun xeyrinə 590 manat borc məbləğinin, 60 manat cərimənin və 20 manat məbləğində dövlət rüsumunun tutularaq tələbkara ödənilməsinə dair məhkəmə əmri çıxarılmasını xahiş etmişdir. Azərbaycan Respublikasının Mülki Məcəlləsinin 276.1-ci maddəsinə əsasən Kreditorun tələbi aşkardırsa və ya həmin tələb borclunun mübahisə edilməyən vəzifəsinə əsaslanırsa bu hallarda məhkəmə əmri verilə bilər. Azərbaycan Respublikasının Mülki Məcəlləsinin 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Azərbaycan Respublikasının Mülki Məcəlləsinin 442-ci maddəsinə əsasən, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Azərbaycan Respublikasının Mülki Məcəlləsinin 448.1-ci maddəsinə əsasən, əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Azərbaycan Respublikasının Mülki Məcəlləsinin 448.2-ci maddəsinə əsasən, borclu öz öhdəliklərinin hər bir təqsirli pozuntusu (hərəkət və ya hərəkətsizlik) üçün məsuliyyət daşıyır. Borclunu təqsirə görə, yəni qərəzə və ya kobud ehtiyatsızlığa görə məsuliyyətdən qabaqcadan azad etmək olmaz. Ərizəyə əlavə olunmuş sənədlərlə kreditorun tələbinin aşkar olduğu, tələb sadə yazılı formada bağlanmış əqdə və borclunun mübahisə edilməyən vəzifəsinə əsaslandığı təsdiq olunur. Buna görə də həmin tələb üzrə məhkəmə əmrinin verilməsini mümkün hesab edirəm. “Dövlət rüsumu haqqında” Azərbaycan Respublikasının Qanunun 8.3-cü maddəsinə görə məhkəmə əmri haqqında ərizələrdən 20 manat məbləğində dövlət rüsumu tutulur. Kreditor həmin məbləği ödədiyindən hesab edirəm ki, borcludan tələbkarın xeyrinə 20 manat məbləğində pul tutulmalıdır. Yuxarıda göstərilənlərə əsasən və Azərbaycan Respublikasının MPM-nin 275, 276, 280 və 281-ci maddələrini rəhbər tutaraq, ƏMR ETDİM: Borclu 590 manat əsas borc, 60 manat cərimə və 20 manat dövlət rüsumu alınaraq kreditor Vorld Telekom MMC-nin hesabına ödənilsin. Borclu məhkəmə əmrini aldıqları gündən 10 gün müddətinə verilmiş tələbə və ya onun hissəsinə qarşı əmri vermiş məhkəməni yazılı xəbərdar etməklə etiraz edə bilərlər. Məhkəmə əmrindən şikayət verilə bilməz. HAKİM ETİBAR HÜMBƏTOV