Şəki Rayon Məhkəməsi Qərardad — İş №e-2(075)-2287/2024

Azərbaycan Respublikası adından QƏRARDAD Şəki şəhəri İş № e-2(075)-2287/2024 11.12.2024 ŞƏKİ RAYON MƏHKƏMƏSİ Hakim Musayev Kamran İbrahim oğlunun sədrliyi, Nəsirova Sayalı Elşad qızının katibliyi ilə, İddiaçı cavabdehlər “Yunusoğlu” Group şirkətinə, Cavabdeh2, Cavabdeh1 qarşı “pul tələbi”nə dair iddia ərizəsi üzrə mülki işə məhkəmənin binasında, açıq məhkəmə iclasında baxaraq, məhkəmə müəyyən etdi: İddiaçı cavabdehlər “Yunusoğlu” Group şirkətinə, Cavabdeh2, Cavabdeh1 qarşı iddia ərizəsi ilə məhkəməyə müraciət edərək, cavabdehlər “Yunusoğlu Group” şirkətindən ünvan 1 ünvanında yerləşən 600 kv.m torpaq sahəsində fərdi yaşayış evinin tikilməsi ilə bağlı bağlanmış 25 iyul 2022-ci il tarixli müqavilə üzrə üzərinə götürdüyü öhdəliklərin yerinə yetirilməsini, müqavilədə qeyd edilmiş öhdəliklərin tam icra olunmasını, yaşayış üçün zəruri olan bütün şəraitlərin yaradılmasını, müqavilədən irəli gələn öhdəliklər icra olunmadəğı təqdirdə ödədiyim 63000 (altmış üç min) manat pulun və 331 manat dövlət rüsumun alınaraq ona verilməsi barədə qətnamə qəbul edilməsini xahiş etmişdir. İddiaçı ərizə ilə məhkəməyə müraciət edərək, İddiaçı cavabdehlər “Yunusoğlu” Group şirkətinə, Cavabdeh2, Cavabdeh1 qarşı “pul” tələbinə dair mülki iş üzrə cavabehlərlə bağlı Gəncə Şəhər Baş Polis İdarəsində onun şikayəti əsasında istintaq aparılmaqdadır. Bu səbəbdən cinayət işinin istintaqı yekunlaşana kimi mülki işin baxılmamış saxlanılmaqla səndlərin ona geri qaytarılması barədə qərardad qəbul edilməsini xahiş etmişdir. Məhkəmə iclasının vaxtı və yeri barədə məlumatlandırılmalarına baxmayaraq tərəflər məhkəmə iclasında iştirak etməmişlər. Məhkəmə onların iştirakı olmadan işə baxılmasını mümkün hesab etmişdir. Məhkəmə iş materiallarını araşdıraraq belə hesab edir ki, ərizə təmin edilməli və iddia ərizəsi baxılmamış saxlanılmalıdır. Mülki Prosessual Məcəllənin 259.0.11-ci maddəsinə əsasən, iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə, məhkəmə ərizəni baxılmamış saxlayır. Belə olan halda məhkəmə hesab edir ki, ərizə təmin edilməli, iddia ərizəsi baxılmamış saxlanılmalı, iddia ərizəsi və ona əlavə edilmiş sənədlər geri qaytarılmalıdır. Mülki Prosessual Məcəllənin 260.3-cü maddəsinə əsasən qərardadda işdə iştirak edən şəxslərin arasında məhkəmə xərclərinin bölünməsi, büdcədən dövlət rüsumunun qaytarılması məsələləri həll edilə bilər. Məhkəmə hesab edir ki, hazırkı iddia ərizəsi baxılmamış saxlanıldığından iddiaçı tərəfindən ödənilmiş dövlət rüsumu geri qaytarılmalıdır. Qeyd edilənlərə əsasən və Azərbaycan Respublikası MPM-nin 261.0.1, 263-264, 267-268-ci madələrini rəhbər tutaraq, məhkəmə qərara aldı: Ərizə təmin edilsin. İddiaçı cavabdehlər “Yunusoğlu” Group şirkətinə, Cavabdeh2, Cavabdeh1 qarşı “pul” tələbinə dair iddia ərizəsi baxılmamış saxlanılsın. İddia ərizəsi və ona əlavə edilmiş sənədlər iddiaçıya geri qaytarılsın. 06 mart 2023-cü il tarixli ********** saylı qəbzə əsasən ödənilmiş 330 manat dövlət rüsumu iddiaçıya geri qaytarılsın. Qərardaddan, rəsmi qaydada verildikdən sonra 10 gün müddətində Şəki Rayon Məhkəməsinə şikayət verilə bilər. Hakim: Kamran Musayev