Şuşa Rayon Məhkəməsi Məhkəmə əmri — İş №e-2(077)-359/2021

Azərbaycan Respublikası adından MƏHKƏMƏ ƏMRİ Şuşa rayonu İş № e-2(077)-359/2021 07.09.2021 ŞUŞA RAYON MƏHKƏMƏSİ Mən, Şuşa Rayon Məhkəməsinin hakimi vəzifəsini müvəqqəti icra edən Abşeron Rayon Məhkəməsinin hakimi X1,kreditor Bakı şəhəri,Nərimanov rayonu,Əhməd Rəcəbli 1/9 ünvanında yerləşən "xxxx" MMC-nin,Şuşa şəhəri,Q.Primov küçəsi,ev 3,mənzil 1 ünvanında qeydiyyatda olan,Bakı şəhəri,Xəzər rayonu,Mərdəkan qəsəbəsi,Şahin İsgəndərov küçəsi,ev 15 ünvanında məskunlaşan Borclu qarşı «məhkəmə əmrinin çıxarılması»na dair ərizəsini və ərizəyə əlavə olunmuş sənədləri nəzərdən keçirərək, M Ü Ə Y Y Ə N E T D İ M: Tələbkar "xxxx" MMC ilə Borclu arasında 11 oktyabr 2020-ci il tarixli ********* saylı müddətli (nisyə) alqı-satqı müqaviləsi bağlanmışdır.Bu müqaviləyə əsasən Borclu alqısatqı qiyməti 379 manat olan “Samsung A207” markalı telefon almışdır.Müqavilənin şərtlərinə görə satıcı müqavilədə göstərilmiş malı alıcının mülkiyyətinə verməyi, borclu aldığı malın dəyərini 12 ay ərzində hər ay 32 manat,sonuncu ay 27 manat olmaqla hissəhissə ödəməyi öhdəsinə götürmüşdür.Borclu bu müqavilə üzrə cəmi 13 manat məbləğində ödəniş etmişdir. Daha sonra tərəflər arasında 11 oktyabr 2020-ci il tarixli ********* saylı müddətli (nisyə) alqı-satqı müqaviləsi bağlanmışdır.Bu müqaviləyə əsasən Borclu alqı-satqı qiyməti 182 manat olan “Zimmer ZM-MG310M” markalı ətçəkən almışdır.Müqavilənin şərtlərinə görə satıcı müqavilədə göstərilmiş malı alıcının mülkiyyətinə verməyi, borclu aldığı malın dəyərini 10 ay ərzində hər ay 19 manat,sonuncu ay 11 manat olmaqla hissə-hissə ödəməyi öhdəsinə götürmüşdür.Borclu bu müqavilə üzrə cəmi 24 manat məbləğində ödəniş etmişdir. Daha sonra tərəflər arasında 11 oktyabr 2020-ci il tarixli ********* saylı müddətli (nisyə) alqı-satqı müqaviləsi bağlanmışdır.Bu müqaviləyə əsasən Borclu alqı-satqı qiyməti 59 manat olan “Mİ PB200LZM” markalı daşınabilən bateraya almışdır.Müqavilənin şərtlərinə görə satıcı müqavilədə göstərilmiş malı alıcının mülkiyyətinə verməyi, borclu aldığı malın dəyərini 10 ay ərzində hər ay 6 manat,sonuncu ay 5 manat olmaqla hissəhissə ödəməyi öhdəsinə götürmüşdür.Borclu bu müqavilə üzrə ödəniş etməmişdir. Borclu hər üç müqavilənin şərtlərini pozmuş və ona xəbərdarlıq edilməsinə baxmayaraq hazırkı vaxtadək müqavilələr üzrə qalıq borcundan heç bir ödəniş aparmamışdır.Hazırda borclunun 17.07.2021-ci il tarixinə 11 oktyabr 2020-ci il tarixli ********* saylı müddətli (nisyə) alqı-satqı müqaviləsi üzrə 366 manat əsas borc və 109 manat hesablanmış cərimə borcu, 11 oktyabr 2020-ci il tarixli ********* saylı müddətli (nisyə) alqı-satqı müqaviləsi üzrə 158 manat əsas borc və 47 manat hesablanmış cərimə borcu,11 oktyabr 2020-ci il tarixli ********* saylı müddətli (nisyə) alqı-satqı müqaviləsi üzrə 59 manat əsas borc və 17 manat hesablanmış cərimə borcu vardır. Azərbaycan Respublikası Mülki Məcəlləsinin 600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə,müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Həmin Məcəllənin 385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkətləri etməlidir,məsələn,pul ödəməli,mal verməli,iş görməli,xidmətlər göstərməli və ya müəyyən hərəkətlərdən çəkinməlidir,kreditorun isə borcludan vəzifəsinin icrasını tələb etmək hüququ vardır. Həmin Məcəllənin 442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi,mallarda,işlərdə,xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 445.1-ci maddəsinə əsasən icranı gecikdirmiş borclu gecikdirmə nəticəsində vurduğu zərər üçün kreditor qarşısında məsuliyyət daşıyır. Həmin Məcəllənin 445.2.1-ci maddəsinə əsasən öhdəliyin onun icrası üçün müəyyənləşdirilmiş müddətdə icra edilməməsi borclunun icranı gecikdirməsi sayılır. Azərbaycan Respublikası MPM-nin 276.1-ci maddəsinə əsasən kreditorun tələbi aşkardırsa və ya həmin tələb borclunun mübahisə edilməyən vəzifəsinə əsaslanırsa,276.2.2-ci maddəsinə əsasən tələb sadə yazılı formada bağlanmış əqdə əsaslanırsa bu hallarda məhkəmə əmri verilə bilər. Həmin Məcəllənin 280-cı maddəsinə əsasən məhkəmə əmri irəli sürülmüş tələb məhkəməyə daxil olan gündən 3 gün ərzində,məhkəmə baxışı keçirilmədən və izahatları dinlənilmək üçün tərəflər çağırılmadan çıxarılır. Göstərilənləri nəzərə alaraq məhkəmə hesab edir ki,Borclu ilə "xxxx" MMC arasında tələb sadə yazılı formada bağlanmış əqdə əsaslandığından,tələb borclunun mübahisə edilməyən vəzifəsi olduğundan, borclu müqavilələr üzrə öhdəliyini yerinə yetirmədiyindən Borclu 11 oktyabr 2020-ci il tarixli ********* saylı müddətli (nisyə) alqı-satqı müqaviləsi üzrə 366 manat qalıq borc,109 manat cərimə borcu,11 oktyabr 2020-ci il tarixli ********* saylı müddətli (nisyə) alqı-satqı müqaviləsi üzrə 158 manat əsas borc və 47 manat cərimə borcu, 11 oktyabr 2020-ci il tarixli ********* saylı müddətli (nisyə) alqı-satqı müqaviləsi üzrə 59 manat əsas borc və 17 manat cərimə borcu olmaqla, ümumilikdə hər üç müqavilə üzrə 756 manat məbləğində borc və ödənilmiş 20 manat məbləğində dövlət rüsumu tələbkar "xxxx" MMC-nin xeyrinə tutulmalıdır. Yuxarıda göstərilənləri nəzərə alaraq və Azərbaycan Respublikası MPM-nin 275.2,276.2.2,277,278 və 282-ci maddələrinin tələblərini rəhbər tutaraq, ƏMR ETDİM: xx.xx.1980-cı ildə Şuşa şəhərində anadan olmuş,Şuşa şəhəri,Q.Primov küçəsi,ev 3,mənzil 1 ünvanında qeydiyyatda olan,Bakı şəhəri,Xəzər rayonu,Mərdəkan qəsəbəsi,Şahin İsgəndərov küçəsi,ev 15 ünvanında məskunlaşan Borclu 11 oktyabr 2020ci il tarixli ********* saylı müddətli (nisyə) alqı-satqı müqaviləsi üzrə 366 (üç yüz altmış altı) manat məbləğində borc,109 (bir yüz doqquz) manat məbləğində cərimə borcu,11 oktyabr 2020-ci il tarixli ********* saylı müddətli (nisyə) alqı-satqı müqaviləsi üzrə 158 (bir yüz əlli səkkiz) manat məbləğində borc və 47 (qırx yeddi) manat məbləğində cərimə borcu,11 oktyabr 2020-ci il tarixli ********* saylı müddətli (nisyə) alqı-satqı müqaviləsi üzrə 59 (əlli doqquz) manat məbləğində borc və 17 (bir on yeddi) manat məbləğində cərimə borcu olmaqla,ümumilikdə hər üç müqavilə üzrə 756 (yeddi yüz əlli altı) manat borc və ödənilmiş 20 (iyirmi) manat məbləğində dövlət rüsumu "xxxx" MMC-nin xeyrinə tutulsun. Borclu məhkəmə əmrini aldığı gündən 10 gün müddətində verilmiş tələbə və ya onun hissəsinə qarşı əmri vermiş məhkəməni yazılı xəbərdar etməklə etiraz edə bilər. Məhkəmə əmri qətnamə qüvvəsinə malikdir. Məhkəmə əmrindən şikayət verilə bilməz. Məhkəmə əmri icra sənədi hesab edilir.