Naxçıvan MR Ordubad Rayon Məhkəməsi Məhkəmə əmri — İş №e-2(080)-157/2021

Azərbaycan Respublikası adından MƏHKƏMƏ ƏMRİ Ordubad şəhəri İş № e-2(080)-157/2021 25.08.2021 NAXÇIVAN MR ORDUBAD RAYON MƏHKƏMƏSİ Mən, Ordubad Rayon Məhkəməsinin hakimi Haqverdiyev Tural Ziyat oğlu Bakı şəhəri, Nərimanov Rayon , Ə.Rəcəbli 1/9 ünvanında yerləşən kreditor "xxxx" MMC-nin borclu Ordubad rayon Aşağı Əndəmic kəndində qeydiyyatda olan Borclu oğluna qarşı borcun tutulması tələbi haqqında məhkəmə əmrinin verilməsinə dair ərizəni və ərizəyə əlavə olunmuş sənədləri nəzərdən keçirərək, müəyyən etdim: Kreditor "xxxx" MMC-i məhkəməyə ərizə ilə müraciət etmiş, Borclu oğlundan 659 manat əsas, 197 manat cərimə, cəmi 856 manat borcun və ödənilmiş 20 manat dövlət rüsumunun cəmiyyətin xeyrinə tutulması barədə məhkəmə əmrinin çıxarılmasını xahiş etmişdir. Kreditor ərizəsini onunla əsaslandırmışdır ki, "xxxx" MMC-i ilə Borclu Hakim oğlu arasında bağlanmış 08.09.2020-ci il tarixli, ********* saylı Müddətli (nisiyə) alqı-satqı müqaviləsinə əsasən, sonuncu, aldığı “Samsung A 515” markalı mobil telfona görə 12 ay müddətinə ödəniş cədvəli üzrə hər ay 55 manat olmaqla cəmi 659 manat ödəməyi öhdəsinə götürmüşdür. Lakin Borclu oğlu müqavilənin şərtlərini pozaraq , sonuncu dəfə heç bir ödəniş etməmiş və qalıq qalmış 659 manat borcu qaytarmamışdır. İş materiallarına əlavə olunmuş sənədlərdən aydın olur ki, həqiqətən Borclu Hakim oğlu ilə "xxxx"MMC-i arasında (nisiyə) alqı-satqı müqaviləsi imzalanmışdır. Nisiyə alqı-satqı müqavilənin №1 saylı əlavəsinin şərtlərinə uyğun olaraq , gecikdirilən aylıq borc məbləğinə cərimə kimi gündəlik 1(bir) faiz dərəcəsi ilə (minumum 50 qəpik) dəbbə hesablanır və “Alıcı” tərəfindən “Satıcıya ” ödənilməlidir. Ərizəyə əlavə edilmiş 17.07.2021-ci il tarixli maliyyə arayışından surətindən görünür ki, Borclu oğlunun "xxxx" MMC-ə 08 sentyabr 2020-ci il tarixli, (nisiyə) alqı-satqı müqaviləsinə əsasən borclu ödəniş aparmamışdır. Əsas borcu 659 manat, cərimə borcu 197 manat, cəmi məbləği 856 manat təşkil edir. Azərbaycan Respublikasının Mülki Məcəlləsinin 442-ci maddəsinə əsasən öhdəliyin icra edilməməsi dedikdə, onun pozulması və ya lazımınca icra edilməməsi başa düşülür. Azərbaycan Respublikasının Mülki Məcəlləsinin 443.1-ci maddəsinə əsasən öhdəliyi icra etməyən borclu kreditora dəymiş zərərin əvəzini ödəməyə borcludur. Azərbaycan Respublikasının Mülki Məcəlləsinin 448.1-ci maddəsinə əsasən əgər bu Məcəllə ilə və ya müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Azərbaycan Respublikasının Mülki Prosessual Məcəlləsinin 276.1-ci maddəsinə əsasən kreditorun tələbi aşkardırsa və ya həmin tələb borclunun mübahisə edilməyən vəzifəsinə əsaslanırsa bu hallarda məhkəmə əmri verilə bilər. Azərbaycan Respublikasının Mülki Prosessual Məcəlləsinin 276.2.2-ci maddəsinə əsasən tələb sadə yazılı formada bağlanmış əqdə əsaslanırsa məhkəmə əmri verilə bilər. Azərbaycan Respublikasının Mülki Prosessual Məcəlləsinin 280-cı maddəsinə əsasən məhkəmə əmri irəli sürülmüş tələb məhkəməyə daxil olan gündən 3 gün ərzində, məhkəmə baxışı keçirilmədən və izahatları dinləmək üçün tərəflər çağırılmadan çıxarılır. Ərizəyə əlavə olunmuş sənədlərlə kreditor "xxxx" MMC-nin tələbinin aşkar olduğu, tələbin sadə yazılı formada bağlanmış əqdə və borclunun mübahisə edilməyən vəzifəsinə əsaslandığı təsdiq olunur. Buna görə də həmin tələb üzrə məhkəmə əmri verilməsini mümkün hesab edirəm. Kreditorun ərizəsi təmin olunduğu üçün Azərbaycan Respublikasının Mülki Prosessual Məcəlləsinin 119.1-ci maddəsinə əsasən əzizə üzrə ödənilmiş 20 manat dövlət rüsumu borcludan tələbkarın xeyrinə tutulmalıdır. Yuxarıda göstərilənləri nəzərə alaraq və Azərbaycan Respublikası MPM-nin 275, 276, 280 və 281-ci maddələrini rəhbər tutaraq, əmr etdim: Borclu oğlundan "xxxx" MMC-nin xeyrinə 659 manat əsas,197 manat cərimə borcu və 20 manat dövlət rüsumu olmaqla, cəmi 876 manat (doqquz yüz yetmiş) manat məbləğində pul tutulsun. Borclu məhkəmə əmrini aldığı gündən 10 gün ərzində verilmiş tələbə və ya onun hissəsinə qarşı əmri vermiş məhkəməni yazılı xəbərdar etməklə etiraz edə bilər. Məhkəmə əmri qətnamə qüvvəsinə malikdir. Məhkəmə əmrindən şikayət verilə bilməz. Hakim: Tural Haqverdiyev