Naxçıvan MR Şərur Rayon Məhkəməsi Məhkəmə əmri — İş №e-2(110)-731/2021

Azərbaycan Respublikası adından MƏHKƏMƏ ƏMRİ Şərur şəhəri İş № e-2(110)-731/2021 22.09.2021 NAXÇIVAN MR ŞƏRUR RAYON MƏHKƏMƏSİ Mən, Şərur rayon Məhkəməsinin hakimi Əliyev Mehdi Ədalət oğlu kreditor Tələbkar MMC-nin Borclu qarşı alqı-satqı müqaviləsi üzrə borc tələbinə dair məhkəmə əmrinin verilməsi ilə bağlı ərizəsinə və ona əlavə edilmiş sənədlərə baxaraq müəyyən etdim: Kreditor Tələbkar MMC ərizə ilə məhkəməyə müraciət edərək Borclu 217 manat məbləğində əsas borcun, 38 manat cərimə borcun və 20 manat ödənilmiş dövlət rüsumunun, ümumilikdə 275 manat məbləğində pul vəsaitinin alınaraq tələbkara ödənilməsi barədə məhkəmə əmrinin çıxarılmasını xahiş etmişdir. Məhkəməyə təqdim edilmiş məhkəmə əmrinin verilməsinə dair ərizədən və ona əlavə edilmiş sənədlərdən görünür ki, kreditor Tələbkar MMC ilə Borclu arasında 04.08.2019-cu il tarixdə bağlanmış WTCN-001717 №li alqı-satı müqaviləsinə əsasən, borclu kreditora məxsus mağazadan dəyəri 525 (beş yüz iyirmi beş) manat məbləğində olan Samsung A205 DS 32 markalı mobil telefon almışdır. Borclu müqavilənin şərtlərini pozaraq ödəniş cədvəlinə uyğun olaraq aylıq 44 manat ödəniş etməli olduğu halda ödənişlər etməmiş və 217 manat məbləğində mağazaya borcu yaranmışdır. İş materiallarında olan 04.08.2019-cu il tarixli əşyaların təhvil-təslim aktından görünür ki, Samsung A205 DS 32 markalı mobil telefon alıcıya qüsursuz halda təhvil verilmişdir. İş materiallarında olan 31.08.2021-ci il tarixli maliyyə arayışından görünür ki, Borclu Tələbkar MMC-yə 04.08.2019-cu il tarixdə bağlanmış WTCN-001717 №li alqı-satı müqaviləsi üzrə 217 manat əsas və 38 manat cərimə borcu olmaqla, ümumulikdə 255 manat məbləğində borcu vardır. Məhkəmənin əsaslandırması: Ərizəyə əlavə olunmuş sənədlərə əsasən tələb aşkar olduğundan və həmin tələb borclunun mübahisə edilməyən vəzifəsinə əsaslandığından məhkəmə əmrinin verilməsi mümkündür. Belə ki, Azərbaycan Respublikası Mülki-Prosessual Məcəlləsinin 276.1-ci maddəsinə görə kreditorun tələbi aşkardırsa və ya həmin tələb borclunun barəsində mübahisə edilməyən vəzifəsinə əsaslanırsa, bu hallarda məhkəmə əmri verilə bilər. Azərbaycan Respublikası Mülki-Prosessual Məcəlləsinin 276.2.2-ci maddəsinə görə tələb sadə yazılı formada bağlanmış əqdə (lisenziyalaşdırılan telekommunikasiya xidmətlərinin göstərilməsi ilə bağlı müqavilələr, kredit təşkilatları ilə bağlanmış kredit müqavilələri və məişətdə istehlak edilmiş təbii qaz, su, elektrik və ya istilik enerjisinin haqqının ödənilməsi barədə tələblər istisna olmaqla) əsaslanırsa həmin tələb üzrə məhkəmə əmri verilə bilər. Azərbaycan Respublikası Mülki Prosessual Məcəlləsinin 280-ci maddəsinə əsasən məhkəmə əmri irəli sürülmüş tələb məhkəməyə daxil olan gündən 3 gün ərzində, məhkəmə baxışı keçirilmədən və izahatları dinlənilmək üçün tərəflər çağırılmadan çıxarılır. Azərbaycan Respublikasının Mülki Məcəlləsinin 389.3-cü maddəsinin tələbinə görə isə öhdəliklər haqqında ümumi müddəalar tənzimləyən Mülki Məcəllənin müvafiq fəslinin qaydalarında və müqavilələrin ayrı-ayrı növlərinə dair həmin Məcəllənin qaydalarında ayrı hal nəzərdə tutulmayıbsa, müqavilədən əmələ gələn öhdəliklərə öhdəliklər haqqında ümumi müddəalar tətbiq edilir. Mülki Məcəllənin 385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Mülki Məcəllənin 442-ci maddəsinə əsasən, öhdəliyin icra edilməməsi dedikdə, onun pozulması və ya lazımınca icra edilməməsi başa düşülür. Mülki Məcəllənin 448.1-ci maddəsinə əsasən, əgər bu Məcəllə ilə və ya müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Təqdim edilmiş sənədlərdən də aydın olur ki, borclu müqavilə üzrə götürmüş olduğu öhdəliklərini lazımınca və vaxtında icra etmədiyindən kreditor qarşısında 255 (iki yüz əlli beş) manat məbləğində icra edilməmiş borc öhdəliyi yaranmışdır. Kreditorun ərizəsi təmin olunduğu üçün Azərbaycan Respublikasının Mülki- Prosessual Məcəlləsinin 119.1-ci maddəsinə əsasən, ərizə üzrə ödənilmiş 20 (iyirmi) manat dövlət rüsumunun əvəzi borcludan tutularaq kreditorun xeyrinə ödənilməlidir. Yuxarıda qeyd edilənləri və Azərbaycan Respublikası Mülki Prosessual Məcəlləsinin275, 276, 280- 282-ci maddələrini rəhbər tutaraq əmr etdim: xx.xx.1993-cü ildə Şərur rayonu Düdəngə kəndində doğulmuş və Şərur rayon Zeyvə kəndində qeydiyyatda olan Borclu 217 (iki yüz on yeddi) manat əsas borcun, 38 (otuz səkkiz) manat cərimə borcun və 20 manat ödənilmiş dövlət rüsumunun, ümumilikdə 275 (iki yüz yetmiş beş) manat məbləğində pul alınaraq, ünvan 1 ünvanında yerləşən, kreditor Tələbkar MMC-yə ödənilsin. Borclu məhkəmə əmrini aldığı gündən 10 gün müddətində verilmiş tələbə və onun hissəsinə qarşı əmri vermiş məhkəməni yazılı xəbərdar etməklə etiraz edə bilər. Məhkəmə əmri qətnamə qüvvəsinə malikdir. Məhkəmə əmrindən şikayət verilə bilməz. Hakim: Mehdi Əliyev