Bakı Kommersiya Məhkəməsi Qərardad — İş №e-2-2(113)-1689/2023

Azərbaycan Respublikası adından QƏRARDAD Bakı şəhəri İş № e-2-2(113)-1689/2023 23.02.2023 BAKİ KOMMERSİYA MƏHKƏMƏSİ Bakı Kommersiya Məhkəməsi Hakim Həsənova Ülkər Təhmasib qızı, Kreditor MMC-nin (Borclu ASC) “məhkəmə əmrinin verilməsi barədə” ərizəsi və ona əlavə olunmuş sənədləri nəzərdən keçirib, MÜƏYYƏN ETDİ: Kreditor MMC (Borclu ASC) “məhkəmə əmrinin verilməsi barədə” ərizə ilə Məhkəməyə müraciət edərək, Borclu ASC-dən ƏDV xaric 56 978,25 manat və 10 256,20 manat ƏDV borcunun Kreditorun xeyrinə tutulması və Kreditora ödənilməsi barədə məhkəmə əmrinin verilməsini, Kreditor tərəfindən Bakı 1 saylı Mediasiya təşkilatına ödənilmiş 410 manat məbləğin borcludan tutularaq kreditora ödənilməsini, 291,70 manat məbləğində dövlət rüsumunun borcluya aid edilməsi və borclu tərəfindən ödənilməsinin təmin olunması barədə məhkəmə əmrinin qəbul edilməsini xahiş etmişdir. Borclu ASC ərizəyə etiraz edərək, ərizəyə əmr icraatı qaydasında baxılmasından imtina edilməsi barədə qərardad qəbul edilməsini xahiş etmişdir. Məhkəmə ərizə və ona əlavə olunmuş sənədləri nəzərdən keçirərək hesab edir ki, məhkəmə əmrinin verilməsi haqqında ərizənin qəbulundan imtina olunmalıdır. Belə ki, Azərbaycan Respublikası Mülki Prosessual Məcəlləsinin 275.1-ci maddəsinə əsasən müəyyən pul məbləğinin ödənilməsi tələbləri və ya əmlakın tələb edilməsi üzrə işlərə baxılmasının bu fəslə uyğun olaraq sadələşdirilmiş qaydasına yol verilir. Həmin Məcəllənin 276.1-ci maddəsinə əsasən kreditorun tələbi aşkardırsa və ya həmin tələb borclunun barəsində mübahisə edilməyən vəzifəsinə əsaslanırsa, bu hallarda məhkəmə əmri verilə bilər. Həmin Məcəllənin 279.1-ci maddəsinə əsasən məhkəmə, məhkəmə əmrinin verilməsi haqqında ərizənin qəbul olunmasından bu Məcəllənin 153-cü maddəsi ilə müəyyən edilmiş əsaslar olduqda imtina edir. Həmin Məcəllənin 279.2.3-cü maddəsinə əsasən ərizənin əsaslandığı tələb etmə hüququ barədə mübahisə vardırsa, Məhkəmə, məhkəmə əmrinin verilməsi haqqında ərizənin qəbul olunmasından imtina edir. Həmin Məcəllənin 279.3-cü maddəsinə əsasən ərizə məhkəməyə daxil olduğu gündən 3 gün müddətində məhkəmə ərizənin qəbul edilməsindən imtina haqqında qərardad çıxarır. Bu qərardaddan şikayət verilə bilməz. Həmin Məcəllənin 279.4-ci maddəsinə əsasən məhkəmə əmrinin verilməsi haqqında ərizənin qəbul edilməsindən imtina olunması kreditorun həmin tələb üzrə iddia icraatı qaydasında iddia verməsinə mane olmur. Bu halda kreditor tərəfindən ödənilmiş dövlət rüsumu ödənilməli olan dövlət rüsumuna hesablanır. Şərh olunanlara əsasən və Azərbaycan Respublikası MPM-nin 263-264, 275-279-cu maddələrini rəhbər tutaraq, məhkəmə QƏRARA ALDİ: Kreditor MMC-nin (Borclu ASC) “məhkəmə əmrinin verilməsi barədə” ərizəsinin qəbul edilməsindən imtina edilsin. Qərardaddan şikayət verilə bilməz. Hakim Ülkər Həsənova