Şəki Kommersiya Məhkəməsi Məhkəmə əmri — İş №e-2-2(117)-281/2021

Azərbaycan Respublikası adından MƏHKƏMƏ ƏMRİ Şəki şəhəri İş № e-2-2(117)-281/2021 26.04.2021 ŞƏKİ KOMMERSİYA MƏHKƏMƏSİ Şəki Kommersiya Məhkəməsinin hakimi Məcidov Rüfət Azadəli oğlu, kreditor Bakı şəhəri Z.Bünyadov prospekti 1965 X1 Mərkəzi 1-ci bina 4-cü mərtəbədə yerləşən Kreditor ASC-nin borclu Ağdaş rayonu Şəkili kəndində yaşayan Borclu qarşı xx.xx.2019-cu il tarixli 02/00023624 nömrəli lizinq müqaviləsinə əsasən 1500 manat borc və 20 manat dövlət rüsumunun cavabdehdən tutularaq ödənilməsi barədə məhkəmə əmrinin verilməsinə dair ərizəsini və ərizəyə əlavə olunmuş sənədlərə baxaraq, müəyyən etdi: Kreditor ASC-nin məhkəməyə təqdim etdiyi ərizədən və ərizəyə əlavə edilən sənədlərdən görünür ki, Borclu ilə “xxxx” ASC arasında cəmiyyətə məxsus kənd təsərrüfatı texnikasının qısa müddətli lizinqə (istifadəyə) verilməsi barədə xx.xx.2019-cu il tarixli 02/00023624 nömrəli müqavilə bağlanmış, borclu 2 ay müddətində 6000 manat ödəməli olduğu halda, xx.xx.2019-cu il tarixdə 3000 manat, xx.xx.2019-cu il tarixdə 500 manat, xx.xx.2019-cu il tarixdə 500 manat və xx.xx.2019-cu il tarixdə 500 manat ödəniş etmiş, 1500 manat borcu qalmışdır. Borclunun 1500 manat borcunun olması tərəflər arasında bağlanmış müqavilə, ödəniş qəbzləri və maliyyə arayışı ilə təsdiq olunur. Azərbaycan Respublikası Mülki Məcəlləsinin 385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. 448.2-ci maddəsinə görə isə borclu öz öhdəliklərinin hər bir təqsirli pozuntusu (hərəkət və ya hərəkətsizlik) üçün məsuliyyət daşıyır. Borclunu təqsirə görə, yəni qərəzə və ya kobud ehtiyatsızlığa görə məsuliyyətdən qabaqcadan azad etmək olmaz. Azərbaycan Respublikası Mülki Prosessual Məcəlləsinin 276.1-ci maddəsinə əsasən kreditorun tələbi aşkardırsa və ya tələb borclunun barəsində mübahisə edilməyən vəzifəsinə əsaslanırsa bu hallarda məhkəmə əmri verilə bilər. Beləliklə, tələb borclunun barəsində mübahisə edilməyən vəzifəsinə əsaslandığından, yəni müqavilə üzrə yaranmış borcun alınması haqqında verildiyindən kreditorun ərizəsi təmin edilməli və bu barədə məhkəmə əmri çıxarılmalıdır. Yuxarıda göstərilənləri nəzərə alaraq və Azərbaycan Respublikası Mülki Prosessual Məcəlləsinin 119.1, 275-276, 280-282 və 284-cü maddələrini rəhbər tutaraq, məhkəmə əmr etdi : Ərizə təmin edilsin. Borclu xx.xx.2019-cu il tarixli 02/00023624 nömrəli lizinq müqaviləsinə əsasən 1500 manat borc və 20 manat ödənilmiş dövlət rüsumu tutularaq Kreditor ASC-yə ödənilsin. Borclu məhkəmə əmrini aldığı gündən 10 (on) gün müddətinə verilmiş tələbə və ya onun hissəsinə qarşı əmri vermiş məhkəməni yazılı xəbərdar etməklə Elektron Məhkəmə İnformasiya Sistemində yaradılmış Elektron Kabinet vasitəsilə etiraz edə bilər. Məhkəmə əmri qətnamə qüvvəsinə malikdir. Məhkəmə əmrindən şikayət verilə bilməz. Hakim: Rüfət Məcidov