Şəki Kommersiya Məhkəməsi Qərardad — İş №e-2-2(117)-430/2023

Azərbaycan Respublikası adından QƏRARDAD Şəki şəhəri İş № e-2-2(117)-430/2023 20.04.2023 ŞƏKİ KOMMERSİYA MƏHKƏMƏSİ Hakim Hüseynov Mübariz Rahil oğlu, İddiaçı cavabdbehlər Cavabdeh1 ASC və Cavabdeh2 QSC BOKT-a qarşı “Cavabdeh2 QSC BOKT-dan yaşıl tütünü becərərək Cavabdeh1 ASK MMC-yə təhvil vermək üçün götürdüyü 10200 manat kredit borcunun, Cavabdeh1 ASK MMC-nin keyfiyyətsiz toxum verməsi nəticəsində iddiaçıya vurmuş olduğu ziyanın 50 %-i olan 5100 manatın zaminlik müqaviləsi əsasında Cavabdeh2 QSC BOKT-a ödənilməsi öhdəliyini öz üzərinə götürən Cavabdeh1 ASK MMC-nin üzərinə qoyulması” tələbinə dair ərizə və ona əlavə edilmiş sənədlərə baxaraq, müəyyən etdi: İddiaçı cavabdbehlər Cavabdeh1 ASC və Cavabdeh2 QSC BOKT-a qarşı ərizə ilə məhkəməyə müraciət edərək Cavabdeh2 QSC BOKT-dan yaşıl tütünü becərərək Cavabdeh1 ASK MMC-yə təhvil vermək üçün götürdüyü 10200 manat kredit borcunun, Cavabdeh1 ASK MMC-nin keyfiyyətsiz toxum verməsi nəticəsində iddiaçıya vurmuş olduğu ziyanın 50 %-i olan 5100 manatın zaminlik müqaviləsi əsasında Cavabdeh2 QSC BOKT-a ödənilməsi öhdəliyini öz üzərinə götürən Cavabdeh1 ASK MMC-nin üzərinə qoyulması” barədə qətnamə qəbul edilməsini xahiş etmişdir. Məhkəmə iddia ərizəsi və ona əlavə edilmiş sənədləri araşdırıb hesab edir ki, iddia ərizəsi və ona əlavə edilmiş sənədlər geri qaytarılmalıdır. Belə ki, Azərbaycan Respublikası Mülki Prosessual Məcəlləsinin 149-cu maddəsi ilə müəyyən olunmuş iddia ərizəsinin formasına və məzmununa dair tələblərə iddiaçı tərəfindən riayət edilməmişdir. Azərbaycan Respublikası Mülki Prosessual Məcəlləsinin 149.2.3-cü maddəsinə əsasən iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb iddia ərizəsində göstərilməlidir. Hazırki iş üzrə həm Cavabdeh1 ASC, həm də Cavabdeh2 QSC BOKT cavabdeh qismində göstərilsələr də, iddia tələbi Cavabdeh1 ASC-yə qarşı yönəlmişdir və Cavabdeh2 QSC BOKT-na yönələn tələb mövcud deyildir. Belə olan halda məhkəmə hesab edir ki, iddiaçının hazırki tələbi MPM-in 149-cu maddəsinin tələblərinə cavab vermir və iddiaçı iddia ərizəsinin formasına və məzmununa dair qanunvericiliyin tələblərinə riayət etməmişdir. Azərbaycan Respublikası Mülki Prosessual Məcəlləsinin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə hakim iddia ərizəsi və ona əlavə edilmiş sənədləri geri qaytarılır. İddiaçının diqqətinə çatdırılır ki, yuxarıda qeyd olunan nöqsanlar aradan qaldırıldıqdan sonra ümumi qaydada yenidən iddia ərizəsi ilə məhkəməyə müraciət edə bilər. Yuxarıda göstərilənlərə əsasən, Azərbaycan Respublikası Mülki Prosessual Məcəlləsinin, 263, 264, 266-268-ci maddələrini rəhbər tutaraq, məhkəmə qərara aldı : İddiaçı cavabdbehlər Cavabdeh1 ASC və Cavabdeh2 QSC BOKT-a qarşı Cavabdeh2 QSC BOKT-dan yaşıl tütünü becərərək Cavabdeh1 ASK MMC-yə təhvil vermək üçün götürdüyü 10200 manat kredit borcunun, Cavabdeh1 ASK MMC-nin keyfiyyətsiz toxum verməsi nəticəsində iddiaçıya vurmuş olduğu ziyanın 50 %-i olan 5100 manatın zaminlik müqaviləsi əsasında Cavabdeh2 QSC BOKT-a ödənilməsi öhdəliyini öz üzərinə götürən Cavabdeh1 ASK MMC-nin üzərinə qoyulması” barədə ərizə və ona əlavə edilmiş sənədlər geri qaytarılsın. Qərardaddan rəsmi qaydada verildiyi gündən 10 (on) gün müddətində Şəki Kommersiya Məhkəməsinə (Elektron Məhkəmə İnformasiya Sistemində yaradılmış Elektron Kabinetdən istifadə edilməklə) şikayət verilə bilər. Hakim : Mübariz Hüseynov