Sumqayıt Kommersiya Məhkəməsi Qərardad — İş №e-2-2(119)-850/2020

Azərbaycan Respublikası adından QƏRARDAD Sumqayıt şəhəri İş № e-2-2(119)-850/2020 02.12.2020 SUMQAYIT KOMMERSİYA MƏHKƏMƏSİ Sumqayıt Kommersiya Məhkəməsinin hakimi Məmmədov Zahid Tahir oğlu İddiaçı Cavabdeh qarşı pul tələbinə dair iddia ərizəsini və ərizəyə əlavə olunmuş sənədləri nəzərdən keçirib, MÜƏYYƏN E T D İ: İddiaçı iddia ərizəsi ilə məhkəməyə müraciət edərək, ümumilikdə 3636.92 (üç min altı yüz otuz altı manat, 92 qəpik) manat pul vəsaitinin və iş üzrə ödənilmiş 30 (otuz) manat dövlət rüsumunun Cavabdeh tutularaq İddiaçı MMC-yə ödənilməsi barədə qətnamə qəbul edilməsini xahiş etmişdir. Azərbaycan Respublikası Mülki-Prosessual Məcəlləsinin 151.1-ci maddəsinə əsasən, iddia ərizəsi Mülki-Prosessual Məcəllənin tələblərinə riayət edilməklə verildikdə, onun məhkəmə icraatı mümkündür. Məhkəmə iddia ərizəsini və iş materiallarını tədqiq edib hesab edir ki, iddia ərizəsi və ona əlavə edilmiş sənədlər geri qaytarılmalıdır Belə ki, iddiaçı tərəfindən “Elektron məhkəmə” informasiya sistemində yaradılmış elektron kabinet vasitəsi ilə təqdim edilmiş iddia ərizəsinə əlavə olunmuş sənədlərdən görünür ki, iddia ərizəsi və pretenziya məktubu cavabdehin qeydiyyatda olduğu ünvana yəni, ünvan 1 ünvanına göndərilmişdir. Qeyd edilən ünvana xx.xx.2020-ci il tarixdə göndərilmiş pretenziya məktubu “ünvan işğal altındadır”, xx.xx.2020-ci il tarixdə göndərilmiş iddia ərizəsinin surəti isə “ünvanda yaşamır” qeydləri ilə geri qaytarılmışdır. Mülki-Prosessual Məcəllənin 82-ci maddəsinə əsasən hamıya bəlli olan hallar və ya faktlar mübahisə edilə bilməz və onların sübuta ehtiyacı yoxdur. Cavabdehin ünvan 2 ünvanında faktiki olaraq yaşamadığı iddiaçıya məlum olan haldır və belə olan halda pretenziya məktubunun və iddia ərizəsinin cavabdehin yaşamadığı ünvana göndərilməsi formal xarakter daşımışdır. Eyni zamanda, iddiaçı onunla müqavilə münasibətlərində olan cavabdehin faktiki ünvanını müəyyən etmək, habelə müvafiq sənədləri ona hər-hansı digər formada çatdırmaq (dəvət edərək təqdim etmək) imkanından istifadə etməmiş, çatdırmanın iddiaçının iradəsindən asılı olmayan hallar səbəbindən mümkün olmadığını sübut edən sənədləri iddia ərizəsinə əlavə etməmişdir. Beləliklə, məhkəmə hesab edir ki, iddiaçı iddia ərizəsinin və pretenziya məktubunun çatdırılması qaydasına riayət etməmişdir. Mülki-Prosessual Məcəllənin 152.1.4-cü maddəsinə əsasən, kommersiya mübahisələri üzrə işdə iştirak edən digər şəxslər tərəfindən iddia ərizəsinin alınmasına dair sübut təqdim edilmədikdə, 152.1.6-cı maddəsinə əsasən, müqavilə ilə və ya həmin kateqoriya işlər üçün qanunla nəzərdə tutulmuşsa, iddiaçı cavabdehlə mübahisənin məhkəməyə qədər (pretenziya qaydasında) nizama salınmasına riayət edilməsinə dair sənəd təqdim etmədikdə verildikdə - iddia ərizəsi və ona əlavə edilmiş sənədlər geri qaytarılır. Həmin Məcəllənin 152.4-cü maddəsinə əsasən, iddia ərizəsinin qaytarılması, nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 82, 149-152, 263, 264, 267 və 268-ci maddələrini rəhbər tutaraq, məhkəmə QƏRARA A L D İ: İddia ərizəsi geri qaytarılsın. Qərardaddan 10 gün müddətində Sumqayıt Kommersiya Məhkəməsinə şikayət verilə bilər. Hakim Zahid Məmmədov