Şirvan Kommersiya Məhkəməsi Məhkəmə əmri — İş №e-2-2(121)-427/2021

Azərbaycan Respublikası adından MƏHKƏMƏ ƏMRİ Şirvan şəhəri İş № e-2-2(121)-427/2021 24.02.2021 ŞİRVAN KOMMERSİYA MƏHKƏMƏSİ Şirvan Kommersiya Məhkəməsinin hakimi İsmayılov Rafiq Tofiq oğlu, Kreditor Azərbaycan Respublikası Dövlət Reklam X1 Reklam İdarəsinin (Lənkəran şəhəri, M.Nəsirli, ev 1 A) Borclunə (Lənkəran rayonu, Gərmətük ŞTQ) qarşı açıq məkanda reklam yerləşdirilməsinə dair xx xxx 2020-ci il tarixli, M**********0006 saylı müraciət əsasında ödənilməli olan 454,36 manat məbləğində borcun və 20 manat dövlət rüsumunun Borclundən tutularaq Azərbaycan Respublikası Dövlət Reklam X1 Reklam İdarəsinə ödənilməsinə dair məhkəmə əmrinin verilməsi barədə ərizəsinə baxaraq, müəyyən etdi: Kreditor Azərbaycan Respublikası Dövlət Reklam X1 Reklam İdarəsi ərizə ilə məhkəməyə müraciət edərək, xx xxx 2020-ci il tarixli, M**********0006 saylı müraciət əsasında ödənilməli olan 454,36 manat məbləğində borcun və 20 manat dövlət rüsumunun Borclundən tutularaq Azərbaycan Respublikası Dövlət Reklam X1 Reklam İdarəsinə ödənilməsi barədə məhkəmə əmri verilməsini xahiş etmişdir. Məhkəmə hesab edir ki, kreditorun ərizəsi əsaslıdır və təmin olunmalıdır. Belə ki, iş materiallarında olan ərizədən görünür ki, Borclu tərəfindən Azərbaycan Respublikası Dövlət Reklam X1 Reklam İdarəsinə müraciət edilərək, Lənkəran rayonunun Gərmətük qəsəbəsində yerləşən “Şah Saray” şadlıq evinin 77.1 kv.m. ölçüdə fasadda olan reklamların açıq məkanda yayımlanması üçün xx.xx.2020-ci il tarixdən etibarən 2 ay müddətinə icazə verilməsinə razılıq verilməsini xahiş etmiş, icazənin verilməsinə görə qanunvericiliklə müəyyən edilmiş məbləğdə və qaydada dövlət rüsumunun, həmçinin reklam yayımına görə haqqın ödənilməsinə zəmanət verildiyini bildirmişdir. İş materiallarında olan açıq məkanda reklam yerləşdirilməsinə dair icazələrin surətindən görünür ki, xx xxxxxx 2020-ci il tarixindən xx xxxx 2020-ci il tarixədək müddətdə Azərbaycan Respublikası Dövlət Reklam X1 Reklam İdarəsi (icazə verən qurum) bu icazədə göstərilmiş şərtlərlə Borclunə (reklam yayıcısı) açıq məkanda reklam yerləşdirilməsinə icazə verir. İş materiallarında olan M**********0006 saylı hesab-fakturanın surətindən görünür ki, Borclu Azərbaycan Respublikası Dövlət Reklam X1 Reklam İdarəsinə 454,36 manat məbləğində borcu vardır. İş materiallarında olan Azərbaycan Respublikası Dövlət X1 Reklam İdarəsi tərəfindən Borclunə ünvanlanan xx xxxxxx 2021-ci il tarixli, Rİ-6/01-06/010 saylı məktubunun surətində qeyd olunur ki, xx xxxxxx 2020-ci il tarixindən xx xxxx 2020-ci il tarixədək müddətdə açıq məkanda yayımlanan reklamlarına dair X5 İdarəsi ilə Borclu arasında bağlanılmış M**********0006 açıq məkanda reklam yerləşdirilməsinə dair icazə sənədinin müddəti xx xxxx 2020-ci il tarixində bitmişdir. Həmin sənədə dair 454,36 manat borc yaranmışdır ki, həmin borcun xx xxxxxx 2021-ci il tarixədək ödənilməsi tələb edilmiş, əks təqdirdə barəsində Azərbaycan Respublkası İnzibati Xətalar Məcəlləsinin 428.7.3-cü maddəsi ilə tədbir görülməsi və məhkəməyə iddia ilə müraciət olunacağı barədə məlumat verilmişdir. Azərbaycan Respublikası Dövlət X1 Reklam İdarəsi tərəfindən hazırki məhkəmə əmrinin verilməsi haqqında ərizə üzrə 20 manat məbləğində dövlət rüsumu ödənilmişdir. Beləliklə, iş üzrə təqdim olunmuş sənədlərlə təsdiq olunur ki, Borclu tərəfindən Azərbaycan Respublikası Dövlət Reklam X1 Reklam İdarəsinə borcun ödənilməsi təmin edilməmişdir. Göründüyü kimi kreditorun tələbi aşkardır və həmin tələb borclunun mübahisə edilməyən vəzifəsinə əsaslanır. Azərbaycan Respublikasının Mülki Məcəlləsinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır (maddə 385.1). Öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür (maddə 442). Borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir (maddə 448.1). Borclu öz öhdəliklərinin hər bir təqsirli pozuntusu (hərəkət və ya hərəkətsizlik) üçün məsuliyyət daşıyır (maddə 448.2). Azərbaycan Respublikasının Mülki Prosessual Məcəlləsinin 275-ci maddəsinə əsasən müəyyən pul məbləğinin ödənilməsi tələbləri və ya əmlakın tələb edilməsi üzrə işlərə baxılmasının bu fəslə uyğun olaraq sadələşdirilmiş qaydasına yol verilir. Bu işlər üzrə hakimin aktı məhkəmə əmri formasında çıxarılır və bu akt icra sənədi hesab edilir. Həmin Məcəlləsinin 276.1-ci maddəsinə əsasən kreditorun tələbi aşkardırsa və ya həmin tələb borclunun barəsində mübahisə edilməyən vəzifəsinə əsaslanırsa, bu hallarda məhkəmə əmri verilə bilər. Həmin Məcəllənin 276.2.2-ci maddəsinə əsasən, tələb sadə yazılı formada bağlanmış əqdə (lisenziyalaşdırılan telekommunikasiya xidmətlərinin göstərilməsi ilə bağlı müqavilələr, kredit təşkilatları ilə bağlanmış kredit müqavilələri və məişətdə istehlak edilmiş təbii qaz, su, elektrik və ya istilik enerjisinin haqqının ödənilməsi barədə tələblər istisna olmaqla) əsaslanırsa məhkəmə əmri verilə bilər. Göstərilənlərə və Azərbaycan Respublikasının Mülki Prosessual Məcəlləsinin 275-ci, 276.1-ci, 276.2.2-ci və 280-282-ci maddələrinə əsasən, məhkəmə əmr etdi: Ərizə təmin edilsin. Borclundən 454,36 manat borc və 20 manat dövlət rüsumu, cəmi 474,20 (dörd yüz yetmiş dörd manat, iyirmi qəpik) manat pul vəsaiti tutularaq kreditor Azərbaycan Respublikası Dövlət X1 Reklam İdarəsinə ödənilsin. Borclu məhkəmə əmrini aldığı gündən 10 (on) gün müddətində verilmiş tələbə və ya onun hissəsinə qarşı əmri vermiş məhkəməni yazılı xəbərdar etməklə etiraz edə bilər. Məhkəmə əmri qətnamə qüvvəsinə malikdir. Məhkəmə əmrindən şikayət verilə bilməz. Hakim Rafiq İsmayılov