Şirvan Kommersiya Məhkəməsi Məhkəmə əmri — İş №e-2-2(121)-536/2021

Azərbaycan Respublikası adından MƏHKƏMƏ ƏMRİ Şirvan şəhəri İş № e-2-2(121)-536/2021 19.03.2021 ŞİRVAN KOMMERSİYA MƏHKƏMƏSİ Şirvan Kommersiya Məhkəməsinin hakimi Abdullayev Elşən Uğur oğlu, Kreditor Bakı şəhəri, Z.Bünyadov prospekti 1965, “Çinar Park” Biznes Mərkəzi 1-ci bina, 4-cü mərtəbədə yerləşən Kreditor Açıq Səhmdar Cəmiyyətinin (“xxxx” ASC-nin) borclu Saatlı rayonu, Mircəlalkənd kəndində qeydiyyatda olan Borclu (VÖEN: **********) qarşı 1.323 manat borcun və 20 manat dövlət rüsumunun Borclu tutularaq Kreditor Açıq Səhmdar Cəmiyyətinə (“xxxx” ASC-yə) ödənilməsinə dair məhkəmə əmrinin verilməsi barədə ərizəsinə baxaraq, müəyyən etdi: Kreditor Açıq Səhmdar Cəmiyyəti (“xxxx” ASC) ərizə ilə məhkəməyə müraciət edərək, 1.323 manat borcun və 20 manat dövlət rüsumunun Borclu tutularaq Kreditor Açıq Səhmdar Cəmiyyətinə ödənilməsi barədə məhkəmə əmri verilməsini xahiş etmişdir. Ərizə onunla əsaslandırılmışdır ki, Kreditor ASC (“xxxx” ASC) ilə Borclu arasında bağlanmış 2019-cu il 23 iyul tarixli, 09/00024800 nömrəli operativ lizinq müqaviləsinə əsasən 1 ədəd Belarus-80x markalı traktoru və 2019-cu il 15 may tarixli, 09/00023863 nömrəli operativ lizinq müqaviləsinə əsasən 1 ədəd Azer Cansa markalı kultivatoru müvafiq olaraq 2019-cu il taxıl biçini mövsümü ərzində istifadəyə verilmişdir. Kreditor Açıq Səhmdar Cəmiyyətlə borclu arasında bağlanmış 09/00024800 nömrəli müqaviləyə əsasən 1.083 manat öhdəlikdən 152 manat ödəniş edərək 931 manat borcu qalmışdır. Kreditor Açıq Səhmdar Cəmiyyətlə borclu arasında bağlanmış 09/00023863 nömrəli müqaviləyə əsasən 392 manat öhdəlikdən heç bir məbləğ ödəniş edilməmiş 392 manat borcu qalmışdır. Borclunun kreditora hal-hazırda 1.323 manat borcu vardır. Lakin, borclu vaxtında kreditora olan borcunu qaytarmadığından kreditor dəfələrlə ondan yaranmış borcun ödənilməsini tələb etsə də, borclu bu günə kimi müxtəlif bəhanələrlə kreditora olan borcunu ödəməkdən yayınmışdır. Buna görə də, kreditor məhkəməyə müraciət etmək məcburiyyətində qalmışdır. Borclu öhdəliyi vaxtında icra etməməklə müqavilə şərtlərini və mülki qanunvericiliyin normalarını pozmuşdur. Məhkəmə hesab edir ki, kreditorun ərizəsi əsaslıdır və təmin olunmalıdır. Belə ki, “xxxx” Açıq Səhmdar Cəmiyyətinin fəaliyyətinin tənzimlənməsi ilə bağlı bəzi tədbirlər haqqında Azərbaycan Respublikasının Prezidentinin xx xxxxxx 2020-ci il tarixli Fərmanına əsasən, kənd təsərrüfatı məhsulları istehsalçılarının kənd təsərrüfatı istehsal vasitələri ilə təminatının gücləndirilməsi, ölkədə aqrotexniki xidmətlər göstərilməsi ilə bağlı işlərin səmərəsinin artırılması və sistemliliyinin təmin edilməsi məqsədilə Azərbaycan Respublikası Kənd Təsərrüfatı Nazirliyinin tabeliyindəki “xxxx” Açıq Səhmdar Cəmiyyətinin adı dəyişdirilərək Kreditor Açıq Səhmdar Cəmiyyəti adlandırılmışdır. İş materiallarında olan xx xxx 2019-cu il tarixli, 09/00023863 saylı müqavilənin surətindən görünür ki, kreditor “xxxx” Açıq Səhmdar Cəmiyyəti ilə Borclu arasında “kənd təsərrüfatı texnikasının qısa müddətli lizinqə (istifadəyə) verilməsi barədə” müqavilə bağlanmışdır. Həmin müqaviləyə əsasən kreditor borcluya dəyəri 13.500 manat, ödəniş məbləği 392 manat olan, biçin mövsümü müddətində (1 ay), 1 ədəd AzerCansa markalı, 1594 mühərrik və şassi nömrəli, 4 cərgəli-gübrəsəpənlə kultivatoru mülkiyyət hüququnun istifadəçiyə keçməməsi şərti ilə qısa müddətli lizinqə (istifadəyə) verilməsi barədə öhdəlik götürmüşdür. İş materiallarında olan RN-nin istifadəsində olan texnikanın lizinqə verilərkən tərtib edilən xx xxx 2019-cu il tarixli, 28 saylı texniki vəziyyət haqqında aktın surətindən görünür ki, AzerCansa markalı, buraxılış ili 2017-ci il, 1594 şassi nömrəli, 4 cərgəli-gübrəsəpənlə kultivator “xxxx” ASC-nin Sabirabad RN-nin Saatlı rayon bölməsinin rəhbəri X2 tərəfindən Borclu təhvil verilmiş və bu barədə tərəflər arasında akt tərtib olunaraq imzalanmışdır. İş materiallarında olan RN-nin istifadəsində olan texnikanın lizinqə götürəndən geri alınarkən tərtib edilən xx xxxx 2019-cu il tarixli, 2 saylı texniki vəziyyət haqqında aktın surətindən görünür ki, AzerCansa markalı, buraxılış ili 2017-ci il, 1594 şassi nömrəli, 4 cərgəli-gübrəsəpənlə kultivator Borclu tərəfindən “xxxx” ASC-nin Sabirabad RN-nin Saatlı rayon bölməsinin rəhbəri X1 təhvil verilmiş və bu barədə tərəflər arasında akt tərtib olunaraq imzalanmışdır. İş materiallarında olan xx.xx.2021-ci il tarixli maliyyə arayışının surətindən görünür ki, lizinq alan Borclu tərəfindən xx xxx 2019-cu il tarixli, 09/00023863 saylı müqavilə əsasında müəyyən edilmiş 392 manat ödəniş məbləğindən qalıq borcu 392 manat təşkil edir. İş materiallarında olan xx xxxx 2019-cu il tarixli, 09/00024800 saylı müqavilənin surətindən görünür ki, kreditor “xxxx” Açıq Səhmdar Cəmiyyəti ilə Borclu arasında “kənd təsərrüfatı texnikasının qısa müddətli lizinqə (istifadəyə) verilməsi barədə” müqavilə bağlanmışdır. Həmin müqaviləyə əsasən kreditor borcluya ödəniş məbləği 1.083 manat olan, biçin mövsümü müddətində (3 ay), 1 ədəd Belarus-80x markalı, 986270 mühərrik nömrəli və ******* şassi nömrəli, pambıqçılıq üçün traktoru mülkiyyət hüququnun istifadəçiyə keçməməsi şərti ilə qısa müddətli lizinqə (istifadəyə) verilməsi barədə öhdəlik götürmüşdür. İş materiallarında olan RN-nin istifadəsində olan texnikanın lizinqə verilərkən tərtib edilən xx xxxx 2019-cu il tarixli, 33 saylı texniki vəziyyət haqqında aktın surətindən görünür ki, 1 ədəd Belarus-80x markalı, buraxılış ili 2018-ci il, ******* şassi nömrəli, 986270 mühərrik nömrəli traktoru “xxxx” ASC-nin Sabirabad RN-nin Saatlı rayon bölməsinin rəhbəri X2 tərəfindən Borclu təhvil verilmiş və bu barədə tərəflər arasında akt tərtib olunaraq imzalanmışdır. İş materiallarında olan RN-nin istifadəsində olan texnikanın lizinqə götürəndən geri alınarkən tərtib edilən xx xxxxxxx 2019-cu il tarixli, 2 saylı texniki vəziyyət haqqında aktın surətindən görünür ki, Belarus-80x markalı, buraxılış ili 2018-ci il, 8531 şassi nömrəli, 986270 mühərrik nömrəli traktor Borclu tərəfindən “xxxx” ASC-nin Sabirabad RN-nin Saatlı rayon bölməsinin rəhbəri X1 təhvil verilmiş və bu barədə tərəflər arasında akt tərtib olunaraq imzalanmışdır. İş materiallarında olan xx.xx.2019-cu il tarixli 12-35 saylı qəbzin surətindən görünür ki, Borclu texnikanın ödənişi məqsədilə 152 manat ödəniş etmişdir. İş materiallarında olan xx.xx.2021-ci il tarixli maliyyə arayışının surətindən görünür ki, lizinq alan Borclu tərəfindən xx xxxx 2019-cu il tarixli, 09/00024800 saylı müqavilə əsasında müəyyən edilmiş 1.083 manat ödəniş məbləğindən 152 manatı ödənilmiş, qalıq borc isə 931 manat təşkil edir. İş materiallarında olan Kreditor ASC (“xxxx” ASC) tərəfindən Borclu ünvanlanmış xx.xx.2021-ci il tarixli, 23/P-329 saylı pretenziya məktubunun surətindən görünür ki, Kreditor ASC (“xxxx” ASC) Borclu pretenziya məktubu ünvanlayaraq yaranmış 1.323 manat məbləğində borcun qısa zaman ərzində Kreditor ASC-yə ödənilməsini xahiş etmiş, əks halda tələb olunan məbləğin və məhkəmə xərclərinin ondan məcburi qaydada alınaraq Kreditor ASC-yə ödənilməsi tələbi ilə məhkəməyə müraciət ediləcəyi barədə xəbərdar edilmişdir. Kreditor ASC tərəfindən hazırki məhkəmə əmrinin verilməsi haqqında ərizə üzrə 20 manat məbləğində dövlət rüsumu ödənilmişdir. Beləliklə, iş üzrə təqdim olunmuş sənədlərlə təsdiq olunur ki, Borclu tərəfindən Kreditor Açıq Səhmdar Cəmiyyətinə borcun ödənilməsi təmin edilməmişdir. Göründüyü kimi kreditorun tələbi aşkardır və həmin tələb borclunun mübahisə edilməyən vəzifəsinə əsaslanır. Azərbaycan Respublikasının Mülki Məcəlləsinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır (maddə 385.1). Öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür (maddə 442). Borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir (maddə 448.1). Borclu öz öhdəliklərinin hər bir təqsirli pozuntusu (hərəkət və ya hərəkətsizlik) üçün məsuliyyət daşıyır (maddə 448.2). Azərbaycan Respublikasının Mülki Prosessual Məcəlləsinin 275-ci maddəsinə əsasən müəyyən pul məbləğinin ödənilməsi tələbləri və ya əmlakın tələb edilməsi üzrə işlərə baxılmasının bu fəslə uyğun olaraq sadələşdirilmiş qaydasına yol verilir. Bu işlər üzrə hakimin aktı məhkəmə əmri formasında çıxarılır və bu akt icra sənədi hesab edilir. Həmin Məcəllənin 276.1-ci maddəsinə əsasən kreditorun tələbi aşkardırsa və ya həmin tələb borclunun barəsində mübahisə edilməyən vəzifəsinə əsaslanırsa, bu hallarda məhkəmə əmri verilə bilər. Qeyd edilən Məcəllənin 276.2.2-ci maddəsinə əsasən, tələb sadə yazılı formada bağlanmış əqdə (lisenziyalaşdırılan telekommunikasiya xidmətlərinin göstərilməsi ilə bağlı müqavilələr, kredit təşkilatları ilə bağlanmış kredit müqavilələri və məişətdə istehlak edilmiş təbii qaz, su, elektrik və ya istilik enerjisinin haqqının ödənilməsi barədə tələblər istisna olmaqla) əsaslanırsa, məhkəmə əmri verilə bilər. Göstərilənlərə və Azərbaycan Respublikasının Mülki Prosessual Məcəlləsinin 275-ci, 276.1-ci, 276.2.2-ci, 280-282-ci və 284-cü maddələrinə əsasən, məhkəmə əmr etdi: Ərizə təmin edilsin. Borclu Saatlı rayonu, Mircəlalkənd kəndində qeydiyyatda olan Borclu (VÖEN: **********) 1.323 manat borc və 20 manat dövlət rüsumu, ümumilikdə 1.343 manat pul vəsaiti tutularaq kreditor Bakı şəhəri, Z.Bünyadov prospekti 1965, “Çinar Park” Biznes Mərkəzi 1-ci bina, 4-cü mərtəbədə yerləşən Kreditor Açıq Səhmdar Cəmiyyətinə ödənilsin. Borclu məhkəmə əmrini aldığı gündən 10 (on) gün müddətində verilmiş tələbə və ya onun hissəsinə qarşı əmri vermiş məhkəməni yazılı xəbərdar etməklə etiraz edə bilər. Məhkəmə əmri qətnamə qüvvəsinə malikdir. Məhkəmə əmrindən şikayət verilə bilməz. Hakim Elşən Abdullayev