Bakı Şəhəri Binəqədi Rayon Məhkəməsi Qərar — İş №1(001)-752/2022

Azərbaycan Respublikası adından QƏRAR Bakı şəhəri İş № 1(001)-752/2022 01.12.2022 BAKI ŞƏHƏRİ BİNƏQƏDİ RAYON MƏHKƏMƏSİ Sədrlik edən: Bakı şəhəri Binəqədi Rayon Məhkəməsinin hakimi Qurbanova Aygün Arzu qızı, Məhkəmə iclasının katibi: X11, Xüsusi ittiham qaydasında şikayət vermiş şəxs: X17,(eyni zamanda X6 etibarnamə üzrə nümayəndəsi), Barəsində xüsusi ittiham qaydasında şikayət verilən şəxs: X18 və X1 vəkili Bakı şəhəri 38 saylı Vəkil Bürosunun vəkili Müdafiəçi4, X12 dövlət büdcəsi hesabına təyin edilmiş vəkil Müdafiəçi5, X7 dövlət büdcəsi hesabına təyin edilmiş vəkil Müdafiəçi2 iştirakları ilə, X8, X22, X18, X3 Azərbaycan Respublikasının Cinayət Məcəlləsinin 147 və 148-ci maddələri ilə məsuliyyətə cəlb edilməsi haqqında X23 və X19 xüsusi ittiham qaydasında şikayətinə məhkəmənin binasında açıq məhkəmə hazırlıq iclasında baxaraq, məhkəmə MÜƏYYƏN ETDİ: Xüsusi ittiham qaydasında şikayət vermiş X23 və X28 məhkəməyə müraciət edərək, barəsində xüsusi ittiham qaydasında şikayət verilən şəxs X8, X22, X18, X3 CM-nin 147 və 148-ci maddələri ilə nəzərdə tutulmuş qaydada məsuliyyətə cəlb edilməsini xahiş etmişdir. Xüsusi ittiham qaydasında verilən şikayət onunla əsaslandırılmışdır ki, Bakı şəhəri. Binəqədi rayonu, 8-ci mikrorayon, 3a saylı binanın yaxınlığında yerləşən 0.015 ha torpaq sahəsi Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin Bakı şəhər Ərazi İdarəsi tərəfindən verilmiş xx.xx.2017-ci il tarixli ******* saylı çıxarış əsasında tam olaraq X13 mülkiyyətindədir. Torpaq sahəsinə dair çıxarış aldıqdan sonra mülkiyyətində olan sahəni mərzləmək istəsə də X8, X22, X18, X20 hər cür maneələrlə qanunsuz olaraq onları şəxsi mülkiyyətində olan torpaq sahəsinə buraxmamışlar. Belə ki, X8, X22, X18, X20 özbaşına olaraq sözügedən torpaq sahəsində ağac və kol bitkiləri əkərək ona məxsus torpaq sahəsindən qanunsuz olaraq istifadə edirlər. Bu səbəbdən də, X14, X22, X18 və X15 qarşı “əlavə tikililərin sökülməsi, özbaşına açılmış qapının bağlanması, zəbt olunmuş torpaq sahəsinin boşaldılması, dəmir çəpərin sökülməsi və maneələrin aradan qaldırılması” tələbi ilə Bakı şəhəri Binəqədi Rayon Məhkəməsinə iddia ərizəsi ilə müracət edilmişdir. Bakı şəhəri Binəqədi Rayon Məhkəməsinin 09 mart 2018-ci il tarixli qətnaməsi ilə iddia qismən təmin edilərək X21 məxsus Bakı şəhəri, Binəqədi rayonu 3a saylı binanın yaxınlığında yerləşən 0.015 ha torpaq sahəsinə cavabdehlər X14 və X18 tərəfindən əkilmiş kol bitkilərinin cavabdehlərin hesabına çıxarılmaqla torpaq sahəsinin boşaldılması, torpaq sahəsinin əvvəlki vəziyyətinə qaytarılması və həmin sahədən istifadəyə mülkiyyətçi X9 yaradılmış maneələrin aradan qaldırılması qət edilmişdir. Qətnamə qanuni qüvvəsini alsa da, hələ bu vaxta qədər icrası mümkün olmamışdır. Həmin şəxslər Azərbaycan Respublikasının adından çıxarılmış qanuni qüvvəyə minmiş qətnamənin icrasına maneəçilik yaradaraq bir mülkiyyətçi olaraq onların kostitusion hüquqlarını pozurlar. Dəfələrlə sivil qaydada onlara müraciət etdikdə isə onlar digər vətəndaşları da başlarına yığaraq onlara qarşı qanunsuz özbaşınalıq hərəkətlərinə davam etməklə yanaşı onların üzərinə hücum çəkərək xəsarət yetirməyə cəhd etmişlər. Hətta, bununla bağlı Binəqədi Rayon Polis İdarəsinin 5-ci Polis Bölməsinə də müraciət olmuşdur. Müvafiq qaydada həmin şəxslər Azərbaycan Respublikası İXM-in 510-cu maddəsi ilə cərimə cəzası ilə cəzalandırılmışlar. Lakin, onlar nə qanun, nə məhkəmə, nə də hüquq mühafizə orqanlarını sayırlar. Bununla bağlı 16 fevral 2021-ci il tarixdə icra məmurları icra tədbirlərini yerinə yetirdiyi zaman X18 icra yerinə qışqıra-qışqıra gələrək icrada iştirak edən səxləri təhqir etməyə başlamış ona dövlət adından qanuni qüvvəyə minmiş məhkəmə qətnaməsinin icraatını həyata keçirilməsi izah olunsa da o nə məhkəmə nə də dövlət tanımadığını bildirərək heç kim heç nə edə bilməz ifadələrini işlətməklə icra nümayəndələrinə mane yaratmışlar. Bununla bağlı 16 fevral 2021-ci il tarixli akt tərtib olunmuşdur. Hətta icra orqanları belə qətnamənin icra olunması istiqamətində hər hansı bir tədbirlər görə bilmirlər. Göründüyü kimi həm müvafiq reyesterdən çıxarış həm də qanuni qüvvəyə minmiş məhkəmə qətnaməsi ilə torpaq üzərində onun hüquqlarının mövcudluğu öz təsdiqini tapmışdır. Buna baxmayaraq, X8, X22, X18, X20 qanuni əsaslarla onun mülkiyyətində olan torpaq sahəsində hər hansı işlərin görülməsinə maneə yaratmaqla onların faktiki olaraq öz mülkiyyətlərindən məhrum edərək orada qanunsuz olaraq kol və digər ağaclar əkərək faktiki olaraq torpaq sahəsini mənimsəyirlər. Hər dəfə qətnamənin icrası tələb olunduqda çoxsaylı insanların əhatəsində onlara böhtan ataraq təhqir edərək şərəf və ləyaqətlərinə xələl gətirirlər və belə hallar dəfələrlə təkrarlanır. Bakı şəhəri Binəqədi rayon Məhkəməsinin 09 mart 2018-ci il tarixli qətnaməsinin icrası ilə əlaqədar xx.xx.2021-xx.xx.2021-ci il tarixində Binəqədi rayon icra şöbəsinin məmurları icra yerində olduğu zaman X24 və onun digər ailə üzvüləri icra işinə maneə yaratmaqla yanaşı X25 və icra nümayəndələrinin ünvanına çoxsaylı təhqir edərək şərəf və ləyaqətlərinə xələl gətirmişlər və bununla bağlı Bakı şəhər icra şöbəsinin məmurları tərəfindən aktlar tərtib olunmuşdur. Növbəti dəfə xx.xx.2021-ci il tarixdə qətnamənin icrası ilə əlaqədar olaraq, Binəqədi Rayon İcra şöbəsinin məmurları icra yerində olduqları zaman X8, X22, X18, X20 mətbuat nümayəndələrini və coxsaylı insanları ətrafına toplayaraq X28 və X16 böhtan ataraq ən aşağı səviyyəli söyüşlərlə təhqir edərək şərəf ləyaqətlərinə xələl gətirmişlər. Onların ünvanına işlədilmiş nalayiq ifadələr, böhtan xarakterli çıxışlar “Kompromat TV-nin" “Bakıda məhkəmə icraçıları ilə etiraz edən vətəndaşlar qarşı qarşıya” başlıqlı xx.xx.2021-ci saylı buraxılışında “Azərbaycan saatı” TVnin “Bakıda sakinlərlə hökumət toqquşdu” başlıqlı xx.xx.2021-ci il buraxılışında yayılmışdır. Bundan əvvəl də onlar tərəfindən “Talk” TV-də o cümlədən 02 mart 2020-ci il tarixli telefonun videogörüntüsündə “şərəfsiz" deyə təhqir etməsi, və digər ifadələr səsləndirməklə onu kütləvi insanların yanında və kütləvi informasiya vəsitələrində təhqir etməklə şərəf və ləyaqətlərini alçaltmışlar. Bu səbəbdən də, Bakı şəhəri Binəqədi rayon Məhkəməsinə müvafiq qaydada “şərəf və ləyaqətin müdafiəsi” tələbinə dair iddia ərizəsi ilə müraciət edərək X8, X22, X18, X20 tərəfindən “Kompromat” TV-nin xx.xx.2021-ci il tarixli və Azərbaycan saatı TV-nin xx.xx.2021-ci il tarixli buraxılışında o cümlədən xx.xx.2021xx.xx.2021-ci il tarixində Binəqədi rayon icra şöbəsinin məmurları tərəfindən tərtib olunmuş aktlarda böhtan və təhqir xarakterli məlumatları yaymaqla iddiaçıların şərəf ləyaqətini alçaldan hərəkətlər törətdikləri cavabdehlərdən 100000 manat məbləğində mənəvi zərər məbləğinin tutulması, iddiaçılardan üzr istənilməsi və bu barədə təkzib verilməsi, təkzibin və üzr istənilməsi barədə məlumatin “Kompromat” TV və “Azərbaycan saatı” TV-də yerləşdirilməsi və iddiaçıların təhqir olunduqları Bakı şəhəri, Binəqədi rayonu, 8-ci mikrorayon, 3a saylı binan yaxınlığında yerləşən 0.015 ha torpaq sahəsində, ucadan səsləndirilməklə iddiaçılardan üzr istənilməsinin təmin edilməsi barədə qətnamə qəbul edilməsini məhkəmədən xahiş etmişlər. Bakı şəhəri Binəqədi Rayon Məhkəməsinin xx.xx.2021-ci il tarixli, 2(001)-62/2021 saylı, xx.xx.2021-ci il tarixli, 2(001)-6305/2021 nömrəli qətnamələrinə əsasən iddia tələbi qismən təmin edilmiş, X23 və X17 şərəf və ləyaqətini alçaldan söz və ifadələrin Bakı şəhəri, Binəqədi rayonu, 8-ci mikrorayon, 3a saylı binanın qarşısında ucadan səsləndirilməklə üzr istənilməsi bir vəzifə olaraq X4 üzərinə “Kompromat” TV və “Azərbaycan” saatı TV-nin youtube təkzib edilməsi və iddiaçılardan üzr istənilməsi vəzifəsi cavabdehlərin üzərinə qoyulmuş, vurulmuş mənəvi zərərin əvəzi olaraq cavabdehlər X8, X22, X18, X3 hər birindən 500 manat olmaqla cəmi 2000 manat məbləğində pul vəsaitinin iddiaçılara ödənilməsi qət edilmişdir. Onların yaşatdığı stress, mənəvi sarsıntılar illərdir davam edir, onlar hələ də öz qanunsuz hərəkətlərinə davam edərək həqiqətə uyğun olmayan, qərəz və yalanlardan ibarət böhtan xarakterli uydurma, şəxsiyyətin şərəf və ləyaqətini ləkələyən və onları ictimaiyyət qarşısında nüfuzdan salan yalan məlumatlar yaymaqda davam edirlər. Qeyd olunan əməllər Azərbaycan Respublikası Cinayət Məcəlləsinə əsasən məsuliyyətə səbəb olur. Bu səbəbdən X23 və X28 tərəfindən X8, X22, X31, X7 qarşı CM-nin 147 və 148-ci maddələri ilə ittiham irəli sürülmüşdür. Barəsində xüsusi ittiham qaydasında şikayət verilən şəxs X18 və X1 nümayəndəsi və vəkili Müdafiəçi4 xüsusi ittiham qaydasında verilmiş şikayətə etirazla məhkəməyə müraciət etmiş və etirazı onunla əsaslandırmışdır ki, CPM-nin 302.2.3-cü maddəsinin tələbinə görə bu Məcəllənin 302.1.2-302.1.4, 302.1.6-302.1.8-ci maddələrində nəzərdə tutulmuş hallarda məhkəmə xüsusi ittiham qaydasında şikayətin öz icraatına qəbul edilməsindən imtina edilməsi barədə qərar çıxarır. Hazırki şikayətdə xüsusi ittiham qaydasında verilən şikayətlər üçün CPM-nin 302.1.3-cü maddəsində göstərilən prossesual tələblər yerinə yetirilməmişdir. Belə ki, CPM-nin 293.3.2-ci maddəsinin tələbinə görə törədilmiş cinayət barədə məlumatlar (cinayət qanunu ilə nəzərdə tutulmuş məhz hansı əməlin törədilməsi, onun harada, nə vaxt və necə törədilməsi, bu zaman zərər vurulmuşdursa, məhz hansı zərərin vurulduğu, o cümlədən maddi ziyanın məbləği) göstərilməli olduğu halda şikayət ərizəsində şikayətlə əlaqəsi olmayan hadisələr uzun-uzadı sadalanmış, hansı təqsirləndirilən şəxsin cinayət qanunu ilə nəzərdə tutulmuş məhz hansı əməlin törətməsi, onun harada, nə vaxt və necə törədilməsi konkret olaraq göstərilməmişdir. CPM-nin 293.3.4-cü maddəsinin tələbinə görə şikayətdə göstərilən cinayətin törədilmə hallarının hansı şahid ifadələri ilə və konkret olaraq hansı şəxslərin ifadələri ilə (şəxsin soyadı, adı, atasının adı və yaşayış yeri), hansı sənədlərlə, habelə hansı digər sübutlarla təsdiq edildiyi göstərilməli olduğu halda şikayətçilər bu barədə hansısa televiziya verilişlərinə istinad etdikləri halda bu halı təsdiq edən hər hansı sübutu məhkəməyə təqdim etməmişlər. Şikayətçilər ərizəyə sübut kimi mülki qaydada məhkəməyə müraciətləri nəticəsində təqsirləndirilən şəxslərin onların şərəf və ləyaqətlərini alçatması faktı üzrə onların hər birinin 500 manat cərimə olunmaları haqqında məhkəmə qətnaməsini əlavə etmişlər, lakin bu qətnamə qanuni qüvvəyə minməmişdir, çünki həmin qətnamədən verilən kassasiya şikayəti verilmişdir. Hətta bu qətnamə qanuni qüvvəyə minmiş olsa belə "İnsan hüquqlarının və əsas azadlıqların müdafiəsi haqqında” Konvensiyanın 7 saylı Protokolunun 4-cü maddəsi birinci hüquqpozmanın əsasını təşkil edən eyni faktlara və ya əsas etibarı ilə eyni faktlara əsaslanan ikinci hüquqpozmaya görə şəxsin cinayət təqibini qadağan edən norma kimi qəbul olunması Avropa Məhkəməsinin Böyük Palatasının “X27 Federasiyasına qarşı” iş üzrə 10 fevral 2009-cu il tarixli qərarında öz əksini tapmışdır. CPM-nin 302.1.7-ci maddəsinin tələbinə görə şikayət əsassız olmamalı və şikayət vermiş şəxsin dəlillərini təsdiq edən sübutları əks etdirməlidir. Lakin yuxarıda göstərilən kimi, şikayət əsassızdır, yəni şikayətin dəlilləri heç bir sübutla təsdiq olunmur və ya belə sübut şikayətə əlavə edilməmişdir. Şikayətin əsasını təsdiq edən yeganə sübut kimi şikayətin sonunda istinad edilən “Youtube” internet saytında Sumqayıt şəhərində doğulmuş X5 şikayətçilərin şərəf və ləyaqətlərini alçaltdığı göstərilmişdir ki, bunun da müdafiə etdiyi şəxslərə heç bir aidiyyəti yoxdur. Bu səbəbdən, xüsusi ittiham qaydasında şikayətin məhkəmənin icraatına qəbul edilməsindən imtina edilməsi barədə qərar qəbul edilməsini xahiş etmişdir. Məhkəmənin hazırlıq iclasında xüsusi ittiham qaydasında şikayət vermiş şəxs, həmçinin, X6 nümayəndəsi X28 verilmiş şikayəti müdafiə edərək şikayətin təmin edilməsini, xüsusi ittiham qaydasında verilmiş şikayətin icraata qəbul edilməsi, X8, X22, X18, X3 CM-nin 147 və 148-ci maddələri ilə cinayət məsuliyyətinə cəlb edilməsini xahiş etmişdir. Məhkəmənin hazırlıq iclasında barəsində xüsusi ittiham qaydasında şikayət verilən şəxs X8, X22, X18, X3 etibaramə üzrə nümayəndəsi və vəkili “Mirzəyev və Partnyorları” Vəkil Bürosunun vəkili Müdafiəçi4 etiraz ərizəsinin məzmununa uyğun çıxış edərək, hüquqlarını müdafiə etdiyi X8, X22, X31, X3 xüsusi ittiham qaydasında cinayət məsuliyyətinə cəlb edilməsi haqqında şikayət ərizələrinin məhkəmənin icraatına qəbul edilməsindən imtina edilməsi barədə qərar qəbul edilməsini xahiş etmişdir. Məhkəmə hesab edir ki, X23 və X28 tərəfindən verilmiş xüsusi ittiham qaydasında şikayət ərizəsi qanunvericiliyin tələblərinə uyğun tərtib edilməməsi səbəbindən məhkəmənin hazırlıq iclasının nəticələri əsasında məhkəmə baxışının keçirilməsindən və şikayətin icraata qəbul edilməsindən imtina edilməlidir. CPM-nin 299.1-ci maddəsinin tələbinə görə Məhkəmənin hazırlıq iclası cinayət işində, məhkəməyədək sadələşdirilmiş icraatın materiallarında və ya xüsusi ittiham qaydasında şikayətdə, irəli sürülmüş ittihamın mahiyyəti üzrə cinayət prosesi tərəflərinin iştirakı ilə məhkəmə baxışının təyin edilməsinin mümkünlüyünün yoxlanılması məqsədi ilə ilkin dinləmələrdən ibarətdir. CPM-nin 299.4. maddəsinin tələbinə Məhkəmənin hazırlıq iclası zamanı həll edilən məsələlərdən biri də ittiham və müdafiə tərəflərinin məhkəmə baxışı zamanı təqdim etdikləri sübutlar siyahısı barədə məsələdir. Bildirirəm ki, xüsusi ittiham qaydasında şikayət verən şəxslər əvvəl də Binəqədi rayon məhkəməsinə eyni məzmunlu şikayət vermişlər, lakin məhkəmə həmin şikayəti icraya qəbul etməkdən imtina etmişdir. Səbəb kimi məhkəmə aşağıdakıları göstərmişdir: - xüsusi ittiham qaydasında şikayət vermiş şəxs tərəfindən yalnız barəsində xüsusi ittiham qaydasında şikayət verilmiş şəxslərin ad, soyad, ata adı, təvəllüdləri və qeydiyyat ünvanları sadalanmaqla kifayətlənmiş, onların məşğuliyyət növləri və vəzifələri qeyd edilməmişdir. - xüsusi ittiham qaydasında verilmiş şikayətdə barəsində xüsusi ittiham qaydasında şikayət verilmiş şəxslərin Cinayət Məcəlləsinin 147 və 148-ci maddələri ilə cinayət məsuliyyətinə cəlb edilməsi barədə qərar qəbul edilməsi xahiş edilmişdir. Lakin, CMin 147-ci maddəsinin hansı bəndləri ilə cinayət məsuliyyətinə cəlb edilməsi məsələsi konkret göstərilməmişdir. - Xüsusi ittiham qaydasında şikayət yazılı şəkildə cinayətin törədildiyi yerin yurisdiksiyasına aid olan birinci instansiya məhkəməsinə verilir. Şikayətçilər eyni məzmunlu yeni şikayətlə məhkəməyə müraciət edəndə məhkəmənin yuxarıda göstərdiyi səbəblərdən yalnız 2-ni nəzərə almış, dİgər 2-ni isə oldugu kimi saxlamışlar. Belə ki, yenə də: - CM-in 147-ci maddəsinin hansı bəndləri ilə cinayət məsuliyyətinə cəlb edilməsi məsələsi konkret göstərilməmişdir. - Xüsusi ittiham qaydasında şikayət yazılı şəkildə cinayətin törədildiyi yerin yurisdiksiyasına aid olan birinci instansiya məhkəməsinə verilməmişdir. Belə ki, “Xüsusi ittiham qaydasında şikayətlərə dair işlərə baxılması üzrə məhkəmə təcrübəsi haqqında” Azərbaycan Respublikası Ali Məhkəməsinin Plenumunun 21 fevral 2014-cü il tarixli Qərarının 12-ci bəndinə görə xüsusi ittiham qaydasında şikayətlərə məhkəmələrdə baxılması aidiyyəti Cinayət Prosessual Məcəlləsinin 74.1-74.4 və 74.8-ci maddələrinə əsasən müəyyən edilir. Kütləvi informasiya vasitələrində dərc edilməklə və ya kütləvi nümayiş etdirildiyi halda internet informasiya ehtiyatlarında yerləşdirilməklə böhtan və ya təhqir xarakterli məlumatların yayılması ilə əlaqədar verilmiş şikayətlərə kütləvi informasiya vasitələrinin (internet informasiya ehtiyatlarının) hüquqi ünvanı üzrə birinci instansiya məhkəmələri tərəfindən baxılır. Hüquqi ünvan dedikdə isə kütləvi informasiya vasitələrinin (internet informasiya ehtiyatlarının) müvafiq icra hakimiyyəti orqanı tərəfindən qeydiyyata alınarkən müəyyən edilmiş ünvanı başa düşülür. Kütləvi informasiya vasitəsinin (internet informasiya ehtiyatının) hüquqi ünvanı məlum olmadıqda, yaxud da onlar xaricdə qeydiyyata alındıqda xüsusi ittiham qaydasında şikayətə təhqir və ya böhtan xarakterli məlumatları belə kütləvi informasiya vasitələrində (internet informasiya ehtiyatlarında) yaymış şəxsin Azərbaycan Respublikasında axırıncı yaşayış yeri üzrə fəaliyyət göstərən məhkəmə tərəfindən baxılır. Şikayətçilər aidiyyat qaydasını pozmuşlar, çünki istinad etdikləri internet resursların yerləşdiyi hüquqi ünvan üzrə birinci instansiya məhkəmələrinə müraciət etməmişlər, həmin internet resursları ümumiyyətlə məhkəməyə cəlb etməmişlər və ya məhkəməyə həmin internet resursların hüquqi ünvanlarının müəyyən edilə bilməməsi haqqında müvafiq sübutlar təqdim etməmişlər. Bu məsələnin həll edilmədiyi halda birbaşa internet resurslarda vətəndaşlıq mövqeyini bildirərək fikirlərini səsləndirdirən insanların yaşayış yerləri üzrə məhkəməyə müraciət edilməsi Azərbaycan Respublikası Ali Məhkəməsinin Plenumunun 21 fevral 2014-cü il tarixli Qərarının 12-ci bəndinə ziddir. Azərbaycan Respublikasının Cinayət-Prosessual Məcəlləsinin 88.4.1-ci maddəsinə əsasən xüsusi ittiham qaydasında şikayət üzrə materialların hazırlanmasını həyata keçirmək xüsusi ittihamçının vəzifəsidir. CPM-in 302.1.3-cü maddəsinə əsasən şikayətin məzmunu bu Məcəllənin 293.3.1- 293.3.7-ci maddələrində nəzərdə tutulmuş tələblərə uyğun olmadıqda məhkəmə xüsusi ittiham qaydasında şikayət üzrə məhkəmənin hazırlıq iclasının nəticələri əsasında məhkəmə baxışının keçirilməsindən imtina edir. 293.3.2. törədilmiş cinayət barədə məlumatlar (cinayət qanunu ilə nəzərdə tutulmuş məhz hansı əməlin törədilməsi, onun harada, nə vaxt və necə törədilməsi, bu zaman zərər vurulmuşdursa, məhz hansı zərərin vurulduğu, o cümlədən maddi ziyanın məbləği); 293.3.3. cinayət qanunu ilə nəzərdə tutulmuş əməlin kim tərəfindən törədilməsi (şəxsin soyadı, adı, atasının adı və yaşayış yeri) və əməlin məhz həmin şəxs tərəfindən törədilməsinin nə ilə təsdiq edildiyi; 293.3.5. cinayəti törətmiş şəxsin cinayət məsuliyyətinə cəlb edilməsi haqqında xahiş; Məhkəmə hesab edir ki, xüsusi ittiham qaydasında şikayət qanunvericiliyin tələblərinə riayət edilmədən verilmişdir. Belə ki, xüsusi ittiham qaydasında verilmiş şikayətdə barəsində xüsusi ittiham qaydasında şikayət verilmiş şəxslərin Cinayət Məcəlləsinin 147 və 148-ci maddələri ilə cinayət məsuliyyətinə cəlb edilməsi barədə qərar qəbul edilməsi xahiş edilmişdir. Lakin, CM-in 147-ci maddəsinin hansı bəndləri ilə cinayət məsuliyyətinə cəlb edilməsi məsələsi konkret göstərilməmişdir. CPM-in 302.2-ci maddəsinə əsasən məhkəmə xüsusi ittiham qaydasında şikayət üzrə məhkəmənin hazırlıq iclasının nəticələri əsasında məhkəmə baxışının keçirilməsindən imtina edərək aşağıdakılar barədə qərarlar çıxarır: CPM-in 302.2.3-cü maddələrinə əsasən bu Məcəllənin 302.1.2-302.1.4, 302.1.6-302.1.8-ci maddələrində nəzərdə tutulmuş hallarda xüsusi ittiham qaydasında şikayətin öz icraatına qəbul edilməsindən imtina edilməsi barədə.... Göründüyü kimi, xüsusi ittiham qaydasında şikayət vermiş şəxs X23 və X28 tərəfindən CPM-in 293-cü maddələrinin tələblərinə riayət olunmadan şikayət ərizəsi tərtib edilərək baxılması üçün məhkəməyə göndərilmiş, lakin məhkəmədə irəli sürülmüş ittihamın mahiyyəti üzrə işə baxılması yuxarıda qeyd olunan qanunvericiliyin tələbləri pozulduğundan mümkün olmamışdır. Ona görə də, məhkəmə xüsusi ittiham qaydasında şikayət üzrə məhkəmənin hazırlıq iclasının nəticələri əsasında məhkəmə baxışının keçirilməsindən və şikayətin icraata qəbul edilməsindən imtina edilməsi qənaətinə gəlmişdir. “Xüsusi ittiham qaydasında şikayətlərə dair işlərə baxılması üzrə məhkəmə təcrübəsi haqqında” Azərbaycan Respublikası Ali Məhkəməsi Plenumunun xx.xx.2014-cü il tarixli, 3 nömrəli qərarının 5-ci bəndinə əsasən böhtan və təhqir xarakterli məlumatlar mətbuatda dərc edilməklə, radio və televiziya verilişlərində səsləndirilməklə, elektron vasitələrlə yayınlanmaqla, kinoxronikal proqramlarda nümayiş etdirilməklə, əsərlərdə təsvir edilməklə, yığıncaq və toplantılarda deyilməklə, məktub, ərizə və şikayətlərdə göstərilməklə, idarə, müəssisə və təşkilatlardan çıxan sənədlərdə əks etdirilməklə və sair üsullarla yayıla bilər. Lakin CM-nin 147 və 148-ci maddələrinin mənasına görə, şəxs böhtana, yəni yalan olduğunu bilə-bilə hər hansı şəxsin şərəf və ləyaqətini ləkələyən və ya onu nüfuzdan salan məlumatları yaymaya və təhqirə, yəni şəxsiyyətin şərəf və ləyaqətini nalayiq formada qəsdən alçaltmaya görə o halda cinayət məsuliyyətinə cəlb edilə bilər ki, təhqir və böhtan xarakterli məlumatlar onun tərəfindən kütləvi çıxışlarda, kütləvi nümayiş etdirilən əsərdə, kütləvi informasiya vasitəsində və ya kütləvi nümayiş etdirildiyi halda internet informasiya ehtiyatında yayılmış olsun. Həmin Qərarın 11-ci bəndində qeyd olunur ki, xüsusi ittiham qaydasında icraatın başlanmasına səbəb yalnız zərər çəkmiş şəxs tərəfındən xüsusi ittiham qaydasında verilmiş şikayət ola bilər. Xüsusi ittiham qaydasında şikayət yazılı şəkildə cinayətin törədildiyi yerin yurisdiksiyasına aid olan birinci instansiya məhkəməsinə verilir. Məhkəmələrə tövsiyə edilsin ki, xüsusi ittiham qaydasında şikayətə məhkəmənin hazırlıq iclasında baxılması mərhələsində şikayətin məzmununun CPM-in 293.3.1-293.3.7-ci maddələrinin tələblərinə uyğun olub-olmamasını yoxlasınlar. Xüsusi ittiham qaydasında şikayət bu tələblərə cavab vermədikdə, habelə CPM-in 302.1.2-302.1.4 və 302.1.6- 302.1.8-ci maddələrində nəzərdə tutulmuş halları müəyyən etdikdə məhkəmə hazırlıq iclasında şikayətin öz icraatına qəbul edilməsindən imtina haqqında əsaslandırılmış qərar qəbul edir. Həmin Qərarın 12-ci bəndində qeyd edilmişdir ki, kütləvi informasiya vasitələrində (internet informasiya ehtiyatlarında) təhqir və böhtan xarakterli məlumatı yaymış şəxs özünü bəlli etmədikdə, belə məlumatlar anonim şəkildə yayılmış məlumatlar hesab edilir, onların yayılması ilə bağlı xüsusi ittiham qaydasında verilmiş şikayət isə - CPM-nin 293.3.1-293.3.7-ci maddələrinin tələblərinə uyğun olmayan şikayət kimi qiymətləndirilir. Belə hallarda məhkəmə hazırlıq iclasında şikayətin öz icraatına qəbul edilməsindən imtina haqqında qərar qəbul edir. Beləliklə məhkəmə, sadalananlara əsasən belə hesab edir ki, X8, X22, X18, X20 barəsində CM-in 147 və 148-ci maddələri ilə cinayət təqibi üzrə icraatın başlanılmasına və X8, X22, X18, X3 cinayət məsuliyyətinə cəlb edilməsinə dair X23 və X17 xüsusi ittiham qaydasında şikayəti üzrə məhkəmənin hazırlıq iclasının nəticələri əsasında məhkəmə baxışının keçirilməsindən və şikayətin icraata qəbul edilməsindən imtina edilməlidir. Həmçinin iş üzrə dövlət büdcəsi vəsaiti hesabına göstərilmiş hüquqi xidmətə görə müdafiəçinin haqqı dövlət büdcəsi vəsaiti hesabına ödənilməlidir. “Müdafiəçilərə, tərcüməçilərə, mütəxəssislərə və ekspertlərə ödənilməli olan məbləğlərin miqdarı haqqında” Azərbaycan Respublikası Nazirlər Kabinetinin 1 fevral 2001-ci il tarixli, 31 nömrəli Qərarının 1-ci bəndinə əsasən CPM-in 193.2, 193.4-cü və 194cü maddələrində nəzərdə tutulmuş hallarda hüquqi yardımın göstərilməsinə görə müdafiəçiyə (vəkilə) ödənilən haqq hər iş saatı üçün 6 manat məbləğində müəyyən edilmişdir. X2 göstərdiyi cəmi 33 saat hüquqi yardıma görə Bakı şəhəri 11 saylı Vəkil Bürosunun vəkili Müdafiəçi3 Azərbaycan Respublikası dövlət büdcəsi vəsaiti hesabına 198 manat ödənilməli və hüquqi yardımın ödənilməsinin icrası Azərbaycan Respublikası Vəkillər Kollegiyasına həvalə edilməlidir. X10 göstərdiyi cəmi 33 saat hüquqi yardıma görə Bakı şəhəri 11 saylı Vəkil Bürosunun vəkili Müdafiəçi1 Azərbaycan Respublikası dövlət büdcəsi vəsaiti hesabına 198 manat ödənilməli və hüquqi yardımın ödənilməsinin icrası Azərbaycan Respublikası Vəkillər Kollegiyasına həvalə edilməlidir. X7 göstərdiyi cəmi 36 saat hüquqi yardıma görə Bakı şəhəri 11 saylı Vəkil Bürosunun vəkili Müdafiəçi2 Azərbaycan Respublikası dövlət büdcəsi vəsaiti hesabına 216 manat ödənilməli və hüquqi yardımın ödənilməsinin icrası Azərbaycan Respublikası Vəkillər Kollegiyasına həvalə edilməlidir. X12 göstərdiyi cəmi 36 saat hüquqi yardıma görə Bakı şəhəri 11 saylı Vəkil Bürosunun vəkili Müdafiəçi5 Azərbaycan Respublikası dövlət büdcəsi vəsaiti hesabına 216 manat ödənilməli və hüquqi yardımın ödənilməsinin icrası Azərbaycan Respublikası Vəkillər Kollegiyasına həvalə edilməlidir. Qeyd olunanlara əsasən və CPM-nin 300 və 302-ci maddələrini rəhbər tutaraq, məhkəmə QƏRARA ALDİ: X8, X22, X18, X3 Azərbaycan Respublikasının Cinayət Məcəlləsinin 147 və 148-ci maddələri ilə məsuliyyətə cəlb edilməsi haqqında X23 və X17 xüsusi ittiham qaydasında şikayəti üzrə məhkəmə baxışının keçirilməsindən və şikayətin icraata qəbul edilməsindən imtina edilsin. X2 göstərdiyi cəmi 33 saat hüquqi yardıma görə Bakı şəhəri 11 saylı Vəkil Bürosunun vəkili Müdafiəçi3 Azərbaycan Respublikası dövlət büdcəsi vəsaiti hesabına 198 (yüz doxsan səkkiz) manat ödənilsin və hüquqi yardımın ödənilməsinin icrası Azərbaycan Respublikası Vəkillər Kollegiyasına həvalə edilsin. X10 göstərdiyi cəmi 33 saat hüquqi yardıma görə Bakı şəhəri 11 saylı Vəkil Bürosunun vəkili Müdafiəçi1 Azərbaycan Respublikası dövlət büdcəsi vəsaiti hesabına 198 (yüz doxsan səkkiz) manat ödənilsin və hüquqi yardımın ödənilməsinin icrası Azərbaycan Respublikası Vəkillər Kollegiyasına həvalə edilsin. X7 göstərdiyi cəmi 36 saat hüquqi yardıma görə Bakı şəhəri 11 saylı Vəkil Bürosunun vəkili Müdafiəçi2 Azərbaycan Respublikası dövlət büdcəsi vəsaiti hesabına 216 (iki yüz on altı) manat ödənilsin və hüquqi yardımın ödənilməsinin icrası Azərbaycan Respublikası Vəkillər Kollegiyasına həvalə edilsin. X12 göstərdiyi cəmi 36 saat hüquqi yardıma görə Bakı şəhəri 11 saylı Vəkil Bürosunun vəkili Müdafiəçi5 Azərbaycan Respublikası dövlət büdcəsi vəsaiti hesabına 216 (iki yüz on altı) manat ödənilsin və hüquqi yardımın ödənilməsinin icrası Azərbaycan Respublikası Vəkillər Kollegiyasına həvalə edilsin. Qərardan 20 gün müddətində Bakı şəhəri Binəqədi Rayon Məhkəməsi vasitəsi ilə Bakı Apellyasiya Məhkəməsinin cinayət kollegiyasına apellyasiya şikayəti verilə bilər. Sədrlik edən: Aygün Qurbanova