Bakı Şəhəri Xəzər Rayon Məhkəməsi Qərar — İş №1(003)-453/2025

Azərbaycan Respublikası adından QƏRAR Bakı şəhəri İş № 1(003)-453/2025 29.08.2025 BAKI ŞƏHƏRİ XƏZƏR RAYON MƏHKƏMƏSİ Hakim Rüstəmov Emin Şahin oğlunun sədrliyi, Söyziyev Elşah İlham oğlunun katibliyi, Dövlət ittihamçısı - Azərbaycan Respublikası Baş X1 Müdafiəsi İdarəsinin Bakı Şöbəsinin prokuroru Dövlət ittihamçısı, Müdafiəçi – Bakı şəhəri 8 saylı Vəkil Bürosunun vəkili Müdafiəçi, Cinayət qanunu ilə nəzərdə tutulmuş əməli törətmiş şəxs Təqsirləndirilən şəxs, Zərərçəkmiş şəxs iştirakları ilə, xx.xx.1988-ci ildə Lənkəran rayonunda doğulmuş, Azərbaycan Respublikasının vətəndaşı, evli, orta təhsilli, əvvəllər məhkum olunmamış, Lənkəran rayonu, Şahlaser kəndində qeydiyyatda olan, Bakı şəhəri, Xəzər rayonu, Xaşa-Xuna bağlar massivində yaşayan Təqsirləndirilən şəxs Azərbaycan Respublikası CM-in 128-ci maddəsi ilə təqsirləndirilməsinə dair məhkəməyədək sadələşdirilmiş icraat materialına məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ : Təqsirləndirilən şəxs xx.xx.2025-ci il tarixində saat 20 radələrində yaşadığı Bakı şəhəri, Xəzər rayonu, Xaşa-Xuna bağlar massivində yerləşən nömrəsiz fərdi yaşayış evində həyat yoldaşı Zərərçəkmiş şəxs ilə aralarında baş vermiş mübahisə zəminində masanın üzərindən götürdüyü özünə məxsus olan mobil telefonla sonuncunun baş nahiyyəsindən, sillə və yumruqla sifət nahiyəsindən bir neçə dəfə qəsdən vuraraq sonuncuya təpə nahiyəsinin əzilmiş yarası və hematoması, sağ və sol bazunun qançırları, üst dodağın selikli qişasının və diş ətinin qansızması kimi kimi qəsdən sağlamlığa yüngül dərəcəli zərər vurmaya aid xəsarətlər yetirmişdir. Məhkəmə iclasında cinayət qanunu ilə nəzərdə tutulmuş əməli törətmiş şəxs Təqsirləndirilən şəxs ona elan olunmuş ittiham üzrə özünü təqsirli bilərək ifadəsində göstərmişdir ki, Zərərçəkmiş şəxs onun həyat yoldaşıdır, Birgə nikahdan 3 övladı vardır. xx.xx.2025-ci il tarixdə, təxminən saat 20 radələrində yaşadığı Bakı şəhəri, Xəzər rayonu, Xaşa-Xuna bağlar massivində yerləşən nömrəsiz fərdi yaşayış evində bir qədər spirtli içki qəbul etmişdir. Spirtli içkinin qəbulundan sonra Zərərçəkmiş şəxs ilə aralarında mübahisə düşmüşdür. Bu zanab əsəbiləşərək Zərərçəkmiş şəxs masanın üzərindən götürdüyü özünə məxsus olan mobil telefonla baş nahiyyəsinə qəsdən vuraraq xəsarət yetirmiş, sonra isə sillə ilə sifət nahiyəsindən bir dəfə vurmuşdur. Hal-hazırda Zərərçəkmiş şəxs ilə barışdığını bildirərək barəsində olan məhkəməyədək sadələşdirilmiş icraat materialı üzrə icraata xitam verilməsini xahiş etdi. Məhkəmə iclasında Zərərçəkmiş şəxs qızı ifadəsində bildirdi ki, Təqsirləndirilən şəxs onun həyat yoldaşıdır, 17 ildir ki, evlidirlər. Birgə nikahdan 3 övladı vardır. xx.xx.2025-ci il tarixdə, təxminən saat 20 radələrində yaşadığı Bakı şəhəri, Xəzər rayonu, Xaşa-Xuna bağlar massivində yerləşən nömrəsiz fərdi yaşayış evində həyat yoldaşı Təqsirləndirilən şəxs bir qədər spirtli içki qəbul etmişdir. Spirtli içkinin qəbulundan sonra onunla aralarında uşaqlara pis tərbiyə verdiyi üçün mübahisə düşmüş və onun ünvanına nalayiq söyüşlər söyərək təhqir etmişdir. O, Təqsirləndirilən şəxs Zair oğluna cavab qaytardıqda sonuncu onu yaşadıqları evdə masanın üzərindən götürdüyü mobil telefonla baş nahiyəsinə qəsdən vuraraq xəsarət yetirmiş, sonra isə sillə ilə sifət nahiyəsindən bir dəfə qəsdən vurub xəsarət yetirmişdir. Hal-hazırda Təqsirləndirilən şəxs ona dəymiş maddi ziyanı ödəmiş, sonuncu ilə barışmış və ona qarşı heç bir şikayəti və tələbi yoxdur. İş materiallarında olan və məhkəmə baxışında tədqiq edilmiş: - Azərbaycan Respublikası Səhiyyə Nazirliyinin Məhkəmə-Tibbi Ekspertiza və Pataloji Anatomiya birliyi publik hüquqi şəxsin xx.xx.2025-ci il tarixli 729 nömrəli rəyindən aydın olur ki, Zərərçəkmiş şəxs bədənində aşkar edilmiş xəsarətlər – təpə nahiyəsinin əzilmiş yarası və hematoması, sağ və sol bazunun qançırı, üst dodağın selikli qişasının və diş ətinin qansızması küt əşya (əşyalar) təsirindən törənmiş, törənmə müdətləri xx.xx.2025-ci il tarixinə uyğun gələ bilər və sağlamlığın qısa müddətə pozulmasına səbəb olduğuna görə bunlar yüngül dərəcəli zərərvurmaya aiddirlər; - xx.xx.2025-ci il tarixli qərardan aydın olur ki, Zərərçəkmiş şəxs cinayət işi üzrə zərərçəkmiş şəxs qismində tanınmışdır; - Azərbaycan Respublikası DİN-in BƏSİİ-dən alınmış xx.xx.2025-ci il tarixli tələbnaməyə əsasən müəyyən olunur ki, Təqsirləndirilən şəxs əvvəllər məhkum edilməmiş və CM-nin 72 – 73-2 və 74-1-ci maddələrinin tətbiqi ilə bağlı cinayət məsuliyyətindən azad olunmamışdır; - Təqsirləndirilən şəxs tərəfindən məhkəməyə təqdim edilmiş xx.xx.2025-ci il tarixli ərizədən aydın olur ki, o, zərərçəkmiş şəxslə barışmasını və ona qarşı heç bir şikayət və tələbin olmamasını nəzərə alaraq barəsində olan cinayət işi üzrə icraata xitam verilməsi xahiş etmişdir; - Zərərçəkmiş şəxs tərəfindən məhkəməyə təqdim edilmiş xx.xx.2025-ci il tarixli ərizədən görünür ki, o, Təqsirləndirilən şəxs ilə barışdığını, ona dəymiş ziyanın ödənildiyini, sonuncuya qarşı heç bir şikayət və tələbinin olmadığını qeyd etmişdir. Azərbaycan Respublikası CM-in 73.1-ci maddəsinə əsasən böyük ictimai təhlükə törətməyən cinayət törətmiş şəxs şikayət vermiş şəxslə barışdıqda və ona dəymiş ziyanı ödədikdə və ya vurulmuş zərəri aradan qaldırdıqda cinayət məsuliyyətindən azad edilə bilər. Həmin Məcəllənin 73.2-ci maddəsinə əsasən bu Məcəllənin 127.1, 128, 129, 130, 131.2, 133.1, 134, 142.1, 143, 156.1, 157.1 və 158.1-ci maddələrində nəzərdə tutulmuş əməli (əməlləri) törətmiş şəxs şikayət vermiş şəxslə barışdıqda və ona dəymiş ziyanı tamamilə ödədikdə cinayət məsuliyyətindən azad edilir. Azərbaycan Respublikası CPM-in 40.1-ci maddəsinə əsasən cinayət qanunu ilə nəzərdə tutulmuş cinayət məsuliyyətindən və cəzadan azad etmə hallarının mövcudluğu cinayət təqibinin həyata keçirilməməsinə imkan verir. Həmin Məcəllənin 43.3-cü maddəsinə əsasən məhkəmə baxışının gedişində təqsirləndirilən şəxsə qarşı cinayət təqibinə bu Məcəllənin 40.2-ci maddəsində nəzərdə tutulmuş hallarda müdafiə tərəfinin razılığı ilə xitam verilməsi barədə məhkəmə qərar çıxarmağa haqlıdır. Məhkəmə, iş üzrə təqsirləndirilən şəxsin və zərərçəkmiş şəxslərin ifadələrini dinləyib, iş materiallarını araşdırıb, Təqsirləndirilən şəxs böyük ictimai təhlükə törətməyən cinayətlər kateqoriyasına aid olan cinayət törətməsini, zərərçəkmiş şəxslə barışmasını, zərərçəkmiş şəxsin ona qarşı şikayətinin və törədilmiş cinayət əməli ilə əlaqədar ziyanın olmamasını nəzərə alaraq hesab edir ki, təqsirləndirilən şəxs Azərbaycan Respublikası CM-in 128-ci maddəsi ilə nəzərdə tutulmuş cinayət məsuliyyətindən azad edilməklə məhkəməyədək sadələşdirilmiş icraat materialı üzrə icraata xitam verilməlidir. Məhkəmə həmçinin hesab edir ki, təqsirləndirilən şəxsin hüquqlarının ibtidai istintaq zamanı və məhkəmə iclaslarında müdafiəsi xərcləri Azərbaycan Respublikası CPM-in 193.2 və 193.3-cü maddələrinə, habelə “Müdafiəçilərə, tərcüməçilərə, mütəxəssislərə və ekspertlərə ödənilməli olan məbləğlərin miqdarı haqqında” Azərbaycan Respublikası Nazirlər Kabinetinin xx.xx.2001-ci il tarixli 31 nömrəli Qərarına dəyişikliklər edilməsi haqqında xx.xx.2025-ci il tarixli 141 saylı Qərarına əasasən hər iş saatı üçün 11 manat məbləğində müəyyən edilərək dövlət büdcəsindən ödənilməlidir. Şərh olunanlara əsasən və Azərbaycan Respublikası CPM-in 40.1, 40.2, 43.3, 321.1, 321.2.1, 347, 384.1.3-cü maddələrini və Azərbaycan Respublikası CM-in 73-cü maddəsini rəhbər tutaraq, məhkəmə QƏRARA ALDİ Təqsirləndirilən şəxs Azərbaycan Respublikası CM-in 73.2-ci maddəsinə əsasən, yəni zərərçəkmiş şəxslərlə barışdığı və dəymiş ziyanı tamamilə ödədiyi üçün həmin Məcəllənin 128-ci maddəsi ilə nəzərdə tutulmuş cinayət məsuliyyətindən azad edilsin və barəsində olan cinayət təqibinə xitam verilsin. Bakı şəhəri, 8 saylı Vəkil Bürosunun vəkili Müdafiəçi tərəfindən Təqsirləndirilən şəxs hüquqlarının məhkəmədə müdafiə edilməsinə görə sərf etdiyi 05 saat vaxta görə 55 manat məbləğində pul vəsaiti Azərbaycan Respublikasının dövlət büdcəsindən tutularaq 8 saylı Vəkil Bürosunun hesablaşma hesabına ("xxxx" ASC Xəzər filialı, kod 200178, VÖEN **********, m/h AZ 37NABZ********************, S.W.İ.F.T.BİK AİİBAZ2X, hesab AZ35AİİB********************, VÖEN **********) ödənilsin. Qərardan elan olunduğu andan 20 (iyirmi) gün müddətində Bakı şəhəri Xəzər Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti və apellyasiya protesti verilə bilər. Qərardan protest və şikayət verilmədikdə 20 (iyirmi) gün başa çatdığı vaxtdan sonrakı gün qanuni qüvvəyə minir. Sədrlik edən Emin Rüstəmov