Bakı Şəhəri Yasamal Rayon Məhkəməsi Qərar — İş №1(004)-413/2022

Azərbaycan Respublikası adından QƏRAR Bakı şəhəri İş № 1(004)-413/2022 23.08.2022 BAKI ŞƏHƏRİ YASAMAL RAYON MƏHKƏMƏSİ Məhkəmə iclasında sədrlik edən: Bakı şəhəri Yasamal Rayon Məhkəməsinin hakimi Hüseyn Akif oğlu Səfərov, Məhkəmə iclasının katibi: X3, Xüsusi ittiham qaydasında şikayət vermiş şəxs: X4, onun nümayəndəsi vəkil Müdafiəçi Barəsində xüsusi ittiham qaydasında şikayət verilən şəxs: X2, X6 X2 və X5 Azərbaycan Respublikası Cinayət Məcəlləsinin 147.1, 147.2 və 148-ci maddələri ilə cinayət məsuliyyətinə cəlb edilmələrinə dair X4 tərəfindən verilmiş xüsusi ittiham qaydasında şikayətə Bakı şəhəri Yasamal Rayon Məhkəməsinin binasında açıq məhkəmə hazırlıq iclasında baxaraq MÜƏYYƏN ETDİ: X2 və X5 Azərbaycan Respublikası Cinayət Məcəlləsinin 147.1, 147.2 və 148-ci maddələri ilə cinayət məsuliyyətinə cəlb edilmələrinə dair X4 tərəfindən Yasamal Rayon Məhkəməsinə xüsusi ittiham qaydasında şikayət verilmişdir. Xüsusi ittiham qaydasında şikayət, sonuncu dəfə xx.xx.2022, xx.xx.2022, xx.xx.2022, xx.xx.2022, xx.xx.2022, xx.xx.2022, xx.xx.2022-ci il tarixlərdə https://gundelikbaku.com/, https://paralel.az/ internet saytında yerləşdirilən məlumatlarla əlaqədar olmuşdur. Məhkəmə iclasında şikayət vermiş şəxs X1 nümayəndəsi vəkil Müdafiəçi bildirdi ki, iş üzrə iki şəxsin barəsində bir icraatda xüsusi ittiham qaydasında şikayətin verilməsi, məlumatın internet informasiya vasitələrində yerləşdirildiyi üçün internet saytının hüquqi ünvanı Azərbaycan Respublikasından kənarda yerləşdiyi halda, belə vəziyyətdə məlumatı yayan şəxsin rəsmi qeydiyyatda olduğu yaşayış yeri üzrə məhkəməyə müraciət etməli olduğundan, şikayətin məhkəmə aidiyyətinin daha da dəqiq müəyyən edilməsi üçün, həmçinin yəni düzəliş edib yenidən məhkəməyə təqdim etmək üçün şikayətinin sənədlərlə birlikdə geri qaytarılmasını məhkəmədən xahiş etdi. Barəsində xüsusi ittiham qaydasında şikayət verilən şəxs X2 şikayətin geri qaytarılmasına etirazı olmadığını bildirdi. Barəsində xüsusi ittiham qaydasında şikayət verilən şəxs X6 məhkəmə iclasında iştirak etməmişdir. Məhkəmə iş materiallarını araşdırıb hesab edir ki, aşağıdakı səbəblərə görə məhkəmə baxışının keçirilməsi qeyri-mümkündür və xüsusi ittiham qaydasında şikayət icraata qəbul edilmədən geri qaytarılmalıdır. Belə ki, CPM-nin 299.1-ci maddəsinə əsasən məhkəmənin hazırlıq iclası cinayət işində, məhkəməyədək sadələşdirilmiş icraatın materiallarında və ya xüsusi ittiham qaydasında şikayətdə, irəli sürülmüş ittihamın mahiyyəti üzrə cinayət prosesi tərəflərinin iştirakı ilə məhkəmə baxışının təyin edilməsinin mümkünlüyünün yoxlanılması məqsədi ilə ilkin dinləmələrdən ibarətdir. Hazırkı iş üzrə şikayət vermiş tərəf şikayətinin və əlavə edilmiş sənədlərinin geri qaytarılmasını tələb etdiyindən, xüsusi ittiham qaydasında şikayət və əlavə edilmiş sənədlər geri qaytarılmalıdır. Yuxarıda göstərilənləri və Azərbaycan Respublikası CPM-nin 293, 299, 302-ci maddələrini rəhbər tutaraq, məhkəmə QƏRARA ALDİ: X2 və X5 Azərbaycan Respublikası Cinayət Məcəlləsinin 147.1, 147.2 və 148-ci maddələri ilə cinayət məsuliyyətinə cəlb edilmələrinə dair X4 tərəfindən verilmiş xüsusi ittiham qaydasında şikayət və əlavə edilmiş sənədlər geri qaytarılsın. Qərardan 20 gün müddətində Bakı şəhəri Yasamal Rayon Məhkəməsi vasitəsi ilə Bakı Apellyasiya Məhkəməsinin cinayət kollegiyasına apelyasiya şikayəti verilə bilər. Sədrlik edən, Hüseyn Səfərov