Bakı Şəhəri Nərimanov Rayon Məhkəməsi Qərar — İş №1(005)-197/2024

Azərbaycan Respublikası adından QƏRAR Bakı şəhəri İş № 1(005)-197/2024 14.03.2024 BAKI ŞƏHƏRİ NƏRİMANOV RAYON MƏHKƏMƏSİ Hakim Əsədova Gültəkin Akif qızının sədrliyi, Məmmədhəsənov Fərman Salman oğlunun katibliyi, dövlət ittihamçısı - Azərbaycan Respublikası Baş Prokurorluğunun Dövlət ittihamının müdafiəsi üzrə idarəsinin Bakı şəhərinin rayon məhkəmələrində dövlət ittihamının müdafiəsi üzrə şöbəsinin prokuroru Dövlət ittihamçısı, təqsirləndirilən şəxs X3 və onun müdafiəçisi fərdi qaydada fəaliyyət göstərən vəkil Müdafiəçi iştirakları ilə, xx.xx.1971-ci ildə Bərdə rayonu, Mirzalıbəyli kəndində anadan olmuş, Azərbaycan Respublikası vətəndaşı, evli, orta təhsilli, məhkum olunmamış, fərdi əməklə məşğul olan, Bərdə rayonu, Mirzalıbəyli kəndində qeydiyyatda olmaqla həmin ünvanda yaşamış, barəsində həbs qətimkan tədbiri seçilməklə Azərbaycan Respublikası Ədliyyə Nazirliyi Penitensiar Bakı İstintaq Təcridxanasında saxlanılan X3 Azərbaycan Respublikası Cinayət Məcəlləsinin (bundan sonra - CM) 178.2.1-ci maddəsində nəzərdə tutulan cinayət əməlini törətməkdə təqsirləndirilməsinə dair cinayət işinə məhkəmənin inzibati binasında, açıq məhkəmə hazırlıq iclasında baxaraq, məhkəmə MÜƏYYƏN ETDİ: X6 qabaqcadan əlbir olan bir qrup şəxs halında etibardan sui-istifadə etmə və aldatma yolu ilə özgənin əmlakını ələ keçirməklə dələduzluq etmişdir. Belə ki, X6 tanışı X5 ilə qabaqcadan əlbir olan bir qrup şəxs halında özgənin əmlakını ələ keçirmək məqsədi ilə birləşib özünü Almaniya Federativ Respublikasına köç etməklə orada yaşayan, lakin daimi və müvəqqəti yaşamaq icazəsi olmayan Azərbaycan Respublikası vətəndaşlarına oturma icazəsi və ya siyasi sığınacaq almaq imkanlarına malik olan şəxs kim təqdim edib inam yaratmaqla eyni məqsədlə ona müraciət etmiş Zərərçəkmiş şəxs etibarından suiistifadə edərək arvadı ilə birlikdə Almaniya Federativ Respublikasında yaşamaq və işləmək hüququ verən oturum icazəsi alınmasını təmin edəcəyinə dair yalan vəd verib aldatmaqla sənədləşmə işlərinin həyata keçirilməsi adı ilə 2017-ci ilin oktyabr ayının ortalarında Bakı şəhəri, Nərimanov rayonu, Təbriz küçəsində yerləşən "MetroPark” ticarət və əyləncə mərkəzinin qarşısında görüşdürdükləri şəxsiyyətləri istintaqla dəqiqiləşdirilməyən özlərinin təyin etdikləri cinayətdən xəbərsiz şəxslər vasitəsilə sonuncunun həmin dövrün məzənnəsi ilə 1436,82 manat təşkil edən 700 avro məbləğində pul vəsaitini ələ keçirib Elçin Abdullayevlə aralarında bölməklə şəxsi ehtiyacları üçün sərf edərək zərəçəkmiş şəxs Zərərçəkmiş şəxs məxsus özgənin əmlakının qabaqcadan əlbir olan bir qrup şəxs halında etibardan sui-istifadə etmə və aldatma yolu ilə ələ keçirərək dələduzluq etmişdir. X1 Azərbaycan Respublikası CM-in 178.2.1-ci maddəsində nəzərdə tutulmuş cinayət əməlini törətmişdir. Məhkəmə iclasında təqsirləndirilən şəxs X6 CM-in 178.2.1-ci maddəsində nəzərdə tutulmuş əməli törətməkdə özünü təqsirli bilib Zərərçəkmiş şəxs ilə barışdığını, ona dəyən ziyanı tam, eyni zamanda vurulmuş ziyanın 25 faizi miqdarında pulu dövlət büdcəsinə ödədiyini söyləyərək iş üzrə icraata xitam verilməsini məhkəmədən xahiş etdi. Zərərçəkmiş şəxs notarial qaydada təsdiq edilmiş ərizə təqdim edərək təqsirləndirilən şəxslə barışdığını, ona dəyən ziyanın ödənildiyini, ona qarşı şikayət və tələbinin olmadığını bildirərək bu barədə ərizəni məhkəməyə təqdim etdi. Məhkəmə, proses iştirakçılarını dinləyib və iş materiallarını nəzərdən keçirib hesab edir ki, X6 zərərçəkmiş şəxslə barışdığından, ona dəyən ziyanı ödəyərək sonuncunun ona qarşı tələbi olmadığından, həmçinin cinayət nəticəsində dəyən ziyanın 25 faizi məbləğində dövlət büdcəsinə ödəniş etdiyindən o, CM-nin 178.2.1-ci maddəsi ilə cinayət məsuliyyətindən azad olunmalı və iş üzrə həmin hissədə icraata xitam verilməlidir. Belə ki, Azərbaycan Respublikası Cinayət-Prosessual Məcəlləsinin (bundan sonra - CPM): 40.3-cü maddəsinə əsasən şəxsin cinayət məsuliyyətindən azad edilməsi üçün CM-in 72.2ci, 73.2-ci, 73.3-cü, 73-1.1-ci və 73-1.2-ci maddələrində, habelə Xüsusi hissəsinin müvafiq maddələrində nəzərdə tutulmuş hallar müəyyən edildikdə təhqiqatçının və ya müstəntiqin prokurorla razılaşdırılmış qərarına əsasən cinayət təqibi başlanılmır və ya ona xitam verilir; 43.1.2-ci maddəsinə əsasən bu Məcəllənin 39.1.4, 39.1.6-39.1.11, 40.3 və 40.4cü maddələrində nəzərdə tutulmuş hallar olduqda məhkəmə baxışı gedişində təqsirləndirilən şəxsə qarşı cinayət təqibinə xitam verilməsi barədə məhkəmə qərarı çıxarılır; CM-in 73-1.2-ci maddəsinə əsasən bu Məcəllənin 178.2, 179.2 186.2.1, 189-1.2-1-ci maddələrində nəzərdə tutulmuş əməli (əməlləri) törətmiş, zərərçəkmiş şəxslə barışmış və dəymiş ziyanı tamamilə ödəmiş şəxs, cinayət nəticəsində vurulmuş ziyanın iyirmi beş faizi miqdarında dövlət büdcəsinə ödəniş etdikdə cinayət məsuliyyətindən azad edilir. Məhkəməyə təqdim edilmiş: Bakı şəhəri Nərimanov Rayon Məhkəməsinin xx.xx.2020-ci il tarixli 4(005)-1149/2020 nömrəli qərarından görünür ki, X6 barəsində “həbs” qətimkan tədbiri seçilmiş, həbsdə saxlama müddəti 03 ay müddətində müəyyən edilmiş, tutularaq dərhal həbs edilməsi qərara alınmışdır. “Axtarışda olan şəxsin tutulması haqqında” 12 oktyabr 2023-cü il tarixli protokoldan görünür ki, 12 oktyabr 2023-cü il tarixdə X6 DİN-in X8 İdarəsinin əməkdaşları tərəfindən saxlanılmış və Ədliyyə Nazirliyi Penitensiar Xidmətin Bakı istintaq Təcridxanasına yerləşdirilmişdir. Bakı şəhəri Nərimanov Rayon Məhkəməsinin xx.xx.2023-cü il tarixli 4(005)-1741/2023 nömrəli qərarından görünür ki, X3 həbsdə saxlanılma müddəti 02 ay müddətində müddətinə, yəni 05 mart 2024-cü il tarixədək uzadılmışdır. İş üzrə Azərbaycan Respublikası DİN-nin BƏSİİ-dən alınmış tələbnamədən görünür ki, təqsirləndirilən şəxs X6 əvvəllər məhkum edilməmişdir. Zərərçəkmiş şəxs notarial qaydada təsdiq edilmiş xx.xx.2024-cü il tarixli ərizəsindən görünür ki, o, X6 ilə barışmış, ona dəyən ziyan tam ödənilmiş, ona qarşı şikayət və tələbi yoxdur, gələcəkdə də olmayacaq; Əhmədov X4 Respublikasında təhsil alması ilə əlaqədar olaraq məhkəmə iclasında iştirak edə bilmədiyinə görə məhkəmə iclaslarının onun iştirakı olmadan aparılmasını xahiş etmişdir. "xxxx" ASC-nin İçərişəhər filialının xx.xx.2024-cü il tarixli, 15975 nömrəli ödəniş qəbzindən görünür ki, X6 tərəfindən X2 dəymiş zərərin 25 faizi, yəni 360 manat pul ödənilmişdir. Beləliklə, məhkəmə təqsirləndirilən şəxs X3 Zərərçəkmiş şəxs ilə barışdığını və ona vurulmuş ziyanı tam ödəməsini, həmçinin cinayət nəticəsində vurulmuş ziyanın iyirmi beş faizi miqdarında dövlət büdcəsinə ödəniş etdiyini (1436,82 manat (700 avro) -25 faizi 360 manat), prosessual qanununvericiliyin yuxarıda sadalanan müddəalarını nəzərə alıb hesab edir ki, CM-in 73-1.2-ci maddəsi tətbiq olunmaqla X3 CM-in 178.2.1-ci maddəsində nəzərdə tutulmuş cinayət əməlini törətməkdə təqsirləndirilməsinə dair cinayət işi üzrə icraata xitam verilməli və o, həmin maddə ilə cinayət məsuliyyətindən azad edilməlidir. Qeyd olunanlara əsasən və CPM-in 40, 43, 321, 344-347, 356, 384 və 385-ci maddələrini rəhbər tutaraq, məhkəmə QƏRARA ALDİ: Azərbaycan Respublikası Cinayət Məcəlləsinin 73-1.2-ci maddəsi tətbiq edilməklə X6 həmin Məcəllənin 178.2.1-ci maddəsində nəzərdə tutulmuş cinayət əməlini törətməkdə təqsirləndirilməsinə dair cinayət işi üzrə cinayət məsuliyyətindən azad edilsin və iş üzrə icraata xitam verilsin. Təqsirləndirilən şəxs X6 barəsində seçilmiş “həbs” qətimkan tədbiri ləğv edilsin və məhkəmə iclas zalından həbsdən azad edilsin. Qərardan elan olduğu andan 20 gün müddətində Bakı Şəhəri Nərimanov Rayon Məhkəməsi vasitəsi ilə Bakı Apellyasiya Məhkəməsinin Cinayət Kollegiyasına apellyasiya şikayəti və ya protesti verilə bilər. Qərardan apellyasiya qaydasında protest və ya şikayət verilməmişsə, qərar həmin müddətin başa çatdığı vaxtdan sonrakı gün qüvvəyə minir. Hakim: Gültəkin Əsədova