Bakı Şəhəri Nərimanov Rayon Məhkəməsi Hökm — İş №1(005)-234/2023

Azərbaycan Respublikası adından HÖKM Bakı şəhəri İş № 1(005)-234/2023 07.06.2023 BAKI ŞƏHƏRİ NƏRİMANOV RAYON MƏHKƏMƏSİ Hakim Kamranov Hafiz Eldar oğlunun sədrliyi, Əhmədova Aynur Əvəz qızının katibliyi, Dövlət ittihamçısı - Azərbaycan Respublikası Baş Prokurorluğunun Dövlət ittihamının müdafiəsi üzrə idarəsinin Bakı şəhər prokurorluğunun Dövlət ittihamının müdafiəsi üzrə şöbəsinin prokuroru Dövlət ittihamçısı, Müdafiəçi – Bakı şəhəri 20 saylı Vəkil Bürosunun vəkili Müdafiəçi, Təqsirləndirilən şəxs – Təqsirləndirilən şəxs iştirakları ilə, xx.xx.1977-ci ildə Bakı şəhərində anadan olmuş, Azərbaycan Respublikası vətəndaşı, ali təhsilli subay, məhkumluğu olmayan, işləməyən, ünvan 1 ünvanında qeydiyyatda olmaqla həmin ünvanda yaşayan, barəsində həbs qətimkan tədbiri seçilməklə Azərbaycan Respublikası Ədliyyə Nazirliyi Penitensiar Xidmətinin 3 saylı İstintaq Təcridxanasında saxlanılan Təqsirləndirilən şəxs Azərbaycan Respublikası Cinayət Məcəlləsinin 177.2.1 və 177.2.3-cü maddələri ilə təqsirləndirilməsinə dair cinayət işinə məhkəmənin binasında, açıq məhkəmə iclasında baxaraq MÜƏYYƏN ETDİ: Təqsirləndirilən şəxs qabaqcadan əlbir olan bir qrup şəxs halında tamah niyyəti ilə yaşayış sahəsinə qanunsuz daxil olmaqla özgənin əmlakını gizli olaraq talayıb zərərçəkmiş şəxsə maddi ziyan vurmaqla oğurluq etmişdir. Belə ki, Təqsirləndirilən şəxs tamah niyyəti ilə özgənin əmlakını gizli olaraq talamaq məqsədi ilə tanışı X2 ilə qabaqcadan əlbir olub cinayət əlaqəsinə girərək, bir qrup şəxs halında 12 noyabr 2022-ci il tarixdə gecə saat 12 radələrində ünvan 3 ünvanında yerləşən yaşayış sahəsinə qanunsuz daxil olmaqla oradan həmin ünvanda yaşayan Zərərçəkmiş şəxs məxsus 15 manat dəyərində bir ədəd istifadədə olmuş, ağ rəngli, üzərində «Tefal 220- 240 V» yazısı olan elektrik çaydanın (altlığı ilə birlikdə). 25 manat dəyərində bir ədəd istifadədə olmuş, adapter ilə birlikdə: «Gigaset C530» markalı ev telefonunu, 120 manat dəyərində bir ədəd istifadədə olmuş, uşaq üçün «Segway» elektrik giroskuterini və 13.50 manat dəyərində bir ədəd üzərində «X7-1» yazısı olan bir litrlik şüşə butulkada araq içkisini gizli olaraq talayıb Zərərçəkmiş şəxs ümumilikdə 173,5 (yüz yetmiş üç manat əlli qəpik) manat məbləğində ziyan vurmaqla oğurluq etmişdir. Bununla da, Təqsirləndirilən şəxs Azərbaycan Respublikası CM-in 177.2.1 və 177.2.3-cü maddələrində nəzərdə tutulan cinayət əməlini törətmişdir. Məhkəmə iclasında Təqsirləndirilən şəxs ona qarşı irəli sürülmüş ittiham üzrə özünü təqsirli bilərək ifadəsində bildirmişdir ki, X1 uşaqlıq illərindən, yəni Bakı şəhəri 207 nömrəli tam orta məktəbində birlikdə oxuduqları vaxtdan tanıyır, onunla tez-tez görüşüb söhbətləşir və imkan olanda birlikdə yeyib-içirlər. 11 noyabr 2022-ci il tarixdə günorta saatlarında Musa ilə Nərimanov rayonu, A.Gəraybəyli küçəsində yerləşən yaşadığı evin yaxınlığında görüşüb söhbət edən zaman uzun müddətdən bəri birlikdə yeyib-içmədiklərini söyləyib pulsuzluqdan gileylənmişdir. Musa onun cavabında yaşadığı evin qonşuluğunda Hacı Murad küçəsi, ev 28A ünvanında yerləşən İlham adlı şəxsə məxsus evi göstərərək bir müddətdir ki, həmin evə kiminsə gəlib-getmədiyini bildirib bir yerdə yeyib-içmək, həmçinin siqaret və araq almaq üçün pul əldə etmək məqsədi ilə gecə vaxtı gizlincə həmin evə oğurluğa girməyi təklif etmiş, o da Musanın təklifi ilə razılaşmışdır. Bu məqsədlə gecə saat 02 radələrində Musanın yaşadığı evin yaxınlığında görüşməyi qərara alıb sağollaşmışlar. 12 noyabr 2022-ci il tarixdə gecə saat 02 radələrində qabaqcadan razılaşdıqları kimi, Musa ilə yaşadığı evin yaxınlığında görüşüb qonşusu İlhamın evini müşahidə etməyə başlamışlar. Bir neçə dəqiqə evi və ətrafı müşahidə etdikdən sonra tam sakitlik olduğunu və küçədə hər hansı şəxsin olmadığını görüb hasardan aşaraq evin həyətinə keçmişlər. Bir-iki dəqiqə həyətdə hasarın dibində çömbəlib evi müşahidə edərək tam sakitlik olduğunu və səs-səmir gəlmədiyindən əmin olduqdan sonra evin həyətindəki yardımçı tikilinin qapısının açıq olmasından istifadə edərək həmin tikiliyə girmişlər. Üzərilərində olan adətən siqaret çəkmək üçün istifadə etdikləri alışqan fənərinin işığında həmin tikilin axtarmağa başlamış, bu zaman tikilidə hovuzun kənarından uşaq üçün elektrik giroskuteri aşkar edib götürmüşlər. Mətbəx otağına keçib oram axtaran zaman qaz pilətəsinin yanından «Tefal» markalı elektrik çaydanı, həmin otağın qonşuluğundakı otaqda soyuducudan isə bir litrlik şüşə butulkada qablaşdırılmış «Dikiy oryol» arağı aşkar edib götürmüşlər. Yardımçı tikilidə yerləşən istirahət otağını axtaran zaman orada kiçik ölçülü masanın üzərindən «Gigaset C530» markalı ev telefonu və həmin telefonun adapterini aşkar edib götürərək oranı tərk edib hasarın yanına getmişlər. Orada o özü birinci olaraq hasarın üzərinə dırmaşmış və Musa oğurladıqları əşyaları aşağıdan bir-bir ona vermişdir. O. hasarın üzərindən həmin əşyaları ehtiyatla küçəyə, hasarın dibinə alıb özü də küçəyə tullanmışdır. Onun ardınca Musa da hasara dırmaşıb küçəyə tullanmış və birlikdə oğurladıqları əşyaları götürüb Musanın təklifi ilə onun yaşadığı ünvana aparıb qarajda gizlətmişlər. 12 noyabr 2022-ci il tarixdə günorta saatlarında Nərimanov RPİ-nin 16-cı polis bölməsinin əməkdaşları onu Atatürk prospektində saxlayıb həmin bölməyə apardığından imkan tapıb oğurladıqları əşyalar sata bilməmişlər. Həmin əşyaları Musanın yaşadığı ünvanda qarajda gizlətməkdə məqsədləri müştəri tapıb həmin əşyaları sataraq xərcləmək üçün 250-300 (iki yüz əlli üç yüz) manat pul əldə etmək olmuşdur. Törətdiyi əməldən peşmandır. Son olaraq əməlindən peşmançılıq çəkməsini, zərərçəkmiş şəxslə barışıq əldə etdiyini, zərərçəkmiş şəxsin ona qarşı heç bir tələbinin olmamasını qeyd edib barəsində yüngül cəza təyin edilməsini məhkəmədən xahiş etmişdir. Məhkəmə iclasına dəvət edilməsinə baxmayaraq Zərərçəkmiş şəxs məhkəmə iclasında iştirak etməmişdir. Tərəflərin razılığı ilə məhkəmə istintaqında onun ibtidai istintaqda vermiş olduğu ifadəsi elan olunmuşdur. İbtidai istintaq zamanı Zərərçəkmiş şəxs vermiş olduğu ifadədən aydın olur ki, ünvan 3 ünvanında qeydiyyatda olmaqla əri X3 və digər ailə üzvləri ilə birlikdə həmin ünvanda yaşayır. 11 noyabr 2022-ci il tarixdə axşam saat 20 radələrində şam yeməyi yedikdən sonra ailə üzvləri ilə birlikdə saat 23 radələrinədək televizora baxmış, saat 23-dən sonra öz yataq otağına keçib yatmışdır. 12 noyabr 2022-ci il tarixdə səhər saat 08 radələrində yataqdan qalxıb səhər yeməyi hazırlamaq üçün həyətdə yardımçı tikilidə mətbəx otağına gedən zaman mətbəx otağında «Tefal» markalı çaydanın yerində olmadığını görmüş, narahat olub yardımçı tikilini diqqətlə gözdən keçirən zaman azyaşlı nəvəsi üçün aldığı «Segway» markalı elektrik giroskuterinin, «Gigaset adapteri ilə birlikdə C530» markalı ev telefonunun və soyuducudan «Dikiy oryol» əmtəə nişanlı bir litrlik şüşə butulkada qablaşdırılmış araq içkisinin oğurlandığını aşkar etmiş, hadisə nəticəsində ona ümumilikdə 550 manat ziyan dəymişdir. İş materiallarında olan və məhkəmə baxışında tədqiq edilmiş: “Hadisə yerinə baxış keçirilməsi barədə” 12 noyabr 2022-ci il tarixli protokoldan görünür ki, Zərərçəkmiş şəxs müraciəti əsasında əməliyyat qrupu ilə hadisə yerinə gəldikdə müəyyən olunmuşdur ki, hadisə Bakı şəhəri, Nərimanov rayonu, Hacı Murad küçəsi, 28A saylı fərdi yaşayış evinin həyətində baş vermişdir. Yaşayış evi 3 mərtəbəli binadır. Baxış keçirilən zaman hadisə yerinin fotoşəkilləri çəkilərək protokola əlavə olunmuşdur. “Baxış keçirilməsi və götürmə aparılması haqqında” 14 noyabr 2022-ci il tarixli protokoldan görünür ki, baxış keçirilən yer ünvan 4 ünvanında yerləşən 7*4 ölçülərində 1 giriş qapısı olan qarajdır. Qarajın daxilində divarlara bərkidilmiş rəflər var. Baxış keçirilməsində iştirak edən Musa Məmmədov girişdən sağ tərəfdəki rəflərdən birinin üzərində olan əşyaları göstərib həmin əşyaları xx.xx.2022-ci il tarixdə tanışı Təqsirləndirilən şəxs ilə birlikdə ünvan 5 ünvanından oğurladıqlarını bildirdi. Qeyd olunan əşyalara baxış keçirilərkən bir ədəd «Tefal 220-240 V» yazısı olan elektrik çaydanını (altlığı ilə birlikdə), bir ədəd adapter ilə birlikdə «Gigaset C530» markalı ev telefonunu, uşaq üçün «Segway» elektrik giroskuterini və bir ədəd üzərində «X7-1» yazısı olan bir litrlik şüşə butulkada araq içkisindən ibarətdir. Baxış zamanı fotoşəkillər çəkilərək protokola əlavə olunmuşdur. “Baxış keçirilməsi haqqında” 14 noyabr 2022-ci il tarixli protokoldan görünür ki, baxış keçirilən yer ünvan 5 ünvanında yerləşən fərdi yaşayış evidir. Baxış zamanı Təqsirləndirilən şəxs bildirmişdir ki, 12 noyabr 2022-ci il tarixdə tanışı X2 ilə birlikdə hasardan keçməklə həmin evin həyətinə daxil olduqdan sonra həyətdəki yardımçı tikilidən bir ədəd «Tefal 220-240 V» yazısı olan elektrik çaydanını (altlığı ilə birlikdə), bir ədəd adapter ilə birlikdə «Gigaset C530» markalı ev telefonunu, uşaq üçün «Segway» elektrik giroskuterini və bir ədəd üzərində «X7-1» yazısı olan bir litrlik şüşə butulkada araq içkisini oğurlamışlar. Baxış zamanı Təqsirləndirilən şəxs hasardan keçməklə evin həyətinə daxil olduqları və sonradan oğurladıqları əşyaları çölə çıxardıqları yeri, eləcə də bir ədəd Tefal 220-240 V» yazısı olan elektrik çaydanını, bir ədəd üzərində «X7-1» yazısı olan bir litrlik şüşə butulkada araq içkisini götürdüyü yeri əli ilə göstərdi. “Tutma haqqında” 14 noyabr 2022-ci il tarixli protokoldan görünür ki, 14 noyabr 2022ci il tarixdə Təqsirləndirilən şəxs şübhəli şəxs qismində tutulmuşdur. Bakı şəhər Nərimanov rayon Məhkəməsinin 16 noyabr 2022-ci il tarixli, 4(005)- 1211/2022 nömrəli qərarından görünür ki, Azərbaycan Respublikası Cinayət Məcəlləsinin 177.2.1 və 177.2.3-cü maddələri ilə təqsirləndirilən şəxs qismində cəlb edilmiş Təqsirləndirilən şəxs barəsində həbs qətimkan tədbirinin seçilməsinə dair vəsatət təmin edilməmiş və Təqsirləndirilən şəxs dərhal məhkəmə iclas zalında həbsdən azad edilmişdir. “Polisin nəzarəti altına vermə qətimkan tədbirinin seçilməsi haqqında” 16 noyabr 2022-ci il tarixli qərardan görünür ki, Azərbaycan Respublikası Cinayət Məcəlləsinin 177.2.1 və 177.2.3-cü maddələri ilə Təqsirləndirilən şəxs barəsində “polisin nəzarəti altına vermə” qətimkan tədbiri seçilmişdir. Azərbaycan Respublikası Daxili İşlər Nazirliyinin Baş Əməliyyat və Statistik İnformasiya İdarəsi tərəfindən xx.xx.2022-ci il tarixdə tərtib edilmiş tələbnamədən görünür ki, Təqsirləndirilən şəxs barəsində xx.xx.2005-ci il tarixdə Səbail Rayon Polis İdarəsinin İstintaq Şöbəsi tərəfindən Azərbaycan Respublikası Cinayət Məcəlləsinin 221.1-ci maddəsi ilə cinayət işinin ibtidai istintaqı aparılmış və 10.12 .2005-ci il tarixdə Azərbaycan Respublikası Cinayət Prosessual Məcəlləsinin 40.2.1-ci maddəsi il işə xitam verilmişdir. Bakı şəhəri Binəqədi Rayon Məhkəməsinin xx.xx.2007-ci il tarixli hökmü ilə Azərbaycan Respublikası Cinayət Məcəlləsinin 263.1-ci maddəsi ilə təqsirli bilinərək 02 il 06 ay azadlığın məhdudlaşdırılması cəzasına məhkum edilmişdir. xx.xx.2009-cu il tarixdə Azərbaycan Respublikası Milli Məclisinin xx.xx.2009-cu il tarixli Amnistiya qərarına əsasən azad olunmuşdur. Ağır Cinayətlərə Dair İşlər Üzrə Azərbaycan Respublikası Məhkəməsinin xx.xx.2009-cu il tarixli qərarına əsasən Azərbaycan Respublikası Cinayət Məcəlləsinin 95.0.2-ci maddəsinə əsasən barəsində ümumi tipli psixiatriya stasionarında tibbi xarakterli məcburi tədbirlər tətbiq edilmiş və cinayət məsuliyyətindən və cəzadan azad edilmişdir. xx.xx.2017-ci il tarixdə Bakı şəhəri Nəsimi Rayon Məhkəməsinin qərarı ilə Azərbaycan Respublikası Cinayət Məcəlləsinin 263.1.2, 264-cü maddələrində nəzərdə tutulan ictimai təhlükəli əməli törədən zaman anlaqsız vəziyyətdə olduğu üçün cinayət məsuliyyətindən azad edilmişdir. Azərbaycan Respublikası Ədliyyə Nazirliyinin Məhkəmə Ekspertizası Mərkəzinin 9/8574 nömrəli 27 dekabr 2022-ci il tarixli ekspert rəyindən görünür ki, ekspertiza tədqiqatına təqdim edilən malların 2022-ci ilin noyabr ayına olan orta bazar qiyməti təxminən aşağıdakı kimi müəyyən olunur: bir ədəd istifadə olunmuş, ağ rəngli, üzərində «Tefal 220-240 V» yazısı olan elektrik çaydanı (altlığı ilə birlikdə) 15 manat, bir ədəd istifadədə olmuş, adapter ilə birlikdə «Gigaset C530» markalı ev telefonu 25 manat, bir ədəd istifadədə olmuş uşaq üçün «Segway» elektrik giroskuteri 120 manat, bir ədəd üzərində «X7-1» yazısı olan bir litrlik şüşə butulkada araq 13,50 manat. Aparılmış ekspertiza tədqiqatının dəyəri 50 (əlli) manatdır. Azərbaycan Respublikası Səhiyyə Nazirliyi “Məhkəmə Psixiatrik Ekspertiza Mərkəzi” X5 Ambulator Məhkəmə Psixiatrik Ekspertizasının xx.xx.2023-cü il tarixli, 36 nömrəli rəyindən görünür ki, Təqsirləndirilən şəxs törətdiyi əməl barəsində anlaqlı hesab edilməlidir. Təqsirləndirilən şəxs əməli Azərbaycan Respublikası Cinayət Məcəlləsinin 21ci maddəsinin təsiri altına düşmür. Təqsirləndirilən şəxs məcburi müalicəyə ehtiyacı yoxdur. “Sübutların qiymətləndirilməsi haqqında” 01 fevral 2023-cü il tarixli qərardan görünür ki, bir ədəd «Tefal 220-240 V» yazısı olan elektrik çaydanını (altlığı ilə birlikdə), bir ədəd adapter ilə birlikdə «Gigaset C530» markalı ev telefonunu, uşaq üçün «Segway» elektrik giroskuterini və bir ədəd üzərində «X7-1» yazısı olan bir litrlik şüşə butulkada araq içkisi maddi sübut hesab edilmiş və məhkəmənin yekun hökmünə qədər saxlanması üçün Zərərçəkmiş şəxs qaytarılmışdır. “Maddi sübutların təhvil verilməsi haqqında ” 01 fevral 2023-ü il tarixli protokoldan görünür ki, bir ədəd «Tefal 220-240 V» yazısı olan elektrik çaydanını (altlığı ilə birlikdə), bir ədəd adapter ilə birlikdə «Gigaset C530» markalı ev telefonunu, uşaq üçün «Segway» elektrik giroskuterini və bir ədəd üzərində «X7-1» yazısı olan bir litrlik şüşə butulkada araq içkisi məhkəmənin yekun hökmünə qədər saxlanması üçün Zərərçəkmiş şəxs təhvil verilmişdir. xx.xx.2023-cü il tarixli, AZ1069/********** nömrəli teleqramdan görünür ki, Zərərçəkmiş şəxs şikayət etdiyi Təqsirləndirilən şəxs ilə barışıq əldə etmiş, ona dəymiş zərər ödənilmiş və təqsirləndirilən şəxsin barəsində heç bir şikayət və tələbi yoxdur. Bakı Şəhər Nərimanov Rayon Məhkəməsinin 7(005)-85/2023 nömrəli, xx.xx.2023-cü il tarixli qərarından görünür ki, Azərbaycan Respublikası Cinayət Məcəlləsinin 177.2.1 və 177.2.3-cü maddələri ilə Təqsirləndirilən şəxs barəsində məhkəmə-psixiatrik ekspertizasının keçirilməsi üçün Azərbaycan Respublikası Səhiyyə Nazirliyi Məhkəmə Psixiatrik Ekspertizası Mərkəzinin stasionar məhkəmə-psixiatrik ekspertizası şöbəsinə yerləşdirilməsinə qərar verilmişdir. Azərbaycan Respublikası Səhiyyə Nazirliyi “Məhkəmə Psixiatrik Ekspertiza Mərkəzi” X5 Ambulator Məhkəmə Psixiatrik Ekspertizasının xx.xx.2023-cü il tarixli, 965 nömrəli rəyindən görünür ki, Təqsirləndirilən şəxs üzvi mənşəli şəxsiyyət pozuntusundan əziyyət çəkir. O keçirdiyi üzvi mənşəli şəxsiyyət pozuntusu nəticəsində cinayət hadisəsini törətdiyi dövrdə öz hərəkətlərinin faktiki xarakterini və ictimai təhlükəliliyini tam həcmdə dərk etmək və onları tam həcmdə idarə etmək iqtidarında olmamışdır. Lakin, o hal-hazırda öz hərəkətlərinin faktiki xarakterini və ictimai təhlükəliliyini dərk etmək və onları idarə etmək iqtidarındadır. Təqsirləndirilən şəxs üzvi mənşəli şəxsiyyət pozuntusundan əziyyət çəkməsinə baxmayaraq o cinayət əməlini törətdiyi dövrdə öz hərəkətlərinin faktiki xarakterini və ictimai təhlükəliliyini dərk etmək və onları idarə etmək iqtidarında olmuşdur. Buna görə də o təqsirləndirildiyi cinayət əməlinə görə anlaqlı hesab edilməlidir. Təqsirləndirilən şəxs əməli Azərbaycan Respublikası Cinayət Məcəlləsinin 21-ci maddəsinin təsiri altına düşmür. Təqsirləndirilən şəxs məcburi müalicəyə ehtiyacı yoxdur. Bakı şəhəri Nərimanov Rayon Məhkəməsinin 1(005)-234/2023 saylı, 26 aprel 2023-cü il tarixli qərardan görünür ki, Təqsirləndirilən şəxs barəsində axtarış elan edilmiş, barəsində seçilmiş “polisin nəzarəti altına vermə” iltizam qətimkan tədbirinin dəyişdirilməsi, barəsində həbs qismində qətimkan tədbiri seçilməsi və tutularaq dərhal həbs edilməsi, həbsetmənin əvvəlinin tutulduğu tarixdən hesablanması və qərarın icrasının Bakı şəhəri Nərimanov Polis İdarəsinə həvalə edilməsi, Təqsirləndirilən şəxs olduğu yer müəyyən edilənə və o, məhkəməyə gətirilənədək cinayət işi üzrə icraatın dayandırılması qərara alınmışdır. Azərbaycan Respublikası Daxili İşlər Nazirliyi Bakı şəhəri Nərimanov Rayon Polis İdarəsi 16-cı Polis Bölməsinin 08 may 2023-cü il tarixli, 3-13-50-1/2-4283/2023 nömrəli məktubundan görünür ki, Təqsirləndirilən şəxs xx.xx.2023-cü il tarixdə saxlanılaraq Azərbaycan Respublikası Ədliyyə Nazirliyi Penitensiar Xidmətin 03 saylı İstintaq Təcridxanasına etap olunması üçün Nərimanov RPİ-nin MSY-nə təhvil verilmişdir. “Axtarışda olan şəxsin tutulmasına dair” 08 may 2023-cü il tarixli protokoldan görünür ki, Təqsirləndirilən şəxs xx.xx.2023-cü il tarixdə saxlanılaraq Nərimanov RPİ-nin 16-cı PB-nə gətirilmişdir. Azərbaycan Respublikası Ədliyyə Nazirliyi Penitensiar Xidmətin 03 saylı İstintaq Təcridxanasının xx.xx.2023-cü il tarixli, 3-16-17/40/2-2149/2023 saylı məktubundan görünür ki, Təqsirləndirilən şəxs xx.xx.2023-cü il tarixdə Nərimanov RPİ-nin əməkdaşları tərəfindən tutularaq xx.xx.2023-cü il tarixdə saxlanılması üçün 3 saylı İstintaq Təcridxanasına gətirilmişdir. Məhkəmə, toplanmış və məhkəmə istintaqında tədqiq edilmiş sübutları tam, hərtərəfli və obyektiv araşdıraraq hesab edir ki, Təqsirləndirilən şəxs tərəfindən ittihamda qeyd olunan əməllərin törədilməsi onun etirafedici ifadəsi, mənbəyinin mötəbərliyi və əldə edilməsinin qanuniliyi şübhə doğurmayan və iş üzrə yekun nəticəyə gəlməyə imkan verən zərərçəkmiş şəxsin ifadəsi, istintaq hərəkətlərinin aparılması haqqında protokollar və iş üçün mühüm əhəmiyyət kəsb edən digər sübutlarla təsdiq edilərək sübuta yetirilmişdir. “Oğurluq, soyğunçuluq və quldurluğa dair işlər üzrə məhkəmə təcrübəsi haqqında” Azərbaycan Respublikası Ali Məhkəməsi Plenumunun 3 mart 2005-ci il tarixli Qərarına görə mülkiyyətçinin və ya əmlakın digər sahibinin və ya kənar şəxslərin olmadığı vaxt, yaxud həmin şəxslər olsa da, onların hiss etmədikləri şəraitdə əmlakı qanunsuz götürən şəxsin əməli əmlakın gizli talanması (oğurluq) kimi tövsif edilməlidir (2-ci bənd); təqsirli şəxsin talanmış əmlakdan istifadə etmək və ya onun üzərində istədiyi kimi sərəncam vermək üçün real imkan əldə etdiyi vaxtdan (məsələn, talanmış əmlakı öz xeyrinə və ya başqalarının nəfinə yönəltmək, yaxud tamah məqsədilə başqa formada onun üzərində sərəncam vermək), oğurluq və ya soyğunçuluq cinayəti bitmiş hesab edilir (7-ci bənd); yaşayış sahəsinə, habelə binaya, anbara və ya başqa saxlanc yerlərinə qanunsuz daxil olmaq dedikdə oğurluq, soyğunçuluq və ya quldurluq məqsədilə həmin yerlərə gizli və ya açıq formada girmək başa düşülməlidir. “Yaşayış sahəsinə binaya, anbara və ya başqa saxlanc yerlərinə daxil olmaq” anlayışına həmin yerlərə girmədən talanacaq predmetlərin oradan müxtəlif üsul və vasitələrlə götürülməsi, çıxarılması və s. kimi hərəkətlər də aiddir (19-cu bənd). Azərbaycan Respublikası Cinayət Məcəlləsinin 177.2.1 və 177.2.3-cü maddələrinə əsasən oğurluq, yəni özgənin əmlakını qabaqcadan əlbir olan bir qrup şəxs tərəfindən yaşayış sahəsinə, habelə binaya, anbara və ya başqa saxlanc yerlərinə qanunsuz daxil olmaqla törədildikdə bir ildən üç ilədək müddətə azadlığın məhdudlaşdırılması və ya iki ildən beş ilədək müddətə azadlıqdan məhrum etmə ilə cəzalandırılır. Məhkəmə hesab edir ki, Təqsirləndirilən şəxs əməlləri Azərbaycan Respublikası Cinayət Məcəlləsinin 177.2.1 və 177.2.3-cü maddələri ilə düzgün olaraq tövsif edilmişdir. Qeyd edilən əməlin cinayət olmasını aradan qaldıran hallar, həmçinin onun cinayət məsuliyyətindən azad edilməsi üçün əsaslar yoxdur. Odur ki, ona Azərbaycan Respublikası Cinayət Məcəlləsinin Ümumi hissəsinin müddəaları nəzərə alınmaqla Xüsusi hissəsinin müvafiq maddəsində nəzərdə tutulmuş həddə cəza təyin edilməlidir. Azərbaycan Respublikası Cinayət Məcəlləsinin: 8.1-ci maddəsinə görə cinayət törətmiş şəxs haqqında tətbiq edilən cəza və ya digər cinayət-hüquqi xarakterli tədbirlər ədalətli olmalıdır, yəni cinayətin xarakterinə və ictimai təhlükəlilik dərəcəsinə, onun törədilməsi hallarına və cinayət törətməkdə təqsirli bilinən şəxsin şəxsiyyətinə uyğun olmalıdır; 41.2-ci maddəsinə görə cəza sosial ədalətin bərpası, məhkumun islah edilməsi və həm məhkumlar, həm də başqa şəxslər tərəfindən yeni cinayətlərin törədilməsinin qarşısını almaq məqsədi ilə tətbiq edilir; 58.3-cü maddəsinə əsasən cəza təyin edilərkən cinayətin xarakteri və ictimai təhlükəlilik dərəcəsi, təqsirkarın şəxsiyyəti, o cümlədən cəzanı yüngülləşdirən və ağırlaşdıran hallar, habelə təyin olunmuş cəzanın şəxsin islah olunmasına və onun ailəsinin həyat şəraitinə təsiri nəzərə alınır. Məhkəmə qeyd edir ki, cəza cinayətin hüquqi nəticəsi olmaqla fərdin təqsirli olaraq törətdiyi ictimai təhlükəli əmələ görə dövlət tərəfindən kəskin mənfi münasibətin göstəricisi kimi çıxış edir. Cəza cinayət törətməkdə təqsirli hesab edilən şəxsə tətbiq olunur və həmin şəxs barəsində Cinayət Məcəlləsi ilə müəyyən edilən məhrumiyyətlər yaradılmasından və ya onun hüquq və azadlıqlarının məhdudlaşdırılmasından ibarətdir. Məhkəmə Təqsirləndirilən şəxs törətdiyi əməli etiraf edərək səmimi peşmançılıq çəkməsini, zərərçəkmiş şəxslə barışıq əldə etməsini, zərərçəkmiş şəxsin ona qarşı şikayət və tələbinin olmamasını nəzərə alır və onun cəzasını yüngülləşdirən hallar kimi qiymətləndirir. Təqsirləndirilən şəxs əməlində cəzanı ağırlaşdıran hallar müəyyən edilməmişdir. Məhkəmə hesab edir ki, Təqsirləndirilən şəxs cəza təyin edilərkən, törədilmiş cinayətin xarakterini və ictimai təhlükəlilik dərəcəsini, onun şəxsiyyətini, o cümlədən təqsirləndirilən şəxsin cəzasını yüngülləşdirən halların olmasını, cəzasını ağırlaşdıran halların olmamasını, habelə zərərçəkmiş şəxsin təqsirləndirilən şəxsə qarşı heç bir tələbinin olmamasını, təyin olunacaq cəzanın təqsirləndirilən şəxsin islah olunmasına və onun ailəsinin həyat şəraitinə təsiri nəzərə alınmalıdır. Bu baxımdan məhkəmə təqsirləndirilən şəxs barəsində cəza tətbiqi ilə əlaqədar Təqsirləndirilən şəxs Cinayət Məcəlləsinin onun təqsirli bilindiyi 177.2.1 və 177.2.3-cü maddələrinin sanksiyasında nəzərdə tutulmuş alternativ cəza növlərindən azadlığın məhdudlaşdırılması cəzasının təyin edilməsini cəzanın məqsədlərini təmin etmək üçün kifayət etdiyi qənaətinə gəlir. Azərbaycan Respublikasının Cinayət Məcəlləsinin 69.3-cü maddəsinə müvafiq olaraq hökm qanuni qüvvəyə minənədək həbsdə saxlamanın müddəti azadlığın məhdudlaşdırılması növündə cəzanın müddətinə bir günə iki gün hesabı ilə hesablanır. Bununla əlaqədar məhkəmə hesab edir ki, Təqsirləndirilən şəxs 14 noyabr 2022-ci il tarixdən 16 noyabr 2022-ci il tarixədək tutulduğu, 08 may 2023-cü il tarixdən 07 iyun 2023cü il tarixədək həbsdə saxlanıldığı, cəmi 01 ay 01 gün müddət bir günə iki gün hesabı ilə hesablanaraq 02 ay 02 gün azadlığın məhdudlaşdırılması cəzasının müddətinə daxil olmalı və bu müddət cəzadan çıxılmaqla ona qəti cəza təyin edilməlidir. Təqsirləndirilən şəxs barəsində seçilmiş «həbs» qətimkan tədbiri «başqa yerə getməmək haqqında iltizam» qətimkan tədbiri ilə əvəz edilməli və o, dərhal məhkəmə iclas zalından həbsdən azad edilməlidir. Təqsirləndirilən şəxs barəsində seçilmiş “başqa yerə getməmək haqqında iltizam” qətimkan tədbiri hökm qanuni qüvvəyə minənədək dəyişdirilmədən saxlanılmalıdır. Eyni zamanda Təqsirləndirilən şəxs Azərbaycan Respublikası Cinayət Məcəlləsinin 52- 1.2-ci maddəsinə nəzərdə tutulmuş vəzifələri yerinə yetirməli, Cəzaların İcrası Məcəlləsinin 51-2.1 və 51-3.1-ci maddələrinin tələblərinə uyğun cəzasını yaşayış yeri üzrə çəkməli, cəzasının icrası müddətinin əvvəli isə onun cəzanı icra edən orqanda qeydiyyata alındığı vaxtdan hesablanmalıdır. Ekspertiza tədqiqatının dəyəri 50 (əlli) manat Təqsirləndirilən şəxs tutularaq dövlət büdcəsinə keçirilməlidir. Məhkəmə hesab edir ki, iş üzrə maddi sübut kimi tanınmış bir ədəd «Tefal 220-240 V» yazısı olan elektrik çaydanının (altlığı ilə birlikdə), bir ədəd adapter ilə birlikdə «Gigaset C530» markalı ev telefonunun, uşaq üçün «Segway» elektrik giroskuterinin və bir ədəd üzərində «X7-1» yazısı olan bir litrlik şüşə butulkada araq içkisinin Zərərçəkmiş şəxs qaytarılması nəzərə alınmalıdır. Həmçinin məhkəmə hesab edir ki, Təqsirləndirilən şəxs məhkəmə iclaslarında dövlət hesabına hüquqlarını müdafiə etmiş Bakı şəhəri 20 saylı Vəkil Bürosunun vəkili Müdafiəçi sərf etdiyi hər iş saatına görə 6 (altı) manat hesab edilməklə, 10 iş saatına görə 60 manat məbləğində vəsait dövlət büdcəsindən tutularaq Bakı şəhəri 20 saylı Vəkil Bürosunun hesabına köçürülməlidir. «Azərbaycan Respublikasının Cinayət Məcəlləsində dəyişikliklər edilməsi haqqında» 07 mart 2012-ci il tarixli Azərbaycan Respublikası Qanununun 99-1.2-ci maddəsinə görə məhkəmə, hər bir cinayət işi üzrə Cinayət Məcəlləsinin 99-1.1-ci maddəsində nəzərdə tutulmuş müsadirə edilməli olan əmlakın olub-olmaması məsələsini həll etməlidir. Azərbaycan Respublikasının Cinayət Məcəlləsinin 99-1.1 və 99-1.1.1-ci maddəsinə əsasən məhkumun cinayət törədilərkən istifadə etdiyi alət və vasitələr (qanuni sahibinə qaytarılmalı olan alət və vasitələr istisna olmaqla) Xüsusi müsadirə olunan əmlak hesab olunur. Məhkəmə xüsusi müsadirə ilə bağlı məsələni müzakirə edərək hesab edir ki, hazırki iş üzrə belə bir əmlak olmadığından təqsirləndirilən şəxs barəsində xüsusi müsadirə ilə bağlı müddəa tətbiq edilməməlidir. Məhkəmənin gəldiyi nəticələr yalnız məhkəmə istintaqında tədqiq edilmiş sübutlara əsaslanır, bu sübutlar ittihamın qiymətləndirilməsi üçün kifayət edir və məhkəmənin müəyyən etdiyi hallar onun tədqiq etdiyi sübutlara uyğun gəlir. İş üzrə mülki iddia yoxdur. Göstərilənlərə əsasən və Azərbaycan Respublikası CPM-nin 344-347, 349, 351-353, 356, 358 və 384-cü maddələrini rəhbər tutaraq məhkəmə H Ö K M E T D İ: Təqsirləndirilən şəxs Azərbaycan Respublikası Cinayət Məcəlləsinin 177.2.1 və 177.2.3-cü maddələri ilə nəzərdə tutulmuş cinayət əməllərini törətməkdə təqsirli bilinsin və ona 02 il müddətinə azadlığın məhdudlaşdırılması cəzası təyin edilsin. Azərbaycan Respublikasının Cinayət Məcəlləsinin 69.3-cü maddəsinə əsasən Təqsirləndirilən şəxs məhkəməyədək icraat dövründə 14 noyabr 2022-ci il tarixdən 16 noyabr 2022-ci il tarixədək tutulduğu və 08 may 2023-cü il tarixdən 07 iyun 2023-cü il tarixədək həbsdə saxlanıldığı, cəmi 01 ay 01 gün müddət bir günə iki gün hesabı ilə hesablanaraq 02 ay 02 gün azadlığın məhdudlaşdırılması cəzasına bərabər tutulsun və təyin olunmuş cəzadan çıxılaraq üzərində qəti olaraq 01 il 09 ay 28 gün müddətinə azadlığın məhdudlaşdırılması cəzası saxlansın. Təqsirləndirilən şəxs barəsində seçilmiş «həbs» qətimkan tədbiri «başqa yerə getməmək haqqında iltizam» qətimkan tədbiri ilə əvəz edilsin və o, dərhal məhkəmə iclas zalından həbsdən azad edilsin. Təqsirləndirilən şəxs barəsində seçilmiş «başqa yerə getməmək haqqında iltizam» qətimkan tədbiri hökm qanuni qüvvəyə minənədək dəyişdirilmədən saxlanılsın. Azərbaycan Respublikası Cinayət Məcəlləsinin 52-1-ci maddəsinə əsasən Təqsirləndirilən şəxs üzərinə gün ərzində saat 23:00-dan 06:00-dək yaşayış yerini tərk etməmək, elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək, Bakı şəhərinin ərazi hüdudlarını tərk etməmək, müvafiq məhkəmə qərarı olmadan yaşayış yerini dəyişdirməmək, cəzanın icrasına nəzarət edən orqanı iş və ya təhsil yerinin dəyişdirilməsi barədə əvvəlcədən məlumatlandırmaq vəzifələri qoyulsun. Azadlığın məhdudlaşdırılması növündə cəzanın icrası müddəti Təqsirləndirilən şəxs cəzanı icra edən orqanda qeydiyyata alındığı vaxtdan hesablansın. Təqsirləndirilən şəxs təyin olunmuş azadlığın məhdudlaşdırılması cəzasının icrası Azərbaycan Respublikası Ədliyyə Nazirliyinin Bakı Şəhər Probasiya İdarəsinə həvalə edilsin. Cinayət işi üzrə maddi sübut bir ədəd «Tefal 220-240 V» yazısı olan elektrik çaydanının (altlığı ilə birlikdə), bir ədəd adapter ilə birlikdə «Gigaset C530» markalı ev telefonunun, uşaq üçün «Segway» elektrik giroskuterinin və bir ədəd üzərində «X7-1» yazısı olan bir litrlik şüşə butulkada araq içkisinin Zərərçəkmiş şəxs qaytarılması nəzərə alınsın. Ekspertiza tədqiqatının dəyəri 50 (əlli) manat Təqsirləndirilən şəxs tutulub dövlət büdcəsinə keçirilsin. Bakı şəhəri 20 saylı Vəkil Bürosunun vəkili Müdafiəçi tərəfindən Təqsirləndirilən şəxs hüquqlarının məhkəmə iclaslarında müdafiə edilməsinə görə sərf etdiyi hər iş saatına görə 6 (altı) manat hesab edilməklə, 10 iş saatı üçün cəmi 60 manat məbləğində vəsait dövlət büdcəsindən tutularaq Bakı şəhəri 20 saylı Vəkil Bürosunun hesabına ödənilsin. Hökmdən elan edildiyi və ya alındığı gündən 20 gün müddətində və Azərbaycan Respublikası CPM-nin 385-ci maddəsində müəyyən edilmiş qaydada Bakı Apellyasiya Məhkəməsinə apellyasiya şikayəti və protesti verilə bilər. Hökmdən apellyasiya qaydasında protest və ya şikayət verilməmişsə, hökm həmin müddətin başa çatdığı vaxtdan sonrakı gün qüvvəyə minir. Hakim Hafiz Kamranov