Bakı Şəhəri Nərimanov Rayon Məhkəməsi Qərar — İş №1(005)-414/2023

Azərbaycan Respublikası adından QƏRAR Bakı şəhəri İş № 1(005)-414/2023 04.08.2023 BAKI ŞƏHƏRİ NƏRİMANOV RAYON MƏHKƏMƏSİ Hakim Əlisoy Xalidə Kəramət qızının sədrliyi, Məhkəmə iclas katibi İsmayılov Pərvin Pərviz oğlunun katibliyi ilə, Xüsusi ittiham qaydasında şikayət vermiş – X1 iştirakları ilə, “Hüriyyət” Tv-nin You Tube kanalının baş redaktoru X2 Azərbaycan Respublikası Cinayət Məcəlləsinin 147.1-ci və 148-ci maddələri ilə cinayət məsuliyyətinə cəlb edilməsinə dair X3 tərəfindən xüsusi ittiham qaydasında verilmiş şikayət ərizəsinə və ona əlavə edilmiş sənədlərə məhkəmənin inzibati binasında, məhkəmənin hazırlıq iclasında baxaraq, məhkəmə Müəyyən etdi: X4 xüsusi ittiham qaydasında şikayətlə məhkəməyə müraciət edərək “Hüriyyət” Tvnin You Tube kanalının baş redaktoru X2 Azərbaycan Respublikası Cinayət Məcəlləsinin 147.1-ci və 148-ci maddələri ilə cinayət məsuliyyətinə cəlb edilməsini xahiş etmişdir. Şikayət vermiş şəxs X3 məhkəmədə ərizə ilə müraciət edərək “Hüriyyət”Tv-nin You Tube kanalının baş redaktoru X2 Azərbaycan Respublikası Cinayət Məcəlləsinin 147.1-ci və 148-ci maddələri ilə xüsusi ittiham qaydasında verilmiş şikayətin baxılmadan geri qaytarılmasını xahiş etmişdir. Məhkəmə, şikayət vermiş şəxs X1 müraciətini nəzərə alaraq hesab edir ki, şikayət geri qaytarılmalıdır. Azərbaycan Respublikası CPM-nin 122.7, 122.7.1, 122.7.3-ci maddələrinə əsasən cinayət prosesini həyata keçirən orqanın, yaxud istintaq və ya digər prosessual hərəkəti həyata keçirən şəxsin hərəkət və qərarından verilmiş şikayətləri, şikayəti verən şəxsin özü (şübhəli və ya təqsirləndirilən şəxsin qanuni mənafeləri naminə verilmiş şikayət yalnız onların razılığı ilə geri götürülə bilər), nümayəndəsinin şikayətini (qanuni nümayəndənin şikayətindən başqa) - mülki iddiaçı, zərər çəkmiş şəxs (xüsusi ittihamçı), mülki cavabdeh geri götürmək hüququna malikdir. Göründüyü kimi cinayət-prosessual qanunvericiliyi şəxsin cinayət prosesini həyata keçirən orqanın prosessual hərəkətlərdən və ya qərarlarından şikayət vermək hüququ ilə yanaşı, həmin şikayəti geri götürmək hüququnu da təsbit edir. Buna görə hazırki iş üzrə şikayətin geri götürülməsi barədə müraciət təmin edilməli, şikayət onu verən şəxsə qaytarılmalıdır. Göstərilənlərə əsasən və Azərbaycan Respublikası CPM-nin 449-452-ci maddələrini rəhbər tutaraq, məhkəmə QƏRARA ALDİ: X2 barəsində Azərbaycan Respublikası Cinayət Məcəlləsinin 147.1-ci və 148-ci maddələri ilə məsuliyyətə cəlb edilməsinə dair X3 tərəfindən verilmiş xüsusi ittiham qaydasında şikayət ona geri qaytarılsın. Qərardan elan olunduqdan sonra 20 gün müddətində qərarı qəbul etmiş Bakı Şəhəri Nərimanov Rayon Məhkəməsi vasitəsilə və ya bilavasitə Bakı Apellyasiya Məhkəməsinə apellyasiya şikayəti və ya protesti verilə bilər. Hakim Xalidə Əlisoy