Bakı Şəhəri Nəsimi Rayon Məhkəməsi Qərar — İş №1(006)-335/2025

Azərbaycan Respublikası adından QƏRAR Bakı şəhəri İş № 1(006)-335/2025 22.04.2025 BAKI ŞƏHƏRİ NƏSİMİ RAYON MƏHKƏMƏSİ Hakim Mustafayeva Solmaz Rafael qızının sədrliyi, Məhkəmə iclas katibi Qasımova Leyla Nurəddin qızının katibliyi, Dövlət ittihamçısı Azərbaycan Respublikası Baş Prokurorluğunun Dövlət ittihamının müdafiəsi üzrə İdarəsinin Bakı şəhərinin rayon məhkəmələrində dövlət ittihamının müdafiəsi üzrə şöbəsinin prokuroru Dövlət ittihamçısı, Zərər çəkmiş şəxs Zərərçəkmiş şəxs, Müdafiəçi «Universal» Vəkil Bürosunun vəkili Müdafiəçi, Təqsirləndirilən şəxs iştirakları ilə xx.xx.1979-cu il tarixdə İmişli rayonu, Qızılkənd kəndində anadan olmuş, Azərbaycan Respublikasının vətəndaşı, evli, ali təhsilli, fərdi əməklə məşğul olan, əvvəllər məhkum edilmiş və məhkumluğu ödənilməmiş (və ya götürülməmiş), İmişli rayonu, İmişli şəhəri, Məşədi Əzizbəyov küçəsi, ev 5 ünvanında qeydiyyatda olan və ünvan 1anında yaşayan Təqsirləndirilən şəxs Azərbaycan Respublikası Cinayət Məcəlləsinin 128-ci maddəsi ilə təqsirləndirilməsinə dair məhkəməyədək sadələşdirilmiş icraat üzrə toplanılmış materiala açıq məhkəmə iclasında baxaraq, M Ü Ə Y Y Ə N E T D İ: Təqsirləndirilən şəxs xx.xx.2025-ci il tarixdə saat təxminən 22:30-da Bakı şəhəri, Nəsimi rayonu, Cavadxan küçəsi ev 32-də yerləşən 20 saylı mənzilin qonaq otağnda arvadı Zərərçəkmiş şəxs ilə şəxsi münasibətlərin pozulması zəminində aralarında yaranmış mübahisə zamanı, qəsdən Zərərçəkmiş şəxs üz nahiyəsindən əl zərbələri vuraraq sonuncuya sağ göz qapaqları və gözaltı nahiyənin hematoması və həmin gözün ağlı qişasına qansızma xəsarəti yetirərək sağlamlığın qısa müddətə pozulmasına səbəb olan sağlamlığa qəsdən yüngül zərər vurmaya aid bədən xəsarətləri yetirmişdir. Məhkəmə iclasında Təqsirləndirilən şəxs ona qarşı elan edilmiş ittiham üzrə özünü təqsirli bilərək ifadəsində göstərmişdir ki, o, ünvan 2 ünvanında kirayə yaşayır. Zərərçəkmiş şəxs ilə 2003-cü ildə rəsmi nikaha daxil olmuşdur. Bu nikahdan 2006-cı və 2009-cu il təvəllüdlü iki qız övladı var. 2016-cı ildə baş vermiş cinayət hadisəsində təqsirli bilindiyi üçün 8 il müddətinə azadlıqdan məhrum edilmişdir. 2024-cü ilin avqust ayında həbsdən azad olunduqdan sonra ailəsi ilə birlikdə ünvan 3 ünvanında yerləşən 20 nömrəli mənzili kirayələrək orada yaşamağa başlamışdır. Birlikdə yaşadıqları müddətdə onunla arvadı arasında müəyyən səbəblərdən söz-söhbət və dava-dalaş olmuşdur. Sonuncu dəfə xx.xx.2025-ci il tarixdə saat təxminən 22:30-da yaşadığı ünvana gəldikdən sonra həyat yoldaşı ilə evə gec gəlməsi və həmin gün onun zənglərinə cavab verməməsi səbəbi ilə aralarında mübahisə zamanı əsəbləşib əl zərbəsi ilə həyat yoldaşının üzündən iki dəfə vurmuşdur. Bundan sonra İlahədən uzaqlaşıb digər otağa keçib istirahət etmişdir. Hadisə təxminən 5 dəqiqə müddətə baş vermiş, hadisənin kənardan şahidi olmamış, hadisə zamanı Zərərçəkmiş şəxs ona xəsarət yetirməmişdir. Törətdiyi əməldən peşmandır. Hazırda zərər çəkmiş şəxslə barışıq əldə etmişdir, işə xitam verilməsini xahiş edir. Məhkəmə iclasında zərər çəkmiş şəxs Zərərçəkmiş şəxs ifadəsində göstərmişdir ki, o, ünvan 1anında ailə üzvləri ilə birlikdə yaşayır. Təqsirləndirilən şəxs ilə 2003-cü ildə rəsmi nikaha daxil olaraq ailə həyatı qurmuşdur. Bu nikahdan 2006 və 2009-cu il təvəllüdlü iki qız övladları var. Ailəli olduqları müddətdə həyat yoldaşı bir neçə dəfə məhkumluq həyatı yaşamışdır. Sonuncu dəfə 2024-cü ilin avqust ayında həbsdən azad olmuş, həbsdən azad olunduqdan sonra birlikdə ünvan 1anında birlikdə yaşamağa davam etmişlər. Lakin birlikdə yaşadıqları gündən etibarən mütəmadi olaraq aralarında sözlü mübahisələr baş vermiş, hətta bu müddətdə əri onu bir neçə dəfə vurub xəsarət yetirmişdir. Lakin bu günədək döyülməyi barədə hər hansı bir quruma, aldığı xəsarətlərlə bağlı isə hər hansı xəstəxanaya müraciət etməmişdir. xx.xx.2025-ci il tarixdə saat təxminən 22:30-da kirayə yaşadılan Bakı şəhəri, Nəsimi rayonu, Cavadxan küçəsi, ev 32, mənzil 20-də əri Təqsirləndirilən şəxs mütəmadi evə gec gəlməsi, evin problemləri ilə maraqlanmaması və hadisə günü telefon zənglərinə cavab verməməsi səbəbilə aralarında yaranmış sözlü mübahisə zamanı əri onun üzündən əl zərbələri vuraraq onu döyüb xəsarət yetirmişdir. Hal hazırda ərindən rəsmi boşanmaq üçün İmişli rayon məhkəməsinə müraciət etmişdir. Onların arasında olan mübahisə təxminən 5 dəqiqə davam etmişdir. Hazırda onlar barışmış, ona dəymiş zərər ödənilmiş, Təqsirləndirilən şəxs qarşı şikayət və tələbi yoxdur. İş materiallarında olan Azərbaycan Respublikası Səhiyyə Nazirliyi “Məhkəmə-Tibbi Ekspertiza və X1” X2 335 saylı xx.xx.2025-ci il tarixli rəyindən görünür ki, Zərərçəkmiş şəxs bədənində aşkar edilmiş xəsarətlər - sağ göz qapaqları və gözaltı nahiyənin hematoması və həmin gözün ağlı qişasına qansızma bərk küt əşyanın təsirindən müayinədən 4-6 gün əvvəl əmələ gəlmişdir, qərarın təsviri hissəsində göstərilən xx.xx.2025-ci il tarixdə əmələ gələ bilərdilər və dərəcəsinə görə sağlamlığın qısa müddətə pozulmasına səbəb olan sağlamlığa yüngül zərər vurmaya aiddir. Zərərçəkmiş şəxs bədənində aşkar edilmiş xəsarətlərin xarakterini və lokanizasiyasını nəzərə alaraq demək olar ki, həmin xəsarətlərin qərarın təsviri hissəsində göstərilən şəraitdə,yəni insan bədəni hissəsinin (əl, ayaq və s) təsirindən əmələ gələ bilmələri mümkündür və şəxsin özü tərəfindən yetirilməsi az inandırıcıdır. İş materiallarında olan Azərbaycan Respublikası Daxili İşlər Nazirliyinin Baş Əməliyyat və Statistik İnformasiya İdarəsi tərəfindən verilmiş xx.xx.2025-ci il tarixli tələbnamədən görünür ki, Bakı şəhəri Nərimanov Rayon Məhkəməsinin xx.xx.2012-ci il tarixli hökmü ilə Azərbaycan Respublikası CM-nin 263.1-1-ci maddəsilə təqsirli bilinərək 02 il müddətində nəqliyyat vasitəsini idarə etmək hüququndan məhrum edilməklə 01 il 06 ay müddətində azadlıqdan məhrum etmə cəzasına məhkum edilmiş, xx.xx.2013-cü il tarixdə Azərbaycan Respublikası Milli Məclisinin xx.xx.2013-cü il tarixli amnistiya qərarının 1.1 bəndinə əsasən cəzasının qalan hissəsindən azad edilmişdir. Bakı Ağır Cinayətlər məhkəməsinin xx.xx.2017-ci il tarixli hökmü ilə Azərbaycan Respublikası CM-nin 134, 145.2.4, 149.2.1, 149.2.4, 29,150.1 və 151-ci maddələri ilə təqsirli bilinərək 66.3-cü maddəyə əsasən 08 il müddətinə azadlıqdan məhrum etmə cəzasına məhkum edilmiş, Xəzər rayon məhkəməsinin qərarı ilə xx.xx.2024-cü il tarixdə vaxtından əvvəl şərti azad edilmişdir. Beləliklə, məhkəmə istintaqı zamanı araşdırılan və tədqiq edilən təqsirləndirilən şəxsin etirafedici ifadəsinə, zərər çəkmiş şəxsin ifadəsinə, ekspert rəyinə, yuxarıda sadalanan digər sübutlara, onların məcmusuna tam, obyektiv və hərtərəfli hüquqi qiymət verərək, məhkəmə belə nəticəyə gəlir ki, cinayət hadisəsi törədilmişdir, törədilmiş cinayət hadisəsi ilə əlaqədar təqsirləndirilən şəxsin əməlində cinayət tərkibi vardır, cinayət əməlinin Təqsirləndirilən şəxs tərəfindən törədilməsi tam sübuta yetir, onun törətmiş olduğu cinayət əməli düzgün olaraq Cinayət Məcəlləsinin 128-ci maddəsi ilə tövsif edilmişdir. Təqsirləndirilən şəxs həmin maddədə göstərilən cinayət əməlini törətməkdə təqsirlidir və əməlin cinayət olmasını aradan qaldıran hallar yoxdur. Bununla belə məhkəmə hesab edir ki, Təqsirləndirilən şəxs zərər çəkmiş şəxslə barışdığı və dəymiş zərəri tamamilə ödədiyi üçün o, cinayət məsuliyyətindən azad olunaraq iş üzrə icraata xitam verilməlidir. Belə ki, Azərbaycan Respublikası Cinayət Məcəlləsinin 73.2-ci maddəsinə müvafiq olaraq bu Məcəllənin 127.1, 128, 129, 130, 131.2, 133.1, 134, 142.1, 143, 156.1, 157.1 və 158.1-ci maddələrində nəzərdə tutulmuş əməli (əməlləri) törətmiş şəxs zərər çəkmiş şəxslə barışdıqda və ona dəymiş ziyanı tamamilə ödədikdə cinayət məsuliyyətindən azad edilir. Azərbaycan Respublikası Cinayət-Prosessual Məcəlləsinin 39.1.8-ci maddəsinə əsasən zərər çəkmiş şəxsin şikayəti olmadıqda (cinayət təqibi xüsusi ittiham qaydasında həyata keçirildikdə, habelə cinayət təqibinin başlanmasına prokurorun təşəbbüsü olmadığı halda cinayət təqibi ictimai-xüsusi ittiham qaydasında həyata keçirildikdə) cinayət təqibi başlanıla bilməz, başlanmış cinayət təqibinə isə xitam verilməlidir (o cümlədən cinayət işi başlana bilməz, başlanılmış cinayət işi üzrə icraata isə xitam verilməlidir. Həmin Məcəllənin 40.1-ci maddəsinə əsasən cinayət qanunu ilə nəzərdə tutulmuş cinayət məsuliyyətindən və cəzadan azad etmə hallarının mövcudluğu cinayət təqibinin həyata keçirilməməsinə imkan verir. Məhkəmə həmçinin hesab edir ki, təqsirləndirilən şəxsin məhkəmə iclaslarında hüquqlarını müdafiə etmiş «Universal» Vəkil Bürosunun vəkili Müdafiəçi dövlət büdcəsi hesabına əmək haqqı ödənilməlidir. Belə ki, Azərbaycan Respublikası CPM-nin 193.2-ci maddəsinə əsasən şübhəli və ya təqsirləndirilən şəxsin müdafiəçinin xidmətlərini ödəməyə kifayət qədər vəsaiti yoxdursa və müdafiəçinin cinayət prosesində iştirakı bu Məcəllənin 92.3-cü maddəsində nəzərdə tutulmuş hallarda təmin olunmalıdırsa, cinayət prosesini həyata keçirən orqan həmin şəxsə hüquqi yardımın göstərilməsini Azərbaycan Respublikasının dövlət büdcəsi vəsaiti hesabına təmin etməlidir və Azərbaycan Respublikası Nazirlər Kabinetinin 03 may 2018-ci il tarixli 202 nömrəli Qərarına əsasən vəkilin sərf etdiyi hər saat üçün 6 manat miqdarında əmək haqqı ödənilməlidir. Odur ki, Təqsirləndirilən şəxs göstərilmiş hüquqi xidmətə görə «Universal» Vəkil Bürosunun vəkili Müdafiəçi məhkəmədə iştirak etdiyi 15 (on beş) saata görə 90 (doxsan) manat Azərbaycan Respublikası dövlət büdcəsi hesabından «Universal» Vəkil Bürosunun hesabına köçürülməlidir. İş üzrə mülki iddia və maddi sübut yoxdur. Göstərilənləri nəzərə alaraq və Azərbaycan Respublikası Cinayət-Prosessual Məcəlləsinin 39, 40, 43, 305, 321, 346-347, 356, 358 və 384-cü maddələrini rəhbər tutaraq məhkəmə maddələrini rəhbər tutaraq məhkəmə Q Ə R A R A A L D İ: Azərbaycan Respublikası Cinayət Məcəlləsinin 73.2-ci maddəsinə əsasən zərər çəkmiş şəxslə barışması və ona dəymiş ziyanı tamamilə ödəməsi ilə əlaqədar Təqsirləndirilən şəxs Azərbaycan Respublikası Cinayət Məcəlləsinin 128-ci maddəsi ilə təqsirli bilindiyi ittiham üzrə cinayət məsuliyyətindən azad edilsin və məhkəməyədək sadələşdirilmiş icraat materialı üzrə cinayət təqibinə xitam verilsin. Təqsirləndirilən şəxs göstərilmiş hüquqi xidmətə görə «Universal» Vəkil Bürosunun vəkili Müdafiəçi məhkəmədə iştirak etdiyi 15 (on beş) saata görə 90 (doxsan) manat Azərbaycan Respublikası Dövlət büdcəsi hesabından «Universal» Vəkil Bürosunun hesabına köçürülsün. Qərardan 20 (iyirmi) gün müddətində Bakı şəhəri Nəsimi Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti və apellyasiya protesti verilə bilər. Qərardan protest və ya şikayət verilməmişsə, qərar həmin müddətin başa çatdığı vaxtdan sonrakı gün qanuni qüvvəyə minir. Sədrlik edən Solmaz Mustafayeva