Bakı Şəhəri Nəsimi Rayon Məhkəməsi Hökm — İş №1(006)-466/2021

Azərbaycan Respublikası adından HÖKM Bakı şəhəri İş № 1(006)-466/2021 15.09.2021 BAKI ŞƏHƏRİ NƏSİMİ RAYON MƏHKƏMƏSİ Hakim Mustafayeva Solmaz Rafael qızının sədrliyi, Məhkəmə iclas katibi Fərəcova Təranə Aydın qızının katibliyi, Dövlət ittihamçısı Azərbaycan Respublikası Baş Prokurorluğunun Dövlət ittihamının müdafiəsi üzrə İdarəsinin Bakı şəhərinin rayon məhkəmələrində dövlət ittihamının müdafiəsi üzrə şöbəsinin prokuroru Dövlət ittihamçısı, Zərər çəkmiş şəxs Zərərçəkmiş şəxs, Müdafiəçi Bakı şəhəri 05 saylı Vəkil Bürosunun vəkili Müdafiəçi, Təqsirləndirilən şəxs iştirakları ilə, xx.xx.1981-ci il tarixdə Bakı şəhərində anadan olmuş, Azərbaycan Respublikasının vətəndaşı, orta təhsilli, evli, işləməyən, əvvəllər məhkum olunmamış, ünvan 1 ünvanında qeydiyyatda olmaqla həmin ünvanda yaşamış, barəsində “həbs” qətimkan tədbiri seçilərək Bakı İstintaq Təcridxanasında saxlanılan Təqsirləndirilən şəxs Azərbaycan Respublikasının Cinayət Məcəlləsinin 177.1-ci maddəsi ilə təqsirləndirilməsinə dair cinayət işinə açıq məhkəmə iclasında baxaraq, MÜƏYYƏN ETDİ: Təqsirləndirilən şəxs özgənin əmlakını gizli olaraq talayıb oğurluq etmişdir. Belə ki, Təqsirləndirilən şəxs 25.04.2021-ci il tarixdə, saat 09 radələrində ünvan 3 ünvanda yerləşən, müştərilərin giriş-çıxışı üçün sərbəst olan “Coffee Wave” adlı kofe satışı mağazasının qarşısından keçən zaman mağazanın daxilində heç kimin olmadığını və iş masasının üzərində “X3 10 Lite” markalı mobil telefon olduğunu görüb özgənin əmlakını gizli olaraq talamaq məqsədi ilə mağazaya daxil olaraq masanın üzərindən Zərərçəkmiş şəxs məxsus içərisində zərər çəkmiş şəxsin qiymətləndirməsinə görə 10 manat dəyərində ***-***-**-** saylı mobil nömrə olan 600 manat dəyərində “X3 10 Lite” markalı mobil telefon aparatını gizli olaraq talamaqla, ümumilikdə zərər çəkmiş şəxs Zərərçəkmiş şəxs 610 manat məbləğində maddi ziyan vuraraq oğurluq etmişdir. Məhkəmə istintaqı zamanı ifadə verən Təqsirləndirilən şəxs ona qarşı elan olunmuş ittiham üzrə özünü tam təqsirli bilərək ifadəsində göstərmişdir ki, 25.04.2021-ci il tarixdə Bakı şəhəri, Nəsimi rayonu Rəşid Behbudov küçəsi ilə SAB adlı aptekə dərman almaq üçün getmişdir. Lakin aptek işləmədiyindən həmin yolla geri qayıtmışdır. Həmin küçədə yerləşən “Coffee Wave” adlı kofe məkanının qarşısından keçərkən kofe almaq qərarına gəlmişdir. İçəri daxil olmuşdur. Kofe qurğusunun yanında heç kəs olmamış, sakit səslə kimsə varmı desə də cavab verən olmamışdır. Bu vaxt kassanın yanında mobil telefon olduğunu görmüş, mobil telefonu oğurlamaq qərarına gəlmişdir. Həmin vaxt ətrafda onu görə biləcək heç kəs olmamışdır. Mobil telefonu oğurlayıb həmin yerdən uzaqlaşmış, telefonu satıb pul əldə etmək istəmişdir. Lakin mobil telefona xüsusi kod qoyulduğundan onu aça bilməmişdir. Həmçinin mobil telefonun üzərində mobil nömrə olmuş, zəng gəlməsin deyə həmin nömrəni qırıb atmışdır. Mobil telefonu satmaq üçün Bakı şəhəri, Yasamal rayonu Telefon Qovşağının qarşısını getmişdir. Orada telefonu 1-2 nəfərə 250 manata satmaq istəmişdir. Lakin həmin şəxslər də mobil telefonun kodunu aça bilmədiyini görmüşlər. Lakin, həmin şəxslərə mobil telefonun oğurluq olduğunu deməmişdir. Daha sonra 2 nəfər mülki geyimdə polis əməkdaşları ona yaxınlaşıb özlərini təqdim etmişlər. Özünü şübhəli apardığı üçün Yasamal RPİ-nə dəvət etmişlər. İdarədə olarkən özünü təqdim etmiş, 25.04.2021-ci il tarixdə Bakı şəhəri, Nəsimi rayonu, Rəşid Behbudov küçəsində yerləşən “Coffee Wave” adlı kofe məkanından “X3 10 LİTE” markalı mobil telefonu oğurladığını etiraf etmişdir. Bundan sonra mobil telefonu təhvil vermiş və mobil telefonu təhvil verməyi protokollaşdırılmışdır. Daha sonra onu aidiyyətı üzrə Nəsimi RPİnin 21-ci PB-nin əməkdaşlarına təhvil vermişdir. Sonradan oğurladığı mobil telefonun həmin mağazada satıcı işləyən Gülmira adlı qadına məxsus olduğunu öyrənmişdir. Hazırda əməlindən peşmandır. Təqsirləndirilən şəxs Azərbaycan Respublikasının Cinayət Məcəlləsinin 177.1-ci maddəsində nəzərdə tutulmuş əməli törətməsi özünün etirafı ilə yanaşı, şahidlərin ifadələri, ekspert rəyləri və iş materiallarında olan digər sübutlar ilə tam sübuta yetirilmişdir. Belə ki, məhkəmə istintaqı zamanı zərər çəkmiş şəxs qismində dindirilmiş Zərərçəkmiş şəxs ifadəsində göstərmişdir ki, ünvan 4 ünvanında yerləşən “Coffee Wave” adlı kofe məkanında satıcı kimi fəaliyyət göstərir. 25.04.2021 tarixində, saat 09 radələrində işlədiyi obyekti açmışdır. Obyektə daxil olduqdan sonra kassanın yaxınlığında ona məxsus “X3 10 Lite” markalı dəyəri təqribən 1200AZN (bir min iki yüz) olan mobil telefonunu stolun üzərinə qoymuşdur. Həmin vaxt obyektdə və obyektin qarşısında heç kəs olmamışdır. Təxminən 5-10 dəqiqə ərzində obyektin ikinci mərtəbəsinə qalxaraq işini görüb geri qayıdanda telfonunun qoyduğu yerdə olmadığını görmüşdür. Bundan sonra telefonunun oğurlandığını başa düşmüşdür. Obyektin içərisində video müşahidə kameraları olmadığı üçün oğurluğun kim tərəfindən edildiyini bilməmişdir. Lakin mobil telefonunu koda qoyduğu üçün oğurlayan şəxsin onu istifadə edə bilməyəcəyini bilmişdir. Daha sonra baş vermiş oğurluq hadisəsi ilə əlaqədar Nəsimi RPİ-nin 21-ci PB-nə müraciət etmişdir. Ona oğurlanmış mobil telefonu qaytarıldığından, hazırda heç bir şikayət və tələbi yoxdur. Məhkəmə istintaqı zamanı şahid qismində dindirilmiş Şahid2 ifadəsində göstərmişdir ki, 25.04.2021-ci il tarixdə ünvan 5 ünvanında yerləşən X1rşısında "Elnur” adlı şəxsin 250 manat pul müqabilində şifrəsini bilmədiyi mobil telefonu satması barədə əməliyyat məlumatı daxil olmuşdur. Daxil olmuş məlumat əsasında Yasamal RPİ-nin CAŞ-nin əməliyyat müvəkkili Şahid1la birgə həmin yerə getmişlər. “Elnur” adlı şəxsi Yasamal RPİnə dəvət etdikdən sonra onun xx.xx.1981-ci il təvəllüdlü Təqsirləndirilən şəxs olduğu müəyyən olunmuşdur. Təqsirləndirilən şəxs satmağa çalışdığı “X3 10 Lite” markalı mobil telefonu 25.04.2021-ci il tarixdə, saat 10 radələrində Nəsimi rayonu, Rəşid Behbudov küçəsi 124 ünvanında yerləşşən “Coffee Wave” adlı kafedən oğurladığını bildirdi. Bundan sonra “X3 10 Lite” markalı mobil telefon Təqsirləndirilən şəxs protokolla götürülmüş və aidiyyəti üzrə Nəsimi RPİ-nin 21-ci PB-də göndərilmişdir. Məhkəmə istintaqı zamanı məhkəməyədək icraat dövründə şahid qismində dindirilmiş Şahid1 oğlunun ifadəsi tədqiq edildi və müəyyən olundu ki, o, Şahid2 ilə oxşar məzmunlu ifadə vermişdir. İş materiallarında olan: Ədliyyə Nazirliyinin Məhkəmə Ekspertiza Mərkəzinin 04 iyun 2021-ci il tarixli 9/2908 nömrəli rəyindən görünür ki, ekspertizaya təqdim edilmiş 1 ədəd “Samsung” markalı “SM- N770F/DS” mobil telefon aparatının satış üçün komplektləşdirilməsinə daxil olan aksesuarların olmamasını və istifadədə olduğunu nəzərə alaraq 2021-ci ilin aprel ayına olan orta bazar qiyməti təxminən 600,00 manat müəyyən olunur. Aparılmış tədqiqatın dəyəri 50 manat təşkil edir (İ cild, i.v.28-30); “Əşyanın maddi sübut kimi tanınması və təhvil verilməsi haqqında” 14.06.2021-ci il tarixli qərardan görünür ki, Zərərçəkmiş şəxs məxsus, 1 ədəd “Samsung” markalı “SM- N770F/DS” mobil telefon aparatı 14.06.2021-ci il tarixdə maddi subut kimi tanınaraq saxlanmasından ötru sahibinə qaytarılmışdır (İ cild, i.v.44); Azərbaycan Respublikası DİN-nin BƏSİİ-dən alınmış tələbnamədən görünür ki, Təqsirləndirilən şəxs 06.05.2021-ci il tarixdən Binəqədi RPİ tərəfindən Azərbaycan Respublikası Cinayət Məcəlləsinin 234.1-ci maddəsi ilə təqsirləndirilir və ********* nömrəli cinayət işi üzrə həbsdədir, hal -hazırda Bakı İstintaq Təcridxanasında saxlanılır. Məhkumluğu yoxdur (İ cild, i.v.25-27); Binəqədi Rayon Məhkəməsinin 4(001)-437/2021 nömrəli, 07.05.2021-ci il tarixli qərarından görünür ki, Təqsirləndirilən şəxs Azərbaycan Respublikası Cinayət Məcəlləsinin 234.1-ci maddəsi ilə təqsirləndirilməsinə dair ********* nömrəli cinayət işi üzrə barəsində 3 (üç) ay müddətinə həbs qətimkan tədbiri seçilmişdir (İ cild, i.v.51-53); “İfadənin yerində yoxlanılması protokolu”ndan görünür ki, Təqsirləndirilən şəxs ifadəsində göstərdiyi xüsusatları cinayət əməlini törətdiyi yerdə bir daha təsdiq etmişdir (İ cild, i.v.87-91); İşdə olan doğum haqqında şəhadətnamələrin surətindən görünür ki, Təqsirləndirilən şəxs evlidir, himayəsində 22.11.2019-cu il təvəllüdlü uşağı vardır (İ cild, i.v.93-94). Məhkəmə cinayət işi ilə bağlı qanunvericiliyin normalarına əsasən aşağıdakıları qeyd edir: Azərbaycan Respublikası Cinayət-Prosessual Məcəlləsinin 144-cü maddəsinə görə cinayət təqibi üzrə toplanmış sübutlar tam, hərtərəfli və obyektiv yoxlanılmalıdır. Yoxlama zamanı cinayət təqibi üzrə toplanmış sübutlar təhlil olunur və bir-biri ilə müqayisə edilir, yeni sübutlar toplanır, əldə olunmuş sübutların mənbəyinin mötəbərliyi müəyyənləşdirilir. Kondraşinanın Rusiya Federasiyasına qarşı işində Avropa İnsan Hüquqları Məhkəməsi qeyd etmişdir ki, məhkəmələr qərar qəbul edərkən hüququn aliliyinə riayət etməlidirlər. Hüququn aliliyinin əsas aspektlərindən biri hüquqi müəyyənlik prinsipidir ki, onun tələbinə görə məhkəmələr yekun qərarı elə qəbul etməlidirlər ki, o mübahisə edilməsin. Avropa Məhkəməsinin «Qavazov Bolqarıstana» qarşı 06 mart 2008-ci il tarixli Qərarında qeyd edilmişdir ki, sübutlar qiymətləndirilərkən, bir qayda olaraq əsaslı şübhədən kənar standartlar tətbiq edilir (§ 93). Məhkəmə təqsirləndirilən şəxsə istinad edilən cinayət əməlinə cinayət-prosessual qanunvericiliyin sübutlar və sübutetmə ilə bağlı müddəaları baxımından yanaşaraq hesab edir ki, ittihamın əsası kimi məhkəmə istintaqında tədqiq edilmiş sübutlar həqiqiliyinə, yaranma mənbəyinə və əldə edilməsi hallarına görə sübut kimi qəbul ediləndir, sübutların hüquqi qüvvəsini şübhə altına alan hallar yoxdur və onların məcmusu ittihama qiymət verilməsi baxımından kifayət edir. "Oğurluq, soyğunçuluq və quldurluğa dair işlər üzrə məhkəmə təcrübəsi haqqında” Azərbaycan Respublikası Ali Məhkəməsi Plenumunun 03 mart 2005-ci il tarixli Qərarına görə mülkiyyətçinin və ya əmlakın digər sahibinin və ya kənar şəxslərin olmadığı vaxt, yaxud həmin şəxslər olsa da, onların hiss etmədikləri şəraitdə əmlakı qanunsuz götürən şəxsin əməli əmlakın gizli talanması (qulruğo) kimi tövsif edilməlidir (2-ci bənd); təqsirli şəxsin talanmış əmlakdan istifadə etmək və ya onun üzərində istədiyi kimi sərəncam vermək üçün real imkan əldə etdiyi vaxtdan (məsələn, talanmış əmlakı öz xeyrinə və ya başqalarının nəfinə yönəltmək, yaxud tamah məqsədilə başqa formada onun üzərində sərəncam vermək), oğurluq cinayəti bitmiş hesab edilir (7-ci bənd); talanmış əmlakın qiyməti müəyyən edilərkən, cinayət törədilən vaxt həmin əmlakın faktiki dəyəri əsas götürülməlidir. Talanmış əmlakın qiyməti barədə məlumat olmadıqda talanmış əmlakın qiyməti ekspert rəyi ilə müəyyən edilə bilər (27-ci bənd). Beləliklə, məhkəmə cinayət təqibi ilə bağlı mühüm əhəmiyyətə malik olan halları araşdırıb, Azərbaycan Respublikasının Cinayət-Prosessual Məcəlləsinin tələblərinə uyğun olaraq iş üzrə dindirilmiş şəxslərin ifadələrini, ibtidai istintaq və məhkəmə hərəkətlərinin protokollarını və digər sənədləri tədqiq edib, həmin sübutlara və onların məcmusuna tam, obyektiv və hərtərəfli hüquqi qiymət verib, belə nəticəyə gəlir ki, cinayət hadisəsi törədilmişdir, törədilmiş cinayət hadisəsi ilə əlaqədar təqsirləndirilən şəxsin əməlində cinayət tərkibi var, cinayət əməlinin Təqsirləndirilən şəxs tərəfindən törədilməsi tam sübuta yetir, onun törətmiş olduğu cinayət əməli düzgün olaraq Cinayət Məcəlləsinin 177.1-ci maddəsi ilə tövsif edilmiş, əməlin cinayət olmasını aradan qaldıran hallar və onun cinayət məsuliyyətindən, cəzadan azad olunması üçün əsaslar yoxdur. Ona görə də Cinayət- Prosessual Məcəllənin 44.2.4-cü maddəsinə əsasən təqsirləndirilən şəxsə cəza təyin etməklə ittiham hökmü çıxarılmalıdır. Məhkəmə təqsirləndirilən şəxsə cəza təyin edərkən cəza təyin etmənin ümumi əsaslarını nəzərə alaraq, CM-nin 8.1-ci maddəsinə əsasən təyin olunan cəzanın cinayətin xarakterinə və ictimai təhlükəlilik dərəcəsinə, onun törədilməsi hallarına və cinayət törətməkdə təqsirli bilinən şəxsin şəxsiyyətinə uyğun olmaqla ədalətli olmalı olduğunu, 41.2-ci maddəsinə əsasən cəzanın sosial ədalətin bərpası, məhkumların islah edilməsi və həm məhkumlar, həm də başqa şəxslər tərəfindən yeni cinayətlərin törədilməsinin qarşısını almaq məqsədi ilə tətbiq edilməli olduğunu, CM-nin 58.3-cü maddəsinə əsasən cinayətin xarakterini, ictimai təhlükəlilik dərəcəsini, təqsirkarın şəxsiyyətini, o cümlədən, cəzanı yüngülləşdirən və ağırlaşdıran halları, habelə təyin olunan cəzanın şəxsin islah olunmasına və onun ailəsinin həyat şəraitinə təsirini nəzərə alır. Çünki cəza təyin edilərkən ədalət və humanizm prinsiplərinə əməl edilməli olduğundan, “Penitensiar sahədə fəaliyyətin təkmilləşdirilməsi, cəza siyasətinin humanistləşdirilməsi və cəmiyyətdən təcridetmə ilə əlaqədar olmayan alternativ cəza və prosessual məcburiyyət tədbirlərinin tətbiqinin genişləndirilməsi barədə” Azərbaycan Respublikası Prezidentinin 10.02.2017-ci il tarixli Sərəncamı və “Məhkəmələr tərəfindən cinayət cəzalarının təyin edilməsi təcrubəsi haqqında” Ali Məhkəmənin Plenumunun 25.06.2003-cü il tarixli qərarındakı tövsiyələr nəzərə alınmalıdır. Qeyd olunanları rəhbər tutaraq, məhkəmə törədilən hazırkı cinayətə görə cəzanın növünü və həddini müəyyən edərkən aşağıdakıları nəzərə alır. CM-nin 58.1-ci maddəsinə əsasən cəzanın növü və həddi müəyyən edilərkən, CMnin Ümumi hissəsinin müddəaları nəzərə alınmalı və Xüsusi hissəsinin müvafiq maddələrində nəzərdə tutulmuş hədlərdə ədalətli təyin edilməlidir. Törədilmiş cinayətə görə nəzərdə tutulmuş cəzalardan daha ciddi cəza növü və ya həddi yalnız o halda təyin edilir ki, az ciddi cəza növü və ya həddi cəzanın məqsədlərini təmin edə bilmir. Məhkəmə, Azərbaycan Respublikasının CM-nin 59-cu maddəsinə əsaslanmaqla cəza təyin edərkən Təqsirləndirilən şəxs təqsirləndirildiyi hazırki cinayət əməlinə qədər cinayət məsuliyyətinə cəlb edilməməsini, himayəsində azyaşlı uşağının olmasını, əməlini səmimi olaraq etiraf edib peşman olmasını, zərər çəkmiş şəxsin ona qarşı şikayətinin olmamasını cəzasını yüngülləşdirən hallar kimi qiymətləndirir. Azərbaycan Respublikasının CM-nin 61-ci maddəsinə əsasən Təqsirləndirilən şəxs oğlunun əməlində cəzanı ağırlaşdıran hallar müəyyən olunmamışdır. Məhkəmə Təqsirləndirilən şəxs cəza təyin etmək məsələsini həll edərkən törədilmiş cinayətin xarakterini, ictimai təhlükəlilik dərəcəsini, təqsirləndirilən şəxsin şəxsiyyətini, eləcə də, cəzanı yüngülləşdirən halları, cəzanı ağırlaşdıran halların isə olmamasını nəzərə alaraq hesab edir ki, ona ittiham olunduğu maddənin sanksiyasında nəzərdə tutulmuş azadlığın məhdudlaşdırılması növündə cəza təyin edilməsi ilə onu islah etmək mümkündür və ona görə də, o, təqsirli bilindiyi Azərbaycan Respublikasının CM-nin 177.1-ci maddəsinin sanksiyasında nəzərdə tutulan azadlığın məhdudlaşdırılması növündə cəzaya məhkum edilməlidir. Cəzaçəkmə müddətinin əvvəli onun cəzanı icra edən orqanda qeydiyyata alındığı vaxtdan hesablanmalıdır. Hökmün icrasına nəzarət Təqsirləndirilən şəxs yaşayış yeri üzrə icra və Probasiya Şöbəsinə həvalə edilməlidir. Məhkəmə həmçinin hesab edir ki, Təqsirləndirilən şəxs üzərinə Bakı şəhərinin ərazi hüdudlarını tərk etməmək, elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək, müvafiq məhkəmə qərarı olmadan yaşayış yerini dəyişdirməmək, yaşayış yerini saat 23:00-dan növbəti gün saat 06:00-dək tərk etməmək, habelə cəzanın icrasına nəzarət edən orqanı iş və ya təhsil yerinin dəyişdirilməsi barədə əvvəlcədən məlumatlandırmaq vəzifələri qoyulmalıdır. Həmçinin, cinayət işi üzrə aparılmış məhkəmə əmtəəşünaslıq ekspertizası tədqiqatının xərci olaraq 50 (əlli) manat Təqsirləndirilən şəxs tutularaq Azərbaycan Respublikasının Ədliyyə Nazirliyinin Məhkəmə Ekspertizası Mərkəzinin hesabına köçürülməlidir. Cinayət işi üzrə maddi sübut kimi tanınmış 01 ədəd “X3 10 Lite” markalı mobil telefonun zərər çəkmiş şəxs Zərərçəkmiş şəxs qaytarılması nəzərə alınmalıdır. Azərbaycan Respublikası Cinayət-Prosessual Məcəlləsinin 193.2-ci maddəsinə əsasən şübhəli və ya təqsirləndirilən şəxsin müdafiəçinin xidmətlərini ödəməyə kifayət qədər vəsaiti yoxdursa və müdafiəçinin cinayət prosesində iştirakı bu Məcəllənin 92.3-cü maddəsində nəzərdə tutulmuş hallarda təmin olunmalıdırsa, cinayət prosesini həyata keçirən orqan həmin şəxsə hüquqi yardımın göstərilməsini Azərbaycan Respublikasının dövlət büdcəsi vəsaiti hesabına təmin etməlidir. Həmin Məcəllənin 193.5-ci maddəsinə görə hüquqi yardım müdafiəçinin təqdim etdiyi hesabat əsasında hər iş saatı üçün Azərbaycan Respublikasının müvafiq icra hakimiyyəti orqanının müəyyən etdiyi miqdarda vəkillərin müvafiq ərazi qurumu vasitəsilə ödənilir. Müdafiəçilərə, tərcüməçilərə, mütəxəssislərə və ekspertlərə ödənilməli olan məbləğlərin miqdarı haqqında” Azərbaycan Respublikası Nazirlər Kabinetinin 2001-ci il 01 fevral tarixli 31 saylı Qərarına əsasən Azərbaycan Respublikası Cinayət-Prosessual Məcəlləsinin 193.2, 193.4-cü və 194-cü maddələrində nəzərdə tutulmuş hallarda hüquqi yardımın göstərilməsinə görə müdafiəçiyə (vəkilə) ödənilən haqq hər iş saatı üçün 6 manat məbləğində müəyyən edilmişdir. Qeyd olunanlara əsasən, Təqsirləndirilən şəxs göstərilmiş hüquqi xidmətə görə Bakı şəhəri 05 saylı Vəkil Bürosunun vəkili Müdafiəçi məhkəmədə iştirak etdiyi 12 saata görə 72 (yetmiş iki) manat Azərbaycan Respublikası Dövlət büdcəsi hesabından Bakı şəhəri 05 saylı Vəkil Bürosunun hesabına köçürülməlidir. Təqsirləndirilən şəxs barəsində seçilmiş “başqa yerə getməmək haqqında iltizam” qətimkan tədbiri hökm qanuni qüvvəyə minənədək dəyişdirilmədən saxlanılsın. Cinayət işi üzrə mülki iddia və xüsusi müsadirə edilməli əmlak yoxdur. Göstərilənləri nəzərə alaraq və Azərbaycan Respublikası Cinayət-Prosessual Məcəlləsinin 344-347-ci, 349-cu, 351-353-cü, 356-cı, 358-ci və 385-ci maddələrini rəhbər tutaraq, məhkəmə HÖKM ETDİ: Təqsirləndirilən şəxs Azərbaycan Respublikasının Cinayət Məcəlləsinin 177.1-ci maddəsi ilə təqsirli bilinərək 01 (bir) il müddətə azadlığın məhdudlaşdırılması cəzasına məhkum edilsin. Təqsirləndirilən şəxs üzərinə Bakı şəhərinin ərazi hüdudlarını tərk etməmək, elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək, müvafiq məhkəmə qərarı olmadan yaşayış yerini dəyişdirməmək, yaşayış yerini saat 23:00-dan növbəti gün saat 06:00-dək tərk etməmək, habelə cəzanın icrasına nəzarət edən orqanı iş və ya təhsil yerinin dəyişdirilməsi barədə əvvəlcədən məlumatlandırmaq vəzifələri qoyulsun. Təqsirləndirilən şəxs cəzasını yaşayış yeri üzrə çəksin, bu cəzanın icrası müddəti onun cəzanı icra edən - probasiya nəzarətini həyata keçirən orqanda qeydiyyata alındığı vaxtdan hesablansın. Cəzanın icrası Bakı Şəhər Probasiya İdarəsinə həvalə edilsin. Cinayət işi üzrə maddi sübut kimi tanınmış 01 ədəd “X3 10 Lite” markalı mobil telefonun zərər çəkmiş şəxs Zərərçəkmiş şəxs qaytarılması nəzərə alınsın. Cinayət işi üzrə keçirilmiş məhkəmə ekspertizasının xərci – 50 (əlli) manat Təqsirləndirilən şəxs tutularaq Azərbaycan Respublikasının Ədliyyə Nazirliyinin Məhkəmə Ekspertizası Mərkəzinin hesabına ödənilsin. Təqsirləndirilən şəxs göstərilmiş hüquqi xidmətə görə Bakı şəhəri 05 saylı Vəkil Bürosunun vəkili Müdafiəçi məhkəmədə iştirak etdiyi 12 saata görə 72 (yetmiş iki) manat Azərbaycan Respublikası Dövlət büdcəsi hesabından Bakı şəhəri 05 saylı Vəkil Bürosunun hesabına köçürülsün. Hökmdən, onun elan olunduğu andan (həbsdə saxlanılan şəxsə isə verildiyi vaxtdan) 20 (iyirmi) gün müddətində Bakı şəhəri Nəsimi Rayon Məhkəməsi vasitəsi ilə Bakı Apelyasiya Məhkəməsinə apelyasiya şikayəti və ya apelyasiya protesti verilə bilər. Hökm, ondan apelyasiya qaydasında şikayət və ya protest verilməmişsə, 20 (iyirmi) gün müddət başa çatdığı vaxtdan sonrakı gün qanuni qüvvəyə minir. Sədrlik edən Solmaz Mustafayeva